معقولة محطات بترول ولا فيها بنشري ( محطات وقود )

[اللوز]

واحد من الناس بنجر عليه تاير السيارة
راح محطة وقود في اسلطة القديمة ما فيها بنجري
محطة الدفنة ما فيها بنجري
محطة الخليج الغربي ما فيها
راح اللؤلؤة ما فيها بنجري
معقولة مدينة كاملة مثل اللؤلؤة بنجري واحد ما فيها !!

[naklan]

من دخلت شركة وقود صارت أشكال المحطات جميلة
والخدمات صفر ومبالغ بأسعارهم

[ابو عبد الرحمن]

موجود اخوي في محطة وقود الدحيل

[راعي الكورفت]

موجود البنجري بس في بعض المحطات الكبيره لوقود

[الزعفراني]

تذكرت محطة وقود في أم عبيريه

فيها غسيل جيك .. لكن مافيها غسيل تماتيك :)

[معماري قطري]

غريبة والله سوء تخطيط

فتحوا المحطة اللي في العزيزية بس اشوف مدخلها جانبي حتى ما يتسكر الطريق وأتوقع زينة ما فيها زحمة

[Bomohd]

موجود في محطة القطيفية عند مدرسة الرسالة

[اللوز]

غريبة والله سوء تخطيط

فتحوا المحطة اللي في العزيزية بس اشوف مدخلها جانبي حتى ما يتسكر الطريق وأتوقع زينة ما فيها زحمة

وين مكانها بالضبط اخوي

[شموخ دائم]

,

,


مرحبا


شكرا على الموضوع

ملاحظه طيبه

أتمنى وقود تعممها على كل المحطات لانها خدمه مهمه جدا


التركيز صار على ( السندوتش ) والهمبرجر والحلويات

:)



,

,

[fmmja]

محطة وقود اللي في الشحانيه كان فيها مركز صيانة وتبديل اطارات وغسيل

و كان الكل مستفيد و بقدرة قادر تم تسليم مركز صيانة وقود لشركة عبد الغني وصارة الخدمات لسيارات التويوتا

[معماري قطري]

وين مكانها بالضبط اخوي

من مصلى العيد تتجه غرب بين فريج الغانم والعزيزية بتحصلها على يمينك قبل الدوار الصغير .. يعني من اشارات الجامع وعلى امتداد الطريق والمدخل اللي صوب مجمع الشيخ حمد بن جاسم

[معماري قطري]

واذا داخل من صوب مدخل فيلاجيو - حياة بلازا تمشي جنوب وتتخطى أول دوار بتحصلها يسار الدوار الثاني