هل الصيد مسموح في الكورنيش؟؟؟

[ابوالعبد]

السلام عليكم طبعا انا من نوع كل جمعه صباحا احب امشي بالكورنيش نتريض لاحظت كثر الناس تصيد وتسبب زحمه علي كورنيش بسبب سنارات الطويله والكبيره حبيت اعرف هل مسموح الصيد الان او شنو لو مب مسموح وين دور البلديه ؟؟؟

[nooora]

هم مستانسين بالصيد مثلك مستانس بالمشي ،، ولا تقترح كورنيش جديد لهم !

[ابوالعبد]

مو عن وناسه او لا لانه في لوحات مرسوم عليها ممنوع الصيد وممنوع دخول الحيوانات وممنوع الشوي وممنوع ركوب دراجات الهوائيه. هل مسموح هشي او نتبع اللوحات الي موجوده بالكورنيش

[حمــد]

انا يلي اعرفه انه ممنوع لانه يؤذي مرتادي الكورنيش ومن فتره طويله بعد .. لكن استغرب مثلك لني كنت اشوف موظفي البلديه يمنعون الصيادين زمان

[بوخميس]

ممنوع وفي لافتات بهالشي

غير انه ممنوع، ترا الماي في الكورنيش فيه ملوثات، ويمكن تكون مواد سامة تتركز بنسبة كبيرة في السمك فيضر الصياد

[ابوالعبد]

اذا ممنوع ليش اشوف ناس تصيد بكثره وايظا اشوف منهم من يجيب معاه جلبه ويمشيه بالكورنيش؟؟؟

[بوخميس]

اي قانون بدون عقوبات ما له صفة الإلزام والناس ما تطبقه

[R 7 A L]

ياليت يحددون لهم اماكن في الكورنيش
يعطونهم زاوية والباقي يخلونهم للناس الي يركضون ويمشون ويتريضون

[مرتبش]

البلدية مشغولة.. 70% البنتهاوس.. 65% .. 35% اخر كم اخر !

[shadad]

كنت بكتب موضوع عن هذا الشيء من زمان بالمنتدى وكله مكسل. الصيد والشوي والسياكل والسباحه ممنوعه على الكورنيش واللوحه موجوده كل كم متر . للاسف جميع هذا المخالفات تلقاها هناك. حتى الانجليز, تحصلهم يركبون سياكل هناك وهذه مشكلة لان الناس وايد واي حركة غلط بالسيكل حادث, حتى الصيد لو فريت الخيط شوي ورا وفي ناس وراك بتصير مشكلة.

بس اللي استغرب منه شفيهم الناس تصيد؟ ما يدرون ان المنطقه اللي يصيدون فيها بيبات تطلع للبحر للمياه المعالجه ؟!!! اكلمكم جد. يعني السمكة يالحبيب ملوثه. لا ... والحبيب يجيك مرات يصيد قدام المنطقه اللي تصب فيها البيبات. يالا بالعافيه ههههههه.

https://img.gulf-times.com/Content/Upload/Slider/720162121032471692860.jpg

[المخفي]

هذي مياه سطحية

[h9466]

هذي مياه سطحية
مياه جوفية قصدك،،،
فعلا هي مياه جوفية لان معالجة المياه تتم في أم الافاعي وتستخدم في الري،،،

[shadad]

هذي مياه سطحية


مياه جوفية قصدك،،،
فعلا هي مياه جوفية لان معالجة المياه تتم في أم الافاعي وتستخدم في الري،،،

حسب كلام واحد من الشباب شغال مهندس ان المياه اللي طالعه من البيبات للبحر هذه اختلط فيها مياه ملوثه و اصلا من ريحتها تنعرف. واللي اعرفه الكورنيش من ايام زمان تخطيطه وللحين في تسريبات كثيره في الانابيب والسبب قدم التمديدات وصلاحيتها.

في كل الحالات منع الصيد والسباحه والسياكل هناك يجب ان يتم التشديد عليه.

[eXpert*]

أصلا تروح هناك بتشوف الباعة المتجولين على متن سياكلهم .

وأمس شخص يتمشي بالكورنيش ومعاه كلب على مرأي الجميع .

القوانين موجودة لكن دائماً هنالك ضعف في التطبيق .

[دينالي]

مافي حزم بتطبيق القوانين هنا المشكلة