زراعة النخيل على كورنيش و شواطئ قطر

[البيروني]

معظم شواطئ قطر التي تم تهيئتها للزوار تم زراعة النخيل بها و انا اشعر بان النخيل وهو ما يفترض ان تكون شجرة برية لا يتلائم جماليا ابدا مع البحر فكل منهما له بيئتة المختلفة وتم اقحام الاثنيين ولا اجد أي رابط بينهما
كثير من شواطئ الخليج زرعت بجوز الهند و اريكستوم و هما فصائل شاطئية و تعطي منظر جمالي متناسق تماما

102023

هل تعتقد ان النخيل يتلائم جماليا مع شواطئ البحر ؟

[مضارب دوسري]

من هو قوي الملاحظه اللي بيصيد الخطا فالعنوان:nop:


اتفق معاك

بس انا اشوفها كشكل جمالي بعد ماشي
ولو انه زراعه تناسب الشواطئ اكيد الشكل بيكون اجمل

على حسب طبيعة التربه ممكن شواطئنا لا تتناسب مع جوز الهند والاريكستوم

[معماري قطري]

شيء أكيد نبي جو ميامي في الدوحة

النخيل أو فصائل النخيل أنواع كثيرة منها هذي اللي حاط صورتها اظن تسمى كنغ بالم تري ( الملكية ) شتلاتها غالية .. جوز الهند يتغذى على مياه مالحة وتربة مالحة رملية ويموت لو حطيته في تربة عادية .. هذا ما سمعت عنه

الواشنطونيا تعيش وتطلع بسرعة كبيرة في بيتي زرعت صغار ألحين طولهم بعد حول 10 سنين فوق العشر أمتار واشوف بدوا يزعونها في الشوارع وهي شجرة قوية فقط تحتاج لتكريب كل ست شهور

[معماري قطري]

من هو قوي الملاحظه اللي بيصيد الخطا فالعنوان:nop:


اتفق معاك

بس انا اشوفها كشكل جمالي بعد ماشي
ولو انه زراعه تناسب الشواطئ اكيد الشكل بيكون اجمل

على حسب طبيعة التربه ممكن شواطئنا لا تتناسب مع جوز الهند والاريكستوم

اف يبي له تعديل وحظر على صاحب الموضوع ست ساعات

[البيروني]

[QUOTE=مضارب دوسري;10675249]من هو قوي الملاحظه اللي بيصيد الخطا فالعنوان:nop:


اتفق معاك

بس انا اشوفها كشكل جمالي بعد ماشي
ولو انه زراعه تناسب الشواطئ اكيد الشكل بيكون اجمل

على حسب طبيعة التربه ممكن شواطئنا لا تتناسب مع جوز الهند والاريكستوم[/QUOTE

توني منتبه على العنوان حاولت اعدل بس ما قدرت
البركة بالمشرفين و الله يعينهم على غلطاتنا

[البيروني]

شيء أكيد نبي جو ميامي في الدوحة

النخيل أو فصائل النخيل أنواع كثيرة منها هذي اللي حاط صورتها اظن تسمى كنغ بالم تري ( الملكية ) شتلاتها غالية .. جوز الهند يتغذى على مياه مالحة وتربة مالحة رملية ويموت لو حطيته في تربة عادية .. هذا ما سمعت عنه

الواشنطونيا تعيش وتطلع بسرعة كبيرة في بيتي زرعت صغار ألحين طولهم بعد حول 10 سنين فوق العشر أمتار واشوف بدوا يزعونها في الشوارع وهي شجرة قوية فقط تحتاج لتكريب كل ست شهور

ماشاء الله عليك له دراية بأنواع النخيل
صحيح توني اقرأ عنهم فية الكناري و الملكية و غيرها
سبحان الله شيء عجيب
انا أتوقع جوز الهند وفية نوع اسمة Roystonia regia اشكالهم روعة على البحر

[naklan]

شجر اللوز حلو حذا البحر شجر لصبار قوي
ويغذي الطيور والنحل والحمام وضلال للجلوس بس
ربعنا مايعرفون الا النخل حتى السدر زين

[معماري قطري]

شجر اللوز حلو حذا البحر شجر لصبار قوي
ويغذي الطيور والنحل والحمام وضلال للجلوس بس
ربعنا مايعرفون الا النخل حتى السدر زين

السدر نافع وقوي لبيئتنا القطرية شوف الطرق اللي زرعوا عليها سدر شلون صارت وكبر الشجر .. ميزته يعمر ويرتفع ويكبر ويقوى

[معماري قطري]

ماشاء الله عليك له دراية بأنواع النخيل
صحيح توني اقرأ عنهم فية الكناري و الملكية و غيرها
سبحان الله شيء عجيب
انا أتوقع جوز الهند وفية نوع اسمة Roystonia regia اشكالهم روعة على البحر

قسم الزراعة عندنا مقل في هذا النشاط والا المفروض من زمان الدوحة والشوارع كلها مزروعة حتى الخارجية

[راعي الكورفت]

ليس فقط تشجير الشواطئ.
بل نحتاج الى تشجير جميع المناطق.
لكي تصبح بلادنا جميله.
مثل أوروبا.

[معماري قطري]

ليس فقط تشجير الشواطئ.
بل نحتاج الى تشجير جميع المناطق.
لكي تصبح بلادنا جميله.
مثل أوروبا.

كثير مشجرين جدام بيوتهم وانا منهم .. التشجير سهل ويظلل على البيت ويجمله وكثير مناطق استووا يعملون فيها مساحات خضراء للمشي بس اتمنى يخلونها مفتوحة لأن الانفتاح يزيدها جمال وامتداد بصري بدون عوائق .. أما يحطون جدران وحديد يسوونه كأنه بيت مب مكان نزهة عام وحديقة اسباير مثال ناجح لما أقصد بس شغل أجانب مب عرب .. حديقة الحيوان كانت بشبك يسمح بالرؤية تدخلت العقول الحجرية وسووا سور ضخم ما يبين وشو وراه

[ابوالعبد]

انا مع تشجير كل المناطق

[ابوالعبد]

ونبي بعد سناجيب ونبي شجر الكستناء عشان مانسافر اوربا ونبي عصافير ملونه

[بوخميس]

النخيل ما اشوف اي فايدة من زراعته

لا منظر ولا ظل ولا اكسجين وحتى الثمر ما يصلح لان الشجرة في الشارع ويصيدها انواع الملوثات، حتى الطيور ما تستفيد من الشجرة ما تقدر تبني عليها اعشاش

الغريب ان في الممشى اللي اروح له (المطار القديم) المنطقة اللي قدام مرور المطار كان فيها سيدين، سيد يمين مسار السياكل كان مزروع اشجار كنار، قاموا شلوها كلها وصار الممشى كأنه مفصخ، ما ادري ايش السبب

[ابوالعبد]

كان ممشي جميل كنه نتمشي فيه احين مايصلح للمشى اعتقد كبرو شوارع هناك فطروا يشيلون الشجر

[بوخميس]

كان ممشي جميل كنه نتمشي فيه احين مايصلح للمشى اعتقد كبرو شوارع هناك فطروا يشيلون الشجر

لا ياخوي

بالعكس الحين احسن، في خط مشي وخط سياكل وغيروا الانترلوك والمساحة لحين ممتازة

والشجر اللي شالوه توه يمكن ما صار له سنة مزروع

[راعي الكورفت]

كثير مشجرين جدام بيوتهم وانا منهم .. التشجير سهل ويظلل على البيت ويجمله وكثير مناطق استووا يعملون فيها مساحات خضراء للمشي بس اتمنى يخلونها مفتوحة لأن الانفتاح يزيدها جمال وامتداد بصري بدون عوائق .. أما يحطون جدران وحديد يسوونه كأنه بيت مب مكان نزهة عام وحديقة اسباير مثال ناجح لما أقصد بس شغل أجانب مب عرب .. حديقة الحيوان كانت بشبك يسمح بالرؤية تدخلت العقول الحجرية وسووا سور ضخم ما يبين وشو وراه

لله الحمد الدوله عندها الاماكانيه الماديه لتشجير البلاد.
جميع المناطق وجميع الشوارع .

بتزداد البلاد جمالا.
وتصير خضراء.
والجو بيصير اجمل
والحراره بتقل مع التشجير لان الشجر يقلل الحراره ويلطف الجو.

وتصير قطر دوله خضراء جميله مثل دول أوروبا .

[naklan]

الي يطالبون بالتشجير انا معاكم ولكن
قبل التشجير يبيلهم خزانات ضخمة تحت الارض
لتخزين مياة الأمطار ونضرب عصفورين بحجر
تصريف مياة الأمطار من الشوارع والاستفادة
طول السنة منها لري المزروعات

[معماري قطري]

ونبي بعد سناجيب ونبي شجر الكستناء عشان مانسافر اوربا ونبي عصافير ملونه

وصلني مقطع للحيا في الشمال وطير كبير ملون وغريب مصورينه نسيت اسمه بس شكله وايد حلو ومن الطيور المهاجرة

[معماري قطري]

الي يطالبون بالتشجير انا معاكم ولكن
قبل التشجير يبيلهم خزانات ضخمة تحت الارض
لتخزين مياة الأمطار ونضرب عصفورين بحجر
تصريف مياة الأمطار من الشوارع والاستفادة
طول السنة منها لري المزروعات

آخر مرة شفطوا 58 مليون جالون مياه من الشوارع

هذي أكيد فيها ملوثات بس سهلة تنقيتها وقبل سووا آبار حقن مياه أمطار لجوف الأرض ما ادري شصار عليها

في كاليفورنيا يخزنون المياه في حوض كبير مفتوح دفان وفيه غشاء عازل تحت وتتم تغطيته بكور سوداء تعكس نور الشمس وتقلل التبخر وتغطي السطح تحت يستوي ظلام

[معماري قطري]

للبيت العادي تقريباً 800 غالون في اليوم ويبحبون نفسهم بها .. 58 مليون غالون تكفي 72500 بيت وهذي المطرة الأخيرة اللي قبلها أكثر بكل المقاييس

[naklan]

آخر مرة شفطوا 58 مليون جالون مياه من الشوارع

هذي أكيد فيها ملوثات بس سهلة تنقيتها وقبل سووا آبار حقن مياه أمطار لجوف الأرض ما ادري شصار عليها

في كاليفورنيا يخزنون المياه في حوض كبير مفتوح دفان وفيه غشاء عازل تحت وتتم تغطيته بكور سوداء تعكس نور الشمس وتقلل التبخر وتغطي السطح تحت يستوي ظلام

ما شاء الله 58 مليون جالون تسوي شغل
بدل ما المطر يدمر الشوارع في النزول ونخسر
في التخلص منه شويه مخ ويصير نعمة
وثروة حتى لو عمل لنا اكتفاء للري
لمدة 6 شهور من السنة يوفر
ملايين

[معماري قطري]

لله الحمد الدوله عندها الاماكانيه الماديه لتشجير البلاد.
جميع المناطق وجميع الشوارع .

بتزداد البلاد جمالا.
وتصير خضراء.
والجو بيصير اجمل
والحراره بتقل مع التشجير لان الشجر يقلل الحراره ويلطف الجو.

وتصير قطر دوله خضراء جميله مثل دول أوروبا .

قبل يا اخوي مسؤولية التشجير على الدولة من سيارات ومزارعين وغيره .. ألحين على شركات شغل غالي على الدولة وكل شيء بحسابه

الشوية شجر اللي تشوفها في الشارع لو تطلبها جدام بيتك تجيك بأسعار خيالية وانت مواطن فكيف بالدولة .. لكن لو تسويها بمجهودات شخصية تطلع عليك بمبلغ تافه خصوصاً الأشجار القوية مثل السدر والقرط بأنواعه

اليوم رحت مقر عملي ودخلت مشيت في الساحة فيه شجرة قديمة من بداية الثمانينات ما ادري شسمها أوراقها كبار أكبر من كف اليد وشبه دائرين .. بس جذعها واصل فوق المتر وارتفاعها فوق دورين بس قصوا شوي من فوق حتى يقدرون يبنون جنبها .. وفيه سدرة قديمة غرب من مقر وزارة الاعلام السابقة طالعة بين العشب غصب وخلوها كبرت بطريقة عجيبة واستوت مظللة على المكان

بالصدفة اشوف سدرة ورا البيت عندي جذعها إستوى فوق 20 سم وما شاء الله مغطية لين السطح والبنتهاوس ورقها يسد مجاري المطر

[معماري قطري]

ما شاء الله 58 مليون جالون تسوي شغل
بدل ما المطر يدمر الشوارع في النزول ونخسر
في التخلص منه شويه مخ ويصير نعمة
وثروة حتى لو عمل لنا اكتفاء للري
لمدة 6 شهور من السنة يوفر
ملايين

صحيح وجمعه وتخزينه سهل لو تم عمل منخفضات في مناطق بعيدة عن الطرق وتلوثها تجمع مياه المطر وتكون مغطاة عن لا تتبخر وتجربة الكور البلاستيكية تنفع لعدم تبخر المياه لفترة معقولة

مياه الطرق تحتاج تصريف وجمع وتنقية خاصة .. أكيد أقل وأسهل من تنقية الصرف الصحي .. ولو حبينا نقضي على الملوثات بصورة أكبر نركب عوادم خاصة للسيارات أو نطلبها بها وهذي تركب على كل السيارات الأمريكية والاوروبية وتخفف من استهلاك البترول كثير .. الديزل لازم نحسن من نوعيته

[معماري قطري]

نستبشر خير بإذن الله وبدينا نشوف تغير كبير والسبب معروف لعيون كاس العالم

إحنا القطريين موجودين من الأزل هنا ونستحق تشجير من زمان بس الحمد لله العالم طلب كذا

[بوخميس]

ممكن يسوون مخازن مياه مؤقتة قريبة من الطريق المداري لتشجير الطريق المداري وهو طويل

وفي نفس الوقت كمصدات رياح وزحف الرمال