الخدم و الإنترنت

[fmmja]

السلام عليكم

عندنا خدم فالبيت 24 ساعه شابكين على للإنترنت ويقومون باعمالهم ببطء

وسألت ربعي قالو لي اغلب البيوت نفس المشكلة !!


لاني لو غيرت الرقم السري للإنترنت

راح يسوون مشاكل عقب بيطلبون اني اسفرهم او أرجعهم للمكتب

صاروا يشتغلون على كيفهم يا اما فيه إنترنت او ماراح نشتغل

و اذا طلبت منهم حاجه لازم تنتظرهم لين يخلصون المكالمة حضرتهم عقب يسون اللي تبي بخياس نفس

شنو الحل وياهم ؟

[راعي الكورفت]

صعب جدا على الانسان يعيش في هذا الزمان من دون نت.

بالاخير الخدم هم بشر مثلي ومثلك.
وما تقدر تمنعهم عن التواصل مع أهاليهم من النت سواء كان الفيس بوك ولا الواتساب.

[ابوالعبد]

كان من اول قلت ماعندنا نت بالبيت المودم لو شافوا الاشتراك مخلص وريحت حالك واشتر لهم بطاقه او من عندهم يشترون بطاقه نت عشان مب كل شوي يشترون بطاقه يعرفون يخشون فلوسهم عدل

[Riku3]

اول شي سفر الراس العود بينهم الي يقلدونها علشان الكل يخاف .. وعقب حدد اوقات مسك التلفون خصوصا وقت النوم ممنوع نت لان تحصلهم يسهرون وناقصهم نوم وبسببها نفسيتهم رايحه فيها .

[ضوى]

اقتنعت بعد جهد جهيد انه النت محد يقدر يستغني عنه خاصه للمغترب ، لكن عقدت معاه اتفاق ، التلفون بغرفكم فقط مابي اشوف تحت عندي او في مخابيكم وانتوا تشتغلون والحمد لله الكل مرتاح واحلى شي النت مايوصل غرفتهم يضطرون يشترون كروت وطبعا مكلف بالنسبه لهم ، حاليا الكل مرتاح والله يديمها علينا

[حراير قطر]

صباح الخير

هاي المشكلة الكل يعاني منها

بس المفروض المعزبة اتحدد لهم وقت يخلصون فيه تنظيف البيت وعقب كيفهم

ان ما فاد معاهم تفصل النت عنهم فترة الشغل ومثل ما قال ابوالعبد اللي تبي تشتري لها بطاقة تعبئة نت

انا تعاملي مع الخدم جذي يخلصون اللي لنا وعقب كيفهم اقولهم مثل ما انتو تبون راتب كامل احنا نبي الشغل كامل

وتقدر تتعامل معاهم جذي ان ما اشتغلو عدل تخصم منهم 50 ريال او على حسب شغلهم تخصم

والشهر الجاي تعطيهم المبلغ المخصوم على اساس مكافاه لهم وتشتري لهم بطاقة مكالمات بـ 10 ريال طبعا البطاقة مب كل شهر

واهم يستأنسون واتخليهم على بينه من البدايه انه بيصير لهم جذي ان ما اشتغلو

وان قالت بسافر او برد المكتب قولها انا دافع لج هالمبلغ للمكتب رديه لي وحجزي لج تذكرة من فلوسج

وتوكلي على الله

[$الملياردير$]

المفروض يتم الاتفاق من الاول وهي بالمكتب او قبل ماتجي ...وعشان مثل ماقالوا الاخوان النت اصبح ضرورة ولا مفر منه في التواصل ككلمة حق ... ومافية حد من السواقين او الخدم يرسل رسائل ورقية لاهله هالأيام .... الهواتف الذكية للخدم في الويكند من الخميس السبت وباقي الأسبوع نوكيا بوليت للتواصل .... اما السواقين بكيفهم عشان عملهم محدود .... هذي القاعدة مريحة جدا واعتقد عادلة ....عشان لاحظت مثل ماتفظلوا الاخوان إهمال في العمل والانشغال بالجوال على حساب المهام اليومية ... خاصة اذا كان في اطفال صغار بالبيت الفترة الصباحية ... محد يدري عنهم

[$الملياردير$]

على طاري صندوق البريد هههههه يالربع نجدد بدون فايدة ...حد مثلي والا انا بس مافيه شي مهم يجي عليه ... بطاقات البنك تجي مسجله ويكلمونك والطلبيات الخارجية تجي عند طريق شركات الشحن للبيت ... اشرايكم .....اسف لصاحب الموضوع خروج عن النص ... بس الشيء بالشئ يذكر تحياتي

[sara jsm]

وعليكم السلام اخوي ...

انا بعد تلعوزت مع هالمشكله السهر لوقت متاخر وكسل في الشغل ...
عطيهم حل واقتنعوا فيه .. النت عندي ادفع عليه شهريا حول 1900 ريال
اذا تبي الباسورد تساهم في الاشتراك .. او تاخذ كرت انترنت تعبئة ..
والحل الثاني كان يرضيهم اكثر ويرضيني لاني جايبتهم حق الشغل مب 24 ساعه عالجوال ..
والحمدلله الامور طيبه .. :o

[$الملياردير$]

1900 �� اعتقد وايد والا على الاشتراك

[sara jsm]

1900 �� اعتقد وايد والا على الاشتراك

قول لا اله الا الله :happy: اشوفه انقطع علي فجأة :p

[$الملياردير$]

ههههههه ماشاء الله تبارك الرحمن .... وايد يعني راجعي فاتورتك في شيء غلط ... مو معناة الوضع زين هههههه جعل ربي يزيدك من اوسع ابوابه ....

[عطر فرنسي]

وعليكم السلام اخوي ...

انا بعد تلعوزت مع هالمشكله السهر لوقت متاخر وكسل في الشغل ...
عطيهم حل واقتنعوا فيه .. النت عندي ادفع عليه شهريا حول 1900 ريال
اذا تبي الباسورد تساهم في الاشتراك .. او تاخذ كرت انترنت تعبئة ..
والحل الثاني كان يرضيهم اكثر ويرضيني لاني جايبتهم حق الشغل مب 24 ساعه عالجوال ..
والحمدلله الامور طيبه .. :o



1900 نت حج الفريج كله :eek5::omg:

[عثرة جواد]

مأساة حقيقية الي وصل له الخدم لو ع النت كان زين الحين يجبرونك تجيب وحده حق الشغل ووحده حق الطبخ مايصير وحده حق كل شي

مادري متى تنحل مشاكلهم ...... وع طاري النت جبت وحدة مؤقتة اول مادخلت البيت جابت لي الجوال قالت اشبكي لي النت هههههههه

شر البلية مايضحك قلت لها اذا نقلت كفالتج عق يصير خير

[Dana’1]

خير الامور أوسطها مو مشكله تستخدم النت بس بوقت الفراغ وبغرفتها
فعطيهم خبر ممنوع تمشين بالجوال دردشه وفيديو بالمطبخ او اي مكان ثاني تشيلينه معك عشان اي اتصال ضروري فقط النت والتصفح لا
الشي الثاني اذا شفتيها مصخت 24 ساعه وهي عليه وما ينفع الكلام ،، قولي دام انتي دايم عليها فهذي الخدمه مو مجانا احنا ندفع للشركه و أنتي بتدفعين معنا لأن انتي تجلسين عليه 24 ساعه او ساعاات طويله ،،،،
بصراحه أنا ماقد سويتها أبدا يعني ما أعرف ردة فعلها كيف بتكون ... وعموما الغرض من هالكلام مو مادي
كثر ماهو لازم تعرف إن كل شي له وقت تشتغل بإخلاص ومو مشكله بعدها ترفه عن نفسها وتتواصل مع عيالها وحبايبها... وقتها بس بيكون لها بدون مقابل

[ضوى]

قول لا اله الا الله :happy: اشوفه انقطع علي فجأة :p

فعلا غريب 1900 وايد وايد على نت ، انا ادفع 250 والبيت كله يستخدمه اربع وعشرين ساعه ماشاء الله

[sara jsm]

ههههههه ماشاء الله تبارك الرحمن .... وايد يعني راجعي فاتورتك في شيء غلط ... مو معناة الوضع زين هههههه جعل ربي يزيدك من اوسع ابوابه ....


1900 نت حج الفريج كله :eek5::omg:


فعلا غريب 1900 وايد وايد على نت ، انا ادفع 250 والبيت كله يستخدمه اربع وعشرين ساعه ماشاء الله

عشان مانطلع برع الموضوع الاساسي ..
انا مركبة 1gb اعلى سرعة لان البيت كبير والتلفزيونات كلها نشغلها بالنت بعد ..
عالسرعة والوضوح مب عدد المستخدمين

[نفسي عزيزه]

انا مركب للبيت كامل نت 250 ريال شهريا وتلفزيونات وتلفونات ولابتوبات وسريع حده

1900 :eek3: شششت

[نفسي عزيزه]

:p :dance

[راجي الْعفو]

أقفل النت وقول لهم النت تقفل

في المستقبل - او الحين اذا قدرت بعد ما تتسكر النت - لا تييب طاري النت للخدم خير شر
اذا بغوا يتواصلون مع اهاليهم، اشتر للكل جوال واحد خاص لهم
متى ما حبوا يتواصلون كلموا هلك وتعطيهم، بحيث تتحكم في الموضوع بشكل اكبر

[بوخالد911]

وعليكم السلام اخوي ...

انا بعد تلعوزت مع هالمشكله السهر لوقت متاخر وكسل في الشغل ...
عطيهم حل واقتنعوا فيه .. النت عندي ادفع عليه شهريا حول 1900 ريال
اذا تبي الباسورد تساهم في الاشتراك .. او تاخذ كرت انترنت تعبئة ..
والحل الثاني كان يرضيهم اكثر ويرضيني لاني جايبتهم حق الشغل مب 24 ساعه عالجوال ..
والحمدلله الامور طيبه .. :o

سعر أعلى باقة لنت البيت هو 1500 ريال
وسرعة النت 1 gb

[نووون]

لاول كنت امنع الشغالات من التليفون والنت .. ولكن ان طاعك الزمن والا طيعه


اخر شغالة .. انا عطيتها التليفون بنفسي وشبكتها مع نت البيت .. بس بشرط

التليفون لو ما ساتخدمته صح بينسحب منها ومافيه غيره

ومخليتها تصور لي غداء البيت قبل الاكل وبعد اكل البيت وتطرش لي على الواتساب اذا ما كنت موجودة

واطرش لها فيديوات طرق طبخ عشان تلهى فيهم ...

ومتواصلة معاها على الجوال ... على اساس تكون منتبهة معاي ستاند باي في اي وقت

واخيرا لها تشوف دراما فلبينية في وقت راحتها




في يوم كنت وايد شديدة على الخدم .. ماجابت نتيجة الشدة

لكن بين شد ورخا الامور افضل وخاصة للفلبينيات




والله يسخرهم لنا ويكفينا شرهم

[Qtr37]

الخوف والله من انهم يصورنا وينزلون صورنا بالنت !

[الزعفراني]

على طاري صندوق البريد هههههه يالربع نجدد بدون فايدة ...حد مثلي والا انا بس مافيه شي مهم يجي عليه ... بطاقات البنك تجي مسجله ويكلمونك والطلبيات الخارجية تجي عند طريق شركات الشحن للبيت ... اشرايكم .....اسف لصاحب الموضوع خروج عن النص ... بس الشيء بالشئ يذكر تحياتي

والله نفسك هههههه

تو امس مطرشين لي مسج ان اقدر اجدد اونلاين

500 ريال على وشو ؟؟؟؟؟ ياليت يوصلون البريد للبيت كان زين ..

انا بغيت اكنسله العام ..لأن كتشفت انه عادي اذا بطلب شي من برا اسجل رقم جوالي وعنوان بيتي اللوحة الزرقا ويكفي .. مب لازم صندوق بريد ..

وساعات أقول لا خله برستيج يعني يابلفيت عندك صندوق بريد ههههههههه

[الزعفراني]

مشكلة الخدم مع النت .. ان يفتحون باب للتعارف .. تلقى اغلبهم عندهم أصدقاء ع الفيسبوك او برامج التعارف المعروفة بقطر ..

وللأسف بعض الفئات خصوصا من العرب والانجليز يحبون يتعرفون عليهم ويسوون علاقات صداقة معاهم في هالبرامج ..

ياليت الكل ينتبه للشيء هذا ..

[دينالي]

المفروض تعلمون الخدم انهم يحترمون اهل البيت ومايرفعون التلفون قدامهم لانهم اذا حسو انه عادي بياخذون راحتهم
اما سالفة الانترنت وقطعه عنهم بالبيت فأنا ضد هالشي لانهم بالنهاية روح واحنا بقطر اغلب الوقت الخدم بالبيت ومانسمح لهم يطلعون والرحمة زينه