افضل محلات لشراء الاثاث !!

[N203]

السلام عليكم

شي الأماكن الي تنصحوني فيها عشان أقوم بتاثيث المنزل ؟

من كراسي للمجالس والصالات .. وغرف النوم وغيرها...


انصحونا من واقع تجربتكم من حيث السعر والنوعية


شكرا

[Rider]

جعله منزل مبارك ياخوي اما بالنسبة للاثاث الاسعار غاليه وايد عندنا وهو يعتمد على ميزانيتك يعني ممكن تشوف ايكيا عندهم اشياء حلوه حتى هوم سنتر اما الاثاث الغالي تحصله في محلات طريق سلوى واذا انت راعي سفرات روح الصين كم يوم وختار اثاثك لي تبغيه ويواصلونه لكن لين باب البيت بنص سعر الدوحه

[sara jsm]

وعليكم السلام اخوي ... الله يجعله منزل مبارك ..

اخوي عندك طريق سلوى فيه وايد محلات حق المطابخ والحمامات الله يعزك وغرف النوم بس الاسعار وايد غالية ..
ويعتمد على الذوق والجودة بعد ... المجالس افضل شي الواحد يفصل وفي محل شغلهم حلو بس ناسيه اسمه للاسف ..
وايكيا اسعارهم معقولة بس الاثاث بسيط واوروبي وعندهم مطابخ وحمامات الله يعزك ايطالية نوعية ممتازة ..
واذا لك بارض روح تركيا .. الاسعار وايد حلوة هناك ومع الشحن البحري بيطلع عليك نفس اسعار الدوحة ..
:
الله يوفقك يااخوي هذي اصعب مرحلة الاختيار .. الله يسهل عليك ان شاءالله

[sweet qatar]

المفتاح

الستايل الكلاسيك :

نابكو (الغرافة) المحيط - موزاييك - الجميل (شارع المطار)

الستايل مودرن او نيوكلاسيك:

ذا ون - كاراكول - وست الم - بوتري بارن - لورا آشلي

ميداس - هوم سنتر - ايكيا



لازم تلف على كل المحلات في سلوى والسد واللؤلؤة والمولات قبل لا تقرر لأنك ممكن تحصل نفس البضاعه او ديزاين متقارب لكن الفنشنج مختلف

و نصيحه لا يغرك مكان المحل أو سمعته لازم تشيك على الكواليتي عدل وتشوف اذا يسوى السعر الي بتدفعه

موفق ان شالله

[شمس المغيب]

في مول طوار ثلاث محلات للأثاث حلوين وشغل راقي
في الدور الثاني
عندك نابكور ، المفتاح ، ميداس ، المحيط ، ذا ون ، هوم سنتر ،
وفي محلات متفرقة في شارع سلوى واسعارهم متفاوته
اللؤلؤه فيها محلات أثاث بس غالي
ايكيا أثاثه شي مؤقت يعني مهب قوي
عن نفسي أثثت من تركيا من إلى
صج الشغلة متعبة والأثاث مكلف
مهب مثل تصور البعض بس شغل ممتاز

[سعود.]

ميداس
الهوم سنتر
ايكيا

[N203]

الله يبارك فيكم جميعا...
وبيض الله وجيهكم على الردود.. استفدت منكم كثير بسامي ومواقع المحلات...
وباذن الله.. باروح كل المحلات الي ذكرتوها لي.. قبل لا اقرر وادفع.. لان اثاث البيت يبغيله ميزانية ....


مشكورين مره ثانيه

[بوخالد911]

أفضلهم برأيي هو :

نابكو
فعلا راقي جدا وسعره فيه.

وبعده :
ميداس
ذا ون
ايكيا

[blueZircon]

سوق الاثاث في قطر غير جيد ابدا
نصيحتي ، اشتر الاساسيات واقل عدد ممكن من الاثاث بحيث اتمشي امورك فيهم اول ماتسكن . وبعدين على راحتك تقدر اتسافر تركيا او الصين وتتفنن بااختيار الاثاث وبااسعار اقل من قطر واشكال وديزاينات اكثر

قاعده ذهبيه بالتأثيث: لاتشتري اثاث البيت كامل مره وحده