اجعل قيادة السيارة وسيلةوليست مصد رتوتر

[قطري2022]

لقد شاهدت سائقين تتوتر اعصابهم اذا قام سائقون اخرون بأخطاء تجاههم كالانعطاف او التوقف المفاجئين ، حيث يتلفظون عليهم بالفاظ سيئة أو بشتشاجرون معهم ، مما يؤدي الى وصول المشكلة لمراكز الشرطة وربما تصل الى النيابة او المحاكم ، والنتيجة هي الحصول على إثم من قبل الله تعالى وتوتر الاعصاب ، وربما حدوث عاهات مستديمة بسبب التشابك بالايدي او ربما السٓجن ، فلم هذه السلسلة من المشاكل التي تخلق من عدم ؟ لقد قيل سابقا : ( خاطبوا الناس على قدر عقولهم ) ، أي ليس كل شخص عادل أو لديه القدرة على حسن التصرف ، او لديه ضمير ويعطي كل ذي حق حقه ، فالذكاء متفاوت لدى الاشخاص والخبرات الشخصية واساليب التربية والبيئات مختلفة ، فليس كل شخص سيعطيك حقك في الطريق او غيره ، فيجب ان تتوقع الاخطاء من الاخرين وتهيا نفسك لتقبلها كي لا توتر اعصابك ويتعكر يومك بسبب محدودي الفكر والاخلاق ، فالهدف من قيادتك لسيارتك هو الوصول لمكان اخر لقضاء حاجة لك ، وليس لخلق المشاكل ومحاسبة السائقين الاخرين وارشادهم للقيادة الصحيحة ، فاحرص ان تصل لهدفك براحة وسلام دون توتر فالصحة غالية وراحة البال من العناصر الرئيسية لاستكمال مسيرتك في الحياة .

[العقل المدمر]

لو كل شخص يسوق هدفه يسهل على الناس وصولهم كانوا كل الناس وصلوا بسلام
بس المشكلة كل سايق يشوف نفسه هو الأحسن وغيره ما يعرف يسوق ويقعد يلف على الخلق يحسب لهالطريقة بيوصل أسرع
وبسبته يتلخبطون الباقي ويدوسون بريكات ويعطلون العالم

[Rider]

اخوي قطري السالفة مب سالفة احترام شخص يسوق وأخذه على قد عقله الموضوع أكبر المثل لي عندنا يقول القطو العود مايتربى هذا يلخص لي يجي وشكبره من بلاده ويبغي يتعلم السواقه لازم ممارسة علشان تكون متمكن من السواقه غير أخطاء المدربين لي في مدارس السواقه لي يعلمونه بالغلط كيف تبغينا نتحمل أخطاهم وهم ممكن يسببون لك كارثه اما الاخرين لي ماسمك الجوال وقاعد يلعب فيه ولا كانه حد فالشارع الا هو هل تبغينا بعد نعذره

[MAZEN37]

السلام الداخلي هو الحل
الانسان يعود نفسه على هدوء النفس وانه يكون بعيد قدر المستطاع عن السواقين السلبيين

[معماري قطري]

أمس على طريق سلوى السرعة 100 والغالبية يمشون 100 ومن وراي اشوف واحد متغطرس من بعيد يولع ليتات للي جدامه ويقرب بطريقة خطرة منه وخر والا بادعمك .. زين حسبت حسابي وفتحت له لكن طريقته واسلوبه يبي لهم وقفة من الشرطة

ما ادري شتسوي الكاميرات وحتى الرادارات ما اظن تشتغل لأن جدامي مر على رادار يمشي أقل شيء 110 .. والكاميرات عليها متابعين المفروض يحررون مخالفة مناسبة للي يسوون هالشيء .. سيارات الشرطة أنوارها معروفة وهي الوحيدة اللي لها الحق تسرع أكثر من سرعة الشارع القانونية

[معماري قطري]

أحد الإخوان صار له حادث بسيط إحتكاك على طريق سلوى مشى ووقف على جنب ووقف معاه الطرف الثاني وشافوا سياراتهم وضعها بسيط دقيقتين ومشوا وجاتهم مخالفة قوية مفكرينهم واقفين يسولفون .. طبعاً شافوهم من الكاميرات والمخالف السابق والمستهر بأرواح الناس هذا يغضون النظر عنه

[مضارب دوسري]

من الدوحه الى الخور مثلا
خ نقول 45 كيلو متر
اذا تمشي 120 بتوصل في 18 دقيقه

اذا تمشي 160 بتوصل في 12 دقيقه

هل ال 6 دقايق هذي بتغير مجرى حياتك يالمشغول يالبزنز مان ياللي جدولك مليان وفي الاخير توصل وتطلب كرك من وقت الشاي وتنطر 10 دقايق :omen2:

[nooora]

المرور متساهلين مع هذه الفئة الي يتقرب من سيارتك من خلف بطريقه خطره، سياره اسعاف وراك ، هو كل واحد مستعجل ضروري يلصق بالسياره؟ ،هل توجد مخالفات اذا شخص صور احد المجانين يتقرب من سيارته بهذه الطريقه؟ وحتى لو يعطيه مجال زعلان زين بالسياره في اطفال وعجائز، كيف نعالج هالمرضى ما شوفنا شي من المرور بس مركبين كاميرات للسرعه ام الي شغالين بالمرور هم من يقومون بهذه التصرفات ؟

[معماري قطري]

من الدوحه الى الخور مثلا
خ نقول 45 كيلو متر
اذا تمشي 120 بتوصل في 18 دقيقه

اذا تمشي 160 بتوصل في 12 دقيقه

هل ال 6 دقايق هذي بتغير مجرى حياتك يالمشغول يالبزنز مان ياللي جدولك مليان وفي الاخير توصل وتطلب كرك من وقت الشاي وتنطر 10 دقايق :omen2:

في ألمانيا الطرق الخارجية والزراعية مسار في كل اتجاه وضيق وفيه لفات والسرعة عليها 100 كيلومتر في الساعة الا لو تقترب من عمار وبنيان تنزل السرعة للخمسين ولازم توقف عند معابر المشاة لو حد واقف يبي يمر .. وقت المطر تنزل السرعة والكل يحاسب وحتى اللي يبي يسرع بحدود السرعة القانونية حر بس ما يعرض الغير للخطر

يا اخوي عندهم التزام تتعلمه منهم غصب وتحس براحة وانت تسوق والكل يسوق بقوانين

عندنا بعضهم يجيبون الضغط ما يهمهم غيرهم في الشارع .. عند الاشارات يدوس شوي شوي خايف سيارته تطير وانت تدوس تمشي بسرعة الشارع القانونية تكون بينك وبين اللي وراك مسافة طويلة .. هالشيء يسبب زحمة فاضية ما لها معنى .. والا اللي يجيك قبل الاشارة بمسافة يضرب بريكات يعني عنده بعد نظر .. الشاحنات يطوفونه ويوقفون مكانهم عند الاشارة وهذا يبي يوقف قبل بفترة

[قطري2022]

هلا فيكم شباب ، كلامكم عدل وفعلا في اشيا تنرفز في الطريق ، بس الاخطاء هذي يبلها ناس مختصين من المرور متخفين بسيارة مدنية علشان يمسكونهم ويخالفونهم ، لكن الانسان اللي ماله سلطة بيوتر نفسه ع الفاضي واحتمال توصل لتشابك بالايدي او شتايم ، فالواحد يختصر ع نفسه ويستغفر ومككن بصرخ بروحه من القهر اذا لزم الامر علشان ينفس عن الي فيه ، في النهاية المتوتر هو الخسران الوحيد لكن الطرف الثاني الغلطان ماخذ طريقه ولا مفتكر في حد

[معماري قطري]

المرور متساهلين مع هذه الفئة الي يتقرب من سيارتك من خلف بطريقه خطره، سياره اسعاف وراك ، هو كل واحد مستعجل ضروري يلصق بالسياره؟ ،هل توجد مخالفات اذا شخص صور احد المجانين يتقرب من سيارته بهذه الطريقه؟ وحتى لو يعطيه مجال زعلان زين بالسياره في اطفال وعجائز، كيف نعالج هالمرضى ما شوفنا شي من المرور بس مركبين كاميرات للسرعه ام الي شغالين بالمرور هم من يقومون بهذه التصرفات ؟

والله يا اختي ركبت مع ضابط مرور شغله كله مخالفات حتى حزام ما يتحزم

الواجب التصوير مسؤولين عنه الأجهزة الأمنية وصعب تصورين شخص يقترب بخطورة .. انا لين طلعت في الميني ذلوني كل واحد يشوفني نملة ويبي يدوسني .. كنت مرة واصل الإشارة وباسوي يو تيرن وماخذ اليسار وواحد لصق فيني اشوف ليتاته داخل سيارتي والله فكرت اصور رقمه واروح اشتكي وصدقيني بيتخالف بيتخالف

[سعود.]

من الدوحه الى الخور مثلا
خ نقول 45 كيلو متر
اذا تمشي 120 بتوصل في 18 دقيقه

اذا تمشي 160 بتوصل في 12 دقيقه

هل ال 6 دقايق هذي بتغير مجرى حياتك يالمشغول يالبزنز مان ياللي جدولك مليان وفي الاخير توصل وتطلب كرك من وقت الشاي وتنطر 10 دقايق :omen2:



ههههههههههههههه

[nooora]

في ألمانيا الطرق الخارجية والزراعية مسار في كل اتجاه وضيق وفيه لفات والسرعة عليها 100 كيلومتر في الساعة الا لو تقترب من عمار وبنيان تنزل السرعة للخمسين ولازم توقف عند معابر المشاة لو حد واقف يبي يمر .. وقت المطر تنزل السرعة والكل يحاسب وحتى اللي يبي يسرع بحدود السرعة القانونية حر بس ما يعرض الغير للخطر

يا اخوي عندهم التزام تتعلمه منهم غصب وتحس براحة وانت تسوق والكل يسوق بقوانين

عندنا بعضهم يجيبون الضغط ما يهمهم غيرهم في الشارع .. عند الاشارات يدوس شوي شوي خايف سيارته تطير وانت تدوس تمشي بسرعة الشارع القانونية تكون بينك وبين اللي وراك مسافة طويلة .. هالشيء يسبب زحمة فاضية ما لها معنى .. والا اللي يجيك قبل الاشارة بمسافة يضرب بريكات يعني عنده بعد نظر .. الشاحنات يطوفونه ويوقفون مكانهم عند الاشارة وهذا يبي يوقف قبل بفترة

انا اول مره اشوف لوحة Stop قف في امريكا، والسيارات من اربع الاتجاهات كل واحد يعطي مجال للثاني بالترتيب
هني ما يحترمون حتى الاشارات، عندنا من الصغر يحلم متى يمسك سكان السياره شوف اعمارهم اقل من عشر سنوات
يمشي ويمثل ان يسوق سياره :) .
وبعدين السياح الي بيجون للكأس العالم بكره بيأجرون السيارات وبيواجهون هذه الفئة ،
زين سؤال اذا شخص ركب الكاميرا خلف سيارته وصور الي وراه هل قانون بيعاقبه ولا سهالات ؟
ولا يبون اربع شهود؟

[بوخميس]

انا كنت اتنرفز في البداية

لكن مع مرور السنين خلاص تعودنا على السواقة التعبانة

صرت اتعامل مع كل اللي في الشارع على أنهم عليمية واتوقع أي خطأ منهم عشان أسلم من الحوادث الغبية.

[MAZEN37]

من الدوحه الى الخور مثلا
خ نقول 45 كيلو متر
اذا تمشي 120 بتوصل في 18 دقيقه

اذا تمشي 160 بتوصل في 12 دقيقه

هل ال 6 دقايق هذي بتغير مجرى حياتك يالمشغول يالبزنز مان ياللي جدولك مليان وفي الاخير توصل وتطلب كرك من وقت الشاي وتنطر 10 دقايق :omen2:
مضارب ليكون خورك غير ٤٥ كيلو وين
بالمناسبه اتمنى من ادارة المرور اعادة برمجه للاشارات الضوئيه الخور صار فيها مليون اشاره

[قطري2022]

انا كنت اتنرفز في البداية

لكن مع مرور السنين خلاص تعودنا على السواقة التعبانة

صرت اتعامل مع كل اللي في الشارع على أنهم عليمية واتوقع أي خطأ منهم عشان أسلم من الحوادث الغبية.

هذا الكلام الصح
اشكر فنك âک؛ï¸ڈ

[معماري قطري]

انا اول مره اشوف لوحة Stop قف في امريكا، والسيارات من اربع الاتجاهات كل واحد يعطي مجال للثاني بالترتيب
هني ما يحترمون حتى الاشارات، عندنا من الصغر يحلم متى يمسك سكان السياره شوف اعمارهم اقل من عشر سنوات
يمشي ويمثل ان يسوق سياره :) .
وبعدين السياح الي بيجون للكأس العالم بكره بيأجرون السيارات وبيواجهون هذه الفئة ،
زين سؤال اذا شخص ركب الكاميرا خلف سيارته وصور الي وراه هل قانون بيعاقبه ولا سهالات ؟
ولا يبون اربع شهود؟

هذي تنفع عندنا بدال الدوارات في الفرجان والأماكن قليلة الازدحام بس ثقافتها غير ويبي لها كاميرا اللي يخالف ما يوقف 100% يتخالف واللي يمشي قبل واحد وقف قبله يتخالف .. صدقيني أوفر من الدواوير ومشاكلها وأجمل وأوسع التقاطع .. تطبيق القانون يحتاج الزام .. كم واحد منا تخالف عند علامة قف مر عليها مخفف ولا وقف وبعدين عرف الحق

[معماري قطري]

عندنا علامات قف أوقات محطوطة في مكان خطأ والمفروض افسح بدالها ولو حد وقف بيتسبب في حادث .. فيه طريق يدخل على الوعب واسع وزين وممكن الدخول بانسيابية بس تعجبت من علامة قف مكتوبة تحت وستوب بالانجليزي هذي يشوفونها الفلبينيين والهنود يوقفون غصب ويتمون يتلفتون فترة لين يقررون يمشون وهم ممكن يمشون في مسارهم ويسرعون ويدخلون الشارع بانسيابية

نفس الشيء اللافتات اللي فوق تقول مخرج رقم وتعدد المناطق المفروض اللي يوصل لها المخرج .. البداية بالقريب ثم الأبعد فالأبعد .. على طريق سلوى أشوف مكتوب معيذر وبعدين الصناعية وبعدين الغانم مثلاً وهذا مثال حقيقي والمفروض يبدون بالأقرب الغانم - عين خالد وينزلون بالتدريج للأبعد .. في اللافتة الطويلة حاطينها صح لكن في اللي فوق بعض ترتيبهم غلط وهذا خطأ المفروض ما يمر على مهندسين طرق مختصين ومكاتب استشارية كبيرة

[معماري قطري]

نفس الوضع بعض مداخل الطرق السريعة المفروض توجد بها علامة ابدأ السرعة بدال حاطين لي لافتة شكبرها 40 .. لا والمسرب طويل يقعد بو هناد يحاول يزيد لين 50 واللي وراه في حالة يبي يمر ويخلص لا ويقهرك أوقات المسرب من مسار واحد

[معماري قطري]

ويجيك الأخ اللي يمشي 40 يكع بريك عند بداية الطريق السريع ويضرب اشارة يسار وينطر يخف المرور أو حد يتكرم ويخفف له ويضرب له هرن أو يولع ليت ويأشر له تفضل طوف .. مع إن المفروض يدخل بانسيابية وبسرعة الطريق السريع يدوس للباجيرو أو الفور رنر شوي

[بوخالد911]

تصرفات صبيانية مرفوضة.

[السكين]

أمس وأنا داخل على نفق العسيري باتجاه مدماك وجاي من الشمال طبعاً ماسك اقصى اليمين ومعاي والدتي شفت بالمراية جمس جاي طاير بشكل كبير وانتبهت للصوت حتى قلت للوالدة والله العظيم بيمر جنبك واحد طاير لا تخافي ومربالفعل وصوت السيارة مرتفع لقيت جمس أسود شكله لاعب في ماكينته لعب جاي طاير ومن اليمين بعد ، ووراه لكزس وبالوسط في اكس ار يعني متسابقين .. أنا طبعاً قدرت أن الجمس ما رح يعرف يدخل بيننا خففت وفتحت له طريق قدامي المهم داس من يميني والله العظيم الصوت ولا صوت البانشيات وتحت الجسر بعد خرع الوالدة ، وبعده تسكر عليه الطريق وتجاوز العالم بصوت وطريقة مرعبة من المسار الضيق اللي على يمين الشارع ما عرفت شلون ما دعم ولا احتك بجانب الجسر لانه المكان جداً ضيق ، طبعاً الكروزر واللكزس طايرين وراه بس داخلين بين السيارات وبحركات بهلوانية وتموا طايرين أتمنى لو حد يقرا كلامي من المرور ويقدر يشيك على هالموقف كان الساعة 3 وعشر تقريباً العصر لأنهم كانوا سايقين برعونة ما شفتها من سنوات لأنها شبه انقرضت هالحركات والمسابق اللي بالزحمة.

الله يهديهم !

[بوخالد911]

أمس وأنا داخل على نفق العسيري باتجاه مدماك وجاي من الشمال طبعاً ماسك اقصى اليمين ومعاي والدتي شفت بالمراية جمس جاي طاير بشكل كبير وانتبهت للصوت حتى قلت للوالدة والله العظيم بيمر جنبك واحد طاير لا تخافي ومربالفعل وصوت السيارة مرتفع لقيت جمس أسود شكله لاعب في ماكينته لعب جاي طاير ومن اليمين بعد ، ووراه لكزس وبالوسط في اكس ار يعني متسابقين .. أنا طبعاً قدرت أن الجمس ما رح يعرف يدخل بيننا خففت وفتحت له طريق قدامي المهم داس من يميني والله العظيم الصوت ولا صوت البانشيات وتحت الجسر بعد خرع الوالدة ، وبعده تسكر عليه الطريق وتجاوز العالم بصوت وطريقة مرعبة من المسار الضيق اللي على يمين الشارع ما عرفت شلون ما دعم ولا احتك بجانب الجسر لانه المكان جداً ضيق ، طبعاً الكروزر واللكزس طايرين وراه بس داخلين بين السيارات وبحركات بهلوانية وتموا طايرين أتمنى لو حد يقرا كلامي من المرور ويقدر يشيك على هالموقف كان الساعة 3 وعشر تقريباً العصر لأنهم كانوا سايقين برعونة ما شفتها من سنوات لأنها شبه انقرضت هالحركات والمسابق اللي بالزحمة.

الله يهديهم !

اتصل عليهم
وعطهم كل البيانات

ولا تتكل على غيرك

تحياتي لك

[معماري قطري]

اتصل عليهم
وعطهم كل البيانات

ولا تتكل على غيرك

تحياتي لك

والله يا اخوي بو خالد اللي قاعدين على كراسي يراقبون الكاميرات واجبهم يسجلون شاللي صاير ويصورون الأوضاع ويرفعون ملف المخالفة للضابط المسؤول واصدار المخالفة المناسبة سهل جداً .. ما يحتاجون كل وقت حد يبلغ

لو الشرطة انتظروا حد يشتكي لكل مخالفة بتستوي هذي المخالفات شيء سهل والكل بيسويها

[معماري قطري]

أمس وأنا داخل على نفق العسيري باتجاه مدماك وجاي من الشمال طبعاً ماسك اقصى اليمين ومعاي والدتي شفت بالمراية جمس جاي طاير بشكل كبير وانتبهت للصوت حتى قلت للوالدة والله العظيم بيمر جنبك واحد طاير لا تخافي ومربالفعل وصوت السيارة مرتفع لقيت جمس أسود شكله لاعب في ماكينته لعب جاي طاير ومن اليمين بعد ، ووراه لكزس وبالوسط في اكس ار يعني متسابقين .. أنا طبعاً قدرت أن الجمس ما رح يعرف يدخل بيننا خففت وفتحت له طريق قدامي المهم داس من يميني والله العظيم الصوت ولا صوت البانشيات وتحت الجسر بعد خرع الوالدة ، وبعده تسكر عليه الطريق وتجاوز العالم بصوت وطريقة مرعبة من المسار الضيق اللي على يمين الشارع ما عرفت شلون ما دعم ولا احتك بجانب الجسر لانه المكان جداً ضيق ، طبعاً الكروزر واللكزس طايرين وراه بس داخلين بين السيارات وبحركات بهلوانية وتموا طايرين أتمنى لو حد يقرا كلامي من المرور ويقدر يشيك على هالموقف كان الساعة 3 وعشر تقريباً العصر لأنهم كانوا سايقين برعونة ما شفتها من سنوات لأنها شبه انقرضت هالحركات والمسابق اللي بالزحمة.

الله يهديهم !

الله حفظكم وسلمكم

من فترة بعد سيارة فيها أُم وبنتها أو ولدها ( جنسية عربية ) تجاوزها واحد ولف عليها وضربت الحاجز وتوفت الله يرحمها ولا عرفوا يطلعون المعتدي

[ابوالعبد]

شوف لو شفت الشارع السرعه المسموح به ميه لاتزحم له خله يديم لين بكره الشارع له قانون والحكومه ماحطتت نسبه السرعه في اي شارع الا بعد دراسه فنحن لازم نتقيد بسرعه لو خمسين امش خمسين حافظوا علي انفسكم من حوادث اي واحد مستهتر طنش له ولاتفتح له لانه السرعه واضحه كم. خله ينقهر وخلك بارد ثلج واذا جا جنبك واشر لك او نزل دريشه لاتعبره عشان يتادب

[كاشف الغطاء]

المسار الأيسر للتجاوز فقط مب عشان تمشي بحدود السرعة وفي ناس مرضى أو عندهم ظرف ليش تسكر على غيرك

[عثرة جواد]

ف خدمه ف مطراش تصور وطرش بس لازم تصيد الرقم بس الي ماعرفه هل ياخذون فيها ولا طاف

[معماري قطري]

المسار الأيسر للتجاوز فقط مب عشان تمشي بحدود السرعة وفي ناس مرضى أو عندهم ظرف ليش تسكر على غيرك

لنفترض للتجاوز لكن انت مقارب توصل اشارة وتبي تلف يسار ولازم تكون يسار يجي يلصق فيك ليش؟ بعدين حتى اللي عندهم مرضى ما لهم حق يسرعون أكثر من السرعة المحددة ولا في أي دولة ووسيلة النقل الاسعاف طائر أو سيارة

[معماري قطري]

مرة واحد سندرني بليتاته وقربه مني حطيت أعصابي في ثلاجة وفتحت له وكنت داخل معاه على زحمة ودوار لا هو قدر يطوف ولا انا .. بعدين فجأة هدى واستوى يمشي على هونه .. بعض البشر غريبين

ومرة واحد مار جدام بيتي في طريق ضيق يمشي حول 80 ويضرب مطب مسرع .. قلت اتبعه فضول اشوف شقصته .. يوم وصل الشارع العام اللي سرعته أصلاً 80 طيح السرعة لحدود ال 50 ومريت عليه اطالعه مستغرب طلع شاب قطري توه في مقتبل العمر .. زين بين بيوت تسرع هشكل والطريق أوقات فيه عوائق مثل درام الكشرة يكون في طرف الطريق والسيارات تلف عنه ومنهول نازل السيارات تتفاداه يعني سرعة 80 مغامرة خطيرة

مرة واحد لاف لفة كبيرة داخل مساري بادعمه وجه بوجه .. يعني لازم انا انتبه واضرب بريك وهو متعدي على مسار غيره .. وقفته وكلمته ورد علي رد طيب أحرجني به وقال بتخالفني خالفني انا غلطان

ضروري الكاميرات في كل مكان ومحاسبة السايقين على هذي الأخطاء

أمس في شارع ضيق واحد عربي كل شوي صك بريك وما فيه الا انا وهو على هالشارع وانا وراه .. يمشي 20 والشارع سرعته 80 لازم انبهه بهرن والا ليت ويمشي متلكع .. مثل ذيه لازم يخالف والكاميرات حل الشارع مب ملكه

[ابوالعبد]

المسار الأيسر للتجاوز فقط مب عشان تمشي بحدود السرعة وفي ناس مرضى أو عندهم ظرف ليش تسكر على غيرك

لانفترض انه مريض فعلا وعنده حاله عاجله هل هو من حقه انه ياذي بقيه الناس الي بشارع ولقدر الله ممكن يتسبب بحالات خطره وحوادث سيارات ؟؟؟ في شي اسمه اسعاف واكثرهم الي يسوي حركات صبيانيا هم للاسف فئه الشباب يقعد يلزق فيك والمشكله الطريق زحمه والوضع مب مثل قبل عدد السكان في قطر في الزدياد هذا وين افتح له. خصوصا طريق الدوحه السريع الشمال طريق اربع وعشرين فبراير هذا جدا وقت المغربيه تكدس سيارات وين افتح له والطريق السرعه ثمانين

[السكين]

اتصل عليهم
وعطهم كل البيانات

ولا تتكل على غيرك

تحياتي لك

الشارع فيه كاميرات يا خوي الكاميرا مسئول عنها أشخاص توكل لهم مهمة المراقبة والمتابعة ، وأنا جربت مرة وانتظرت الشرطة لانه صار حادث انقلاب بسبب سباق ومناحس شباب قدامي وتسببوا بحادث مروع وانقلبت سيارة واحد إيراني مسكين راكب بيك اب قديم وقعد يصارخ والسيارة مقلوبة في البر والحصى بعييد، وخبرتهم عن مواصفات السيارة المتسببة واللي اشردت من مكان الحادث وكان معاي زوج أختي وأخذوا أقوالنا وتشكروا لنا ، تفاجئت متصلين مرتين فيني تعال المركز انت واللي معاك .. طيب انا سويت خدمة ليش انجبر أروح آخر الدنيا مركز الشمال وانا وزوج اختي كل واحد ساكن بمكان ونروح ؟ ليش ما ياخذوا أقوالنا بالتليفون أو يسهلوا علينا الجيّة ؟

ومرة بلغت عن حركة غير أخلاقية في الشارع سواها شخص ، تعبوني وأنا أروح شرطة المطار وبعدها حولوني المعمورة !! وتعال وقّع وتعال شوف الشخص ..

لهالسبب أخلي هالأمور لأهل الاختصاص ، خاصة بمثل هالأمور ..

[معماري قطري]

الشارع فيه كاميرات يا خوي الكاميرا مسئول عنها أشخاص توكل لهم مهمة المراقبة والمتابعة ، وأنا جربت مرة وانتظرت الشرطة لانه صار حادث انقلاب بسبب سباق ومناحس شباب قدامي وتسببوا بحادث مروع وانقلبت سيارة واحد إيراني مسكين راكب بيك اب قديم وقعد يصارخ والسيارة مقلوبة في البر والحصى بعييد، وخبرتهم عن مواصفات السيارة المتسببة واللي اشردت من مكان الحادث وكان معاي زوج أختي وأخذوا أقوالنا وتشكروا لنا ، تفاجئت متصلين مرتين فيني تعال المركز انت واللي معاك .. طيب انا سويت خدمة ليش انجبر أروح آخر الدنيا مركز الشمال وانا وزوج اختي كل واحد ساكن بمكان ونروح ؟ ليش ما ياخذوا أقوالنا بالتليفون أو يسهلوا علينا الجيّة ؟

ومرة بلغت عن حركة غير أخلاقية في الشارع سواها شخص ، تعبوني وأنا أروح شرطة المطار وبعدها حولوني المعمورة !! وتعال وقّع وتعال شوف الشخص ..

لهالسبب أخلي هالأمور لأهل الاختصاص ، خاصة بمثل هالأمور ..

تحسنوا شوي واستووا ياخذون بيانات بالتلفون بس أول مرة لازم تروح وتبلغ ويتأكدون من بطاقتك وشكواك .. المتابعة بالتلفون

[معماري قطري]

حتى مرة رحت للمعمورة وكلموني التحريات طلبوا حضوري المرور الرئيسي قلت لهم قلت كل اللي عندي وفي يدكم تخالفونه .. قال الضابط انت المشتكي تبي نسجل المخالفة باسمك يمكن يطلبونك المحكمة قلت مستعد وسجلوها ما عندي تسامح وتم حل كل شيء بالتلفون

عيب هذي الإجراءات تطول والا المفروض بالتلفون والفاكس والنت وانا مبلغني مساعد مدير المرور بأحقيتي بالمخالفة بهذي الطرق بس يمكن يطلبون شهادتي تحت القسم في المحكمة وانا أكيد مستعد وأتمنى يسهلون على الكل .. واللي يتبلى على شخص يكون عقابه كبير

[معماري قطري]

مع إن كلام مساعد المدير من حول 6 سنين واضح لكن بعض الضباط وادارات المرور والمراكز يطلبون لازم الحضور ولازم في الفترة الصباحية وهذا يخلي كثيرين وانا منهم أوقات ما نبلغ عن أي تجاوز الا لو كان قوي

من رأيي يلزمون أي شخص يشتغل في أي جهة أمنية حتى لو خارج وظيفته بالتبليغ عن هذي الحوادث بالتلفون ويعطونه رقم معين وياخذون بلاغه على محمل الجد وبدون تعقيدات

[nooora]

https://www.soshals.com/entertainment/2423/

فيديو: حيلة شيطانية لخداع الرادار ومنعه من تصوير نمرة السيارة المخالفة
:)

[معماري قطري]

يصيدونها لو بدون أرقام