جي اكس ار ٦ سلندر او ثمانيه ؟

[MAZEN37]

اهل الخبره شرايكم
ابغي اشتري ال ٢٠١٩ جي اكس ار تماتك
تورنج ودروبي خطوط ومالي بالمطامر والاوف رود

[SouthK]

توكل على الله لكن للخطوط انصحك بجمس او شفر بيكم.

[style]

يعجبك الجمس فالخط،،،خل عنك آلتيوتا نصيحه وأنت براحتك

[الاسطوره]

اهل الخبره شرايكم
ابغي اشتري ال ظ¢ظ*ظ،ظ© جي اكس ار تماتك
تورنج ودروبي خطوط ومالي بالمطامر والاوف رود

8 سلندر لان الفرق بالسعر بسيط اذا بتاخذ اصفار

وكـ مواصفات وراحه في السواقه بعد الـ 8سلندر افضل

[اللوز]

اخذ لك تاهو والميزه الجديدة انه يقلب 4 سلندر وموفر للبترول وغير مميزات اخرى

[اللوز]

يعجبك الجمس فالخط،،،خل عنك آلتيوتا نصيحه وأنت براحتك

ما بعده من راحة
وسنين نسوق كروزر والكراسي متعبة جدا بالمقارنة مع الجمس والشفر

[Jspec]

هو موتر ممتاز جدا وعملي وارشح ال 6 سلندر للخطوط بس عيبه شي واحد فقط (الاسيات مش مريحه مثل الجمس او اللكزس)

اذا فيه مجال لاقتراح ثاني ارشح لك الانفنتي ال fx50s موتر فخم ومريح جدا جدا وسعره نفس الجكسار وميزة الانفنتي fx50s محركها نشيييط واقتصادي وحلوه للخطوط (السياره مش اوف رود بس تتحمل الكرف لانها اوف رود ناعم )

[رشودي]

الأمريكي لو قطع مسافات بعد فتره عند البيع ما يجيب شي خلاص بعد ال 150
صحيح الكروزر كراسي مب مريحة لكن لو ماشي 200 الف تقدر تبيعه و يجيبلك سعر

[ameeer3]

الأمريكي لو قطع مسافات بعد فتره عند البيع ما يجيب شي خلاص بعد ال 150
صحيح الكروزر كراسي مب مريحة لكن لو ماشي 200 الف تقدر تبيعه و يجيبلك سعر

راحتك أهم من البيعه ،،،

ومثل ما تفضلوا الأخوان الاند كروزر كراسيه جد متعبه ، واذا انت راعي خطوط راح تعاني من القعده اكيد ، ناهيك انه الكروزر بعد سنه بتغيير شكله نهائيا.

بالتوفيق اخوي..

[وليف الشوق]

دام انك شاري شاري فالافضل انك تشتري 8 سلندر وسعره مايتغير والـ 6 سلندر مو مرغوب كثير ويطيح سعره وانا واالله عندي جي اكس ار 8 سلندر اسافر عليها من 2014 خطوط تتعدى ال 1000 كيلو رايح جاي ولين يومك هذا ماخسرت عليه غير تبديل الزيت والسفايف من فضل الله

[.قطر.]

انصحك بالثمانيه لانه سواقته اكيد بتكون احسن وأنشط من السته

[ابو عبدالله.]

امسك ع الكروزر

جربت الكروزر و الجمس

الكروزر سفايف و زيت

الجمس تطلع لك امور عمري ما سمعت عنها في الياباني
ثلاجه المكيف تسرب عند كذا شخص و تصليحها 4 الاف برع الوكاله
درامويل خلفي يخلص السفايف قبل السفايف الاماميه. وكل مره تورنا و بالوكاله تبديل سفايف ورى و تورنا 2000 ريال و برع الف وخمس
تبديله الجير خشنه و يحن الموتر اذا تضغط و تشيل و تضغط مره ثانيه. عكس الكروزر تماما
البوليه لسير المكينه تصرصر عليك و تعال بدل انا بدلتها وبعد سنه تصرصر مره ثانيه

قطع غياره غاليه وايد مقارنه مع الكروزر. و القطع التجاريه بلا جوده نهائيا.

سالفه يقلب اربعه سلندر و توفير بترول اذا ما تضغط وما تتجاوز 120 كم.

الجمس البك اب طويل و ضمان انك تشمخ البدي و تحتاس مرات في المواقف

لحيه الموتر لازم تشيلها. ولا بتنكسر عليك اول ما تدخل سيلين اللحيه الصغيره تحت الصدام

اخر شي تعال بيعه و احرق قلبك

بس ميزتين بالجمس

تشغيل بالريموت و دعسته و عزمه حلو. اذا جديد
وبعد ما يشتغل بالريموت اذا تشك انجن طالع لك و التشك انجن كثر منها. حتى لو ما فيه خرابات


الكروزر عكس الي ذكرته تماما

لا صيانه ولا دقه بالقير ولا تحاتي قطع غيار. ولا صعوبه. بالمواقف

استعملته سنين لا تعبني بالسفر ولا شفت من كراسيه تعب

العيب الوحيد ان ممكن يتغير شكله السنه الجايه

[حمــد]

جي اكس ار 8 افضل .. بالاخص اذا كنت راعي سيلين وطلعات ال 6 جهد على الموتر لكن ال 8 مريح بدون جهد وشكل ما قالو الشباب عند البيع 6 بيتعبك .. وللعلم ال 6 جي اكس عزمه اقوى من الجي اكس ار 6 لانه البستم مال المكاين اكبر .. اما اذا مشاوير عاديه بالشوارع ال6 اوفر بصرف البترول فقط والله اعلم
اتوقع سنه 2020 بتغير شكل الكروزر والنيسان بشكل كلي بتفرق معاك حزتها

[style]

امسك ع الكروزر

جربت الكروزر و الجمس

الكروزر سفايف و زيت

الجمس تطلع لك امور عمري ما سمعت عنها في الياباني
ثلاجه المكيف تسرب عند كذا شخص و تصليحها 4 الاف برع الوكاله
درامويل خلفي يخلص السفايف قبل السفايف الاماميه. وكل مره تورنا و بالوكاله تبديل سفايف ورى و تورنا 2000 ريال و برع الف وخمس
تبديله الجير خشنه و يحن الموتر اذا تضغط و تشيل و تضغط مره ثانيه. عكس الكروزر تماما
البوليه لسير المكينه تصرصر عليك و تعال بدل انا بدلتها وبعد سنه تصرصر مره ثانيه

قطع غياره غاليه وايد مقارنه مع الكروزر. و القطع التجاريه بلا جوده نهائيا.

سالفه يقلب اربعه سلندر و توفير بترول اذا ما تضغط وما تتجاوز 120 كم.

الجمس البك اب طويل و ضمان انك تشمخ البدي و تحتاس مرات في المواقف

لحيه الموتر لازم تشيلها. ولا بتنكسر عليك اول ما تدخل سيلين اللحيه الصغيره تحت الصدام

اخر شي تعال بيعه و احرق قلبك

بس ميزتين بالجمس

تشغيل بالريموت و دعسته و عزمه حلو. اذا جديد
وبعد ما يشتغل بالريموت اذا تشك انجن طالع لك و التشك انجن كثر منها. حتى لو ما فيه خرابات


الكروزر عكس الي ذكرته تماما

لا صيانه ولا دقه بالقير ولا تحاتي قطع غيار. ولا صعوبه. بالمواقف

استعملته سنين لا تعبني بالسفر ولا شفت من كراسيه تعب

العيب الوحيد ان ممكن يتغير شكله السنه الجايه
الرجال لأجاب طاري سيلين ولا غيره،،،يبي يستعمل موتر استعمال عادي،،ويمكن مايدش فيه أي شارع مكنكر بعد
يعني الجمس أفضل له واريف،،كل الكلام اللي قلته عن الجمس غير صحيح

وشوف رأي الشباب بعد،،نصيحه اخوي راعي الموضوع ابعد عن الكروزر،،بريك أي كلام
بس الشباب الله يهداهم مع الخيل ياشقراء ماسكين الكروزر كنه موتر خيالي ،،تفكير تعبان

شكرًا

[ابو عبدالله.]

الرجال لأجاب طاري سيلين ولا غيره،،،يبي يستعمل موتر استعمال عادي،،ويمكن مايدش فيه أي شارع مكنكر بعد
يعني الجمس أفضل له واريف،،كل الكلام اللي قلته عن الجمس غير صحيح

وشوف رأي الشباب بعد،،نصيحه اخوي راعي الموضوع ابعد عن الكروزر،،بريك أي كلام
بس الشباب الله يهداهم مع الخيل ياشقراء ماسكين الكروزر كنه موتر خيالي ،،تفكير تعبان

شكرًا

صبحكم بالخير

ليش غير صحيح اخوي

اذا عاجبك اخذه

انا قلت الي صاير معاي
وبعد في امور ما قلتها نسيتها امس. الحين بعلمك

جمس ع اخر ضمانه سربت بمب البريم وحذ ولد عمي ان غيرها بالضمان. ولا قيمتها 4500

تبي تفعمني ان جمس عمر راعيه ما بينزله برع الشارع ابدا

الرجال قالها بشكل عام يبيه للشارع لكن تصير حد يعزمه بعنه و يروح

لو الجمس ما فيه عيب اللحيه كان قلت لي انه يشد رمل سيلين مب الرجال ما يبي ينزله شارع مكنكر

بس معلومه

الشباب الي قلت اسألهم. فيهم الي ما يمشيه الا كم الف كم بالسنه. وفيهم الي يمشيه 50 الف كم بالسنه
و دوامهم بلفان و مسيعيد
وبتختلف آرائهم عن الجمس في الي يمدح وفيه الي يذم

الجمس حده ثلاث او اربع سنين بعدها تطلع اصواته. وبعد فيه عيب الاذرع و المقصات وياما شفنا كم موتر طايح خشمه منكسر الرود او المقص

لو ما عندي جمس بقول لك الكروزر غاسل مخي لكن عندي جمس و صابغ رفرفه ثلاث مرات مهما عرفت تسوق يخون بك باماكن و تحك به

ومن غير اسعار الغيار. صدام خلفي ب 5000 و فوق. شدعوه لحيه بلاستيك الف وخمس. صدام امامي ثلاث الاف

وطلع لي غيار غير الوكاله ياخوي الدرج الداخلي قبضته البلاستيك تنكسر و بالنت ب 5 دولار وعندنا غير متوفر ولازم تشتري باب الدرج كامل فوق الف ريال غير التركيب

احترم رايك لكن رأيي انا ان الياباني افضل و ارخص بالغيار و الصيانه. ولا يتعطل ولا ينكسر الرود و المقص ولا تعرف اصلا ان في قطع عطلانه ولا تحس حتى بالبوشات اذا تنتفت

وتلوم الي ماسك ع الكروزر خذ كوالتي

اخيرا. ابحث بالنت بتلقى عن استراتيجيه الشركات الامريكيه في تحديد عمر افتراضي لقطع غيار مواترهم

عشان يضمنون ترجع و تبدل بشكل دوري.

هذا غير ان الياباني مهما عاش عندك و مشى 600 الف بعد بقوته. و الامريكي من يوصل 300 الف ادفنه احسن

اخوي اذا بنتناقش يا ليت ما نتهم بمعلومات غير صحيحه. نقول هذا رايك وهذا رايي واذا تعرف شي مخالف للي اعرفه قول الربع ما اخترب عندهم. او الغيار رخيصه وهذا الاسعار انا اشتريها بكذا. اما نقول غير صحيح بدون معلومات واضحه فهذا ما يدعم النقاش بأثبات