موضة اقامة حفلات الزواج في الحارج!!!!!

[شبعان]

امس وصلني على الواتساب مقطع فيديو لحفل زواج عائله "قطريه" في لبنان !! والحفل للأسف فيه راقصات شبه عاريات!!!

ومن مده وصلني فيديو لحفل زواج لعائله قطريه في إيطاليا !!!


ليش هالأسراف والتبذير ؟؟؟؟

[اللوز]

امس وصلني على الواتساب مقطع فيديو لحفل زواج عائله "قطريه" في لبنان !! والحفل للأسف فيه راقصات شبه عاريات!!!

ومن مده وصلني فيديو لحفل زواج لعائله قطريه في إيطاليا !!!


ليش هالأسراف والتبذير ؟؟؟؟



للاسف : اللي عنده فلوس تحيره ... يشتري حمام ويطيره !!

[ولد العرب]

امس وصلني على الواتساب مقطع فيديو لحفل زواج عائله "قطريه" في لبنان !! والحفل للأسف فيه راقصات شبه عاريات!!!

ومن مده وصلني فيديو لحفل زواج لعائله قطريه في إيطاليا !!!


ليش هالأسراف والتبذير ؟؟؟؟



ابووي شلونك عساك طيب

عني انا بحسن الظن ماشفت الفيديو
ممكن متزوج لبنانيه وصار الزواج هناك والحضور وخلاعه سيمات بعض المجتمعات منهم وفيهم

[Rider]

ياخوي الهنود قاموا يجون من الهنود ويسون اعراسهم في الدوحه وكانه اليوم فيه خبر الملحق الاقتصادي للراية

[معماري قطري]

ابووي شلونك عساك طيب

عني انا بحسن الظن ماشفت الفيديو
ممكن متزوج لبنانيه وصار الزواج هناك والحضور وخلاعه سيمات بعض المجتمعات منهم وفيهم

لا اخوي قطري وقطرية وأغلب المعازيم قطريين .. يقولون أرخص

[معماري قطري]

انا والله ضد البذخ في الأعراس والمسؤولية تقع على المعرس والعروس أوقات ندفع واحنا مب مقتنعين بس شنسوي

[sara jsm]

والله شي حلو الصراحة تغيير :o ... ودام عندهم امكانيه بكيفهم ..
بس ان شاءالله ماكان العرس خلط :p

[شموخ دائم]

,

,


مرحبا

شكرا على الموضوع

الموضه الشي الي ينتشر بين الناس بسرعه

اما الزواج هذا هم ( حالتين ) فقط
لذلك ما نقدر نقول عنهم موضه :)

بعطيك هذا السيناريو


واحد مهم في السلك الدبلوماسي ومقيم في إيطاليا والله منعم عليه
وكل علاقاته مع تجار ودبلوماسيين في اوربا ووزراء من دول عربيه ومن اسر كبيره خليجيه

ولده بيتزوج

واكثر المدعوين من اوربا ودول عربيه وخليجيه

هل يقيم العرس في خيمه في الفريج بقطر
او يختار مكان اقرب من مقر اقامته و للمدعوين ( المهمين ) في اوربا ومن الدول العربيه


السيناريو الثاني
واحد الله منعم عليه بمليارات وقادر يسوي عرس يليق بمكانته ومقامه
يروح قاعه الرفاع او يروح قاعات لبنان واوربا من باريس ولندن

منها عرس ومنها ( تغيير جو للمعازيم )
:)

اذا قادر الله يوفقه ويزيده من فضله

,

,

[الحياة الخالدة]

اذا السالفة مافيها محاذير شرعية (وأركز على هذه النقطة ) ، ماشوف مشكلة يسوون اعراسهم في المكان اللي يحبونه

[7aayaahh1]

معظم الناس تنسى أن الهدف من حفلات الزواج هو الإشهار وما بعد الحفلة هو الأهم

[معماري قطري]

,

,


مرحبا

شكرا على الموضوع

الموضه الشي الي ينتشر بين الناس بسرعه

اما الزواج هذا هم ( حالتين ) فقط
لذلك ما نقدر نقول عنهم موضه :)

بعطيك هذا السيناريو


واحد مهم في السلك الدبلوماسي ومقيم في إيطاليا والله منعم عليه
وكل علاقاته مع تجار ودبلوماسيين في اوربا ووزراء من دول عربيه ومن اسر كبيره خليجيه

ولده بيتزوج

واكثر المدعوين من اوربا ودول عربيه وخليجيه

هل يقيم العرس في خيمه في الفريج بقطر
او يختار مكان اقرب من مقر اقامته و للمدعوين ( المهمين ) في اوربا ومن الدول العربيه


السيناريو الثاني
واحد الله منعم عليه بمليارات وقادر يسوي عرس يليق بمكانته ومقامه
يروح قاعه الرفاع او يروح قاعات لبنان واوربا من باريس ولندن

منها عرس ومنها ( تغيير جو للمعازيم )
:)

اذا قادر الله يوفقه ويزيده من فضله

,

,

الأُصول أُصول يا اخوي شموخ والتقاليد معروفة في العرس أما المجون ورقاصة نص لابسة وعرس خلط هذي مب من تقاليدنا

صدقني عندنا أغنياء وشيوخ ما عليهم قصور بس تدخل أعراسهم تشوف الطيبة والحشمة والتواضع .. الفلوس مب موصلتهم القمر ولا بتخرق بهم الارض وتؤبرني وتؤبريني وشو بيلبئ لك كلها وراها ادفع وفي نفسه يقول غبي والله معطيه فلوس

هذيلا اللي يذوبون في هذي الحضارات حتى طاقم شركاتهم منها وحتى لو مسكوا شغله حكومية خيارهم الأول هذيلا والا القطري لا ما يفهم شيء

[معماري قطري]

علينا ننكر الغلط بقلبنا أو بلساننا وقلمنا وحرفنا واحنا قادرين على انكاره بكلماتنا في بلاد الخير قطر

بعدين شفيها قاعات الأفراح اللي أنشأتها بغالي حكومتنا وأكرمتنا بها ما اظن في لبنان قاعة مثلها وبترتيبها شايفين لبنان مرات ومرات ولي روحة لها قريب بس حضارتنا وأعراسنا ورقينا أفضل بكثير من مطرب ينطط بكلمات حتى غريبة علي .. عرضاتنا وشيلاتنا أحلى لهذي المناسبة والا العشاء الزين وذاك الحاشي ما بعده لا حمص ولا تبولة وكلها قريبة ومتوفرة في قطر

[معماري قطري]

اذا السالفة مافيها محاذير شرعية (وأركز على هذه النقطة ) ، ماشوف مشكلة يسوون اعراسهم في المكان اللي يحبونه

بعد المحاذير الشرعية انا ما ذكرتها بس مفهومة من سياق كلامي

[بو خليفه 123]

خطوه جميله من باب كسر الروتين . ممكن اطبقها في عرسي القادم و كلكم معزومين (شباب المنتدى فقط)

[راجي الْعفو]

خطوه جميله من باب كسر الروتين . ممكن اطبقها في عرسي القادم و كلكم معزومين (شباب المنتدى فقط)

بو خليفة داش يناحس بتعليقه و يطلع ^_^

ع البركة مقدما ^_^

[راجي الْعفو]

علينا ننكر الغلط بقلبنا أو بلساننا وقلمنا وحرفنا واحنا قادرين على انكاره بكلماتنا في بلاد الخير قطر

بعدين شفيها قاعات الأفراح اللي أنشأتها بغالي حكومتنا وأكرمتنا بها ما اظن في لبنان قاعة مثلها وبترتيبها شايفين لبنان مرات ومرات ولي روحة لها قريب بس حضارتنا وأعراسنا ورقينا أفضل بكثير من مطرب ينطط بكلمات حتى غريبة علي .. عرضاتنا وشيلاتنا أحلى لهذي المناسبة والا العشاء الزين وذاك الحاشي ما بعده لا حمص ولا تبولة وكلها قريبة ومتوفرة في قطر

يا سلام ع الحاشي ^_^ يبتها يا بوعبدالله

حتى لو سلم من المحاذير الشرعية

مثله مثل اللي يعيّد برا البلد

عيد من غير طعم

[البرونزي]

على حسب ماسمعت من احد الاسباب ان نسبة كبيرة من المعازيم
من دول الفجار ومايقدرون يجون قطر هذا والعهد على الراوي

[وسمي2016]

الحصار وما يسوي,,,,خصوصا بالنسبه للعوائل المتداخله
بشكل واسع,,,,مع البحرين و مع السعوديه,,,وتو ناس من
الربع سووا عرس الرجال هنا والحريم فالكويت,,,

ولكن يبقى الاقتصاد فالمصرف هو الاهم والتبذير والمجون يحصل سواء
العرس فالدوحه والا في بلاد الواق الواق,,,,,,,,,

وذلك مكروه ان لم يكن محرم

وليكن شعارنا " رأس الحكمه مخافة الله "

[غايه الطواش]

كيفهم والله يهني سعيد بسعيده
الي ربي منعم عليه يسوي عرسه بالمكان الي يبيه
انبسطت لهم وايد مع اني ماعرفهم
خلال سنتين هاي رابع عرس قطري شفته برا

[معماري قطري]

يا سلام ع الحاشي ^_^ يبتها يا بوعبدالله

حتى لو سلم من المحاذير الشرعية

مثله مثل اللي يعيّد برا البلد

عيد من غير طعم

صدقت كم عيد مر علي برا قطر وهالسنة مضطر اسافر بعد اليوم الوطني بعد بافتقد الأجواء الحلوة

[معماري قطري]

كيفهم والله يهني سعيد بسعيده
الي ربي منعم عليه يسوي عرسه بالمكان الي يبيه
انبسطت لهم وايد مع اني ماعرفهم
خلال سنتين هاي رابع عرس قطري شفته برا

ياليت المسئلة مسئلة غنى وخير وسعة .. المسئلة يدورون الرخيص والمميز .. هناك بيحصلون فرقة رقص بسعر معقول والا معئول ولا بدافعين تذاكرهم واقامتهم .. حتى البوفيه نص قيمته في قطر والقاعة رخيصة مقارنة بقاعات قطر وتحضيرها وانا كلامي للفنادق .. عرس بنتي قريب وتمنيته في البيت بدون هالخربطة بس مب قد القوم كلهم

[معماري قطري]

بعدين يعزمون ناس وهم ضامنين نصهم مب جايين بسبب تكاليف السفرة اللي بيدفعها المعزوم

[معماري قطري]

الحصار وما يسوي,,,,خصوصا بالنسبه للعوائل المتداخله
بشكل واسع,,,,مع البحرين و مع السعوديه,,,وتو ناس من
الربع سووا عرس الرجال هنا والحريم فالكويت,,,

ولكن يبقى الاقتصاد فالمصرف هو الاهم والتبذير والمجون يحصل سواء
العرس فالدوحه والا في بلاد الواق الواق,,,,,,,,,

وذلك مكروه ان لم يكن محرم

وليكن شعارنا " رأس الحكمه مخافة الله "

اذا لهم أهل في هذي الدول عذرهم معاهم والكويت وعمان قريبة منا ومن طبايعنا ما نروح لبلاد غير طبع وطبائع .. حتى قاعة الحريم يخدمون عليها رجال أو حتى العرس مختلط

[هيباتيا]

أعراسهم وكيفهم

[مهرة]

..

مادري ليش مستغربين من هالزيجات؟؟ يمكن لأنهم مصورين وحابين انه ينتشر

عادي مش اول مره،، صارت كثيييير اسطنبول، بيروت، اليونان، لندن

وأحلاهم في اسطنبول:o وبالعكس تغيير.. شغل راقي، مكان أثري، حضور طاغي، أجواء خيالية وبتكلفة (معقولة)

[sweet qatar]

شيكت على قصور فرنسا لإقامة الاعراس

لقيت قصر رومانسي لو اسوي فيه العرس واسكن ضيوفي لمدة اسبوع


بيكلفني اقل من 400 الف


لو دلعت نفسي و ضيوفي بميزانية 500 الف بيكون عرس ولا اروع و وناسة حقيقية لكل العائلة


ولا ملايين تنصرف على ليلة وحدة .. العروس ما تشوف منها الا كم ساعه

[معماري قطري]

شيكت على قصور فرنسا لإقامة الاعراس

لقيت قصر رومانسي لو اسوي فيه العرس واسكن ضيوفي لمدة اسبوع


بيكلفني اقل من 400 الف


لو دلعت نفسي و ضيوفي بميزانية 500 الف بيكون عرس ولا اروع و وناسة حقيقية لكل العائلة


ولا ملايين تنصرف على ليلة وحدة .. العروس ما تشوف منها الا كم ساعه

إذا القصد الأسعار أكيد هناك أرخص بس مهما يكون عرس بمقاييسهم إقتصادي .. هنيه بعد الحكومة ما قصرت سوت قاعات ببلاش للرجال وللنساء

[معماري قطري]

المشكلة الجنسيات المستفيدة من تجهيز الأفراح هنا في قطر هي المستفيدة من تجهيز العرس في لبنان والدول العربية وكله شغل سمسرة وزيد وازيد

[sweet qatar]

إذا القصد الأسعار أكيد هناك أرخص بس مهما يكون عرس بمقاييسهم إقتصادي .. هنيه بعد الحكومة ما قصرت سوت قاعات ببلاش للرجال وللنساء


الله يعز الحكومة

لكن البوفيه وباقي التفاصيل مب ببلاش

[معماري قطري]

الله يعز الحكومة

لكن البوفيه وباقي التفاصيل مب ببلاش

بس بسعر بسيط لو بنحسبها صح ونقدر نسوي بوفيه يستاهل

[مهرة]

شيكت على قصور فرنسا لإقامة الاعراس

لقيت قصر رومانسي لو اسوي فيه العرس واسكن ضيوفي لمدة اسبوع


بيكلفني اقل من 400 الف


لو دلعت نفسي و ضيوفي بميزانية 500 الف بيكون عرس ولا اروع و وناسة حقيقية لكل العائلة


ولا ملايين تنصرف على ليلة وحدة .. العروس ما تشوف منها الا كم ساعه



بالتوفيق سويت بتعزمينا صح.!

لا تحاتين تذكرتي وغرشة مايي;)

تدرين لو تشوفينه ع الطبيعه أحلى بكثير اقصد القصر بتتغير مخططاتج وبتبدعين فيه
وصادقة مثل ما قلتي الكل بيفرح ويستانس واخيرا يتحقق حلم سندريلا..
والسعر طيب كجودة مقاييس التنفيذ مقابل الخدمة والموقع والأجواء ككل

[مهرة]

المشكلة الجنسيات المستفيدة من تجهيز الأفراح هنا في قطر هي المستفيدة من تجهيز العرس في لبنان والدول العربية وكله شغل سمسرة وزيد وازيد


صحيح كلامك اخوي معماري،، هم متواجدين بكل الدول الخليجية بالذات فكيف من بلادهم؟

أرجح دول وجزر غير عربية اذا بنتكلم بخصوص التكلفة،، والله يهنيهم موفقين معاريس 2018 و 2019

[ya3coub]

بالنسبة لي ما اشوف فيها شي لأنه عن نفسي من زمان ودي عرسي يكون برع الدوحة ماعدا الحريم أكيد بتكون لها حفلتين وحدة فالدوحة لها ووحدة برع.


و عندي اكثر من شخص من ربعي اللموضوع مو بس رخص الموضوع فيه اشياء وايد كل واحد و اللي يبيه و يتمناه ان شاء الله مع اهله المقربين و ربعه و بصراحة خصوصا للحريم عن القيل و القال و العقار.

ما بيتعنى إلا اللي صج يمون و منها صغير مدلقم على قدنا فالدوحة لازم تعزم الكل و الخ الخ الخ المصاريف الللي مالها اي داعي.

عن نفسي اذا مو للشو و في اسباب براحتهم بس ضوق و انا اعرف بمعارف شخصية اكثر.

في قطرين و امهاتهم اجانب و ما اشوف فيها اي شي الواحد يسوي عرسه فالمكان اللي يبيه شرط ما يكون فيه حرام او اشياء مخلة بالظوابط الشرعية نفس ما ذكرت اختنا الحياة

[ya3coub]

شيكت على قصور فرنسا لإقامة الاعراس

لقيت قصر رومانسي لو اسوي فيه العرس واسكن ضيوفي لمدة اسبوع


بيكلفني اقل من 400 الف


لو دلعت نفسي و ضيوفي بميزانية 500 الف بيكون عرس ولا اروع و وناسة حقيقية لكل العائلة


ولا ملايين تنصرف على ليلة وحدة .. العروس ما تشوف منها الا كم ساعه

ياريت الموقع :oops: لأنه صج باريس مو غلط بعد اللي بيجيني عليه التذكرة بس و في اثنين سوو شي مشابه فاسبانيا العام. الله يباركلهم و توه جاهم اول مولود

[sweet qatar]

بالتوفيق سويت بتعزمينا صح.!

لا تحاتين تذكرتي وغرشة مايي;)

تدرين لو تشوفينه ع الطبيعه أحلى بكثير اقصد القصر بتتغير مخططاتج وبتبدعين فيه
وصادقة مثل ما قلتي الكل بيفرح ويستانس واخيرا يتحقق حلم سندريلا..
والسعر طيب كجودة مقاييس التنفيذ مقابل الخدمة والموقع والأجواء ككل

ما يبيلها كلام .. بحط سويتات بنات المنتدى جنب بعض ولكم خدمة خاصه :o

أساسا فرنسا وجهة عالمية للاعراس يعني بتلقين كل الي تبينه وبأي ميزانية تحطينها

و مثل ما تقولين الفلوس لو انصرفت بهالطريقة مب خسارة والفرحة بتكون للجميع مب ناس تشقى و يبين عليها التعب في العرس

[sweet qatar]

ياريت الموقع :oops: لأنه صج باريس مو غلط بعد اللي بيجيني عليه التذكرة بس و في اثنين سوو شي مشابه فاسبانيا العام. الله يباركلهم و توه جاهم اول مولود


اذكر سالفة عرس اسبانيا حبيته وايد الله يبارك لهم والفال لك

القلعه الي شفتها مب في باريس نسيت اي منطقة لاني بحثت في جوجل


كان الموقع مثل هذا


https://www.oliverstravels.com/blog/most-romantic-places-to-get-married-in-loire-valley/

[عيسى111]

التبذير مؤشر لبداية زوال النعمة سواءً على مستوى الأفراد أو الدول

[معماري قطري]

بالنسبة لي ما اشوف فيها شي لأنه عن نفسي من زمان ودي عرسي يكون برع الدوحة ماعدا الحريم أكيد بتكون لها حفلتين وحدة فالدوحة لها ووحدة برع.


و عندي اكثر من شخص من ربعي اللموضوع مو بس رخص الموضوع فيه اشياء وايد كل واحد و اللي يبيه و يتمناه ان شاء الله مع اهله المقربين و ربعه و بصراحة خصوصا للحريم عن القيل و القال و العقار.

ما بيتعنى إلا اللي صج يمون و منها صغير مدلقم على قدنا فالدوحة لازم تعزم الكل و الخ الخ الخ المصاريف الللي مالها اي داعي.

عن نفسي اذا مو للشو و في اسباب براحتهم بس ضوق و انا اعرف بمعارف شخصية اكثر.

في قطرين و امهاتهم اجانب و ما اشوف فيها اي شي الواحد يسوي عرسه فالمكان اللي يبيه شرط ما يكون فيه حرام او اشياء مخلة بالظوابط الشرعية نفس ما ذكرت اختنا الحياة

مرة حضرت عرس في البر .. كان بسيط وحلو وصراحة ولا أحلى .. أحد أقارب المعرس دخلني الخلة يراويني كيف بساطتها وكان الأثاث أرضي وبسيط .. كنت أيام جنوني ورعونتي عندي جي 1982 رجعت على طريق ممهد وفيه ارتفاعات وهبوطات كله حصى .. تحديتهم اسوق فوق ال 120 .. صج كان تحدي صعب وصلت فوقها بشوي بس حسيت إن الحادث قريب وبيكون كارثي رجعت خففت

[معماري قطري]

انا صراحة أعراس تؤبرني وتؤبريني ما تعجبني وكلها دخيلة علينا ولا حتى من الدين الإسلامي .. العروس تمسك ورد ولازم تلبس أبيض .. وراهم وراهم وين ما يروحون ( المسيحيين واليهود ) .. جيبوا لي عائلة سووا حفل زواجهم اسلامي حتى لو في هذي الدول وبتقاليد اسلامية خالصة

[durra]

ياريت الموقع :oops: لأنه صج باريس مو غلط بعد اللي بيجيني عليه التذكرة بس و في اثنين سوو شي مشابه فاسبانيا العام. الله يباركلهم و توه جاهم اول مولود

عاد العرس في اسبانيا لان ام المعرس اسبانية وكل الاهل هناك والعروس امها امريكية. . وكذا

[ya3coub]

عاد العرس في اسبانيا لان ام المعرس اسبانية وكل الاهل هناك والعروس امها امريكية. . وكذا

ادري و الله يباركلهم يارب.
مع ذلك كان بإمكانهم يسونه فقطر او امريكا

بس فالنهاية هاي خلاصة ردي الكل حر وين يبون سوائا عندهم اهل او لا ليلتهم احتفاليتهم الخاصة و الأصل بين اهلهم المقربين و ربعهم مو للدنيا كلها.

لا ازال مع الاعراس الجميلة مو الاوفر الخارجية

[معماري قطري]

عاد العرس في اسبانيا لان ام المعرس اسبانية وكل الاهل هناك والعروس امها امريكية. . وكذا

حرام عليج تذكرينا بأسبانيا وعندنا مراهقين فوق الخمسين ومقربين على التقاعد

[بوخميس]

عاد العرس في اسبانيا لان ام المعرس اسبانية وكل الاهل هناك والعروس امها امريكية. . وكذا

واللي امه قطرية حتى زواج ما يقدر يتزوج

[كاشف الغطاء]

واللي امه قطرية حتى زواج ما يقدر يتزوج

المفروض يكون له وضع خاص إذا تزوج قطرية بحيث يكون الأبناء مستحقين للجنسية وهم أولى من زوجة القطري الأجنبية

[معماري قطري]

المفروض يكون له وضع خاص إذا تزوج قطرية بحيث يكون الأبناء مستحقين للجنسية وهم أولى من زوجة القطري الأجنبية

القطري من أُم أجنبية قطري أما القطرية اللي عيالها تابعين لبلد ثاني ما يعتبرون قطريين ما لكم كيف تحكمون

[معماري قطري]

واللي امه قطرية حتى زواج ما يقدر يتزوج

محد مسكه يروح بلاده ويتزوج إذا ما يقدر عنده اعاقة أو شيء موضوع ثاني