Q-gate

[fmmja]

من عنده فكرة عن q-gate

هل راح تتطبق على الكل ولا على الشركات و كم راح تكون الرسوم

[شبعان]

https://a.top4top.net/p_1103id1ad1.jpg (https://up.top4top.net/)


https://b.top4top.net/p_1103mjobw2.jpg (https://up.top4top.net/)

[ya3coub]

الشي الوحيد اللي مسوينه قبل الوقت بس ما اتوقع لين بعد اربع إلى ست سنوات مافي امل يعلقونهم الحين اذا بيكون عقب ست او اربع سنوات قبل كاس العالم مدخول اضافي و فكرة ممتازة.

و ان شاء الله المواطنين و المقيمين معفين منها omen

[qatarman8008]

اعتقد بعد تشغيل المترو سيتك تفعيل هذه الخدمة..
حيث ان الهدف الرئيسي من مشروع المترو هو تخفيف الازدحام المروري الناتج عن السيارات..
في مدن ومقاطعات مثل لندن تفرض رسوم باهضة على مناطق الازدحام المروري او ما يسمونه Conjusted..

[بوخالد911]

يا ريت يطبقونها عندنا برسوم معقولة.

واللي ما يبي يدفع يدش بين الدواعيس.

[ابوالعبد]

الاهم القطار او الاترامب او الاندر جراوند يكون بسعر رمزي يكون مشوار علي ريالين. مايكثر خصىصا في بعض المشاوير تحتاج تغير اكثر من محطه عشان تنخفض الزحمه اما لو سوى مشىار علي. خمس ريال جذي محد بيهد سيارته وشكرا

[المخفي]

الافضل المترو يكون بلاش عشان تخف الزحمة

[qatari911]

ليش بلاش
لما تسافرون الدول في الخارج وتركبون المترو يكون بلاش والا تشترون التذكره
وبعدين ليش التذكره 2 ريالين في اليابان تقريبا تذكره على القطار السريع من طوكيو الى اوساكا ب500 ريال تقريبا
والمناطق القريبه من طوكيو 7 الى 10 ريال
والفلوس المدفوعه بتكون راجعه لصيانه والنظافة لازم بعد يكون فيه تغطية توعوية للاستخدام والمحافظه على الممتلكات العامة

[بوخميس]

على معلوماتي

ان التذكرة بتكون ريالين

وتوديك اي محطة لاتجاه واحد

يعني مثلاً ركبت من الوكرة ورحت صوب لوسيل بريالين

حتى لو نزلت في مشيرب او الكورنيش نفس السعر دام اني رايح نفس الاتجاه

[المخفي]

ليش بلاش
لما تسافرون الدول في الخارج وتركبون المترو يكون بلاش والا تشترون التذكره
وبعدين ليش التذكره 2 ريالين في اليابان تقريبا تذكره على القطار السريع من طوكيو الى اوساكا ب500 ريال تقريبا
والمناطق القريبه من طوكيو 7 الى 10 ريال
والفلوس المدفوعه بتكون راجعه لصيانه والنظافة لازم بعد يكون فيه تغطية توعوية للاستخدام والمحافظه على الممتلكات العامة

اليابان 80 مليون نسمة في قطر كل واحد عنده سيارة فالزحمة بتم نفس دبي قلة الي يركبون القطار

[ابوالعبد]

������ صدقت اخي المخفي اذا فعلا يبون يقللون الزحمه لازم اسعار رمزيه عشان الكل بيتهلى عن سيارته عقب اما لو المشىار ب خمس ويال او ظ،ظ* ويال يطلع بسيارته اصوف اذا اعبي موتري بسبوع ميه وخمسين ريال احسن لي ومرتاح ف انا متىقع انه يكون بسعر رمزي مثل ماقالوا الاخوان المشوار علي ريالين جذي صدقوني الزحمه وايد بتخف بدرجه كبيره وبتوفيق مو بس الاجانب حتى القطرين بيركبون الاترامب جذي حلينا مشكله الزحمه

[naklan]

انا ضد فكرة بوابات التعرفة الجمركية بتكون سلبية
على التجارة والمواطنين وبتزيد أسعار السلع بسبب الزيادة
على نقل البضائع وصعوبة التنقل
لازم نعتبر من جيرانا طبقوها في دبي بعذر بعض الشوارع مزدحمة
وبعدها طبقوها في كل الشوارع الرئيسية وبعدها زادو الرسوم
من 4 الى 6 دراهم وكل بوابة تدفع صارت السالفة ماصخة
ومكلفة ومرهقة للحياة

وبعدين دولتنا غنية وما يصير كهربا وماي ببلاش وتدفع تعرفة جمركية
كفاية أسعار السجلات والرخص عليها ضرائب وصارت بآلاف

الدفع للطرق السريعة تكون جسور مفتوحة صحيح تعديك منطقة مزدحمة
اما دبي تدفع وتنقع في الزحمة وربعنا بيقتدون بفشلهم
مايصير الدولة تفترس الي على ارضها مواطن او
وافد بداعي وبدون داعي بسبب انها قادرة
على ذالك

تحياتي للجميع

[مرتبش]

غير مؤيد لرسوم الشوارع .. 22 فبراير فيه زحمة في بعض الاجزاء والحين شغالين على توسعته وتعديل بعض الجسور عليه.. وشغالين على مشروع طريق سريع موازي له ا(شارع البستان) .. اتوقع بعد اكتماله تختفي الزحمة ولاتنسون ان المترو وباقي الطرق السريعة قريب تكتمل باذن الله .. الامور طيبة

[رحال]

ماعندهم سالفه وانا غير مؤيد للفكرة

[ابو عبدالله.]

شأنا ام أبينا هالامور جايه جايه

اذا تذكرون توصيات البنك الدولي عن رفع يد الدول عن دعم الخدمات و امور اخرى

وهذا بدأ بالخليج من كم سنه

البترول رفعوا الدعم عنه. و كذلك الكهرباء عن الشركات وزادت فواتيرهم نسبيا . لكن ضل المواطن مدعوم بالكهرباء و الماء الى الان لكن متى ندفع هذا بعلم الغيب و يمكن بعد كم سنه. الله اعلم

كيو جيت هذه بدايه جديده لوضع انظمه مطبقه عالميا و سيتم ادخالها تدريجيا عندنا

والله ما ابي اضايقكم لكن هذا قادم لا محاله

ونحط بعين الاعتبار امور للحين ما نظن انها بتصير

تخصيص خدمات مثل نقل و معالجه النفايات و القمامه اعزكم الله لابد بياخذون رسوم وشركات خاصه تقدم الخدمه او رسوم حكوميه

توسع نظام الضريبه وهذا مذكور من فتره. اول ما اعلنوا عن ضريبه الدخان و البيبسي. ان بعد فتره ستتلوها توسع في تطبيق الضرائب

مع اضافه ضرائب و رسوم ستضطر الشركات لرفع قيمه منتجاتها لتغطيه النفقات و بتبدأ سلسله بطيئه من الغلاء

منطقي جدا لان كل الدول تتطور و تحط ضرائب و رسوم و تغلى الحياه فيها

دائما افكر. الله يجزي قيادتنا و الامير الوالد ع الزياده بالرواتب الي عطانا فرصه نسوي شي لانفسنا قبل لا تغلى الدنيا

[Jspec]

ابو عبدالله ... ولا دولة في العالم شافت الخير من البنك الدولي وهذا البنك فقط هدفة الرئسي هو استملاك الدول والشعوب عن طريق ديون لاتنتهي واشياء اسوء من كذا

كل الدول اللي تمشي ورى هالبنك وشروطه ماعينت خير وصارت الشعوب مستعبده بالمال لهم

مثال .... ديون امريكا وصلت تقريبا 20 ترليون ( 20,000,000,000 ) وامريكا نفسها مب قادره تدفع وصار لها سنين حاليا تتنمر على دول اخرى علشان تسرق منهم عيني عينك وتمشي اقتصادها لانه اللي داخل امريكا مب مكفي .... لك تقيس كيف الدول الاخرى اللي مسرقوه شلون بيمشي اقتصادهم وهم اصلا بعد عليهم ديون من البنك الدولي!!!!

[مستـريــح البـــال]

انا مع الفكره، ومع ان تكون الرسوم معقوله..

اما بخصوص القطار او الاندرجراوند، فأكيد الهدف ان تكون البديل لمن اراد تجنب رسوم البوابات، ورسوم الموقف، وسعر البترول، ومخالفات، وتأمين، واسعار الليموزينات والتكاسي..

بس بعد ما تكون بريالين، من اراد الاشتراك الشهري فأكيد السعر معقول، والسنوي بيكون اوفر، واكيد في خصومات لفئة العمال البسطاء، ولكبار العمر.والطلبه. .

حرام مبالغ اندفعت، وفي النهايه استخدم، سبب زحمه، ضايق المحتاج الفعلي للخدمه، وفي نفس الوقت خذ ترتيب أمن، ومصاريف ترفيه و. و. و. بسعر قريب البلاش..

ما في بلاد مستعده تقدرني ك قطري وتعطيني خدمه مقابل شي رمزي، الا بالعكس بعض الدول ندفع فيها ضرايب..

مستعدين يدفعون علي كل شي، وعلى الوناسه، وعلى كل شي..

الحمدلله من قبل ومن بعد..

[jajassim]

Q-gate
الشركة المنفذة حالياً Traffic Tech (Gulf) W.L.L. للتجربة والاختبار
تحت اشراف وزارة المواصلات والاتصالات للشراء والاختبار واعتماد الخرائط الهندسية
تحت اشراف وزارة الداخلية لربطه مع مركز NCC
تحت اشراف هيئة الاشغال العامة للتركيب فقط
سيتم تنفيذ النهائي خلال ثلاثة سنوات بحد أقصى
وبعد طرح مناقصة عامة على شركات متخصصة
وخاصة بعد الانتهاء من استكمال الطرق الدائرية
الهدف الأساسي من تطبيق الرسوم تخفيف الزحمة
طبعاً يحتاج الى مرسوم أميري لتفعيل فرض الرسوم
نفس فكرة آل ( سالك )

والله يعين ،،،

[بوخميس]

لما تحط رسوم على طريق 22 فبراير مثلاً

ايش الطريق البديل اذا ابغي اروح من اي منطقة في قطر إلى الخيسة أو ام صلال؟

مجبور عالشارع مب اختياري

[مرتبش]

ليش الرسوم.. هل شركة خاصة تكلفت وبنت واصرفت على الشارع وبتاخذ الرسوم لعشرين سنة والشارع بيتحول على الدولة؟
هل الرسوم لتخفيف الزحمة.. وين الدراسة؟ بالعكس بتزيد الزحمة والاختناقات قبل وحوالين نقاط الرسوم (مثل ماصار في دبي)
هل الرسوم بتزيد التكلفة على الاجانب ؟ معظمهم يسوقون سيارات عملهم الحكومي او الخاص .. وبالتالي اللي يدفع هو القطري.
هل الرسوم مالها تأثير على الاسر الفقيرة .. اين العدل في وضع رسوم على الكل بدون مراعاة للاسر الاقل دخل.

[شبعان]

سبق وان قلت ان دول الخليج(ماعدا البحرين وعمان) غنيه جدا ومب بحاجه الى فرض أي ضرائب او رسوم؟؟
وموضوع "تخفيف الزحمه" ماهو الا مبرر غير مقنع لفرض الرسوم !!!!







دول الخليج وخاصة السعوديه + الامارات + الكويت + قطر مب بحاجه الى عائدات السياحه لو استغلت عائداتها من النفط والغاز صح.

النرويج انتاجها من البترول اقل من السعوديه والامارات والكويت (حوالي 1,300,000 برميل يوميا) ولكنها تمتلك اكبر صندوق استثماري(سيادي) في العالم( حوالي 1000 مليار دولار)!!

مع ان حوالي 50% من عائدات النرويج هو من النفط والغاز ,,, يعني وضعها تقريبا نفس دول الخليج..

هم استغلوا عائدات النفط والغاز صح واحنا(دول الخليج) صرفنا العائدات على الرياضه والحفلات والاسلحه!!!!

[معماري قطري]

المفروض أي شيء بدت فيه دول الظلم والظلام ما نتبعها

[كاشف الغطاء]

غير مؤيد للفكرة لأن مافيه طرق بديلة .. لو يبون يخففون الزحمة يخالفون السلاحف وشكرا