خروج المستأجر من العقار قبل انتهاء مدة العقد

[لبيبة]

السلام عليكم ورحمة الله وبركاته،

يوجد عقد إيجار ينص على أن على المستأجر دفع كامل الإيجار عن المدة المتبقية في العقد إن أراد أن ينهي العقد بإرادته.

والمؤجر يبي يطلع الشهر الجاي وبلغني بذلك.

وباقي على العقد 7 شهور،

ما هي الاجراءات في هالحالة لضمان حقي إنه يدفع المدة المتبقية حسب العقد؟

حسب اللي فهمته يبي يطلع لأن الإيجار مب عاجبه وغير رايه،

ولا اتوقع انه بيوافق يدفع المدة المتبقية،

وبحثت قبل لأكتب السؤال، وعرفت ان في لجنة لفض المنازعات الإيجارية،

وعرفت مكانها وين من قوقل (روضة الخيل)،

لكن وشو بتقدم لي هاللجنة وهل بتلزم الطرف المستأجر بدفع اللي عليه؟

وأي إضافة ما سألت عنها أكون شاكرة لكم.

[naklan]

والله يا خوي لبية بالنسبة لي اسامح عن المدة الباقية
اذا كان دافع كل الاجارات السابقة والفلة على حالها من غير أية
اضرار يطلع واجر على غيره وانتهى الموضوع

بالنسبة لك لك حق في مدة العقد الباقية وممكن تطالب بها
عن طريق المحكمة وان سامحت فهي طيب منك واجر عند الله
وهل تقبل ان تأخذ اجار منه وهو خارج من المنزل لذالك
الأفضل التفاهم ممكن تأخذ شهرين وتنهي العقد
وممكن تأخذ أجار الى ان يسكن احد غيره
الامر راجع لك والقرار لك ان سامحت
فهو عفو عند المقدرة

[لبيبة]

والله يا خوي لبية بالنسبة لي اسامح عن المدة الباقية
اذا كان دافع كل الاجارات السابقة والفلة على حالها من غير أية
اضرار يطلع واجر على غيره وانتهى الموضوع

بالنسبة لك لك حق في مدة العقد الباقية وممكن تطالب بها
عن طريق المحكمة وان سامحت فهي طيب منك واجر عند الله
وهل تقبل ان تأخذ اجار منه وهو خارج من المنزل لذالك
الأفضل التفاهم ممكن تأخذ شهرين وتنهي العقد
وممكن تأخذ أجار الى ان يسكن احد غيره
الامر راجع لك والقرار لك ان سامحت
فهو عفو عند المقدرة

شكرًا وهذا اللي نويت اسويه، اسامح واجري على الله،

لكن كنت ابي اعرف الاجراءات من باب المعرفة فقط.

جزاك الله كل خير.

[بن غيث]

قانونا ..
الابلاغ قبل انهاء العقد بشهرين مع اخطار المؤجر بذلك كتابيا
وفي عرف السوق ..
يطلع في اي وقت مع دفع شهر مقدم

[alwahesh]

روح اقرب مكتب محامي


وماله حق يطلع قبل المده الا ان وجد بديل يكمل الفتره الباقيه من العقد


وطبعا لازم تمر على لجنة المنازعات اذا عقدك موثق عندهم

[sara jsm]

قانونا ..
الابلاغ قبل انهاء العقد بشهرين مع اخطار المؤجر بذلك كتابيا
وفي عرف السوق ..
يطلع في اي وقت مع دفع شهر مقدم

اغلب العقود تنكتب اذا نوى المؤجر يطلع يبلغ صاحب العقار قبلها ب60 يوم ..
واما يكون في مبلغ تامين يدفعه لج او يعطيج اجار شهر مقدم ..
واذا انتي بتسامحينه فجزاج الله خير ..
واذا في مجال تنزلين في الاجار يمكن يكون افضل للطرفين ...
لان الايجارات نازله .. والله يوفقج حبيبتي

[لبيبة]

شكرًا للجميع، سامحته خلاص، وأرجو إغلاق الموضوع.

[SouthK]

الله يبارك لج

[الحياة الخالدة]

الله يبارك لج في حلالج أختي لبيبة ويجزاج خير