زيادة ضخ البترول في محطات وقود

[fmmja]

لاحظت ان العمال اللي يعبون البانزين للسيارات في محطات وقود
لما أقوله عبي فل يترك الخرطوم في تانكي السيارة لين توقف مكينة التعبئة بعدها يجي العامل يزيد للحصول على ريالات زيادة
مثلا لو وقف الخرطوم عن ضخ البترول على 121 ريال يجي العامل يضخ زيادة لين يوصلها إلى 125 او بعض المرات إلى 130 ريال حتى أني مرات اسمع صوت البترول في التانكي بدء يطلع للأعلى لفتحة التعبئة !

هل فيه خطوره لما البترول يطفح من زيادة الضخ لان مكينة الضخ توقف أوتوماتيك في حالة امتلاء الخزان

ياليت اللي عندهم معلومات يفيدونا إذا الوضع عادي أو فيه خطوره .

[.قطر.]

ماعرف شنو الأضرار

لكن وايد اذا بيزيد من 121 لين 130 ريال
العاده اشوفه يزيد مثلا من 120,70 الي 121 كم درهم بس اما كم ريال غريبه

[بوشهد 2022]

المفروض ما تعبي التانكي فل.
كل شخص يعرف سيارته شقد حجم خزانها فيحط كمية مناسبة، يعني مثلا يكون الخزان بدا يولع الليت، حزتها لو سيارتك ظ¦ سلندر عبها ب ظ،ظ§ظ* ريال مثلا

[SouthK]

الموظف اذا زاد من عنده خليته يدفعها من جيبه علشان ما يتصرف من راسه .. اذا كان مجموع المبلغ المطلوب فيه دراهم يقدر الموظف يكتب المبلغ في مكينة السحب إلا اذا الواحد يبغي يدفع نقدي فهذا راجع له!

بخصوص طفح البترول عن حد التفويل فهو غلط لأن لازم يكون هناك نسبة من الهوا داخل تانكي البترول .. صعب اشرح ليش لكن الشغلة أساسها تجنب التأثير على انظمة السيارة بشكل عام!

إذا اللغة عندج قوية ادخلي الرابط و اقري:

https://www.quora.com/Can-filling-too-much-petrol-in-your-car-cause-damage-to-the-car

https://www.angieslist.com/articles/car-myth-or-fact-should-you-top-your-gas-tank.htm

[shadad]

الزايد على حسب. اذا فيه مساحه بتم بالخزان. حسب نظام سيارتي, اللي يطلع من فتحة التهوية اذا هوا بس يطلع برا بينما اذا فيه بترول يتم ارجاعه للمكينة مرة ثانيه. بالحالات كلها اذا يزيد ليكمل الدراهم فهذا شي تمام. بس يزيد 3 عشان يكمل ال 50 ريال ؟! هذه زودها .

في كل الحالات اذا طلع البترول من جهة الفتحه حقت التعبية مشكلة لانه بيطلع وينزل على صبغ السيارة وعقب المكان بيطبع على لون السيارة.