أين يوجد مستشفى بيطري حكومي

[Saranay]

السلام عليكم ورحمة الله وبركاته

عندي قطة رجلها مكسورة ومنتفخة .. لا تقدر تمشي وعرفت الأكل
هل في إسعافات أولية اقدر أقوم بيها

أين يوجد مستشفى بيطري حكومي وكم رقمهم

جزاكم الله خير

[khalid Qtr]

وعليكم السلام ورحمة الله وبركاته

معيذر الشمالي، قبل وذنان مول على اليمين.

[aziz4z]

عادة عند حدوث كسر لايحدث انتفاخ

القطو يحتاج راحة وحاول تمنعه من كثرة الحركة ، خليها في مكان صغير عشان ما تتحرك وايد مع توفير كل شيء الاكل و الشرب

[Saranay]

هذا حكومي. ممكن الرقم

[وحيد-الشوق]

وعليكم السلام ورحمة الله وبركاته

الظاهر كثير من الناس يتناسون ان الحيوانات روح مب معقول مافي مراكز طبيه حكومية

[راعي الكورفت]

الله يشفي قطوتك وتقوم بالسلامه.

في دكتور بيطري مصري في محل بيع الحيوانات في شارع المنتزه عالج كسر رجل قطوتي

ماشاءالله رجعت تركض من جديد.

وفي ايضا مركز بيطري خاص في شارع ابن عمران.
سويت عمليه لنفس القطو وشالوا لها الرحم.

السالفه قبل اربع سنين ونص.

قطوتي الله يسلمك من اجمل قطاوة الفريج.
كانت قطوتي حامل.

والقطاوه في بطنها ماتوا
وكانت طايحه وشوي بتودع الحياه.


كنت ذيك الفتره مسافر.
واخوي الصغير شافها وهي قريبه من الموت.
شالها ووداها المستشفى في بن عمران.

دكتوره بريطانيه سوت لها العمليه القيصريه وشالت لها الرحم.

وبعد العمليه تشافت القطوه بس ماتجيب عيال والحمدلله لين الحين عايشه وهي معانا من 2012.

اما لو تبي بيطري مركز حكومي فاعتقد في شارع المطار القديم قدام الشوب رايت عند تقاطع انصار جاليري.

بس المركز الحكومي ما اعتقد بيهتمون في قطوتك مثل المراكز الخاصه.

والسبب لان الأول ببلاش والثاني بفلوس.

[معماري قطري]

قريب من بيتي بيطري يا عله طيارة تطيح عليه وتخلصني منه أذونا بصوت نباح الكلاب .. لا وألحين اجازات الأجانب يجمعون كلابهم في كبينة ورا ويخلونهم يعزفون سمفونيات نباح ما عزفها بتهوفن

المهم لا تفكرين تودين قطوتج صوبهم على شارع الوعب مقابل حياة بلازا

[سعود.]

مقابل ساحة المزروعة اخبر فيه بيطري حكومي

[Saranay]

ممكن ارقام التلفون
الوصف بهذه الطريقة ماينفع. واحتمال غيروا اماكنهم وعزلوا

[naklan]

اذا صعب عليك العنوان اتصلي فيهم
ويبعثون لك لوكيشن على واتس اب وتوصلين
بكل يسر وسهولة

[naklan]

لا تتاخرين القط المسكين يتالم
وصليه بكرة للمستشفى بأسرع وقت

[راعي الكورفت]

ممكن ارقام التلفون
الوصف بهذه الطريقة ماينفع. واحتمال غيروا اماكنهم وعزلوا

هذي ارقام المستشفيات البيطريه.

مستشفى الكندي البيطري
44118850

مركز قطر البيطري فرع العزيزيه
40161366

مركز قطر البيطري فرع دحيل
44148540

هذا رقم مركز بيطري يسوي عمليات جراحيه.
44367187

اتمنى اني افدتك ولو بشي بسيط.

تحياتي.

[ابو عبدالله.]

توجد مواقع للبيطره الحكوميه
ام صلال خط المزروعه
الريان
مجمع عزب الوكره
موقع البيطره في فريج المطار من كم يوم مفتوح لكن قالوا بيسكرون و بينتقلون للريان اعتقد
الافضل الاتصال بوزاره البلديه و البيئه و طلب ارقام الفروع و معرفه المواقع القريبه منك

العلاج و الادويه مجاني