المساعد الشخصي الرقمي

مشاهدة النسخة كاملة : بيبات الماء الخضراء


Qatar191
03-12-2018, 10:23 PM
السلام عليكم ورحمة الله وبركاته
بيبات الماء الخضراء المصنوعه من البلاستك المقوى هل هي مضره على الصحه وهل الشرب من الماء الي يطلع منها على البراده خطر لان المتعارف عليه ان البلاستك خطر جداً على صحة الانسان ولا اعلم هل هي نفس خطورته ياليت نستفيد من خبرتكم
وتحياتي لكم
معماري قطري
04-12-2018, 01:18 AM
عليكم السلام ورحمة الله وبركاته

هذي أول ما بدوا بها الألمان والألمان صناعتهم دقيقة حتى يعطون ضمان عليها 50 سنة ويقولون خلها مكشوفة للشمس ما عندك مشكلة .. شفت طريقة كشف عليها بتوليع كشاف التلفون ورؤية الأشعة هل تخترق البايب أو لا .. بعدين الالمانية مغلفة بتبطين خاص وصحية وسمعت أقاويل في قطر من أشخاص إن الموجود كله صناعات تركية وصينية وتقليد وهنا تكمن المشكلة

شراي مختبراتنا والدكتور محمد بن سيف الكواري الله أعلم

انا وقت بنيان بيتي كانت توها طالعة وضربت أخماس في أسداس لين استقريت على النحاس الانجليزي أما باقي النحاس بعد مغشوش وفيه خلطة شوائب معدنية غير منها الحديد ويصدي ويتآكل بسرعة

خطتي للبيت الجديد التانكي بيكون في بيسمنت خدمي تحت ومنه تطلع بايبات في قنوات داخلية لدورات المياه وما تكون قريبة من الحائط الخارجي توصلها حرارة الشمس .. واللي بيسوي دكت للبايبات انصحه يركب بايبات التوصيل جهة الداخل وحتى اللي فوق السطح يغطيها .. إخوي الله يغفر له مررها في سور السقف عنده مايل وعليه قرميد وطلعت البايبات مظللة طول الوقت
Qatar191
04-12-2018, 07:39 PM
الله يعطيك العافيه يامعماري على ردودك الوافيه واشكرك جزيل الشكر

ومازال الموضوع مفتوح للنقاش من باقي الاخوان
معماري قطري
05-12-2018, 04:36 PM
الله يعطيك العافيه يامعماري على ردودك الوافيه واشكرك جزيل الشكر

ومازال الموضوع مفتوح للنقاش من باقي الاخوان

الله يجزيك خير والعفو ما قلت الا اللي اعرفه

تبي معلومات أكثر وشرح أوضح عند حسين فكري كانوا يبيعون الألماني الأصلي .. سمعت إنه توقف بس ما اتوقع صحيح مرهم بيشرحون لك مميزاته ولو بتاخذه خذه بالاكسسوارات والوصلات
بن غيث
05-12-2018, 05:03 PM
شركة السهو .. طريق سلوى
Qatar191
07-12-2018, 12:39 AM
الله يعطيكم العافيه جميع
انا بنيت وسكنت من 2014 بس سؤالي كان للفائده العامه ومن باب الحيطه والحذر