عطوني حل مع القطط

[ALJokar]

بيتنا والبيت الي ف جنبنا تلعوزنا مع القطاوه ف كثرتها مشكلة لنا الي معاه مشاكل ف الصدر والي عنده اطفال والقطاوه هذي تدخل البيت وتولد ومتوحشة وكلمنا البلدية ولافيه فايدة حاولو يصيدون كذا وحده ولاقدرو وراحو.
عطوني شنو الحل معاه اتكلم عن يمكن اكثر 20 قطوه.

[المخفي]

المشكلة من الخدم اكيد يأكلون القطاوة

القطو اذا حصل اكل يستقر في البيت

[بوخالد911]

حطوا سم

والله يعينكم.

[ameeer3]

الحل بسيط جداً

اشتر لك المصيدة الخاصة بالقطط ، (اتوقع تنباع في السوق العماني) ،

وعقب ما تصيدهم خل الدريول يوديهم المنطقة الصناعية (تجمع القطط المتشردة) ..:spider::strong

[monatee]

القطاوة عمرهم ماكانوا مشكله الا للي يخاف منهم

المهم دامهم موجودين بكثرة حولكم معناته لايقين اكل

اذا ماكان احد يحط لهم اكل .. يمكن يلاقون الاكل الزايد في الزباله

الحل: امنع الاكل وبيختفون من المكان

[aziz4z]

الحل سهل جدا , تروح تطعهم فترة بعيد عن البيت

أما اللي يقول أنها تسبب أمراض , كله كلام فاضي , و أمراض القطط ما تنتقل للانسان

[Riku3]

المصيدة موجودة في كل مكان يبيع حيوانات اليفه .. صيدهم وقطهم بمنطقة ثانية ولا تقطهم في الصناعية حرام في ناس هناك تاكلهم ههههه .

[الزعفراني]

جرب تتصل على البيئة أخبر كانت عندهم خدمة مكافحة الكلاب الضالة والقطط أجلكم الله

وفي مبادرة لحماية القطط حاولت أوصل لارقامهم ماقدرت لكن وصلت لصفحتهم ع الفيسبوك

CAT- Cat Assistance Team Qatar

[بوخميس]

حطوا سم

والله يعينكم.

اعوذ بالله

ما يجوز يا بو خالد

اسهل طريقة مجربة ليش شفت قطوة افلعها بنعال الله يعزكم بتخاف وما تدخل البيت

[naklan]

القط مسكين ذابحه الجوع يلف يدور
ترس بطنه انا أحط اكل لهم وحتى اكل القطط
الأكياس اشتري وأقدمه للجائع منهم انظر لهم
من باب الرحمة واحتساب الأجر

من كم سنة كانت البلدية تحط أقفاص للقطط السائبة
ويودونهم ويعملون عملية منع الإنجاب ويردونهم للمكان
الي خذوهم منه وكانت فكرة رائعة للحد من التكاثر

[nooora]

المصيدة موجودة في كل مكان يبيع حيوانات اليفه .. صيدهم وقطهم بمنطقة ثانية ولا تقطهم في الصناعية حرام في ناس هناك تاكلهم ههههه .
:looking::looking:
يأكلون قطط من هم ؟ مب بشر

[وحيد-الشوق]

انا ماعندي مشكلة مع القطاوه بالعكس احسهم يفيدون احيانا لكن مايثير استغرابي كثرة انتشارهم في الدوحة في المانيا واوروبا ما اشوف قطو يتمشى في الشارع بس عندنا في كل زباله تلقاهم متجمعين

[الحياة الخالدة]

حطوا سم

والله يعينكم.
صح انا ماحب القطاوة بس ما يصير نحط لهم سم
بوخالد ماخبرتك مجرم

[ابوالعبد]

الحل تشتري مصيده وتصيد كل يوم فيهم وتقطهم في خرابه او مناطق بعيده لانه القطو لو قطيته قويب من فريجك بيرجع وذكي ويعرف البيت قطه ممان يبعد مو اقل من نص ساعه وبتوفيق

[راعي الكورفت]

القط حيوان لطيف.

وانا محب للقطط.

واربي قطاوه.

و اترك القطط في حالها ولاتأذيها.

ترى كلنا يعلم أن امرأه دخلت النار بسبب قطه

[معماري قطري]

انا ماعندي مشكلة مع القطاوه بالعكس احسهم يفيدون احيانا لكن مايثير استغرابي كثرة انتشارهم في الدوحة في المانيا واوروبا ما اشوف قطو يتمشى في الشارع بس عندنا في كل زباله تلقاهم متجمعين

في اوروبا الحاويات مسكرة عدل وبعضها مصنفة وحتى بعضها في غرف بباب ينفتح بمفتاح ومرتبة ترتيب جيد مثل ما شفت في شقق في ألمانيا حتى للريحة مراوح شفط قوية .. عندنا الحاويات السيارات اللي تشيلها يقطونها قط وأوقات تحصلها في الشارع ونادراللي تحصل وحدة بمغطاها ومغطية

[معماري قطري]

كنت اقول للسواق ليحط لهم بقايا الأكل بس سكتت رزقهم وهو راسه يابس ..زين يحط للطيور بقايا الخبزوالعيش فوق غرفة الكهرباء حتى ما يصيدونهم القطط وللقطط يحط العظام على قصدير برا في الزراعة خارج البيت

[بوخالد911]

صح انا ماحب القطاوة بس ما يصير نحط لهم سم
بوخالد ماخبرتك مجرم

وانا ما حبهم خير شرررر

بس للضرورة أحكاااام.

[بوخالد911]

اعوذ بالله

ما يجوز يا بو خالد

اسهل طريقة مجربة ليش شفت قطوة افلعها بنعال الله يعزكم بتخاف وما تدخل البيت

بعد شاسووي!؟!؟

آخر الدواء الكي.

[شبح الصمت]

اخوي تواصل مع البيئة وبيطرشون لك موظفين مع قفاص وبيشلونهم من عندك وبيودونهم محمية ..

للتواصل على هالارقام

44261611

44560432

[shadad]

الله يعينك . بس متوحشه وتنقل الامراض؟ ما مرت علي.

انا من اخذت لي قطو بالبيت ارتحت من عدة مشاكل. اول شي هواش القطاوة الثانيه تالي الفجر لان المنطقه له صارت وهو صاير اسد, صار موتري وايد يحافظ على نظافته من طبعة رجولهم. مرات تدش ذبانه بالغلط البيت وعاد دقيقه الا وهو صايدها. يصحيني الصبح بدون منبه عشان الدوام - لانه موعد اكله بس - ومفيد عشان الواحد يبط حرته فيه لما احط له ضو الليزر.

اعتقادي ان المشكلة عندك مثل ما قالوا لك الشبباب, كثرتها معناتها في واحد حواليكم ياكلهم او يحط لهم اكل وايد. موضوعك بسيط باذن الله ومحتاج منك متابعه وبتعرف منو ياكلهم وتعطيه خبر. وعندك البلديه بعد.