ياشباب انتبهوا من التعامل مع شركة المناعي قسم الصيانه

[المخضرم85]

ياشباب انا وديت السيارة للتصليح شركة المناعي للسيارات قسم الصيانه في الصناعيه ورحبوا فيني فالبدايه من مدير وموظفين وقالوا لي بعد الفحص عالسياره قيمه التصليح 33000 ريال قلت لهم ابتدوا فالتصليح وكلي ثقه فيهم وهذا الكلام كان شهر ابريل بعدين شهر مايو اطلبوا عربون للتصليح 7000 ريال ودفعتها لهم وتخيلوا من شهر مايو ومااستملت سيارتي الا بداية شهر ديسمبر .وهنيه بدا الرعب اول ماطلعت من باب الوكالة الا اشوف الناس رافعين يدهم وانا عبالي يسلمون علي الا اثاري السياره يطلع دخان من القزوز والماكينه الا جاني واحد يقول لي يااخوي اشفيك رافع يدك سيارتك كلها دخان ورجعت دخلت لهم الوكاله الا كلهم مستعجبين ومستغربين الا دخلت الموتر عليهم وكلها داخل ادخنه فضيعه والفنين يقولون الموضوع بسيط يوم فتحت البانه طلع منها الدخان واحصل برغي ناسينه داخل الا اسال هاي الفني اقوله وين مكانه قال مااعرف (الفني )المهم ومن كثر الدخان صرنا مانشوف بعض واللي راح واللي جاي يشوف الدخان لا ويقولون بسيط بسيط وقالوا اللي صلحوا السيارة هاي انسان ممكن يخطي مب كمبيوتر هاي للعلم كله في يوم واحد وسلمتهم السياره وقالوا لي بنوصلك البيت وانا في طريقي مع اللي يوصلني قال لي بابا اذا تبي بنوصلك السياره ولكن عطني ميتين وبنيبها لك واليوم الثاني اتصل لي الموظف وقال لي تعال استملها السياره جاهزة المهم خذيتها والحمدلله رحت البيت وبطلت البانه قلت باشيك عالبانه نظريا الا احصل الفني كاتب بالمزيل على الراديتر رقم السياره ومع محاولته لمسح المزيل حكه الظاهر بشي وشمخ وسوا علامة على الراديتر والكور اللي يحمي السياره من تحت كاتب ومعلم عليه بالمزيل نفس الشي رقم السياره وبعد معلم بالمزيل وكاتب رقم السياره على الماكينه وشامخين البانه على حجم نص كف اليد وطعجات بسيطه متفرقه للعلم انا قبل مااودي سيارتي للوكالة مصورة صور وفيديو بعد ومشينا الموضوع والصدام الامامي مارجعوه عدل صار فيه فجه بين اليمين واليسار الصدام غير الطعجات اللي تحت وبعد مشينا الموضوع ومع استخدامي للسياره تقريبا اربعة ايام بدات الماكينه ترج وطلع في الطبلون صورة الماكينه ومنع الانزلاق والكروس وبس هاي كله صار معاي في اسبوع ياليتني سمعت كلام رفيجي قال لاتوديها لهم السيارة يصلحونها لك ماسمعت الكلام صج لي قالوا اللي مايطيع يضيع وعند وقت الشاي كنت اشرب شاي الا اسمع صوت رينغ رينغ الا اطل تحت الا القزوز مب راكب عدل وللعلم يوم وديتها الفحص الفني على اساس اني دافع هالمبلغ الكبير بتنجح السياره قال لي الموظف بابا نسبة الكربون عندك عاليه جدا وماكينة السيارة ترج احسن ركب ماكينة جديد:app2::funny: وقال الموظف في الفحص اول مرة تمر علينا سياره فيها نسبة الكربون عاليه جذيه والله على مااقول شهيد

[$الملياردير$]

الله يعينك يا اخوي ويخلف عليك ... بإختصار من أمن العقوبة أساء التصرف ... لى متى

[QtrGate]

خذ إيميل الشركة الأم
وخل واحد يكتب إنجليزي يشرح لهم الي صار وأرفق الفواتير مع تقرير الفحص الفني

وسو cc حق الشركة والصيانة وأي حد عندك إيميله من الشركة فالدوحه في نفس الإيميل

وانتظر الرد خلال اول ساعه:taunt:

[معماري قطري]

الله يعينك ولازم تشتكي يوم نسيتها فترة طويلة الظاهر ما اهتموا بها وإدارتهم مب لين هناك .. التيوتا عليها ادارة صارمة ورقابة وحتى في الورشة ناس من المصنع

كان شغلهم مع سيارتنا وايد زين ومن زمان ما وديناها لهم قدمت 11 سنة بس موجودة احتياط ومن زمان حان بيعها

[راعي الكورفت]

اشدعوه 33 الف ريال قيمة التصليح؟

بهذي القيمه تقدر تاخذ لك موتر مستعمل نظيف.

او كنت شفت كراج غير الوكاله.

كان عندي جمس سوبربان.


سعر مكينه مع التركيب والضمان ، مابيتعدى ال7 آلاف.:court:

[بوخالد911]

اطلب مقابلة المسؤول القطري

ولا عليك من جوزف ولا صبري ولا أيمن

احشرررهم في تويتر / الجرايد/ وطني الحبيب

[معماري قطري]

اشدعوه 33 الف ريال قيمة التصليح؟

بهذي القيمه تقدر تاخذ لك موتر مستعمل نظيف.

او كنت شفت كراج غير الوكاله.

كان عندي جمس سوبربان.


سعر مكينه مع التركيب والضمان ، مابيتعدى ال7 آلاف.:court:

إحتمال اصلاح حادث

[البرونزي]

الامريكي وما ادراك ما الامريكي

[دينالي]

انا اتعامل مع الوكاله وعندي امريكي وتصنيفي للوكاله وسط يعني ليست سيئة وليست جيدة
بالنسبة للي صار لك الاحسن ترجع تكلمهم بسرعه لان الوكالات بطبيعتهم بعد فتره بيقطون السالفة براسك

[راعي الكورفت]

إحتمال اصلاح حادث

هو للاسف ماذكر شنو سبب المشكله.
حتى تصليح الحادث مابيكون بهذي القيمه.

بيلاقي ارخص حتى من ال5 آلاف ريال في الكراجات.
طبعا قطع الغيار اصليه ياخذها من السكراب والشغل مضمون .

مش احسن له من انه يدفع 33 الف وتطلع له كل هالمشاكل وهو طالع من الوكاله:tooth:

[BoFahed]

هو للاسف ماذكر شنو سبب المشكله.
حتى تصليح الحادث مابيكون بهذي القيمه.

بيلاقي ارخص حتى من ال5 آلاف ريال في الكراجات.
طبعا قطع الغيار اصليه ياخذها من السكراب والشغل مضمون .

مش احسن له من انه يدفع 33 الف وتطلع له كل هالمشاكل وهو طالع من الوكاله:tooth:

صادق اخوي بالنسبة للمكاين والجيور فيه كراجات متخصصة ومشهورة لاامريكي الياباني والافضل للقطع الغالية ( جير ولا مكينه ولا كمبيوتر ) تغيير ( مستعمل ضمان اسبوع ) افضل من التصليح

واذا السيارة قديمة و التكلفة عالية جدا يشوف الفرق ويبيعها سكراب افضل

[بومحمد المطاوعه]

من يصلح فالوكاله الحين !!

الله يعينك ياخوي ويخلف عليك وربي يعوضك

مكينه مسكره كامله
حجمها 5.3 ليتر
ب 6000 تحصلها

الله يعنيك ان شاءالله

[معماري قطري]

هو للاسف ماذكر شنو سبب المشكله.
حتى تصليح الحادث مابيكون بهذي القيمه.

بيلاقي ارخص حتى من ال5 آلاف ريال في الكراجات.
طبعا قطع الغيار اصليه ياخذها من السكراب والشغل مضمون .

مش احسن له من انه يدفع 33 الف وتطلع له كل هالمشاكل وهو طالع من الوكاله:tooth:

هو وينه غاب عن الموضوع والتساؤلات اللي ثارها الكثيرة

يقول لي أحد الإخوان على أيام وكالة الجيدة تصليحهم وكراجهم في نفس الوكالة اللي عند الجسر في الدوحة .. يقول كان مدير الكراج فلسطيني ضخم وحطيت سيارتي يصلحونها ومريت اشوف شصاير معاها طلع شالين مفتاح تقصير وتطويل الصوت مال الراديو .. ثاني يوم لا شالين المسجل كله .. يقول رحت للمدير الضخم اشتكي وكان مشغول يتابع فواتير طالعني ونزل عينه وقال وشو بدك نعمل .. يقول وانا اتلفت واحصل بيب سلنسر محطوط على جنب واخذه وارضخه على الطاولة .. الا ينقز هالضخم ويتم يراكض في الكراج وانا وراه

قبل عادي الوضع أما ألحين سجن ومحاكمات وقصة

[معماري قطري]

ما شاء الله صاحب الموضوع فاتح موضوعين والتساؤلات كثيرة وأربع أيام ما رد عليها

[khaldoon]

شوف ... انا تعاملت مع وكالة المناعي كثير و على مدار سنة بين شد و جذب لحد ما اجبرتهم يغيرون الماكينه....كان معي سياره منهم استعملتها لمدة عشر شهور و بدلوها لي تربع مرات حتى اصلاح و تغيير الماكينة و كل اللي دفعته هو 1200 ريال خلال هذه المده.... يبيلهم واحد نشبه يقعدلهم ....من كثر ما كنت اروح عندهم طلبت يحطون لي مكتب خاص بي و ختم حضور و انصراف ... بس ما قبلوا هههههه

[تاجر كشخة]

هو وينه غاب عن الموضوع والتساؤلات اللي ثارها الكثيرة

يقول لي أحد الإخوان على أيام وكالة الجيدة تصليحهم وكراجهم في نفس الوكالة اللي عند الجسر في الدوحة .. يقول كان مدير الكراج فلسطيني ضخم وحطيت سيارتي يصلحونها ومريت اشوف شصاير معاها طلع شالين مفتاح تقصير وتطويل الصوت مال الراديو .. ثاني يوم لا شالين المسجل كله .. يقول رحت للمدير الضخم اشتكي وكان مشغول يتابع فواتير طالعني ونزل عينه وقال وشو بدك نعمل .. يقول وانا اتلفت واحصل بيب سلنسر محطوط على جنب واخذه وارضخه على الطاولة .. الا ينقز هالضخم ويتم يراكض في الكراج وانا وراه

قبل عادي الوضع أما ألحين سجن ومحاكمات وقصة

من يومك ذيب وتحب المشاكل لكن تخيلت شكلك وانت تركض وراه هههههههههه