متقاعد .. أو ما تشتغل .. كيف الحال

[الحياة الخالدة]

السلام عليكم ورحمة الله وبركاته

مساكم الله بالخير
في منتدانا الحبيب .. وفي الحياة بشكل عام .. كثير منا وصل للتقاعد
وكثير منا من لا يعمل في وظيفة منتظمة بمواعيد محددة

وسواء كان قرار الابتعاد عن الوظيفة اختياري أو قهري
أكيد كلنا بيجينا اليوم اللي نوصل فيه لهالمرحلة

الأسئلة اللي تدور في بالي :
هل أنت مرتاح بهالوضع بعد ترك الوظيفة .. أو بدون التزام بوظيفة معينة ؟؟
شلون تقضي وقتك .. وهل تستفيد منه سواء مادياً أو معنوياً ؟؟
ولو كان هالوضع باختيارك ..هل تتمنى لو إنك ما اتخذت هالقرار أو بمعنى آخر : هل أنت ندمان ؟؟

يسعدني أن أرى مشاركاتكم وآراءكم
وتحياتي لكم جميعاً

[style]

لان محد رد عالمشاركه ،،أنا أقول اذا الشخص وصل فوق ال 55 سنه الأفضل له يرتاح،،ماتسوى السالفه والشغل عمره مايخلص

شكرًا

[بوخالد911]

لان محد رد عالمشاركه ،،أنا أقول اذا الشخص وصل فوق ال 55 سنه الأفضل له يرتاح،،ماتسوى السالفه والشغل عمره مايخلص

شكرًا

قانون التقاعد للرجال حالياً 60 سنة.

وهناك عدة مقترحات لرفعها إلى 65 سنة.

[سهم فضة]

احلى سؤال وهل تستفيد منه ماديآ ؟

ابدا وخاصة بعد قانون الموارد الجديد اللي قيدنا وقيد عيشتنا ب 600-800-1000 ريال فقط فالعلاوه الدورية

اتكلم عالقطاع المدني

امازالقطاعات الاخرى بسم الله ماشاء الله

[R 7 A L]

الي ماعنده حلال ولا تجارة
المفروض مايقاعدونه

[Jspec]

قانون التقاعد للرجال حالياً 60 سنة.

وهناك عدة مقترحات لرفعها إلى 65 سنة.

بس 65 ؟؟؟ شوي اشوفه خصوصا انه متوسط الاعمار في قطر 95 سنه

هل تشوفونه حلو بحقنا نجلس 30 سنه بعد ال 65 لاشغله ولا مشغله؟؟؟ عييييييييييييييييب

[naklan]

افضل قرار اتخذته في حياتي ترك الوضيفة الحكومية
في وقت مبكر والتفرغ للتجارة لم اندم أبداً بل كان القرار الأفضل
وفتحت لي للتجارة أبواب الرزق وما خسرت من الوضيفة كسبت
اضعافه في التجارة لذالك انصح بالاتي
أن لم تكن من المبدعين في صنع المال ولَك موهبة في ذالك
فلا تترك الوضيفة الحكومية
وانا مع التقاعد المبكر وان لنفسك عليك حق
55 او 60 كفاية بلا توتر ولا شقاء ورى الوضيفة

تحياتي اختي الحياة الموضوع حساس
وعذب وأيد ناس

[معماري قطري]

تركت من 2009 بسبب الوضع الصحي وتعرضي لضغوطات وظلم وظيفي

في 2012 رجعت في منصب ثاني ومجال ثاني وكنت مرتاح وشغل خفيف داومت لحد 2015 ورحت دورة ورحت مهمة شغل خارجية حلوة وتمت ترقيتي خلالها .. بعدين بديت شوي اتعب وتم تحويلي لما يشبه التفرغ مع كامل مخصصاتي والحمد لله بإنتظار التقاعد ولي حرية العودة للعمل لكن اشوف رفع الراية البيضاء حان وقته

عدم الالتزام حلو وآخر 3 بادخل 55 والحمد لله مستمتع بأوقاتي .. لكن من آمر على مقر لعملي والا اشوف ربعي القدامى تحن نفسي للماضي واتمنى لو عندي القدرة على الدوام والبذل والعطاء .. خبرتي في مجالي عالية واطور نفسي باستمرار ومستعد اساعد الكل حتى أي جهة رسمية أو خاصة في هذا المجال بس كاستشارة أما دوام محدد ما اقدر

[معماري قطري]

افضل قرار اتخذته في حياتي ترك الوضيفة الحكومية
في وقت مبكر والتفرغ للتجارة لم اندم أبداً بل كان القرار الأفضل
وفتحت لي للتجارة أبواب الرزق وما خسرت من الوضيفة كسبت
اضعافه في التجارة لذالك انصح بالاتي
أن لم تكن من المبدعين في صنع المال ولَك موهبة في ذالك
فلا تترك الوضيفة الحكومية
وانا مع التقاعد المبكر وان لنفسك عليك حق
55 او 60 كفاية بلا توتر ولا شقاء ورى الوضيفة

تحياتي اختي الحياة الموضوع حساس
وعذب وأيد ناس

يا اخوي ما قدرت ما اعلق على حساس وعذب وايد ناس

[naklan]

يا اخوي ما قدرت ما اعلق على حساس وعذب وايد ناس


ههههههههههههههه الله يسعد ايامك شيخنا معماري
الوضيفة شقاء في مجتمعاتنا وفرقاها عيد

[naklan]

اضافة لما ذكرت سابقا انا استقلت وانا في العشرينات
وبقناعة وثقة ولكن نصيحة لكم
الان الرواتب غير الامس مغرية وجيده
وحتى للتاجر يقدر يدير تجارته وعمله يعني
اَي شي بخصوص ترك الوضيفة يبيله دراسة
وعقلانية وعدم تسرع

[سالم الزهران]

ما اشوف نفسي اصلح لتقديم نصيحة في مجال الوظيفة ولا تجربتي زينه.. لكن بعد تجربة اكثر من وظيفة قررت اضرب لاولادي مثال ع الصبر وطموحي هو التقاعد رغم ان الاستيقاظ عندي قبل الفجر باجازة ولا بدوام ولا بسفر..مقدر اقول عندي هدف وظيفي غير التقاعد.. احترم جداََ الموظف الملتزم والمرن وادعي له بالصبر والعزيمة لانه محسود ومظلوم ولا يترقى بس انه مبارك ومرحوم من الله.

اذا مشاركتي خبيص فماهو ذنبي.. فور قف مي.

[ابو عبدالله.]

اضافة لما ذكرت سابقا انا استقلت وانا في العشرينات
وبقناعة وثقة ولكن نصيحة لكم
الان الرواتب غير الامس مغرية وجيده
وحتى للتاجر يقدر يدير تجارته وعمله يعني
اَي شي بخصوص ترك الوضيفة يبيله دراسة
وعقلانية وعدم تسرع

انا اايد التقاعد مثلك اخوي

وافكر ببدايه الخمسينات اتقاعد

هذا اذا الشخص أسس صح وعنده تجاره او مدخول جيد يساعد راتب التقاعد

8 ساعات بالوظيفه ممكن تصب في اكثر من تجاره و اكثر من مدخول

لكن الوصول لاكثر من مدخول يتطلب تأسيس اثناء وجود الوظيفه و تأكد ان التجاره و الاستثمار تؤتي ثمارها بشكل مضمون

واحد ترك البترول و فتح مكتب عقار اثناء الطفره العقاريه. لكن ندم بعد هبوط العقار و ربحه وحاول يرجع للبترول ولم يوفق

الله يعينه. لكن قراره كان خاطئ وما أسس شي مضمون ولا قدم للتقاعد عشان يمشي له راتب تقاعدي. ولا انتظر يخلص خدمه 15 او 20 سنه ليستحق التقاعد

البعض الله كاتب له ربح تجاري وعنده موهبه. لكن البعض الاخر ما عنده هالقدرات فالافضل يرفع راتبه بقدر المستطاع قبل التقاعد و بعدها يحاول الاستثمار

التجاره و التملك و الاستثمار تحتاج تركيز و مثابره و ضبط نفس في الاداره و تعلم المهنه. حالها حال الوظيفه الحكوميه

[بوفهد 2]

انا اايد التقاعد مثلك اخوي

وافكر ببدايه الخمسينات اتقاعد

هذا اذا الشخص أسس صح وعنده تجاره او مدخول جيد يساعد راتب التقاعد

8 ساعات بالوظيفه ممكن تصب في اكثر من تجاره و اكثر من مدخول

لكن الوصول لاكثر من مدخول يتطلب تأسيس اثناء وجود الوظيفه و تأكد ان التجاره و الاستثمار تؤتي ثمارها بشكل مضمون

واحد ترك البترول و فتح مكتب عقار اثناء الطفره العقاريه. لكن ندم بعد هبوط العقار و ربحه وحاول يرجع للبترول ولم يوفق

الله يعينه. لكن قراره كان خاطئ وما أسس شي مضمون ولا قدم للتقاعد عشان يمشي له راتب تقاعدي. ولا انتظر يخلص خدمه 15 او 20 سنه ليستحق التقاعد

البعض الله كاتب له ربح تجاري وعنده موهبه. لكن البعض الاخر ما عنده هالقدرات فالافضل يرفع راتبه بقدر المستطاع قبل التقاعد و بعدها يحاول الاستثمار

التجاره و التملك و الاستثمار تحتاج تركيز و مثابره و ضبط نفس في الاداره و تعلم المهنه. حالها حال الوظيفه الحكوميه
موضوع ممتاز والاهم منه كيف تجهز نفسك حق التقاعد ماديا

[المعز لقطر]

الآن رحلتي بدأت
أشهر بعد التقاعد
راحة ثم السفر لتركيا لعمل من جديد
والله الموفق

[بوعافيه]

حاليا انا عاطل عن العمل وابحث عن وظيفة هنا في قطر وربي يجيب الخير

[ابو عبدالله.]

موضوع ممتاز والاهم منه كيف تجهز نفسك حق التقاعد ماديا

صبحكم بالخير

بو فهد

المسأله مش معقده

ادخار. وبعده بحث عن افضل الامور الي تستهويك او خبره عندك تستغلها في تجاره

كل انسان في بدايه مشواره المهني يكون خفيف بالمصاريف. هذا كمبدأ. مش شخص باحث عن الرفاهيه او الكشخه وهو توه صغير

هذا انسب وقت للادخار لان بعدين تزيد الاحمال و المسؤوليه و المصاريف

من متابعتي لبعض الاخبار و المعلومات. الشخص من المفترض انه يدخر ثلث الراتب ع الاقل و يعيد استثماره لرفع مدخوله خلال سنوات ليبقى بنفس المستوى المعيشي المتعود عليه
بحكم ان العمله قوتها تقل و التضخم و المصاريف الاضافيه مثل الزواج و الابناء تضغط ع المدخول اذا ما ارتفع

هذا الشخص العادي

الي عنده هوايه. مثل النجاره او الحداده او الصيد. يقدر يوظف خبرته بفتح تجاره وهو ع درايه بالتكاليف و الارباح

وعنده شغف لهذه الامور

فقط تحتاج تطور نفسك باداره هذه التجاره و العمال مثل ما تعلمنا الاداره بالوظيفه و الوقت و المصروفات و الادخار

كل ما تطورت باي شغله بتصير بروفشنال في التوفير و الاداره للعمل و الوقت

حبيت اسوي طبيلات للحلال عندي ومع ان عندي حب للشغل باليد و الحداده لكن ما عندي وقت لها

طلعت فيزا لحداد. و الراعي تكفل بأحضار شخص من جنسيته. تدري. هذول يبون فيزا لربعهم و بيجيب لك احسن واحد يقدر عليه بس عطه فيزا

وفعلا. وصل و اشتغل بالعزبه كم يوم و سوى شغل كان بيكلفني 8 الاف ريال لو جبت ناس من برع

اهني قلت هذا موجود ليش ما اجرب ادور حديد بسعر افضل بدل ما اتكلف الكثير

بس بحثت بموقع قطري لقيت 5 طن او اكثر وطلع التيوب الواحد ب 4 ريال ونصف فقط

شريتها كلها و الحين صار عندي مخزون و عامل لو يشتغل شهور ما بحتاج اشتري حديد اضافي مكلف

اذا تبي تشتغل ع شي حاول بقدر الامكان تدور افضل الفرص و اقصر الطرق السليمه و اقل الاسعار

ع فكره. اغلب الي يشتغلون بتجاره يسوون هالشي شراء جمله بسعر اقل. اقل المصاريف الشهريه الخ

ايضا المشاركه تساعد اذا الشريك عنده خبره بتجاره ما. و بيسهل لك الربح بمجهوده وخبرته و تتعلم منه امور كثيره

الي اتخوف منه ان المشاركه فيها سلبيات مثل اختلاف الرأي او عدم الثقه او الطمع. فأختيار الشريك اهم من التجاره نفسها

[معماري قطري]

كلامك صحيح بو عبدالله

مرة قررت افتح مكتب استشاري وكان عندنا دور فاضي في عمارة والمقر متوفر .. ولي صديق بمثابة إخو دوم كنت معاه وتناقشنا في الموضوع وبديت اسوي دراستي .. يوم قدمتها له لاحظت إنه يلف ويدور ويطلع تعقيدات أكثر من التسهيلات .. تفركشت السالفة

المحاولة الثانية اثنين شجعوني واحد في المكتب الهندسي الخاص وواحد في البلدية .. قلت بافتح على مستوى لكن لاحظت بعد عدم اهتمامهم يوم لاحظوا اني لي الرغبة وناوي وكنت انا اللي بادير المكتب هندسياً .. بعدها فكرت افتح بروحي لكن قبل افتح قلت اسال ربعي أصحاب المكاتب .. اللي قال لي افتح مطعم أو حلاق أفضل لك واللي قال تعال شاركني المكتب موجود بس انت تديره والأرباح 50/ 50 والخساير اللي على المكتب انت معفي منها وطلعت خسائر مكتبه كبيرة .. فكرت في المصاعب وقلت البورصة أفضل

[ابو عبدالله.]

مساك بالخير معماري. ما شاء الله عليك حرچ :)

لو عندك شغف كافي بيمشي المكتب صدقني

مستحيل تحط مجهود و تثابر و يفشل. ما يفشل الا اذا تكاسلت او اهملت و تركت الموظفين هم الي يديرون

لي قريب و بمنصب. مناصب مش منصب واحد

تعلمت منه كثير وهو يحب الخير و يساعد و يعلمك لو تسأل

اعتقد اربع مناصب و كم شركه و مزرعه و حلال و تجاره و عائله و فوق هذا نشوفه بالمجلس شبه يومي

بالاول قلت كيف يقدر يفكر بكل هذا. يقلب من موجه لموجه بلحظه

كلمه عن المقاولات وخذ معلومات ما تلحق تسجلها

كلمه عن التجاره بيقول لك

كلمه عن الوظائف عنده كل وحده لها مسؤوليه مختلفه بيقول لك

يعني ما شاء الله يمشي جيش من الموظفين و الشركات ويفهم حتى بالحلال لو تسأله

انا تعلمت منه حسن اداره الوقت و الدخول بكل شي و فهمه وحب معرفه التفاصيل و احتماليه وجود فرصه فيها

الريال يشوف عشرين سنه جدام مش بس جرب وخلاص

يعني لو احنا نضبط وقتنا و مجهودنا بطريقه بروفشنال ممكن نتفرع و ندير و نتوسع بعد

للامانه. حازم و دقيق لكن طيب و كريم وهذه من فن الاداره و اخلاقيات التعامل

لما تصادق حد مثله افضل من مصادقه حد سلبي او بلا خبره

الصحبه و البيئه المحيطه و كل الي ذكرته فوق عن الانضباط و الاجتهاد تصب للنجاح

[ابو عبدالله.]

ع فكره لما بدا. شارك وبعدها انفصل. السراكه متعبه خصوصا اذا الشريك مش ع جوك او اقل منك بالعقليه او التصرفات

ما تعرفهم الا بعد الشراكه

[ابو عبدالله.]

معماري. انا تعاملت مع مكاتب استشاريه الي القطري يثابر في مكتبه ماشي مضبوط. والي تاركه لكم مهندس. شغلهم نص ونص برأيي

الشغل ينضبط وما في شي يتلخبط

خصوصا تفاهم مهندس مع مقاول و يقنع الزبون ببضاعه مثل الاصنصير او المسبح عشان ياخذ عموله من الشركات

هذه تصير و بعضهم يقول حلال ما فيها شي. لكن الزبون لما يحس بالدز لشي مب في خاطره يستكره السالفه و يخاف من اي خدعه اثناء البناء

مثل الاستشاري يخطط بكميه حديد زايده و المقاول يشوف ويعرف ولما يبدأ يقول خسرات خل الاستشاري يقلل الحديد بدون ضرر ع البناء. يقوم الاستشاري يخفض له كم الف و ياخذ عموله عليها

شغلات كثير ما نعرفها بالعاده لكن تصير. وكل تجاره لها خفاياها

لكن لو انت تتابع محد يسويها. و العميل يثق و يوصي ربعه عليك

وخذ عملاء بالجمله

عندي الاستشاري يتابع فوق 40 فيلا يعني 1500 و بعضهم 2000 شهريا. احسبها كم بالشهر كلهم وكم دخله

وما عنده الا مكتب و محاسب و سكرتيره ويمكن مهندسين او ثلاثه

[الحاقول]

بس 65 ؟؟؟ شوي اشوفه خصوصا انه متوسط الاعمار في قطر 95 سنه

هل تشوفونه حلو بحقنا نجلس 30 سنه بعد ال 65 لاشغله ولا مشغله؟؟؟ عييييييييييييييييب


عفواً

متوسط العمر في قطر
78.18 سنة (2016)
الإمارات العربية
77.26 سنة
السعودية
74.56 سنة
سلطنة عمان
77.03 سنة
وبذلك حلّت قطر الأولى عربيّاً في متوسط العمر المتوقّع في تقرير منظّمة الصحة العالميّة متقدّمةً على منافسيها في منطقة الشرق الأوسط.
اذ يُعد الوضع الصحي في قطر من الأفضل على الصعيد العربي والعالمي، اما اخر تقرير عن متوسط العمر قي قطر الذي صدر بتاريخ 10/11/2018 فقد كان متوسط العمر المتوقع للقطريين 80.4 سنة.

[معماري قطري]

معماري. انا تعاملت مع مكاتب استشاريه الي القطري يثابر في مكتبه ماشي مضبوط. والي تاركه لكم مهندس. شغلهم نص ونص برأيي

الشغل ينضبط وما في شي يتلخبط

خصوصا تفاهم مهندس مع مقاول و يقنع الزبون ببضاعه مثل الاصنصير او المسبح عشان ياخذ عموله من الشركات

هذه تصير و بعضهم يقول حلال ما فيها شي. لكن الزبون لما يحس بالدز لشي مب في خاطره يستكره السالفه و يخاف من اي خدعه اثناء البناء

مثل الاستشاري يخطط بكميه حديد زايده و المقاول يشوف ويعرف ولما يبدأ يقول خسرات خل الاستشاري يقلل الحديد بدون ضرر ع البناء. يقوم الاستشاري يخفض له كم الف و ياخذ عموله عليها

شغلات كثير ما نعرفها بالعاده لكن تصير. وكل تجاره لها خفاياها

لكن لو انت تتابع محد يسويها. و العميل يثق و يوصي ربعه عليك

وخذ عملاء بالجمله

عندي الاستشاري يتابع فوق 40 فيلا يعني 1500 و بعضهم 2000 شهريا. احسبها كم بالشهر كلهم وكم دخله

وما عنده الا مكتب و محاسب و سكرتيره ويمكن مهندسين او ثلاثه

الشيخ تكاليف تشغيلية كبيرة ورواتب ونقليات ما تجيب همها .. لتغرك 2000 أو 1500 .. صحيح فيه مكاتب يديرونها قطريين ناجحة نجاح منقطع النظير بس هذي تأسست من زمان وكلت الجو .. خلني باضرب لك مثال مكتب الجيدة .. العربي للشؤون الهندسية .. هذا تجيه فرص من الحكومة وياخذ مشاريع كبيرة بالملايين .. مصمم عمارة انا اشوفها عادية وأدوار متكررة صحيح تكلفتها التقديرية 50 مليون للبناء .. هو مصممها بمليون ريال بس تصميم .. وألحين يشتغل في استاد الثمامة ( القحفية ) فكرة مبتكرة وتصميم مبتكر وحلو الله يوفقهم فيه

من جهة ثانية لي معرفة بأحد كبار المهندسين واللي أشرف على مشاريع كبرى في قطر وكان عنده منصب كبير وحالياً متقاعد .. فتح مكتب استشاري على مستوى كبير وهيأ له كل فرص النجاح مع شراكة عالمية ومع مكتب انترير متميز وشغله انا شفته بعيوني لكن تورط بعدم تقبل العملاء له ومشاريع الدولة كلها تروح لعدد معين من المكاتب وكلنا نعرف كيف المنافسة شبه مفقودة في مجال المكاتب والمقاولات كذلك .. في النهاية اضطر يقلص عدد الموظفين ولا يقبل شغل واستوى يخلص مشاريعه بس

[رحال]

راتب التقاعد لايكفي .. وكان الله بعون راعي المعاش

[شموخ دائم]

,

,


مرحبا


شكرا على الموضوع


الي جرب يصحى شبعان نوم ويتفطر على راحته

ويطلع من البيت الساعه 10 صباحا

يتابع اعماله او مكتبه او يخلص له موضوع

هذا ( ملك زمانه )

:)

هذا ينحسد والله

واذا ما عنده شغل يروح يتسوق ويتمشى

التسوق ( متعه ) عند البعض

ما اعتقد في انسان عاقل ( يندم ) على التقاعد خاصه اذا راتبه عالي وخريج جامعي وعلى درجه وظيفيه مرتفعه

بالعكس راح يكون اكثر سعادة مع اسرته ومع صله ارحامه

وعنده متسع الوقت

بدون ضغوط وبدون توتر الوظيفه


اعتقد الواحد يسوي له ( مشروع ) او ( عقار )

يستفيد من الراتب العالي قبل يطلع تقاعد

ياسس نفسه كم سنه يمشي المشروع او العقار يكون له عائد

وبعدها يتقاعد حتى يعوض النقص المادي ويعوض الوقت الي بيكون عنده

اذا راتبه بعد التقاعد ممتاز او عنده دخل اخر

المجالات كبيره وكثيره

منها

العمل ( التطوعي ) الخيري

منها حفظ القران

منها تعلم شي جديد لغه جديده

منها السفر كل 3 شهور الى مختلف دول العالم

منها التطوع في المجالات الي يحبها

رياضيه

او

اجتماعيه

شراء مزرعه صغيره وقضاء الوقت فيها

زراعه

تربيه حلال

منها دخول مجلس اداره احد الشركات الخاصه المعروفه

والاستفاده من خبراته

مشاركه مجموعه أصدقاء او قرايب وعمل تجاره او صناعه تحتاج لها البلاد

اهم شي ما يقعد بالبيت ( فاضي )

الحياه مستمره ومالها عمر للتوقف عن ( العطاء )

,

,

[ابو عبدالله.]

فهمت نظرتك معماري عن المكاتب

لكن انا نظرتي البدأ بسيط و اكبر. مب لازم ع طول كبير و مشاريع دوله

كل تجاره مربحه مع المتابعه

[ابو عبدالله.]

تعليق شموخ اعجبني

واضح و يصيب الهدف

كلنا نقدر نسوي شي و نجتهد

حتى لو التطوع. وفيه اجر و اطلاع ع المجتمع و قضايا فكريه من خلال المشاركه بالتطوع في قطاع معين

مثل اللغه العربيه و التعليم الديني او الخدمه المجتمعيه

يضل العقل ينمو و مختلط مع المجتمع مهما كان العمر

حتى الصحه لها نصيب مع الحركه و الاحساس بالمسؤوليه بدل الجلوس بملل وبلا هدف بعد التقاعد

[معماري قطري]

فهمت نظرتك معماري عن المكاتب

لكن انا نظرتي البدأ بسيط و اكبر. مب لازم ع طول كبير و مشاريع دوله

كل تجاره مربحه مع المتابعه

كلامك مقنع والحمد لله حصل التقاعد بدأً من 1 4 2019 بعد خدمة تصل ل 41 سنة أو باقي شهرين وأوصل 41 سنة ومتحرر لكافة الاحتمالات وأولهم الراحة

[ابو عبدالله.]

ههههههههههه

صبحك بالخير

الله يتمم لك على خير

والله اغبطك على التقاعد. اتمنى احصله لكن الراتب بينزل وايد و بتروح الامتيازات السنويه

ابي اخلص امور بعدها بطلع ان شاء الله. يبي لي ثلاث او خمس سنين ما يندرى بالضبط

تبي شي

في جهات ممكن تحتاج خبير بعقود خاصه و فترات محدده

لو منك اجرب اقدم خدماتي كلها كم ساعه باليوم و فتره اشهر او سنه او سنتين طبعا امتيازات حلوه. تضرب لك 50 الف او اكثر و توصل الف دولار باليوم في شركات البترول

بعض المشاريع تحتاج وظائف مؤقته

[معماري قطري]

ههههههههههه

صبحك بالخير

الله يتمم لك على خير

والله اغبطك على التقاعد. اتمنى احصله لكن الراتب بينزل وايد و بتروح الامتيازات السنويه

ابي اخلص امور بعدها بطلع ان شاء الله. يبي لي ثلاث او خمس سنين ما يندرى بالضبط

تبي شي

في جهات ممكن تحتاج خبير بعقود خاصه و فترات محدده

لو منك اجرب اقدم خدماتي كلها كم ساعه باليوم و فتره اشهر او سنه او سنتين طبعا امتيازات حلوه. تضرب لك 50 الف او اكثر و توصل الف دولار باليوم في شركات البترول

بعض المشاريع تحتاج وظائف مؤقته

الحمد لله لا علي التزامات ولا ديون يمكن الوحيد القطري ديونلس .. غير سلفة الحكومة حول 80 ألف باقي منها وبتنخصم من نهاية الخدمة وقرض الاسكان باقي منه 10 سنين وكل شهر 2000 ريال القرض القديم

ما قصروا خلوني من 2015 للحين مرتاح .. سالفة خبير عقود وتصاميم مستعد لها حتى لو بالمجان اسويها خدمة للي يبغي بدون مقابل

[لطيف الروح]

سبحان الله دول كبيرة ومتقدمة وعدد سكانها كبير
و تبحث عن أصحاب الخبرة و الكفاءة مثل المهندسين و الأطباء و خلافه ولا تسمح لهم بالتقاعد المبكر
كما أن هذه الدول تقوم بمنح جنسيتها لهؤلاء لاستقطابهم

[ابو عبدالله.]

الحمد لله لا علي التزامات ولا ديون يمكن الوحيد القطري ديونلس .. غير سلفة الحكومة حول 80 ألف باقي منها وبتنخصم من نهاية الخدمة وقرض الاسكان باقي منه 10 سنين وكل شهر 2000 ريال القرض القديم

ما قصروا خلوني من 2015 للحين مرتاح .. سالفة خبير عقود وتصاميم مستعد لها حتى لو بالمجان اسويها خدمة للي يبغي بدون مقابل

نزل السيره الذاتيه في بيت دوت كوم للتوظيف و حدد عقد مؤقت
و ادخل ع مواقع شركات البترول و ارفع السيره ع انك خبير هندسي و مطلع ع قوانين الدوله في هذا الشأن
و اشغال و المتحده للتنميه و بروه و الديار الخ. ارسل ايميل للاتش ار و اعرض خدمتك بعقد مؤقت

العقود المؤقته تصاحب مشاريع معينه او متابعه و تدقيق لعمل شركات كونتركتر يقومون بمشاريع لهذه الجهات

العقد المؤقت براتب اكبر من المهندس شامل السكن و المواصلات و التأمين الصحي و بدل مدارس و بونص
رقم واحد شامل كل الامتيازات حتى يوفروا اي تكاليف لقسط التقاعد و نهايهلاخدمه الخ

نتكلم عن 800 دولار يوميا 24 يوم بالشهر و يمكن اكثر بحسب المشروع والمسؤوليه
وبعض المشاريع خارج قطر بزيارات مكوكيه. وعيش اخوي هههههه

[لطيف الروح]

نزل السيره الذاتيه في بيت دوت كوم للتوظيف و حدد عقد مؤقت
و ادخل ع مواقع شركات البترول و ارفع السيره ع انك خبير هندسي و مطلع ع قوانين الدوله في هذا الشأن
و اشغال و المتحده للتنميه و بروه و الديار الخ. ارسل ايميل للاتش ار و اعرض خدمتك بعقد مؤقت

العقود المؤقته تصاحب مشاريع معينه او متابعه و تدقيق لعمل شركات كونتركتر يقومون بمشاريع لهذه الجهات

العقد المؤقت براتب اكبر من المهندس شامل السكن و المواصلات و التأمين الصحي و بدل مدارس و بونص
رقم واحد شامل كل الامتيازات حتى يوفروا اي تكاليف لقسط التقاعد و نهايهلاخدمه الخ

نتكلم عن 800 دولار يوميا 24 يوم بالشهر و يمكن اكثر بحسب المشروع والمسؤوليه
وبعض المشاريع خارج قطر بزيارات مكوكيه. وعيش اخوي هههههه

اسمح لي يا ابوعبدالله بهذه المداخلة
اذا ما عندك واسطة كاملة الدسم انسى انك تحصل شي حتى لو كنت خبير الخبراء و خاصة في الأمور الهندسية
طبعاً كلامي يدعمه الواقع اللي احنا عايشين فيه
و يعلم الله انها مش تقليل من شخصك او شخص معماري قطري ولكم وللجميع كل الاحترام و التقدير

[معماري قطري]

نزل السيره الذاتيه في بيت دوت كوم للتوظيف و حدد عقد مؤقت
و ادخل ع مواقع شركات البترول و ارفع السيره ع انك خبير هندسي و مطلع ع قوانين الدوله في هذا الشأن
و اشغال و المتحده للتنميه و بروه و الديار الخ. ارسل ايميل للاتش ار و اعرض خدمتك بعقد مؤقت

العقود المؤقته تصاحب مشاريع معينه او متابعه و تدقيق لعمل شركات كونتركتر يقومون بمشاريع لهذه الجهات

العقد المؤقت براتب اكبر من المهندس شامل السكن و المواصلات و التأمين الصحي و بدل مدارس و بونص
رقم واحد شامل كل الامتيازات حتى يوفروا اي تكاليف لقسط التقاعد و نهايهلاخدمه الخ

نتكلم عن 800 دولار يوميا 24 يوم بالشهر و يمكن اكثر بحسب المشروع والمسؤوليه
وبعض المشاريع خارج قطر بزيارات مكوكيه. وعيش اخوي هههههه

ما تسجلت خبير هندسي للحين لازم اقدم للمحكمة وممكن ينتدبوني كذلك لبعض القضايا الهندسية .. كلامك صحيح اخوي بو عبدالله والخير وايد بس يبي له حركة

خسارتي من عملي أقدرها ب 700 ألف سنوياً في نزول الراتب والتذاكر والاجازات ولازم اشتغل حتى اعوض

[معماري قطري]

اسمح لي يا ابوعبدالله بهذه المداخلة
اذا ما عندك واسطة كاملة الدسم انسى انك تحصل شي حتى لو كنت خبير الخبراء و خاصة في الأمور الهندسية
طبعاً كلامي يدعمه الواقع اللي احنا عايشين فيه
و يعلم الله انها مش تقليل من شخصك او شخص معماري قطري ولكم وللجميع كل الاحترام و التقدير

أهل قطر كلهم هلي بس مشكلتي اني عيوني عسلية لو خضرا واعوي لساني وانا اتكلم أكيد باحصل اللي ابيه بسهولة

[ابو عبدالله.]

اسمح لي يا ابوعبدالله بهذه المداخلة
اذا ما عندك واسطة كاملة الدسم انسى انك تحصل شي حتى لو كنت خبير الخبراء و خاصة في الأمور الهندسية
طبعاً كلامي يدعمه الواقع اللي احنا عايشين فيه
و يعلم الله انها مش تقليل من شخصك او شخص معماري قطري ولكم وللجميع كل الاحترام و التقدير

صبحكم بالخير جميعا

عزيز ياخوي وما الومك لو قلت واسطات

صحيح في واسطات وبعد في ارزاق محد ياخذها منك دام مكتوبه لك

اخونا معماري في نقاش قال الخريج احق بالمنصب. لكن وضحنا ان صاحب الثانوي ممكن يحصل منصب. وقال واسطات. وقلت في منهم واسطات وفي الي اخذها بتوفيق من الله و اجتهاد منه

وبعد بقولها لك عن سالفه ان تحصل عقد وظيفه مؤقته

كل واحد فينا شاف امور و يقيسها بمنظوره. لكن الدنيا و سوق العمل اكبر و متنوع اكثر من نظرتنا كلنا

انت قطري و عندك جواز و تحصل وظيفه شرايك في الي سحبت منه جنسيته و درس و اشتغل براتب ضعف راتب القطري بالحكومه

ارزاق و سوق عمل ولولا اني شفته بعيني ما كنت بظن انه بيحصل وظيفه لكن رزقه وجاه

[ابو عبدالله.]

ما تسجلت خبير هندسي للحين لازم اقدم للمحكمة وممكن ينتدبوني كذلك لبعض القضايا الهندسية .. كلامك صحيح اخوي بو عبدالله والخير وايد بس يبي له حركة

خسارتي من عملي أقدرها ب 700 ألف سنوياً في نزول الراتب والتذاكر والاجازات ولازم اشتغل حتى اعوض

مب لازم تسجل خبير

انت خبير بالهندسه واقصد انك بخبره عميقه وممكن تشغر وظيفه بحد هالقطاعات الي تحتاج مهندس مشروع او مراقب مشروع و مدقق

جرب ما وراك شي اخوي

[معماري قطري]

مب لازم تسجل خبير

انت خبير بالهندسه واقصد انك بخبره عميقه وممكن تشغر وظيفه بحد هالقطاعات الي تحتاج مهندس مشروع او مراقب مشروع و مدقق

جرب ما وراك شي اخوي

ما قصرت بالنصيحة والسي في جاهز وسمين بالعربي والانجليزي باحطه إن شاء الله في الوقت الحالي ابي أحس احساس المتقاعد الرسمي وكنت ذايق طعم التقاعد بالضبط من 2009 واشتغلت اعتبرها مؤقت من 2012 لحد 2015 ترقيت خلالها الترقية الأخيرة والحمد لله في فترة استراحتي في 2018 وأكيد ما قصروا معاي

[style]

سؤال اخوي معماري
هل تمشي للمتقاعد علاوه السكن؟

شكرًا

[ابو عبدالله.]

قانون التقاعد لم يضع علاوه سكن

لكن هذا غير طبيعي

قبل سنوات كان الموظف ياخذ بدل سكن. و يسقط عنه عند الانتفاع ببيت الاسكان

بعدها تغير القانون و اصبح حق الانتفاع بسكن مفصولا عن جهه العمل ولا يخصم بدل السكن لو انتفع بمسكن حكومي لانه بقانون مختلف عن العمل

ايضا قانون التقاعد منفصل عن قانون الاسكان ولا ارى اي ارتباط لعدم صرف بدل سكن للمتقاعد

انا في صالح ان يدفع بدل سكن للمتقاعد ولو كانت 6 الاف ريال لاي متقاعد حتى لو متقاعد من قطاعات ببدل سكن عالي في وظيفته السابقه

[لطيف الروح]

كلامك مقنع والحمد لله حصل التقاعد بدأً من 1 4 2019 بعد خدمة تصل ل 41 سنة أو باقي شهرين وأوصل 41 سنة ومتحرر لكافة الاحتمالات وأولهم الراحة

ما ادري ابارك لك ولا اقول الله يعينك اخوي معماري قطري
ودي اسئلك اخوي معماري
كيف تم ابلاغك بالتقاعد وهل تم عمل حفل تكريم لك على خدمتك كل هذه السنوات
وهل جهة عملك لديها خطة للاستفادة من خبرتك مستقبلا و انت في التقاعد ولا خلاص انسى

[الحياة الخالدة]

السلام عليكم ورحمة الله

تحياتي للجميع على مشاركاتهم البناءة

[معماري قطري]

ما ادري ابارك لك ولا اقول الله يعينك اخوي معماري قطري
ودي اسئلك اخوي معماري
كيف تم ابلاغك بالتقاعد وهل تم عمل حفل تكريم لك على خدمتك كل هذه السنوات
وهل جهة عملك لديها خطة للاستفادة من خبرتك مستقبلا و انت في التقاعد ولا خلاص انسى

أبشرك الأُمور طيبة ويحق لنا نعمل في أي جهة سواء حكومية أو خاصة أو نص حكومية والحمد لله المؤهلات موجودة والتخصص مطلوب .. كثيرين من زملائي طلعوا من زمان وتوفقوا في ادارة مشاريع كبرى

بعدين انا متوقع التقاعد في أي لحظة

[شبعان]

أبشرك الأُمور طيبة ويحق لنا نعمل في أي جهة سواء حكومية أو خاصة أو نص حكومية والحمد لله المؤهلات موجودة والتخصص مطلوب .. كثيرين من زملائي طلعوا من زمان وتوفقوا في ادارة مشاريع كبرى

بعدين انا متوقع التقاعد في أي لحظة


الله يعطيك الصحه والعافيه وطول العمر انشاءالله..

بس ياخوي حسب قانون التقاعد"المدني" الحالي ممنوع على المتقاعد"المدني" العمل في جهه حكوميه كموظف رسمي ولكن مسموح العمل كمتعاون فقط..
وأيضا القانون يسمح للمتقاعد"المدني" للعمل في أي جهه خاصه.

[معماري قطري]

الله يعطيك الصحه والعافيه وطول العمر انشاءالله..

بس ياخوي حسب قانون التقاعد"المدني" الحالي ممنوع على المتقاعد"المدني" العمل في جهه حكوميه كموظف رسمي ولكن مسموح العمل كمتعاون فقط..
وأيضا القانون يسمح للمتقاعد"المدني" للعمل في أي جهه خاصه.




انا سبشل كيس .. الله يسلمك انا الحمد لله بعيد عن المجال المدني وحتى بدون شغل التقاعد يكفي والعيال يشتغلون والله يوفقهم .. صج في بداياتهم ووراهم مشوار واحد يدرس ببعثة من الجيش وواحد أنهى دراسته الجامعية وناوي يكمل عسكري والبنت تخرجت مهندسة كهرباء وللحين ما تعينت لكن فيه وعود لجهة عسكرية بعد

ما زلت محب للبيت اللي عشت فيه من طفولتي للوقت الحالي وودي عيالي يكملون المسيرة

[مضارب دوسري]

حبتين يالسبيشل كيس

خدوني معاكوا اخوكو الصغير وحطوني معاكم فالكيس

[معماري قطري]

حبتين يالسبيشل كيس

خدوني معاكوا اخوكو الصغير وحطوني معاكم فالكيس

معاهم من كنت 14 وألحين داخل على ال 55 عرفت جيلين منهم من رحلوا رحمة الله عليهم ومنهم من هم موجودين ومتواصل معاهم .. أكيد اعتبره بيتي الكبير واعتبر كل واحد إخو لي

إستفدت أكيد استفدت أكثر مما أفدت .. مقصر وبيتي الكبير ما قصر معاي والخير في من بقى والرحيل سنة الحياة

[مضارب دوسري]

الله يعطيك طوووولة العمر يا بوعبدالله ويحفظك يالشيخ

[معماري قطري]

الله يعطيك طوووولة العمر يا بوعبدالله ويحفظك يالشيخ

الله يسلمك يا بو محمد والباب مفتوح لكل قطري ومقيم ما يقصرون