العنن والعزب والاغاني الصارخة والشلات !!!!

[الماريّة]

السلام عليكم ورحمه الله وبركاته

اخواني وخواتي كيف احوالكم جميعا
اكتب لكم هذي المشاركه. وبهالوقت المتأخر وبعد انقطاع لفتره لكن ماحس به من حرقه
وصدمه من قاعده اشوفه وش صاير بالدنيا

ياعالم العنن والعزب صارت كلها حفلات وترقص ومصخره وشلات واصوات مزعجه
والله ثم والله الحين اكتب لكم وانا في غرفتي واسمع اصوات الاغاني وصراخ النساء وضحكهم في اقرب عزبه من بيتي

وشهالبلاوي الي دخلت علينا والعادات الغريبه وين الرجال والاولياء على نسائهم ووين الدوله. المسوؤله عن هالاخطاء الي تصير.

ياعالم العزب والعنن. اصبحت كلها حفلات وسامعات كبيره مثل حفلات الاعراس وتزيين لكل مخيم بطريقه مبالغ فيها من ليتات واضاءات واعلام. ومن غير البوفيهات. والضيافه والخساير

والاحتفالات الي اصبحت ماترمز لبلادنا بوطنيه ولا ترمز لتراثنا. وشهالبلاووووووي اقسم بالله اكتب من حرقه ومن قهررر ومن غير التصوير في السنابات للحفلات شي مايدخل العقل

ليش الدوله ماتحط قانون بمنع هذي الاحتفالات في العنن. انت قاعد في بر والصوت مكشوف
مش قاعد في بيتك عشان هالاغاني المزعجه والاصوات العاليه


وشهالقانون الي سمح للكل ولمن هب ودب ياخذ عنه ويحولها للاحتفالات مالها داعي

الي يبي يحتفل تحتفل في بيتها ( استر لها بيت ابوها ) ليش مايتم منعهم

ياليت اصحاب القرار يسمعون لصوتي ارجووووووووكم امنعوا هالعنن والاحتفالات الي تصير
في العزب والعنن لين اذان الفجر


لا احترام لدين ولا احترام لمرضى ولا احترام لكبار سن ينامون بدري ولا احترام لدوله صارت تشويه لسمعه دولتنا بهالاشيااااء الغريبة


الشي لزاد عن حده انقلب لضده. والله وثم والله هالاحتفالات الي يسوونها بحجه احتفال يوم وطني وفي العنن انها تعتبر. شبهه وتشويه لبلادنا


اااااه ياليتنا ماعرفنا التخييم وتوزيع العنن بهالطريقة


اقسسسم بالله شي يقهر ويحز بالخاطر



الله يسترنا ويحفظنا ويحفظ بلادنا من الي قاعد يصير


/
/
/

اختكم المقهوره
المارية

[معماري قطري]

حي الله المارية

شلونج بعد هالغيبة الطويلة

مرة الله يسلمج خيمنا في مكان مب متعودين عليه للقرب لكن تورطنا بهذا الصخب والطقطقة وشردنا لمكان ثاني بعيد هاديء .. اللي يقهر تعب النقل من مكان لمكان

لكن وانتوا في بيتكم هنا الكارثة .. بلاغ للعضيد والمفروض يتدخلون .. إذا أمريكا بلاد الطقطقة والوناسة يجون الشرطة خلال ربع ساعة ويبقى المشتكي سر محد يدري به وتواصلهم معاه بطريقة محد يلاحظها أو بالتلفون .. وصارت لي مرتين أو ثلاث عن تجربة

عاد الله يعينج على اللي بيستلم البلاغ بعض الأوقات ما يعرف شيسوي وبعض الأوقات اجتهاد أو بيحول بلاغج للبيئة لأنها مرخصتهم

بلغت البلا والأذية ( الاسم الحركي للبلدية بعد ما صابني احباط منهم ) عن بيطري الكلاب القريب من بيتي واللي يجمعون فيه كلاب ( تكرمون ) كل أجنبي بيسافر ويقطونهم في كبينة مطلة على البيوت ورا قالوا لي هذيلا مسؤولين عنهم وزارة الاقتصاد

وقبل مبلغ مكتب معالي رئيس الوزراء ومحوليني على اللي متتسماش

[معماري قطري]

يحيج بعد الطقطقة تهون ولا نباح يذكروني بنباح الجيران علينا .. قصدي دول الحصار

[الماريّة]

اسمعوا الصوت ترى هالصوت وانا في غرفتي وواصل عندي من وحده من العنن الي في بر منطقتنا

😭👇 بذمتكم هذي حاله اغاني واصوات حريم يتضحكون. وطقطقه وفي بر ليش مايحتفلون في بيوتهم

حطيت هالصوت كدليل اذا ممنوع تقدرون تحذفون الروابط


https://e.top4top.net/m_1078qcc910.mov


https://a.top4top.net/m_10781hewu0.mov

[الماريّة]

حي الله المارية

شلونج بعد هالغيبة الطويلة

مرة الله يسلمج خيمنا في مكان مب متعودين عليه للقرب لكن تورطنا بهذا الصخب والطقطقة وشردنا لمكان ثاني بعيد هاديء .. اللي يقهر تعب النقل من مكان لمكان

لكن وانتوا في بيتكم هنا الكارثة .. بلاغ للعضيد والمفروض يتدخلون .. إذا أمريكا بلاد الطقطقة والوناسة يجون الشرطة خلال ربع ساعة ويبقى المشتكي سر محد يدري به وتواصلهم معاه بطريقة محد يلاحظها أو بالتلفون .. وصارت لي مرتين أو ثلاث عن تجربة

عاد الله يعينج على اللي بيستلم البلاغ بعض الأوقات ما يعرف شيسوي وبعض الأوقات اجتهاد أو بيحول بلاغج للبيئة لأنها مرخصتهم

بلغت البلا والأذية ( الاسم الحركي للبلدية بعد ما صابني احباط منهم ) عن بيطري الكلاب القريب من بيتي واللي يجمعون فيه كلاب ( تكرمون ) كل أجنبي بيسافر ويقطونهم في كبينة مطلة على البيوت ورا قالوا لي هذيلا مسؤولين عنهم وزارة الاقتصاد

وقبل مبلغ مكتب معالي رئيس الوزراء ومحوليني على اللي متتسماش


مرحبتين اخوي معماري الله يسلمك ويطول عمرك انا طيبه طاب حالك كون من ذا البلاوي

والله شقولك ياخوي قسسم بالله قههر انت لو تشوف توزيع العنن في بر منطقتنا شلون. لدرجه منركثرها وقربها من بعض اغلبها لاصق في البيوت الي صوب البر

السؤال ليش ما ينزلون قرار دولي ممنوع اي احتفال في العزب والعنن اليزيبي يحتفل يحجز له فندق او صاله احتفالات او يحتفل في بيته

المصيبه ان البعض يحتفل واغاني هابطه بحجه انها ووطنيه وهي لو تسمعها اغاني عربيه وحب وغرام وخرابيط


قسسسم بالله شي يقهر والله ثم والله شي يقهر
والبلاغ شلون انا ماقدر اشتكي. ياليت يقرون موضوعي ويدورن الحينرهالوقت ويشوفون وش صاير في منطقتنا. من ازعاج و ومصصصصخره😣


زوووود على الكلاب الضاله في منطقتنا في كلومكام اشكال واحجام. هالمره بعد اغاني وبلاووووي بحجه احتفال ووووطني


حششششى. لله الوطن غني عنهم وعن امثالهم مايبغي هالخرابيط يبغي الستر و العفه. والحياء

انا مقهووووووووره

[بوخميس]

13. يُمنع تركيب واستخدام مكبرات الصوت.

https://www.al-sharq.com/article/14/10/2018/2630-%D9%85%D8%AE%D9%8A%D9%85%D8%A7%D9%8B-%D8%AE%D9%84%D8%A7%D9%84-%D9%85%D9%88%D8%B3%D9%85-%D8%A7%D9%84%D8%AA%D8%AE%D9%8A%D9%8A%D9%85-%D8%A7%D9%84%D8%B4%D8%AA%D9%88%D9%8A-%D8%AA%D8%B9%D8%B1%D9%81-%D8%B9%D9%84%D9%89-%D8%A7%D9%84%D8%B6%D9%88%D8%A7%D8%A8%D8%B7-%D9%88%D8%A2%D9%84%D9%8A%D8%A9-%D8%A7%D9%84%D8%AA%D8%B3%D8%AC%D9%8A%D9%84

مكبرات الصوت ممنوعة

اتصلوا في البلدية واشتكوا

[معماري قطري]

اشتكي مباشرة اختي سمعت الصوت صج ازعاج

مرة جنب بيتي اجانب يوم الكرسمس مسوين حفلة كلمت الشرطة وجاوا سكتوهم 999 ولا تترددين

[معماري قطري]

هالمرة حتى انا باكلم الشرطة البلدية ما ينفعون في شيء اجراءاتهم طويلة ويشتغلون بقانون غريب

[naklan]

حيالله اختنا المارية عودا حميدا
الحقيقة شي موسف وتخبط لمن يعطي التصاريح
ليكن من ضمن الشروط البعد عن المناطق السكنية على
الأقل 5 كيلو لضمان عدم الإزعاج

رايي الشخصي يذهب احد الرجال ويقابل صاحب المكان
ويحل الموضوع ودي والتعهد بعدم الإزعاج مستقبلا
وان لم يستجب
بلاغ في قسم الشرطة بالإزعاج وتشغيل
مكرفونات وإخلال بالمجتمع
او تجربة الاتصال بالعضيد ممكن يحلها

تحياتي وان شاء الله نسمع منج اخبار
سعيدة بحل الموضوع

[Rider]

للأسف الناس يستغلون اليوم الوطني في أشياء لا لله يرضها ولا حنا بس وش نسوي ناس فاهمين الوطنيه بالغلط يفكرون الوطنيه بالاغاني والرقص وزينة السيارات والاعلام
أتمنى الكل يقرأ معنى الوطنية الحقيقيه

[sara jsm]

وعليكم السلام اختي المارية ..
اصلا في القانون ممنوع مب على كيفهم ...
الافضل واحد من الرجال عندكم يبلغ العضيد او الشرطة ماادري شنهي الجهة بالضبط بس قدموا بلاغ ..
انتي ماتدرين شنوع الناس اللي ساكنين هالعزب ممكن يعاندون ويصغرون عقلهم ..
اذكر يوم خطوبتي كان في الحوش .. وماادري من قالي عقب الساعه 12 يتقصر الصوت عالاخر لانه ممنوع الازعاج وسط الاحياء السكنية ..
:
الله يعينكم اذا يوم واحد نقول معليه اما اذا تكرر الوضع لازم القانون يتدخل ..
ناس عندهم امتحانات وناس مرضى وناس عنهم كبار السن .. وصج في ناس ماتستحي على وجهها :nice:

[شبعان]

https://www.gulf-up.com/i/00078/jetxltzcjr9r_t.jpg (https://www.gulf-up.com/jetxltzcjr9r)

[nooora]

الله يعينج ،،،
في ناس همهم ازعاج الاخرين ويسوون قلق للناس ،،، اشتكي عليهم ،،، مفروض يكون الى وقت معين مثلا ساعه عشرة وبعدها ممنوع ،، معقوله مسموح للشخص ان يزعج جيرانه طول الليل !!!

[Flowers]

اللي اعرفه انه طق الطبول فالليل فالبر يجيب جني الفلعه

[shadad]

اللي اعرفه انه طق الطبول فالليل فالبر يجيب جني الفلعه

اللي سمعته انه يجيب ام حمار.

[معماري قطري]

هدأ نباح كلاب الحضانة اللي قرب بيتنا أما شافوا لها حل أو عطوهم ابرة مخدر

[معماري قطري]

شسويتي المارية علمينا شصار معاج

[بوخالد911]

هلا بكم

للمخالفات بخصوص البيئة
الاتصال
998
77375556

والله الموفق.

[الماريّة]

مرحبتين بالجميع راح ارد عليكم الحين مشغوله شوي

بس تخيلوا الحين انا في بيتي والصوت واصلني في الصاله بسجل لكم شوي اسمعوا

[مهرة]

..

وشومي له شومي له يام الهدب راعي الحدب شومي له
شيخٍ تنومس لابته لاااااااااااااااااااااااااابته وقفاته شومي له،،





































:app2: حق الي قراها بلحن عبدالله المناعي.

[راعي الكورفت]

عادي.
خلوا الناس تستانس :thumbup: