اسهم مسيعيد المنحة

[عتيج الصوف]

السلام عليكم ورحمة الله وبركاته

عندي استفسار بخصوص اسهم مسيعيد وموضوع الاسهم المنحة المقرر اضافتها نهاية عام 2018 ان شاء الله ,,هل يستحق الاسهم المنحة 50% من لم يبيع اسهمه ولكن موجودة في محفظته ووضع امر بيع وتم الغاؤه ,لان كما علمت ان فك حظر السهم يلغي ميزة اضافة الاسهم والبعض يقول عند البيع او نقل ملكية الاسهم فقط ,حاولت الاتصال بالمجموعة كذا مرة للاستفسار بدون رد ,, ولكم جزيل الشكر

[المزن الرياني]

تستحق لمن حافظ على أسهم التأسيس فقط
بس هل يشترط الاستحقاق عدم البيع للكل او للمتبقي في حال بيع جزء
هذا مادري عنه

[مرتبش]

اذكر اللي يحافظ على نصف اسهم الاكتتاب يحق له الحصول على اسهم المنحة.

[عتيج الصوف]

مشكورين ماقصرتوا ,,جزاكم الله خير ,استفسرت اليوم منهم واحد قال لي حسب مايعرف انه اذا الاسهم صاروا في المحفظة معناه انه تم فك الحظر ومايستحق اسهم المنحة وفي نفس الوقت قال ان موظف ثاني يقول يستحق وفقط اذا تم البيع يخسر اسهم المنحة ,خلاص الظاهر الافضل الواحد ينتظر لنهاية العام ويشوف

[عابر سبيل]

جربت تتواصل مع الشركة مباشرة؟

https://www.mphc.com.qa/ar

[عتيج الصوف]

جربت تتواصل مع الشركة مباشرة؟

https://www.mphc.com.qa/ar

ماتقصر يالغالي ,,قبل شوي اتصلت لهم ولكن موظف قسم علاقات المساهمين غير موجود بنحاول بعد شوي ان شاء الله

[bun55er]

تستحق لمن حافظ على أسهم التأسيس فقط
بس هل يشترط الاستحقاق عدم البيع للكل او للمتبقي في حال بيع جزء
هذا مادري عنه

المستحقين فقط الي مافكوا الأسهم المجمدة

[limited]

انا دخلت حسابات عيالي مالقيت الاسهم المرهونه .... وين احصلها ???

[عتيج الصوف]

انا دخلت حسابات عيالي مالقيت الاسهم المرهونه .... وين احصلها ???

اخوي limited الافضل انك لاتفك الاسهم المجمدة حتى تكون مطمن ان يشملهم اسهم المنحة ,,واليوم الصبح كلمت الشركة علاقات المساهمين وخبروني ان حتى عندك في المحفظة بس ماتم البيع ابد في اسهم 50 % مب مشكلة ولك الحق في اسهم المنحة ,

بس افضل لاتفك الحجز الان واسهم المنحة بتنزل في 1-1 ان شاء الله حسب مااخبرني الموظف,,وممكن تتاكد من وجود الاسهم عن طريق البورصة اعتقد

[limited]

اخوي limited الافضل انك لاتفك الاسهم المجمدة حتى تكون مطمن ان يشملهم اسهم المنحة ,,واليوم الصبح كلمت الشركة علاقات المساهمين وخبروني ان حتى عندك في المحفظة بس ماتم البيع ابد في اسهم 50 % مب مشكلة ولك الحق في اسهم المنحة ,

بس افضل لاتفك الحجز الان واسهم المنحة بتنزل في 1-1 ان شاء الله حسب مااخبرني الموظف,,وممكن تتاكد من وجود الاسهم عن طريق البورصة اعتقد
انا مافكر افك الحجز بس اسال عنها وينها وجزاك الله خير

[عابر سبيل]

انا دخلت حسابات عيالي مالقيت الاسهم المرهونه .... وين احصلها ???

اذا تقصد حساباتهم اللي ف المجموعه..
فصحيح ما بتحصلها..
ولا حتى بتحصل في حسابك اسهمك انت
اذا ما فكيت الرهن
و لا طلبت رفعها من التسجيل المركزي للمجموعه..


تحصلهم لو طلبت كشوف حساباتهم
من التسجيل المركزي

[غير عنهم]

طيب متى تتم اسهم المنحه هذا موعدها ولا احد صرح من الشركه

[eXpert*]

اذا شخص اشتري الاسهم من السوق هل بيستحق اسهم المنحة ولا بس من الاكتتاب ؟

[حمــد]

اذا شخص اشتري الاسهم من السوق هل بيستحق اسهم المنحة ولا بس من الاكتتاب ؟

المكتتبين فقط يلي للحين ما باعوا اخوي

[Amigo]

شلون فك الرهن بخصوص القصر ؟
لأن اضن وقفو الطلبات ؟؟

[عتيج الصوف]

طيب متى تتم اسهم المنحه هذا موعدها ولا احد صرح من الشركه

حسب ماقالي الموظف المسؤول عن علاقات المساهمين للشركة ان في 1-1-2019 ان شاء الله

[عتيج الصوف]

شلون فك الرهن بخصوص القصر ؟
لأن اضن وقفو الطلبات ؟؟

ماعندي فكرة طريقة فك رهن القصر ,,بس مادام باقي مدة بسيطة الافضل لاتفك الرهن ,,حتى تكون في امان انكهم يستحقون اسهم المنحة

[غير عنهم]

حسب ماقالي الموظف المسؤول عن علاقات المساهمين للشركة ان في 1-1-2019 ان شاء الله
قريب الموعد

[Amigo]

ماعندي فكرة طريقة فك رهن القصر ,,بس مادام باقي مدة بسيطة الافضل لاتفك الرهن ,,حتى تكون في امان انكهم يستحقون اسهم المنحة

الله يعطيك العافيه على الرد طال عمرك
لا هو كان مجرد استفسار فديت خشمك :victory:

[alnoida]

http://www10.0zz0.com/2018/12/20/21/969820252.jpg (https://www.0zz0.com)

[رحال]

ايش علاقة فك الاسهم او مافكها ..؟
الشرط يقولك بيعها او عدم البيع فقط ..؟
دام انها لم تباع بالسوق فأنت تستحق