المساعد الشخصي الرقمي

مشاهدة النسخة كاملة : عمليه ليزك


qtri2013
22-11-2018, 06:28 PM
وين تنصحوني اسوي عمليه تصيح نظر وشنو افضل مسشتفى من ناحيه الاسعار وبدون مواعيد وانتظار


محتار بين المغربي والعمادي او مستشفى الاهلي اذا يسون العمليه


وكم تكلف تقريبا ؟
sara jsm
22-11-2018, 06:36 PM
انا سويتها في العيون التخصصي عند خالد االشريف على 10 تقريبا بس من 3 سنوات ..
الحين يمدحون الاسباني واسعارهم بين 6-8 الالف
وعندك الكوبي وايد ممتاز اظن ب 3000 ريال فقط ...
ونصيحة افضل وقت تسوي هالعمليه في الشتاء ... قبل شهر 2 لان عقب الطقس بيتغير وغبار وحالة ...

المستشفيات اللي ذكرتها ماعندي حد مسوي فيها ..
بس اتكل على الله هالعملية راح تفرق معاك وايد في حياتك ..
الله يشافيك اخوي
ya3coub
23-11-2018, 03:32 PM
اعوذ بالله من كلمة انا كنت عمي بدون نظارة و اذا اشيلها ما اشوفها اقعد من النوم اتحسس بيدي.

سويتها عند دكتور استشاري مصري المعهد التخصصي البريطاني فجميرا و اهو اكثر دكتور استشاري عربي الأول و خبير بهالأشياء و يجي الدوحة عند الأسباني لما باقي الدكاترة كانو خايفين سويتها سنة 2012 و لين اليوم الحمد الله معنه خف نظري و كان المفروض اسوي عملية ثانية بس فرق بدون نظارة الأسباني ممتاز و اعرف 4 من ربعي سوو عنده.

الأسعار ما اعرف انا يوم سويتها كانت intralesik HD شي جديد و قوة النظر عندي ضعيفه و الإستشاري هاي ليش كلفتني خمسطعشر ألف درهم اماراتي و اختي سوتها عقبي باسبوع كلفتها 11 الف او 9 الاف درهم نا اتذكر بصراحة لأن كان نظرها احسن مني.
asulaiti
23-11-2018, 03:49 PM
حد منكم سمع عن الإلترا سمايل لتصحيح البصر ؟

حد جرب التقنية الجديدة هذه ؟
qtri2013
23-11-2018, 08:34 PM
حد منكم سمع عن الإلترا سمايل لتصحيح البصر ؟

حد جرب التقنية الجديدة هذه ؟


اعتقد اسمها الفيمتو سمايل وموجوده في المغربي ... https://www.magrabi.com.sa/ar/2016/8821/vision-correction-magrabi-femto-smile
بوخالد911
25-11-2018, 08:30 AM
د.الشريف
مركز العيون التخصصي
ب 10000 ريال

سويتها من سنة 2006
الروقي
25-11-2018, 01:21 PM
انا سويتها في العيون التخصصي عند خالد االشريف على 10 تقريبا بس من 3 سنوات ..
الحين يمدحون الاسباني واسعارهم بين 6-8 الالف
وعندك الكوبي وايد ممتاز اظن ب 3000 ريال فقط ...
ونصيحة افضل وقت تسوي هالعمليه في الشتاء ... قبل شهر 2 لان عقب الطقس بيتغير وغبار وحالة ...

المستشفيات اللي ذكرتها ماعندي حد مسوي فيها ..
بس اتكل على الله هالعملية راح تفرق معاك وايد في حياتك ..
الله يشافيك اخوي

لوسمحتي تقصدين الكوري الي في دخان الي تبع مؤسسة حمد يسوي ليزر والاسباني قصدج الي في الوعب
sara jsm
25-11-2018, 01:39 PM
اي اخوي اقصد هالاثنين
أبورودي
25-11-2018, 06:05 PM
لازم الاول تسشير أكثر من طبيب ويتفقوا على ان العملية تصلح لحالتك عملية الليزك ما بتصلح لكل الاشخاص
الخطوه التاليه هو اختيار جراح عيون وتفهم منه المضاعفات بعد العمليه
لاز تعرف ان الليزك بيحتاج عنايه خاصه بعد العمليه والمواظبه على القطرات المرطبه باستمرار لان من الاثار الجانبيه لها جفاف العين
وبالتوفيق ان شاء الله
انا سوتها فى مصر عند جراح عيون كان فى مستشفى الجيش هنا ورجع لمصر وطبعا السعر اقل بكثير من الدوحه اعتقد فى حدود 2000 ريال الى 2500 ريال الان
qtri2013
28-11-2018, 02:37 PM
عندي سوال انا بسوي الحين العمليه ليزك ونادوني الخدمه الوطنيه هل اقدر اني اجلها ولا مايوافقون
asulaiti
02-12-2018, 07:50 AM
اعتقد اسمها الفيمتو سمايل وموجوده في المغربي ... https://www.magrabi.com.sa/ar/2016/8821/vision-correction-magrabi-femto-smile
تسلم على الإفادة .. هل في حد جرب هذه التقنية في تصحيح البصر؟

الذي عرفته أنها أفضل تقنية في الوقت الحالي حيث لا تتطلب عملية تصحيح البصر قطع القرنية .. ولا توجد عناية خاصة بعد العملية كما هو الحال في عمليات الليزك ..
لكن تعتبر مكلفة .. تقدر بحوالي ضعف تكلفة الليزك ..

فأرجو ممن جربها أو يعرف شخص جربها أن يعطينا تجربته .. وفي أي عيادة قام بعملها.
qtri2013
03-12-2018, 04:32 PM
الحمدلله سويت ليزك في المغربي ..

مدة العمليه استغرقت تقريبا نصف ساعه بدون الم وكلفتني 6200 بعد الخصم 40%

بعد العمليه دموع وحرقان خفيف وتحس انك تبي تغمض ماتقدر تفتح



شعور جميل انه الواحد يرجع نظره قوي بعد سنين من لبس النظارة
sara jsm
03-12-2018, 05:25 PM
الف الحمدلله عالسلامة اخوي ومبروك عليك تشوف الدنيا بدون نظارة ..
والله شعور جميل جدا :) ... بس حاسب لاحد يضربك بالغلط او يطقك شي على عينك ..
والحمدلله عالسلامة ..
حليتان*
10-12-2018, 03:35 AM
الحمدلله سويت ليزك في المغربي ..

مدة العمليه استغرقت تقريبا نصف ساعه بدون الم وكلفتني 6200 بعد الخصم 40%

بعد العمليه دموع وحرقان خفيف وتحس انك تبي تغمض ماتقدر تفتح



شعور جميل انه الواحد يرجع نظره قوي بعد سنين من لبس النظارة
الحمدلله ع السلامة


شجعتني ياخي
انا نضري من انا وصغير ضعيف بسبة ضربة جاتني فعيني اليسار والمستشفى الله يهداهم قامو يسكرون اليمين عشان تقوى الثانيه وخربو عيوني الثنتين

كانو قايلين لي على ذيج الايام يوم اوصل 16 بيسون لس عملية وسحبت عليهم
ما ابالغ ان قلت صار لي 15 سنة ما طبيت ولا عيادة
بس اروح اي محل واعطيه نظارتي ياخذ قياستها يفصل عليها
وتبي الصج مليت من النظاره

شكلي بروح المغربي وبشوف شالترتيب
بوخميس
11-12-2018, 02:05 AM
المستشفى الكوبي افضل مستشفى للعيون

وعندهم عمليات ليزك
qtri2013
12-12-2018, 05:48 PM
انا صارلي 13 سنه نظري ضعيف.. من ايام الابتدائيه


واليوم الحمدلله نظري 6/6
style
14-12-2018, 11:56 PM
انا صارلي 13 سنه نظري ضعيف.. من ايام الابتدائيه


واليوم الحمدلله نظري 6/6
من الدكتور المعالج اللي عمل العمليه،،عندي شخص يبي يسوي بس خايف،،هو يلبس عدسات الان
وهل العملية تصحح بعد النظر وقصر النظر في وقت واحد.
الشخص كبير فالعمر تقريبا 55 سنه ،،هل فيه ضرر عليه اذا عملها

شكرًا
sara jsm
15-12-2018, 11:56 AM
من الدكتور المعالج اللي عمل العمليه،،عندي شخص يبي يسوي بس خايف،،هو يلبس عدسات الان
وهل العملية تصحح بعد النظر وقصر النظر في وقت واحد.
الشخص كبير فالعمر تقريبا 55 سنه ،،هل فيه ضرر عليه اذا عملها

شكرًا

السموحة عالمداخلة اخوي ..
في المستشفى الاسباني في الدوحة يقولك ماننصح اللي اعمارهم فوق ال40 يسون عملية تصحيح النظر
لان في عمر ال45 يحتاج الى نظارة للقراءة .... فالافضل تكشف عليه قبل لان امراض السكر والضغط لها تاثير بعد عالعيون ..

الف سلامة عليه
qtri2013
15-12-2018, 10:23 PM
من الدكتور المعالج اللي عمل العمليه،،عندي شخص يبي يسوي بس خايف،،هو يلبس عدسات الان
وهل العملية تصحح بعد النظر وقصر النظر في وقت واحد.
الشخص كبير فالعمر تقريبا 55 سنه ،،هل فيه ضرر عليه اذا عملها

شكرًا



سوتها عند الدكتور احمد العنتبلي هو الي يسوي عمليات الليزك وغيره - كل أحد اذا ماكنت غلطان


وصح الليزك ممكن يعالج قصر وطول نظر بعد .... تقدر تاخد رأي الدكتور ويشوف اذا ينفع له
كندا-قطر
10-03-2019, 05:46 AM
من الدكتور المعالج اللي عمل العمليه،،عندي شخص يبي يسوي بس خايف،،هو يلبس عدسات الان
وهل العملية تصحح بعد النظر وقصر النظر في وقت واحد.
الشخص كبير فالعمر تقريبا 55 سنه ،،هل فيه ضرر عليه اذا عملها

شكرًا

الحالة تختلف من شخص لاخر بس اني اعرف هوايه ناس سوو العمليه و اعمارهم بالستين و السبعين...اسعار العمليات في كندا اغلى بكثير وتراوح بين6000 الى 24000 ريال قطري و حسب الحالة. انشاء الله السلامة للجميع