اسألني و راااااح أجاوبك

[sara jsm]

من غرفتي والحرارة 14 :(

:

س / اذا اخطأت في حق حد ( تعزه وايد ) من غير قصد ..
وزعل اعتذرت له بس من داخلك تحسه ماقبل اعتذارك ..
اشلون ممكن تتصرف ؟

[ya3coub]

س / اذا اخطأت في حق حد ( تعزه وايد ) من غير قصد ..
وزعل اعتذرت له بس من داخلك تحسه ماقبل اعتذارك ..
اشلون ممكن تتصرف ؟


براضيه غصب بس حبه حبه و على حسب الشخص بدون ضغط و بدون إلحاح فوري.

اعزه و ما يعزني شي ثاني بس اعزه و اعرفه عدل و يعرفني عدل لا لازم اراضيه ولو بعد حين لأنه اللي اعزه و يعزني اذا وصلنا مرحلة الزعل الزعل يكون مضاعف مقارنه بالغريب و ايضا الكسرة من القريب تأثر اكثر بوايد من شخص "اعزه" فقط.


نفسه

[سالم الزهران]

إذا مجرد صديق عزيز، بجتهد يكون اعتذاري صادق وبقدر المعزة.. والتعامل المستقبلي يكشف اذا هو رفيجي لولي ولا تغير.. ون لاحظت تغيير بنهدّي معه حتى نوقف.
:
نفسه

[sara jsm]

لوعندي جواب ماسالت :p الله يهدي النفوس ..

:

س / وضعك الحالي هل هو ناتج عن طموحك من الصغر ؟ ولا الدنيا لفت فيك :weeping:

[سالم الزهران]

لفت فينا واذا برجع راعي غنم مثل اول حياتي يكون زين وقد حلفت ما أشيل هم الدنيا و اعيشها برضى الله والرضى بالرزق لو هو في فنجال قهوة.
:
:
نفسه

[مهرة]

من غرفتي والحرارة 14 :(

:

س / اذا اخطأت في حق حد ( تعزه وايد ) من غير قصد ..
وزعل اعتذرت له بس من داخلك تحسه ماقبل اعتذارك ..
اشلون ممكن تتصرف ؟


احب هالنوعية من الأسئلة وبجاوب ... بقوله ( انقلع ) :rolleyes:

الأيام بتراضيه وبترجعه بس انتي سويتي الي عليج ومش نهاية الحياة!

[مستـريــح البـــال]

وضعي الحـالي نتاج عدة اشياء منها تخطيط، ومنها مفروض علي، واللي يفرق نظـرتي وتقييمي للوضـع العـام..

بس في النهـاية التوفيق منه سبحانـه، والـدنيـا ما تجـي علـى الكيــف..

،،

،

من العـام نفـس هالفتـره ،،، الـى الآن..

شنـو تغيـر فيــك؟؟

[SouthK]

وضعي الحـالي نتاج عدة اشياء منها تخطيط، ومنها مفروض علي، واللي يفرق نظـرتي وتقييمي للوضـع العـام..

بس في النهـاية التوفيق منه سبحانـه، والـدنيـا ما تجـي علـى الكيــف..

،،

،

من العـام نفـس هالفتـره ،،، الـى الآن..

شنـو تغيـر فيــك؟؟

ارتفع الضغط و بيضت اللحية و زاد وزني و معاه الهموم و التفكير << متأثر بمسلسلات رمضان!

نفسه!

[sara jsm]

تغيرت 180 درجة بكل النواحي .. صرت سلبيه اكثر للاسف
العبت فيني الدنيا صح :thumbup: الحمدلله طبعا دائما وابدا ..

:

س/ اذا كنت في حاله سعادة بسبب خبر او حدث ما ..
وين المكان اللي تحب تقضي فيه باقي يومك وتبقى سعيد ؟

[SouthK]

تغيرت 180 درجة بكل النواحي .. صرت سلبيه اكثر للاسف
العبت فيني الدنيا صح :thumbup: الحمدلله طبعا دائما وابدا ..

:

س/ اذا كنت في حاله سعادة بسبب خبر او حدث ما ..
وين المكان اللي تحب تقضي فيه باقي يومك وتبقى سعيد ؟
في البيت!!

لو جات فرصة ترجع بالزمن 10 سنوات .. هل ترجع؟؟

[سالم الزهران]

ما اظن لان مب كل رجوع فيه مكسب .. اما اذا القصد النشاط والحيوية ف مؤكد ودنا
:
نفسه

[العقل المدمر]

نعم أرجع وأخطط حق حياتي بشكل أفضل، كانت أجمل فترات عمري

نفسه

[SouthK]

و الله ارجع و اكون في احسن حال بإذن الله و لو اقدر ارجع 20 سنة باكون احسن و في حال افضل بمراحل!

سؤال: لو رجعت للابتدائية هل بتكون متفوق أو مثل باقي الشعب ;) ؟

[مهرة]

..

ولله الحمد كنت متفوقه وشرايط العجف تشهد .!

السؤال؟

هل انت شخص خدوم؟ ولو عندك القدرة والمعرفة تقدمها حق الي محتاجها ولا تبخل؟

[sara jsm]

الحمدلله اذا اقدر اساعد ليش لا .. ماابخل والله ..
بس هم ثنتين اللي في حياتي لو اطلبوني مااعطيهم لو شنو يصير ..
من كثر ماجاني منهم مضره حتى دعوه مااحب ادعي لهم ولا عليهم :happy: بعير شااسوي

:

حلو السؤال / نفسه

[سالم الزهران]

نخدم لكن بروية اكثر وبحكمة اكثر
:
قد أكلت كوافي منتهية الصلاحية؟

[sara jsm]

طبعا لا هههههههههههه بيكون محزّر اشلون الواحد ياكله ..
بس ياما شربت لبن منتهي من شهر :p

:

س / كم مرة عملت حادث في حياتك ؟

[رحال]

احمد الله ان ربي نجاني من حادثين لن انساهم

واحد : في السوزوكي المطربل وكان علينا شهر رمضان بعد صلاة الصبح
والثاني : في الطراد بعرض البحر

[sara jsm]

الحمدلله عالسلامة اخوي رحال ..
يااخي انت ليش كل مرة تجاوب وماتحط سؤال وراك :nop:

:

س/ عندك فوبيا من شي او مكان او حد ؟

[7aayaahh1]

فيه مخاوف وأعتبرها نقطة ضعف وأحياناً مجرد أوهام تسيطر علينا

أكثر مشاكلك بسبب ...؟

[R 7 A L]

الحمدلله عالسلامة اخوي رحال ..
يااخي انت ليش كل مرة تجاوب وماتحط سؤال وراك :nop:

:

س/ عندك فوبيا من شي او مكان او حد ؟

اذا حد كلمني وقال ابيك في موضوع ادري انه فيه شي كبير



نفسه

[R 7 A L]

فيه مخاوف وأعتبرها نقطة ضعف وأحياناً مجرد أوهام تسيطر علينا

أكثر مشاكلك بسبب ...؟



المجامله


نفسه

[ya3coub]

س/ عندك فوبيا من شي او مكان او حد ؟

الغباء و قلة الأدب و اللي شايفين نفسهم يتكلمون بعيلتهم او باسم اجداده و اهو ما يسوى شي


أكثر مشاكلك بسبب ...؟

الحق و المساواة, ما احب عدم الإنصاف او شخص ياخذ فوق او اقل من حقه


هل الشكل و الهندام مهم بالنسبة لك في تعاملك مع الاشخاص ؟؟

[sara jsm]

الشكل لا كلنا خلقه الله .. بس الهندام يدل في نظري على طبيعه الشخص فاكيد مهم ..

:

نفسه

[R 7 A L]

كلها غير مهمه


لو رجع فيك الزمن عشرين سنه وشو الشي الي راح تسويه ؟

[sara jsm]

ماادري يااخي باكون في الاعدادية :looking: ماعندي شي اسويه .. بادرس عدل هههههههههه

:

س / اذا صادفت أحد المشاهير اللي تتابعه او ممثل يعجبك ... هل ممكن تكلمه ؟

[سالم الزهران]

حسب ظروفه.. لو واقف ينطر تكسي او حدام بوابة ممكن اسلم عليه واكيد بعطيه معلومات راجعة.
:
نفسه

[ya3coub]

الأغلب لا بس بنفس الوقت ممكن اسلم و اقوله / لها يتابعون.

اصلن مافي احد أتابعه من المشاهير الا اثنين

نفسه


Sent from my iPhone using Tapatalk

[مستـريــح البـــال]

نفـس جوابـك يعقـوب ، حـدي معـاهم السـلام ، اذا كـان السـلام واجب مـن صـوبي ..

،

،،

شـي ودك تنجـزه ، وشـي ودك تنســاه ؟؟

[sara jsm]

ودي اخلص بيتي على خير ..
وودي انسى بعض المشاعر في داخلي ..

:

س / لو خيروك بين الصلاة في مكة و المسجد الاقصى والمدينه المنورة ..
اي مسجد بتختار مع ذكر السبب .

[سالم الزهران]

المسحد الأقصى لانها يمكن ما تحصل لنا في الحياة.
:
نفس السؤال

[sara jsm]

مسجد الرسول عليه الصلاة والسلام لاني مشتاااااااقه وايد ..

:

س/ لو جاتك فرصة تكون انسان غير عربي قلباً وقالباً تحب تنتمي لاي دولة ؟

[سالم الزهران]

تركي طبعاََ
:
نفسه

[sara jsm]

اسبانيه :shy: ابي اتعلم البايلا

:

س / عندك سر ماخبرت فيه اي انسان ؟

[سالم الزهران]

نعم
:
نفسه

[ya3coub]

س / عندك سر ماخبرت فيه اي انسان ؟

في اسراي بس عند ناس مختلفه قاعد احاول افكر بسر محد يعرفه مادري.!!! عندي اسرار بس على حسب الشخص كلن و مقامه يعرف شي بسيط.

نفسه

[ولد العرب]

في اسراي بس عند ناس مختلفه قاعد احاول افكر بسر محد يعرفه مادري.!!! عندي اسرار بس على حسب الشخص كلن و مقامه يعرف شي بسيط.

نفسه

هلااااااااا يعقووب تعال عندي وفضفض :deal:

نفس سوال

[ya3coub]

هلااااااااا يعقووب تعال عندي وفضفض :deal:

نفس سوال

انت بنفسك عندك بنك من اسراري و فضايحي :):):):)

جاوبت انا فوق

السؤال العجيب وين الغدا اليوم و شنو بتتغدون ؟؟

[سالم الزهران]

علبة تونا و بصلة وطماطمايه و حبة روتي وكاسة شاهي.. عقب العصر..طبعاََ
:
نفسه

[sara jsm]

بداوي لحم من المطابخ الشعبيه .. اخر يممممييييي

:

س / مباراة ودك تحضرها ؟

[ولد العرب]

عووافي ياخيتوا
مباره قطر الامارات
4/0:eek2:

احلى مشروب ساخن لك وشهو

[النهار]

شاي كرك
هههههههههههههه
انت ايش مقعدك لين الحين
خياطك المفضل

[الحياة الخالدة]

بسم الله ينانوه طالعين هالحزة

[ya3coub]

مافي خياط معين كل فتره اغير

بس حاليا طاقه من المحترم اللي فشارع المطار اشوف خياطته جيدة جدا.

لما تحط راسك عالمخدة شنو يجي فبالك او شالموضوع اللي يشغل تفكيرك؟؟؟

[R 7 A L]

افتح تويتر واقراء بعض التغريدات



نفسه

[sara jsm]

يعافيك اخوي ولد العرب ..
:
افكر في المقاول :strong

:

س / شعور تفتقده في الاونه الاخيرة ؟

[ya3coub]

يعافيك اخوي ولد العرب ..
:
افكر في المقاول :strong

:

س / شعور تفتقده في الاونه الاخيرة ؟

الصداقة و المعارف اللي بدون مصلحه
الراحة النفسية و الرضى و التوفير


نفسه

[sara jsm]

الاستقرار ..

:

س / رقم تتفائل فيه ؟ والسبب ؟

[ya3coub]

س / رقم تتفائل فيه ؟ والسبب ؟

28
38
08


نفسه

[sara jsm]

هاي شنو رقمك :p .. قلنا رقم ههههههه
رقمي المفضل 5 بدون ذكر السبب :swoon:

:

س/ اشرايك في متحف قطر الجديد ؟

[ya3coub]

ما دخلته بس اتمنى على العيوب اللي ادري فيها انهم تفادوها او يسوونها الحين خصوصا الارسال فالجوالات منعدم داخل المتحف.

غير عن هاي عشقي كان المتحف القديم انواع السفن و الاكواريوم و السلحفاه الكبيرة و الغرف القديمة برع.

اتمنى لانه من اللي شفته حديث معاصر و اتمنى انه القديم يتم لانه كان مميز يا رب.



اعلى طابق وصلت له؟؟ اعلى ارتفاع؟؟؟ سوائا سكن مطعم تسلق الخ...؟؟

[sara jsm]

سؤلك خلى قلبي يدق بقوووووه .. لان عندي فوبيا من المرتفعات ..
بس اعلى ارتفاع سكنته اظن برج الشعله مااتذكر اي دور ..
واعلى ارتفاع رحته بالتلفريك في المانيا مااذكر الارتفاع ولا المكان لان طول الوقت مغمضة ..
سؤلك وترني هههههههههه

:

س / أجمل مكان ترفيهي لك في قطر ؟

[SouthK]

سؤلك خلى قلبي يدق بقوووووه .. لان عندي فوبيا من المرتفعات ..
بس اعلى ارتفاع سكنته اظن برج الشعله مااتذكر اي دور ..
واعلى ارتفاع رحته بالتلفريك في المانيا مااذكر الارتفاع ولا المكان لان طول الوقت مغمضة ..
سؤلك وترني هههههههههه

:

س / أجمل مكان ترفيهي لك في قطر ؟

العذر و السموحة منج اختي .. كلمة ترفية و قطر ما يجتمعون!

نفسه!

[sara jsm]

العذر و السموحة منج اختي .. كلمة ترفية و قطر ما يجتمعون!

نفسه!

ليش اخوي .. الترفيهي هو انك ترفهه فيه عن نفسك ..
مثل الكورنيش مثل سيلين مثل البر مثل الفنادق ... على حسب الشخص ..
هل قصدك ان ماعندنا هالشي !؟

[SouthK]

ليش اخوي .. الترفيهي هو انك ترفهه فيه عن نفسك ..
مثل الكورنيش مثل سيلين مثل البر مثل الفنادق ... على حسب الشخص ..
هل قصدك ان ماعندنا هالشي !؟

افلحتي .. ما عندنا شي لا للصغير و لا الكبير و اذا كان موجود فغالبا مستواه ضعيف و اكيد عليه طق نعل!

السؤال: قط مرة سافرت فيها بالبحر؟ و وين كانت الرحلة متوجهة؟

[سالم الزهران]

السؤال: قط مرة سافرت فيها بالبحر؟ و وين كانت الرحلة متوجهة؟
الاجابة لا.. لكن عجبتني صياغة سؤالك لانها نفس لهجة قبيلة عندنا.. وهي الأفصح يا الأمير..


نفس السؤال.

[معماري قطري]

الاجابة لا.. لكن عجبتني صياغة سؤالك لانها نفس لهجة قبيلة عندنا.. وهي الأفصح يا الأمير..


نفس السؤال.

هي مرة وحيدة وما كانت سفرة بمعنى الكلمة .. كانت طلعة في باخرة كبيرة من ميامي وتلف البحر مسافة .. وطقطقة اللاتينوز وأغانيهم الصاخبة والكلمات الاسبانية اللي ما نعرفها .. كنا شلة شباب صغنونين ذاك الوقت وبعضنا كانوا مستانسين بالقمار الله يهداهم وكله خساير .. القمار غير مسموح على اليابسة لذلك يتعدون الحدود الاقليمية ويكونون في البحار الدولية ويبدأ الفسق والفجور

سؤال من بيروح البر غيري بعد شوي

[ya3coub]

مو انا

نفسه


Sent from my iPhone using Tapatalk

[مستـريــح البـــال]

ولا أنــا ..

،،

،


شخبــار الجــو معاكـــم ؟؟

[sara jsm]

حليوو وربيعي وجميل مثلي :p

:

س / جدولك بكرة الجمعة ؟

[مستـريــح البـــال]

اقعد ،، اتمرن ،، أصلي ،، والباقي الجدول اخليه للدنيا ترتب لي ..

،،

،،

لحقت على الويكنـد يوم كان يوم واحد " الجمعـــه " ؟ !!!!

اذا ايـــه ،، هـــل تظـن ان كان فيه بركــه ؟؟

اذا لا ،، هل ممكن ترجع وتعيـش ويكنـد يكون يوم واحد فقط في الاسبــوع؟

[sara jsm]

اشلون مالحقت 💔 دمعت عيوني ههههههه
كان يوم الجمعه طووويل واااايد وننطر بالليل برنامج 911 على قناة 37 :no:
مااعرف اعبر احس رجعتني وايد ورى 💔

:

نفسه ..

[سالم الزهران]

ما اخبر يوم الاجازة يوم واحد.
:
من 1_5، خلفيتك في الاسعافات الأولية؟

[sara jsm]

مافي رقم 0 :p

:

س/ كم تصرف شهريا على نفسك كـ شخص .. (( بدون البترول وماجله البيت والفواتير وباقي الالتزامات))

[SouthK]

مافي رقم 0 :p

:

س/ كم تصرف شهريا على نفسك كـ شخص .. (( بدون البترول وماجله البيت والفواتير وباقي الالتزامات))

للامانة ما أحسب لان بالاساس مصروفاتي قليلة جدا لكن ما تتعدى ال 200 ريال!

نفسه

[سالم الزهران]

والله يالأمير مني بعيد عنك ومصروفي دون الألف خارج عن بترول السيارة.
:
:
الاعضاء الغايبين عنا شلون نجيبهم للمنتدى برمضان؟ عندكم اي افكار؟
خصوصاََ قطرمان بحكم انه راعي جدر وطباخ؟ ولا يهون بو نفس راعي الحمسات الراهية!

[sara jsm]

قطرمان حط له صحن كيما بيجيك ركض
ونفسي عزيزة حط له 3 ريال بيجيك صاروخ ههههههههههههه

:

س/ كم ساعة تقعد عالمنتدى يوميا ؟

[سالم الزهران]

افتح وافر وطلع لكن اي فراغ افتح فيه المنتدى.
:
شلون فيتامين ( د) معاكم؟

[sara jsm]

100‎%‎ تمام .. اتابع واخذه من عشر سنين ..

:

س / اشلون كانت الاجواء عندكم مع المطر والبروق أمس ؟

[R 7 A L]

والله ماكنت امس في قطر بس شفتها في السناب
ماشاءالله تبارك
مع ان عندنا امطار ورعود وبروق بس في قطر وضعها غير



نصيحة تقدمها ؟

[sara jsm]

نصيحة تقدمها ؟

عطني مافي جيبك .. ياتيك مافي الغيب :p

:

نفسه

[رحال]

رحم الله أمرىء أهدى الي عيوبي

نفسه

[دااانة قطر]

عيـّش حيـآتك وانتّبـه لكلمتـين لآ تـرخص نفسك ولا تثق بآحـد



إيش طموحك

[سالم الزهران]

اجد بلاد استقر فيها وتكون بلاد مسلمين و اسوي فيها مكتبة لتراث السنة النبوية واشرف عليها.
:
نفسه

[ya3coub]

الكثير اغلبها كلها دنيوية ماعدا دخول الجنة يا رب.


تجهيزات رمضان بدت ولا ليلحين ؟؟ و ما هي التجهيزات ؟؟

[سالم الزهران]

لا والتجهيزات اهمها الذبايح واللحم المفروم وهذي بأول سبوع من الشهر الكريم... غيرها ما هناك الا خضروات.
:
نفسه

[sara jsm]

اي بدت اهم شي لف السمبوسه وورق العنب :p

:

س / هل تتبع سياسيه الادخار لليوم الاسود ؟

[ya3coub]

اتمنى بس للاسف لا, كان هدفي السلفيات.

حاليا مركز على الفيزا لأنها اكثر من دبل راتبي و محللها. بعدها بإذن الله تعالى ابتدي بالتوفير.

نفسه

[bohilal191]

حسب المصروفات يعني احط مبلغ من المال واستتخدمه طول الشهر واذا زاد اخشه.

نفسه

[sara jsm]

اذا عندي مبلغ مب في حاجته وفوق الـ 1000 اشتري فيه ذهب واخليه لليوم الاسود ..

:

س/ هوايتك المفضله ؟ حتى لو ماعندك وقت تسويه

[سالم الزهران]

اشخبط.. كله ما حولي متروس شخابيط حتى أوراق التقويم.
:
اختيارك للبيت عقب عمر طويل وتقاعدت.. بيكون (بيت بوسط مدينة _ بمزرعة مثلاََ_ أو شنو طموحك)؟

[ya3coub]

اختيارك للبيت عقب عمر طويل وتقاعدت.. بيكون (بيت بوسط مدينة _ بمزرعة مثلاََ_ أو شنو طموحك)؟

بتم وقتها فبيتي على حسب و اذا كلش كلش ما اتوقع اغير بيتي, طموحي عالي و ما ادري بهالزمن الأحلام كثير بس طموحي فبيت على البحر و امنيتي بيت برع قطر للتقاعد حوالينه الطبيعة و الأمن اهم شي.

نفسه

[سالم الزهران]

بالنسبة لي شيء محير شوي.. يبي لي بيت صغير فمزرعة واربي نحل وازرع في محمية واسوي لي شغلات هناك (اراويها ولد العرب) .. ويبي لي شقة صغيرة في مدينة وكل مكان نقضي فيه ثلاث ايام و نخلي يوم لجمعة الأهل.. بس يبدو لي انها أمنيات رابعة أو (مناني رابعة).وليت ف العافية والستر.
:
السيارات الامريكي القديمة كان لها هيبة والحين راحت الهيبة من الناس ومن المواتر؟ توافق ولا تخالف!

[ya3coub]

السيارات الامريكي القديمة كان لها هيبة والحين راحت الهيبة من الناس ومن المواتر؟ توافق ولا تخالف!


بين و بين صحيح لأنه طلع الأوربي و رخص و تكنلوجيا و قابلية الياباني.

بس فالكلاسيك بالنسبة لي مافي احلا من الأمريكي اتفق و بقوة.


تذكره ببلاش للهند لمدة اسبوعين مع الفندق تروح ولا ما تروح ؟؟ شنو رايك بالهند ؟؟

[سالم الزهران]

اروح لكن يبغي لنا برنامج حليو
:
نفسه

[ya3coub]

اروح و اكمل الباقي بنفسي

[sara jsm]

اروح ليش لا .. يبيله مطعم بنجاب :p

:

س/ شتسوي في الزحمة عشان تخفف ضغط الطريق ؟

[ya3coub]

س/ شتسوي في الزحمة عشان تخفف ضغط الطريق ؟

افتح السناب او افتح لعبة للأسف هاي حالتي هالأيام


نفسه

[sara jsm]

مااقدر اسوي شي غير اشرب سفن اب واشم فكس هههههههههه
يضربني صداااااع فتاااااك في الزحمة :( :( ..... متى يفتحون الساحلي يعقووووووووووب !!؟

:

س/ وين بتسافر في الصيف ؟

[ya3coub]

مااقدر اسوي شي غير اشرب سفن اب واشم فكس هههههههههه
يضربني صداااااع فتاااااك في الزحمة :( :( ..... متى يفتحون الساحلي يعقووووووووووب !!؟

:

س/ وين بتسافر في الصيف ؟

أنا استخدمه اَي وقت ابيه دايما هههههه

مافي اَي خطط للسفر فالصيف

[sara jsm]

انت بس لو تعطيني المداخل والمخارج تسوي خير ههههههههههه

:

نعيد السؤال .. وين بتسافرون في الصيف ؟

[سالم الزهران]

ما عندي نية بعيدة.. ودول الخليج ما تنحسب سفر..
؛
نفسه

[ya3coub]

مافي مكان معين

مكان بخاطرك تروحله؟؟

[سالم الزهران]

الشمال... بس وين نلقا الفرصة
:
نفس السؤال

[sara jsm]

الرويس

:

س/ شنو نوع المنام اللي ممكن يجيك ولما تقعد يخليك تفكر فيه طول الوقت ( حلم مب كابوس )

[ameeer3]

لما أحلم في شخص توفاه الله (ميت) ...

نفسه>>

[سالم الزهران]

أحياناََ نوع من الاحلام يبقى يلف فبالك يومين ثلاثة.. نوعيته هي كلما يتعلق بفترة الدراسة الثانوية والتخرج واخر عهدنا بالزملاء.
:
:
شلون كمية الاسماك وسعرها الشهر ذيه؟

[ya3coub]

للاسف ما عندي اَي علم

نفسه

[sara jsm]

الاسعار مرتفعه خاصه الاسبوع اللي طاف بسبه الهوا والامطار ..

:

س/ كيف تتغلب على التوتر في حياتك ؟

[R 7 A L]

بالاستغفار والصلاة

[ya3coub]

س/ كيف تتغلب على التوتر في حياتك ؟

بزيادة التوتر بتحدي او شي جديد هدف لازم احققه يخفف يزيد التوتر بشكل عام بس يلهيني عن التوتر الأساسي :):)

قبل كنت اروح بحر الذخيرة اسافر بسهولة اشتري تذكرتي و اقدم اجازتي, الحين صعب.


اللي مسافر متى بترجع, و اللي متواجد متى بتسافر ؟؟؟

[sara jsm]

قاعدة على قلبكم لا روحه ولا جيه :p

:

نفسه

[سالم الزهران]

ماكو نية سفر مع ان الولد الصغير صك راسي يبغي تركيا وما الومه.. ولا بنسافر
:
لو اخطت عليك جهة حكومية و صار لك عندهم امكانية تعويض مالي؛ هل تواصل وتشتكي ولا تتركهم لانك بعد مخطي عليهم؟

[sara jsm]

انا وحدة مااحب المشاكل ماعمري رديت الصاع لحد ..
بس اقول حسبي الله عليهم .. في النهايه الخطأ بيصدر من شخص مش الجهة كلها ..

:

نفسه

[دااانة قطر]

لو اخطت عليك جهة حكومية و صار لك عندهم امكانية تعويض مالي؛ هل تواصل وتشتكي ولا تتركهم لانك بعد مخطي عليهم؟

الحمدلله ولا عمري اخطيت على أحد
وحقي احب اخذه باي شكل


نفسه

[ya3coub]

لو اخطت عليك جهة حكومية و صار لك عندهم امكانية تعويض مالي؛ هل تواصل وتشتكي ولا تتركهم لانك بعد مخطي عليهم؟

كان زماااااان اني اكون مسالم و لين الحين

و جربت انه اخذ حقي للأسق حتى القانون فيه ثغرات و كله بلوشي و نفس الشي حرق اعصاب بس بعد اواصل و اشتكي مو علشان المبلغ المالي للعلم صارتلي ظ£ مرات و اخرتها مع الداخلية و اتم ادفع من جيبي مضاعف او نفس القيمة الخاطئة ظلم.
لا ما صرت اسكت لأنه في ناس وايد مستغلين سلطتهم او مراكزهم او طيبه و تسامح الشعب القطري. و القانون ما يتطبق عدل حتى لو عالكل مسرحية في بعض المحاكم, اكون مشتكي ولا اكون من اللي مشتكين عليهم.
المفروض هذا شي ايجابي حقي ما احبه يضيع و الإلتازام بالقوانين واجب.


رمضانهالسنة ماذا تتوقع يصير بما انه قريبا ندخل السنة الثانية من الحصار

[سالم الزهران]

يصير كل خير ان شاء الله، اللي حاز بخاطري ان الأمر الالهي بالحج والعمرة يعطله من يظن نفسه ملك؟ وانا اسأل الله في ملكه الا تغرب عليهم شمس هذا اليوم.
:
:
شنو المجال اللي تقرأ فيه؟

[sara jsm]

ميولي اكثر للطابع الادبي ..

:

س / شنو فطورك ؟

[ya3coub]

س / شنو فطورك ؟

ابرة سكسندا اول جرعة الله يستر, عقبها مجبوس دجاج و ثريد و هريس و شوربة و بسكوت مع حليب و فيمتو و ربي لك الحمد.


شنهي فعاليات اول ويك اند في رمضان؟؟

[سالم الزهران]

اظن باروح اسلم ع الاقارب في الريف
:
نفسه

[ya3coub]

انتهى نوعا ما الخميس عند الشباب للفجر فالميلس، و الجمعة ايضا رحت عند الشباب.

اليوم من الصلح مع الوالد و تجهيز للعيد.



أمنية تتمنى ان تتحقق في رمضان؟؟

[سالم الزهران]

الاماني تعودنا تبقى معنا ولكن نرجو الله أن يجعل لنا مخرجاََ ولا يفتنا.
:
:
هل تؤيد التعدد؟ ولا تشوفه حماقه؟

[sara jsm]

اذا الشخص كفو ومقتدر بكل النواحي وانسان عادل .. مع التعدد
واذا الشخص مثلا يبي عيال لكنه يمكن مايعدل فالافضل يطلق الاولى لان الظلم شين ..
:
:
س/ تحب تصلي التراويح في مسجد واحد او تحب تغير !!؟

[سالم الزهران]

في مسجد واحد تعودنا عليه
:
نفس السؤال

[دااانة قطر]

في البيت ..

شرايك بفعاليات رمضان؟

[سالم الزهران]

الفعاليات مختلفة، لكن رمضان مب للفعاليات في نظري وخسارة ساعاته تروح في زحام الشوارع.
:
نفس السؤال

[sara jsm]

اي فعاليات !!؟ والله ماادري عنها اذا في او لا ..

:

على كم تمره تحب تتفطر !!؟

[سالم الزهران]

اربع خمس في ذلحدود
:
نفسه

[ya3coub]

وحدة الى ثلاث.


الوقت المناسب للشغل

[سهم فضة]

هل أنت سعودي ، مقيم بقطر

[ya3coub]

هل أنت سعودي ، مقيم بقطر

اول شي جاوب على السؤال اللي فالرد السابق و بعدها اكتب سؤالك أخوي و بنجاوبك و خل سؤالك واضح

[SouthK]

وحدة الى ثلاث.


الوقت المناسب للشغل

من 9 إلى 12 الظهر .. ريعنا يحبون الربادة!!!

نفسه!

[ya3coub]

من 9 إلى 12 الظهر .. ريعنا يحبون الربادة!!!

نفسه!

من 11 إلى 4


اكثر شي انت فخور فيه ؟؟؟؟

[سالم الزهران]

ما عندي انجاز مهما كان و ما راح اعتبر نفسي انجزت لين اخرج من عهدة بعض البشر.
:
عندك عدد أو أجهزة رياضية في البيت ما تستخدمها؟

[ya3coub]

ما عندي انجاز مهما كان و ما راح اعتبر نفسي انجزت لين اخرج من عهدة بعض البشر.
:
عندك عدد أو أجهزة رياضية في البيت ما تستخدمها؟

في جهاز مشي بس مو لي.

هل انت من النوع اللي تحب تحدث الجوال او الأجهزة للموديلات الجديدة؟ كل كم سنة تغير أجهزتك الإلكترونية؟؟

[SouthK]

في جهاز مشي بس مو لي.

هل انت من النوع اللي تحب تحدث الجوال او الأجهزة للموديلات الجديدة؟ كل كم سنة تغير أجهزتك الإلكترونية؟؟

احدث جهاز عندي عمره 4 سنين و للاسف الاجهزة الجديدة صارت أغلى و مواصفاتها متقاربة!

نفسه!

[دااانة قطر]

هل انت من النوع اللي تحب تحدث الجوال او الأجهزة للموديلات الجديدة؟ كل كم سنة تغير أجهزتك الإلكترونية؟؟

يعتمد اذا الجهاز صاحي يتم معاي مدة طويله
والحمدلله ماحب اشتري الجهاز الجديد اول ماينزل
انتظره ينزل واشوف شنهي مميزاته ومساؤه واذا يستاهل اخذه

نفس السؤال

[سالم الزهران]

الجوال يتحدث بالصدفة.. اطلع بجوال و ارجع بواحد.. مع العلم ما قد بعت أي جهاز كلها محذوفة في الدولاب.
:
:
مكان ودك تسافر له؟

[سالم الزهران]

ودي بالكويت و قطر ثلاثة اربعة أيام.. سوو لنا حاجز نفسي..مزق الله ملكهم
:
نفس السؤال

[sara jsm]

ودي اروح طيبه عند الحبيب :( عليه الصلاة والسلام

:

س/ جهزت اغراض العيد ؟

[ya3coub]

مافي شي للتجهيز

كنت مع الوالد و اصر اني اختار تكرمون نعال و ما رديته هاي التجهيز الوحيد.

ولا فالعادة ما اجهز كلها ثوب و غتره و عقال و بس

نفسه

[R 7 A L]

لان العيد عندنا غير طبعاً لا ):

اجمل دولة سافرت لها ؟

[ya3coub]

لان العيد عندنا غير طبعاً لا ):

اجمل دولة سافرت لها ؟

الهند و سويسرا الأولى اماكن معينة لين توصل لها و الثانية يبيلك بنك متحرك لأنه تفلس و غااااالية جدا الأماكن الجميلة اللي فيها.

و اذا على Overall امريكا و بس.




حلم ودك تحققه و تقدر عليه بس دايما تأجله ؟؟؟

[sara jsm]

اني اضعف .. واقدر اضعف وعندي اراده لوحطيت الموضوع في بالي ..
بس في الظروف الحاليه صعب جدا .. ان شاءالله عقب مااسكن بيتي باحط هالموضوع بين عيوني :omen2:

:

س - بتسافر في العيد !؟

[ya3coub]

اني اضعف .. واقدر اضعف وعندي اراده لوحطيت الموضوع في بالي ..
بس في الظروف الحاليه صعب جدا .. ان شاءالله عقب مااسكن بيتي باحط هالموضوع بين عيوني :omen2:

:

س - بتسافر في العيد !؟

لا ما اعتقد ولا اتوقع مافي بيسا


نفسه

[رحال]

لا ..
ان شاء الله السفر في 20 يوليو .. حتى 20 اغسطس

جدولك اول يوم العيد ..؟

[sara jsm]

هالسنه بالذات ماادري .. كل شي متغير علي ..
مااعرف ..

:

نفسه ؟

[ya3coub]

الصلاة التجمع فبيت احد العمام.

غدا العيد و بس انتهى اليوم, ثاني العيد زيارات و بعد الغدى للجميع و ثالث العيد باقي بيوت العيلة :)




نفسه

[سالم الزهران]

صلينا العيد و جنبي ولد صغير كاشخ وينعس بغى ينومني معه مغناطيسي.. عقب مريت على عيال الاعمام الموجودين و رجعت البيت رقدت.
:
هل توافق ينزل دخلك للنص و ينزل سعر الأراضي والأجارات والمعيشة للنص في المقابل؟

[ya3coub]

صلينا العيد و جنبي ولد صغير كاشخ وينعس بغى ينومني معه مغناطيسي.. عقب مريت على عيال الاعمام الموجودين و رجعت البيت رقدت.
:
هل توافق ينزل دخلك للنص و ينزل سعر الأراضي والأجارات والمعيشة للنص في المقابل؟

اذا كلشي ينزل للنص راضي يعني ما بيتغير اي شي بس اول يعدلون وضعي الحالي و عقب عادي.

هل انت من النوع اللي يتهاون و يتنازل عن حقوقه فقط لتجنب النقاشات و المجادلات ؟؟؟ و الحق لك؟؟

[سالم الزهران]

يا خوي يعقوب الايام ذي وارد جداََ تشتري راسك وتترك الجمل بما حمل... يعني كلمة حقوق صارت عندي خيال نوعاََ ما.

نفس السؤال

[ya3coub]

هل انت من النوع اللي يتهاون و يتنازل عن حقوقه فقط لتجنب النقاشات و المجادلات ؟؟؟ و الحق لك؟؟


تقريبا نفسك ياخوي سالم, اتكلم و ارسل ايميل للتوثيق فقط و ما قمت اعور راسي ولو انه من وقت لوقت الواحد يتضايق بس اذا شي بيدي او عندي ما قمت اطوف أي استغلال اكثر يصير.

مشروبك الصيفي ؟؟

[sara jsm]

الشاي :p صيف وشتا

:

س/ شنو مخططك في هذا الصيف ؟

[سالم الزهران]

العيال عندهم تركيا و انا حاولت أجلهم واغريهم بسفره ابعد في الزمان والمكان و رفضوا.. ولذلك فازوا علي بالتصويت والديمغراطية.

نفس السؤال؟

[ya3coub]

دوام كالعادة بس الله يستر هالسنة الحر و الرطوبة متعبة اكثر من السنين اللي طافت.



لنفرض انك تمتلك مصباح علاء الدين ماهي الثلاث امنيات التي ستطلب منه تحقيقها ؟؟

[معماري قطري]

دوام كالعادة بس الله يستر هالسنة الحر و الرطوبة متعبة اكثر من السنين اللي طافت.



لنفرض انك تمتلك مصباح علاء الدين ماهي الثلاث امنيات التي ستطلب منه تحقيقها ؟؟

أول أُمنية موت الطغاة ونهاية اسرائيل وعموم العدل لجميع الأُمة الاسلامية

[معماري قطري]

ثاني أُمنية أتمنى صيفنا يتحول شتاء

والثالثة الصحة والعافية

[معماري قطري]

السؤال وشو غداكم؟

[ya3coub]

السؤال وشو غداكم؟

سندويشة دجاج من وقت الشاي و عصير يح

نفسه


Sent from my iPhone using Tapatalk

[sara jsm]

ثاني أُمنية أتمنى صيفنا يتحول شتاء
والثالثة الصحة والعافية

من صجك صيف وشتاء !!!؟
عيل وين الفلوس !!؟ المفروض ثاني امنيه الصحة
والثالثه فلوس حقي .. :omen2:

:
:

غدانا / شيلاني مع صالونه ربيان خاثرة :cry:

:

س / اشرايك في اداء المنتخب امس ؟

[ya3coub]

س / اشرايك في اداء المنتخب امس ؟

ما شفت المباراة ولا همتني بس لما شفت الأقوال و الفرحة اليوم استانست بصراحة الله يوفقهم يا رب.
اعترض شخصيا على المباغ الطائلة اللي تنصرف على اللعيب يعني ايجار الفلل فاللؤلؤة على 138 ألف ريال فالشهر غير الرواتب اللي قريب المليون و البعض اكثر شهريا غير انهم يتحاسبون باليورو و غيره و امتيازات اخرى و مو حتى لعيبة منتخب.

المهم فخور فيهم نفس فخري و متابعتي لمباراة قطر و الأمارات و نهائي كاس اسيا معني ما اتابع كرة القدم بس شي فيه اسم بلادي فالقمة بشجعه و بتابع المباريات المستقبلية بإذن الله تعالى.


نفسه و توقعاتك للي بيفوز بدوري امريكا الجنوبية ؟؟

[sara jsm]

بس مداخله على كلامك .. اذا انت تشوف ان هالمبالغ وايد عليهم ..
انا بعد اشوفك تبالغ بالصرف على سيارتك اللي ماتقدر حتى تسوقها مثل الناس ..
فالافضل هالفلوس كلها تعطوني اياها :tooth:

:

اتمنى البرازيل طبعاً..
بس ان شاءالله منتخبنا يأدي بشكل جيد المباراة القادمة ..

:
:

س/ الاشخاص الكذابيين اشلون تتعامل معاهم في حياتك ؟

[سالم الزهران]

ولا كأنه موجود وعشان ترتاح في أمور كثيرة لازم تصم أذنيك.
:
اذا دعوت علي واحد ظلمك وصار له حادث أو نكبة مثلاََ (تندم ولا؟)؟

[sara jsm]

لا بالعكس :thumbup: احس بنشوه من داخلي ..

:

س/ اذا جيت تشتري سيارة تختارها على اي اساس !؟

[SouthK]

لا بالعكس :thumbup: احس بنشوه من داخلي ..

:

س/ اذا جيت تشتري سيارة تختارها على اي اساس !؟

على اكثر من اساس لكن اهم النقاط هي صيانتها و مدى نفعها لي!

نفسه

[ya3coub]

بس مداخله على كلامك .. اذا انت تشوف ان هالمبالغ وايد عليهم ..
انا بعد اشوفك تبالغ بالصرف على سيارتك اللي ماتقدر حتى تسوقها مثل الناس ..
فالافضل هالفلوس كلها تعطوني اياها :tooth:

:

اتمنى البرازيل طبعاً..
بس ان شاءالله منتخبنا يأدي بشكل جيد المباراة القادمة ..

:
:

س/ الاشخاص الكذابيين اشلون تتعامل معاهم في حياتك ؟

تسديدهجميلة ام جاسم بس سيارتي تعجبني و استانس لما احد يقولي حلوة او يشوفونها و يصورون معاها الأطفال و الشباب و الشياب احس انه صج فلوسي ما راحت تعب و غيرها انا مستانس داخليا تدخل لنفسي السرور لما اطلع فيها.
و اقول فيها و لا فشي ثاني و لله الحمد


لا بالعكس :thumbup: احس بنشوه من داخلي ..

:

س/ اذا جيت تشتري سيارة تختارها على اي اساس !؟

اول شي اشوف موديلها, التعديلات اللي ممكن اسويها لها توفر قطع الغيار و هل اقدر اجيبهم من برع ارخص و اسعارهم عالميا مقارنة بالدوحة.
اقدر اخليها مميزة يعني سيارة يعقوب خارجيا داخليا كشكل او اداء المهم انها ما تكون مثل نظيراتها من السيارات نفس الموديل لازم اكون اقدر اميزها بشي غير

ضمانها و السيرفس و عقب اقرر اقتنائها


نفسه

[سالم الزهران]

اختارها ع اساس الغرض اللي احتاجها..للعائلة، للسفر، للدوام.
:
:
القعده متأخر شنو علاجها؟

[دااانة قطر]

القعده متأخر شنو علاجها؟

النوم بدري قبلها عشا خفيف وبعدها وتر


نفسه

[ya3coub]

سهر يومين لحد التعب الشديد بلا قيلولة و بعدها النوم بدري

المستقبل هل يقلقك ؟؟

[سالم الزهران]

لا أبداََ... نحمد الله علي الصحة والعافية.. هذي راس المال
:
لو أحد كلفك كل يوم تسوي شغله تبرع شنو ممكن تسوي؟

[sara jsm]

مافهمت السؤال عدل ..
بس اذا قصدك عمل خيري ( ماي وعصير وكيك ) حق العمال ..

:

س/ شي ماعندك وتحب تمتلكه سوا مادي او معنوي ؟

[سالم الزهران]

جواز سفر الماني او سويسري .. عشان انشب لهم نشبة هالاوروبيين
:
نفسه

[دااانة قطر]

س/ شي ماعندك وتحب تمتلكه سوا مادي او معنوي ؟
بيت ملك .. الله يرزقنا الجنة


نفسه

[ya3coub]

وظيفة مستقرة و الرضى و الراحة النفسية و بيت فيه زوجة و اطفال يحبوني

نفسه


Sent from my iPhone using Tapatalk

[7aayaahh1]

يكون لساني طويل :)

هل تحاول تسترجع الأحداث والمواقف السيئة إلي مرت بك ؟ ولا هي موجودة ما تنساها؟

[سالم الزهران]

لا ابداََ.. ماني مستعد ادفع حساب اللي صار من نفسيتي مرات ومرات
؛
وش اللي يغلب على جدولك (الشغل ولا الفراغ)؟

[sara jsm]

الشغل طبعا :strong3:

:

س / شخص تفتقده في المنتدى ؟

[سالم الزهران]

افتقدنا افتقدنا افتقدنا حتى تعودنا... الحين لو بقول اسم فاكيد بيكون العضو كتارا..
:

جاوب على نفس السؤال السابق / أو على السؤال التالي

تميل اكثر لاسلوب الترغيب ولا الترهيب ولا شوي من كل شيء ولا عندك اسلوبك الخاص؟ (اقصد ف البيت والعمل والنصيحة).. الخ

[sara jsm]

في البيت اسلوب الخيزرانه :p
مع الناس الترغيب .. واللي مايفيد معاه مايشوف شر ..

:

نفسه

[سالم الزهران]

كل واحد ينفع معه اسلوب معين، لكن كل الاساليب ما تنفع الا بالاستمرار.. أو الزن؟ لازم تكرر وتذكر وترد تسأل حتى تعرف انك اصبحت مملول ومع ذلك استمر و كرر (لا توقف).
:
:
احياناََ تشعر بانك لك جو خاص واحياناََ تشوف انك ربما الوحيد؛ هل سبق قابلت شخص يشبهك في المود والانطباعات والحكم ع الاشياء؟

[sara jsm]

اي الحمدلله والطيور على اشكالها تقع :p

:

س/ شنهي الامور اللي مستحيل تشاور فيها حد وتاخذ قرارك بنفسك ؟

[ya3coub]

اي الحمدلله والطيور على اشكالها تقع :p

:

س/ شنهي الامور اللي مستحيل تشاور فيها حد وتاخذ قرارك بنفسك ؟

اَي شي مقتنع فيه اخلاقيا

نفسه

[ya3coub]

شعوركم اتجاه ذوي الاجتياجات الخاصة

الصم , الإعاقة الحركية , الاعمى ؟؟ ابي اجابة عن كل اعاقة

[سالم الزهران]

شعور اخوي مع الجميع والله يلهمهم احتساب الاجر
:
:
هل لديك اسئلة ممكن توجهها لقاضي؟ مثل ماذا -إن أمكن؟

[ya3coub]

شعور اخوي مع الجميع والله يلهمهم احتساب الاجر
:
:
هل لديك اسئلة ممكن توجهها لقاضي؟ مثل ماذا -إن أمكن؟

اَي اول سؤال هل انت راضي بطريقه و وضع المحاكم و إليك القضاء و مدتها؟؟؟

نفسه

[سالم الزهران]

والله ودي اقوله يا قاضي يا قاضينا ترانا في وظايفنا ابتلينا نشوف انفسنا مقصرين، ويمكن بعد ظالمين! فشلون وظايفكم وحالتكم هذي اللي يرثى لها و المشكلة تمثلون الدين؟
:
:
سؤال ممكن توجهه لأي مسؤول في الدولة؟

[sara jsm]

اي عندي سؤال لهيئة اشغال / من يخطط لكم الشوارع ؟

:

س / بعد عشر سنوات وين تشوف نفسك ؟

[سالم الزهران]

لنا ولكم العمر والعمل الصالح، اكون استحقيت تقاعد مبكر و عيالي في وظايفهم وبتفرغ للبر والبحر والجو ع خفيف.
:
نفس السؤال

[R 7 A L]

الاعمار بيد الله
بس حسب المخطط اشوف اني في بيتي وكل صيف اصيف برا
واجازة الربيع اروح اخذ عمرة

[R 7 A L]

نفسه



.

[سالم الزهران]

جاوبت قبل..

سؤال جديد : هل الانجازات الكروية تحديداََ (مب عموم الرياضات) تعتبر إنجازات فعلاََ؟ هل مستفيد منها المجتمع؟ هل تهم أهل الرأي من أدباء وعلماء ومثقفين وأهل دين؟ هل ممكن يكون لها أثر سلبي (كرة القدم تحديداََ)؟

جاوب قدر ما تستطيع وشكراََ

[sara jsm]

تعتبر انجازات للدولة نعم ..
لان رياضة كرة القدم عالمية اذا ماكانت رقم واحد في العالم ..
والكل يتابعها فـ اي انجاز يساوي انتشار لهالدولة ..
بس طبعا ماتتساوى بالناحية الادبيه او العلمية لكنها اعلى منهم بوجهه نظري .. :secret:

:
س / اخر دولة تعرفت انها موجودة ضمن الخريطة ؟
يعني اول مرة تدري بوجود نفس هالدولةً

[سالم الزهران]

ليسوتو.. بلد داخل جنوب افريقيا
:
واحد يتصل عليك مقتنع انك (فلان) اللي بتحل مشكلته؟ وانت لا انت فلان ولا تعرف فلان والموضوع طول والرجال مقتنع انك فلان ويترجاك! شلون تفتك من هاللزقة؟ تعزمه ولا تصور له فيديو ؟ عاد هو سامع ان الموضوع عندك فحتى لو شافك ما يعرفك؟

[Dana’1]

بقول غلطاان/هـ عسى الله يفرجها عليك وبسكر و إن إتصل/ت مره ثانيه ماراح أرد أبدا أبدا وبحط حضر عالرقم و على استقبال الرسايل فلا يقدر يتصل ولا واتساب ولا غيره
والسلام ختام

نفسه

[سالم الزهران]

ارقام جديدة يكلم منها وارقام ثابتة يعني اكون ناطر فيدكس يتصلون يطلع لي الزميل :)

[sara jsm]

بل صج نشبه .. الله لايجيب لي ناس جذي ..

:

س / شنو جدولك في العيد بما ان اغلب الناس مسافرين ؟

[سالم الزهران]

أسافر للقرية واتضحى مع الوالد إن شاء الله
:
نفسه

[R 7 A L]

ب اصلي العيد ان شاءالله في المصلى عندنا
وبعدها بعزم الي بحصل للمجلس نفس عيد الفطر والاعيال العام الماضي
بنجهز الفطور والقهوة والفواله والحللويات والفواكة الساعة 10 اخذ لي ساعتين نوم لين الظهر

[R 7 A L]

نفسه



.

[سالم الزهران]

جاوبت قبل
:
سؤال جديد؛ عادة تبي تتخلص منها؟

[sara jsm]

ماادري اذا تعتبر من العادات .. او السلوكيات ..
بس العصبيه ودي تخف عني واحاول اسيطر عليها بس تغلبني ..

:

س / هدية تحب الناس تهديك اياها . ( شي بسيط )
( شي انت تحبه مااقصد سيارة ولا قطار ولا عقار )

[سالم الزهران]

احب الاقلام.. اشتري علبتين اقلام بو نص فيها 48 قلم واستعملها و اشتري بعد اقلام كلها للخربشة مب شرط قلم غالي أو رسمي
:
نفسه

[دااانة قطر]

ماادري اذا تعتبر من العادات .. او السلوكيات ..
بس العصبيه ودي تخف عني واحاول اسيطر عليها بس تغلبني ..

:

س / هدية تحب الناس تهديك اياها . ( شي بسيط )
( شي انت تحبه مااقصد سيارة ولا قطار ولا عقار )

أحب الورد بمناسبة وبدون مناسبة تغنيني عن اي شي


تقدر تتعايش مع وضع ماتحبه؟؟

[sara jsm]

اي اقدر امشي اموري حتى لو بدون رضا داخلي ..
لو الشي يستحق ..

:

س / اكثر دعوة دعيتها اليوم ؟

[سالم الزهران]

دعيت اكثر دعواتي على الظلمة
؛
نفسه

[sara jsm]

الامن والامان â‌¤ï¸ڈ

:

س/ جدول بكرة ؟

[رحال]

طبعاً انا مسافر
اتفقنا المتواجدين بالفندق انا ننزل نتجمع في لوبي الفندق
وكل عام وانتم بخير

نفسه

[سالم الزهران]

الحين نتوجه لمصلى العيد وعقب نمر نعيد على عيال العم اللي بنفس الحي.. ونرجع للبيت
:
نفسه

[sara jsm]

فيستفال القريه الثلجية اذا مش زحمة ..

:

س / اكثر برنامج تستخدمةً عالجوال !؟

[سالم الزهران]

يوتيوب ويمكن المتصفح..:

نفس السؤال

[sara jsm]

الانستغرام .. ومتصفح قوقل عشان المنتدى ..

:

س / في ناس ندمت على معرفتهم ؟ مع السبب

[سالم الزهران]

نعم يا كثرهم ، منهم اللي نبلغهم عشان يحضرون عند زملانا الباقين اللي صار عليهم ظروف او ترقدوا بالمستشفى وما يحضرون .. يا كثر صناعة الصين
:
نفسه

[sara jsm]

اي نعم ... لانهم منافقين وانا هالنوع مااتوالف معاه كلش ..
ويبين علي النفور منهم .. الله يبعدهم عنا بعد الشمس عن الارض ..

:

س/ موروث قديم تتمنى يعود ( حتى لو اصبح مطور )

[سالم الزهران]

كانوا يسوون عشاء بشكل اسبوعي عند الجماعة يحضره اللي يبي من اهل الفريج (بسمونها النيبه) بمعنى التناوب على الشيء.. كان فرصة يلتقون فيه الناس و يعرفون برامج بعضهم حق الاسبوع.. لكن اندثرت.
:
نفسه

[sara jsm]

مقعد الضحى .. قبل واحنا صغار لازم حد يمر علينا حزه الضحى ..
الحين محد يطلع من بيته من اللواهيب ..

:

س/ اطول مدة نمت فيها كم ساعه ؟ ( غير النوم للخضوع للعمليات )

[سالم الزهران]

ما اتوقع ازود من سبع ساعات و اظن برمضان من عقب السحور للظهر .
:
:
نفسه

[ya3coub]

اطول فتره نمت فيها تقريبا عشرين ساعه متواصلة او 19 ساعه بدون ما افتح عيني.

هاي عقب ما كنت قاعد اربع ايّام بدون غفوة :) فأحد الاجازات فالمغرب.



هل عندك فكر استثماري و اين ممكن تستثمر في اَي مجال ؟؟؟

[سالم الزهران]

ممكن المشاريع الزراعية، لو ما اكسب الا مشاهدتي لها.. وعندك تربية النحل .

هل تؤيد تحديد المهور؟

[Dana’1]

لا،،ماهو على أي حال*

كلٌ منّا يمتلك أشباهه من الأشياء؛ ما الذي يشبهك؟

[ya3coub]

ما اعرف للامانه

نفسه


كلٌ منّا يمتلك أشباهه من الأشياء؛ ما الذي يشبهك؟

[سالم الزهران]

خلوني أقول أني امتلك أشياء منها القديم والجديد وأقلام وكتب كذلك.. احب اقتناء السكاكين (الاسلحة التقليدية التراثية).
:
الى أي مدى ترى قدرتك على مجابهة الحياة/ (التأقلم مع وضع جديد مهما كان)؟
متوسطة أو جيدة أو؟؟؟

[qatarman8008]

التاقلم مع وضع جديد: ممتازة..
التاقلم مع ناس جدد: ضعيف.. :cry2:
..
نفسه..

[سالم الزهران]

بالنسبة لي الاثنين ضعيف..
:
:
لو رجعت لمدرستك و حصلت طاولتك محلها شنو الحصة اللي ودك تاخذها؟

[ya3coub]

بالنسبة لي الاثنين ضعيف..
:
:
لو رجعت لمدرستك و حصلت طاولتك محلها شنو الحصة اللي ودك تاخذها؟

اجتماعيات و الرياضيات و الإنجليزي

نفسه

[sara jsm]

دمعت عيني من سؤالك :weeping: ذكرتني باحلى ايام حياتي ..

ابي حصة العربي او التاريخ .. ��

:

نفسه

[سالم الزهران]

لو رجعت ودي برياضيات مع الاستاذ ممدوح علي محمود او انجليزي مع الاستاذ سيد رحمه الله
:
الشخص الذي سمى الفلوس (وسخ دنيا) هل تتفق أو تختلف معه؟

[Dana’1]

أخلتف معه في هذي التسميه
لأن الله سبحانه وتعالى وصف المال بزينه الحياة الدنيا
بالمال تستغني عن الناس،،،وبالمال تتفضل على الناس بالحسنى ويعود لك على هيئة حسنات
وين الوساخه بالموضوع؟!
المال جالس يحرك هالسياسه إلي أنت تشوفها الحين بدول الخليج جميعا و إلا كانوا من صيد أمس.

المال نعمه من نعم الله سبحانه
الله يرزقنا المال الحلال الطيب يا رب آمين .

نفسه

[ya3coub]

الشخص الذي سمى الفلوس (وسخ دنيا) هل تتفق أو تختلف معه؟

اختلف معاه اللي ما يعرف بقيمة الشي يحوله للي يعرف و اللي ما تعب فالفلوس ما تهمة جاته بارسه مبردة.
اتكون وصخ دنيا عندما تغير شخص كريم إلى لأيم لما يكون لها اثر سلبي على الشخص مو ايجابي اهني انقول عنها وصخ دنيا لما اتكون السبب في خسارة انسان و تحويله من بني ادن لعبد من عباد المال.


بشكل عام اختلف مع المسمى وصخ دنيا لو اخوانا السوريين كان عندهم هاوصخ م شفناهم مهجرين اللي منهم كان عنده الكثر من الوصخ اطلعو و كل ما زادت الوصخ ك ما كان التأثير عليهم اقل راحو لأحسن الأماكن و كملو حياتهم طبيعيا وا كأنه صار شي.


نفسه

[سالم الزهران]

اعتقد ان نظافة الفلوس و دنسها من اليد اللي تمتد لها.. الفلوس في نظري حتى لو كانت حلالاََ زلالاََ مية بالمية فستحاسب على طريقة انفاقها وعلى زكاتها.. لذلك (العيش الكفاف) وهو الاكتفاء من مطعم وملبس ومأوى نعمة باااردة لا يعقبها كثير حساب.. وقد سألها النبي صلى الله عليه وسلم لنفسه وأهل بيته.

طولنا الاجابة معليش.
:
:
ما معنى كلمة معليش / معلش؟ :pioneer:

[ya3coub]

اعتقد ان نظافة الفلوس و دنسها من اليد اللي تمتد لها.. الفلوس في نظري حتى لو كانت حلالاََ زلالاََ مية بالمية فستحاسب على طريقة انفاقها وعلى زكاتها.. لذلك (العيش الكفاف) وهو الاكتفاء من مطعم وملبس ومأوى نعمة باااردة لا يعقبها كثير حساب.. وقد سألها النبي صلى الله عليه وسلم لنفسه وأهل بيته.

طولنا الاجابة معليش.
:
:
ما معنى كلمة معليش / معلش؟ :pioneer:

هلكونا ماتاتا
Don’t worry
لا تقلق، حصل خير



لغة ودك تتعلمها و راح تستفيد منها؟؟


Sent from my iPhone using Tapatalk

[سالم الزهران]

اتمنى اتقن التركية..
:
نفسه

[sara jsm]

الاوردو :shy:

:

س/ حيوان تحبه ؟ والسبب ؟

[سالم الزهران]

الطيور الصغيرة لان صوتها ولعبها في اشجار الشارع يعطي حياة للمكان.
:
:نفسه

[Dana’1]

الخيل عموما والعربي الأصيل خصوصا
طبعا هو من الشكل وجماله و إلا من القوه والعز و الوفاء إلي فيه .. فتنه تبارك الله أحسن الخالقين

نفسه

[ya3coub]

اردو و فارسي و فرنسي و تجالو


اكثر برنامج تستخدمه من برامج التواصل الاجتماعي؟؟

[Dana’1]

اردو و فارسي و فرنسي و تجالو


اكثر برنامج تستخدمه من برامج التواصل الاجتماعي؟؟

اخونا يعقوب إجابتك عن سؤال يختلف السؤال الاخير. كان مشاركة الأخت ساره

و للجواب على سؤالك
بالوقت الحالي أتابع تويتر.

نفسه

[sara jsm]

انستغرام

:

س/ شنهي المعارض اللي تحب تحضرها او تشدك ؟

[دااانة قطر]

س/ شنهي المعارض اللي تحب تحضرها او تشدك ؟
الكتاب والعطور


نفسه

[ya3coub]

اخونا يعقوب إجابتك عن سؤال يختلف السؤال الاخير. كان مشاركة الأخت ساره

و للجواب على سؤالك
بالوقت الحالي أتابع تويتر.

نفسه

السموحة توني انتبه،

ما احب الحيوانات بس احلاهم بالنسبة لي الاكوالا الأسترالي.




Sent from my iPhone using Tapatalk

[ya3coub]

انستغرام

:

س/ شنهي المعارض اللي تحب تحضرها او تشدك ؟

معارض السيارات و التكنلوجيا التلفزيونات وًالتلفونات و اخر ما توصلت اليه التكنلوجيا

و ايضا احب المعارض العسكرية و الطيران.


نفسه


Sent from my iPhone using Tapatalk

[sara jsm]

المعارض التاريخيه ..

:

س/ بشنو تحب تبتدي صباحك ؟ ( غير الاذكار طبعا ً)

[سالم الزهران]

الفطور الزين..
:
نفسه

[ya3coub]

السنابات و الرسايل و لعبة


دولة ودك تسافر لها؟؟

[سالم الزهران]

الأردن، و بودي لو قبل الشتا لان بردهم فضيع
:
نفسه

[sara jsm]

لبنان وبحبك يـ لبنان :)

:

س / اكثر مكان تحب تقعد فيه في الدوحة ؟

[ya3coub]

لبنان وبحبك يـ لبنان :)

:

س / اكثر مكان تحب تقعد فيه في الدوحة ؟

سر ما اقول لانه مافي اشياء وايد فالدوحة عالاغلب فنادق معينه بغرف معينه اخب الفيو منهم و اريح.

برع الدوحة بحر الذخيرة سابقا حاليا مافي مكان معين كل مكان فيه ناس


نفسه

[دااانة قطر]

س / اكثر مكان تحب تقعد فيه في الدوحة ؟

كنت احب اقعد عالبحر بس للاسف ماعاد في مكان تحس فيه بالراحه والخصوصيه اقعد اما في غرفتي او صالتي
صرت احب غرفتي او صالتي بس بشرط
اكون بروحي

نفسه

[بومحمد المطاوعه]

س / اكثر مكان تحب تقعد فيه في الدوحة ؟

كل مكان جميل اهم شي مايغضب ربي


هل الناس تغيرت ام الدنيا تمشي على هكذا ؟

[بومحمد المطاوعه]

س / اكثر مكان تحب تقعد فيه في الدوحة ؟

كنت احب اقعد عالبحر بس للاسف ماعاد في مكان تحس فيه بالراحه والخصوصيه اقعد اما في غرفتي او صالتي
صرت احب غرفتي او صالتي بس بشرط
اكون بروحي

نفسه

انصحج بحر سميسمه الجديد في قسم خاص للنساء فقط

[سالم الزهران]

الناس تغيرت وهذا حال الدنيا
:
نفس السؤال.

[ya3coub]

الناس تتغير و تتاقلم مع تغير النةنلوجيا و مواكبت العالم في اشياء ايجابية و في اشياء سلبية بس الاغلب كلشي يتغير العالم و الناس بالتساوي.

اذا قاولك الان بيجيك طفل او طفله شنو بتسميه / ها؟؟

[sara jsm]

اذا بنت خاطري في ( فاطمة )
واذا ولد ( عمر او حمد )

:

حلو السؤال هههههههههه نفسه :p

[ya3coub]

اذا بنت خاطري في ( فاطمة )
واذا ولد ( عمر او حمد )

:

حلو السؤال هههههههههه نفسه :p

يوسف طبعا
البنات اسم يبتدي بال
العنود، الهنوف، الجازي، المها، الدانة،الغلا، الريم


مسلسلك المفظل

[sara jsm]

التغريبه الفلسطينيه .. مااشبع منه :p

:

س/ نفسه

[سالم الزهران]

نقول راس غليص
:
:
لو قمت من النوم وشفت جزمة المدرسة وشنطتك واكتشفت ان حياتك ذي مجرد حلم ! وش بيكون شعورك؟

[الحياة الخالدة]

نقول راس غليص
:
:
لو قمت من النوم وشفت جزمة المدرسة وشنطتك واكتشفت ان حياتك ذي مجرد حلم ! وش بيكون شعورك؟

بفرح واااااااااااايد .. واركض أدور على أمي وجدي وجدتي .. أبوسهم واقول لهم الحمد لله انكم للحين على قيد الحياة .. حلمت انكم توفيتوا


قسم بالله نزلت دموعي لمجرد التخيل أخوي سالم
الله يرحم موتانا وموتاكم وموتى المسلمين


نفس السؤال

[سالم الزهران]

آمين اخت حياة والوعد الجنة بإذن الله وبمنه ورحمته.
؛
عن نفسي محتار، لو حياتي ذي كانت حلم، اتوقع ما يتغير شيء لأن ما حصل وما بيحصل أقدار مكتوبة.. يمكن أجمل ما في الموضوع أنا نشوف الزملاء والوجوه اللي عرفناها.
:
لو كنت مفوض عن دولة بالتصرف، وشلون بتصرف مع تركيا في حملتها الانسانية الأخيرة (نبع السلام) ؟

[sara jsm]

حبيبتي الحياة الله يجمعج فيهم في الفردوس الاعلى ..
وتاكدي انهم في المكان الافضل لهم ..
وعسى الله يحفظ لج اخوانج وخواتج وباقي هلج وحبايبج . ��

:
:

سالم / سؤلك غلج .. وبما اني مبتعده عن التلفزيون والاخبار السياسيه ..
لكن اذا هالحملة مع المسلمين المستضعفين فانا معاهم واحب اشارك فعلياً معاهم ..

:

س/ جهزتوا للتخيم ؟

[Dana’1]

للحين

ماهي العبارة إلي استوقفتكم وكأنها مواساة ؟

[سالم الزهران]

قوله تعالى (وما أكثر الناس ولو حرصت بمؤمنين)
:
نفس السؤال
أو
لو أردت أن توقف سلبية من سلبيات المجتمع فما هي؟
أو كلا السؤالين؟