المساعد الشخصي الرقمي

مشاهدة النسخة كاملة : استشاره في البنيان


بـومحمد
17-12-2018, 07:00 PM
السلام عليكم ورحمة الله وبركاته
اخواني اصحاب الخبرة
عندي استشاره في بناء فيلا عظم
ايهم افضل واسرع بناء العمدان والاسقف وفي نهاية البنتهاوس يبتدي المقاول بتركيب طابوق الدور الارضي والاول والبنتهاوس وتقسيم الغرف والممرات
او
مجرد الانتهاء من عمدان الدور الارضي وفك الخشب وصب السقف الثاني يبتدي يركب الطابوق
ارجو اني وصلت الفكره
ماالمده الكافيه لتسليم الفيلا عظم
ولكم جزيل الشكر
بن غيث
17-12-2018, 07:07 PM
وعليكم السلام ورحمة الله وبركاته
طبعاً الحل الثاني هو الصحيح ..
مع الاخذ بالأعتبار المدة الزمنية لفك الاخشاب '28'يوم ورشها بالماء ..
تسليم الهيكل الاسود حسب المخططات ..
ممكن 4 اشهر او اكثر
معماري قطري
17-12-2018, 09:02 PM
حسب المقاول واستعداده لكن معروف وقت الإدامة ( اللي هو رش الماء وترطيب الخرسانات ) ياخذ بعد صبها المفروض 28 يوم وبعضهم يقللونها حتى للنص

يعني ممكن يسوي الأساسات ويداوم يرشها بالماء فترة اسبوعين وبعدها يصبر فترة لين تجف ويعزلها .. التحضير لعمل الأساسات بروحه ياخذ وقت من حفر ومسح وتحديد مواقع .. بعدها يجي الدفان والمفروض يكون على طبقات وبدون حجارة كبيرة وبدون بودرة .. والمقاول الشاطر يكون محدد أماكن بايبات الصرف ومسويها قبل الدفان ويدك حولها بعناية

الجسور الارضية أو التأسيس لها بطابوق يتم في هذي الأثناء قبل الدفان

حدود ست شهور معقولة واللي بدوا البنيان شهر 10 ممكن يصبون السقف الأخير شهر 4 وقت الجو مناسب للصب وبعدين يقدرون يعزلون السقف مائي أي وقت قبل الشتاء القادم .. التمديدات الكهربية والصحية تتم في الصيف عادي وحتى البلاستر بس أهم شيء الخرسانات تكون في درجة حرارة أقل من 35 درجة والعشرين مثالية