خطوات تجهز فيها نفسك للتقاعد

[بوفهد 2]

كيف تجهز عمرك للتقاعد اشان تامن نفسك من للناحيه الماديه . ..عني استقطع شهريا من راتبي جزء وأشتري فيه اسهم العوايد . كم سنه الا وانت عندك دخل ثاني او حتى ماتحتاج الراتب .. ودنا نسمع رأيكم وكل واحد وأسلوبه ..

[ابو عبدالله.]

صبحك بالخير بو فهد


عن نفسي اول ما بدأت. بفكره الزواج لانها باب رزق و تحصين
بعدها فكرت في تنظيم المصروفات و اولها. الايجار.لاني شفت كثير يستهلكون رواتبهم سنوات طويله لين يستلمون بيت الاسكان
فأشتريت فيلا صغيره طبعا كان ضغط كبير لكن الحمد لله راح و خلصت اقساطها باقل مده ممكنه وكانت خمس سنوات واقل بشوي بعد

ما قلت بكشخ بعدها. قلت خلني اضل بنفس التوفير و الادخار. وهذا ما منعني اسافر كذا مره مع العيال او اشتري سيارات جديده لكن بترتيب الامور الماليه ممكن

لان ما عندي صرف ايجار جمعت مقدم و بحثت عن عقار جديد بحكم اني فهمت امور التمويل و بحثت عن مشاريع الدوله بكل منطقه فوجدت منطقه جنوب الدوحه. الوكره و الوكير من المناطق الواعده و اسعارهم اقل من كل المناطق تقريبا

خمس سنوات خلصنا والحمد لله

خلال فترات التمويل و ضغط الاقساط بدأت ادور عن ما هو مجاني. عزبه. ارض صناعيه ارض الاسكان

بعدها بحثت عن ما هو مدعوم وهذا افضل شيء الواحد ممكن يبني عليه تجاره او توفير. مثل الثروه الحيوانيه

معظم ما يرتبط بها مدعوم بقوه
الادويه و الاعلاف و حتى قيمه المياه المستخدمه تدفع لك من الدوله ولله الحمد

من هنا و هناك الامور تمشي و تتوسع لكن يبيلها مداراه و متابعه. مش حثيثه لكن بين الفتره و الاخرى

انا أايد ان الواحد في بدايه مهنته ان يدخر و يستثمر لكن مش بمخاطره ولا سلف. الا العقار لانه اضمن من التجاره

توجد تجاره صغيره مثل الحداده و النجاره و بيع السيارات و الساطه العقاريه الخ

راس المال بسيط جدا لكن لازم تبحث

الحداده مثلا تبحث في النت عن كميات الحديد. المستعمل و الجديد الي يعرضونها شركات مخلصه مشاريعها و عندها فائض

لما حبيت اتابع موضوعها لقيت كميات مهوله جديده تعرض باقل من نصف سعرها الاصلي

جديده تماما

و ايضا المواشي لو تتابعها بتلقى انواع بسعر ممتاز جدا

انت تشتري الخروف باف و شوي وانا القى الشاه الدافع قريب ولاده ب 850 و 900 ريال

يعني 50 راس خلال 5 اشهر عيالهم يجيبون اكثر من سعر الامهات و الامهات يكونون دفيع خلال هالخمس اشهر

و المواتر كذلك. في ناس تبيع مستعجله و ناس تبي موتر ضروري واكيد البعض بيقول السوق مش قوي هالايام لكن انا اشوف في فرص حلوه و مواتر بسعر 10 الاف تجيب الضعف و اكثر

واتمنى محد يستنكر هالتعليق لاني سويتها جيب شروكي من اوروبي ب 22 الف بعته ب 40 الف وممشاه 42 الف فقط

كروزر 2003 نظيف جدا اخذته ب 10 الاف و واصل 25 وما بعت

مواتر عند الاجانب ما يعرفون قيمتها للقطري

و مواتر عند هالقطر ما تسوى. لكن عند الاوروبي يدفع فيها سعر جيد

بس ضبطها و بولش بيستانسون عليها

للاسف لست متفرغ لامور المواتر بحكم العمل ولا كنت بتابعها مضبوط

كل شي فيه ربح و فن و متابعه انا افهم بامور و غيري يفهم بامور اخرى. وكل واحد مواهبه و قدراته ممكن تتحول لتجاره او خبره

تعرف اخوي ايش اهم من هذا كله

من البدايه ممكن تأسس صح من خلال الراتب و البحث و اصطياد وظيفه بأمتيازات جيده تمنحك قدره ماليه ان تؤسس لتجاره و ادخار وكل شي بخاطرك

الحياه الان ليست كالسابق

التطور سريع ولازم نتطور علميا و ماديا و بالخبره و الاستعداد للمستقبل بشكل مدروس

[معماري قطري]

انا الحمد لله كنت قريب منكم اثنينكم .. يمكن نفعني أكثر والدي الله يغفر له حيث شغلني عمري 14 سنة والشغل كان له عائد جيد ومستمر من ذاك الوقت للحين .. 40 سنة والله يعز حكومتنا عطتني فرصة جيدة واستغليتها .. اعتبر نفسي دخلت ال 41 سنة وعلى وشك التقاعد

والدي رحمة الله عليه كان يكتتب لنا كلنا وعلمنا المحافظة على الاستثمار هذا واستمريت على نفس النهج مع عيالي .. وبخصوص البيت بنى لي بيت صغير أثناء دراستي في شهرين كان جاهز وعشت فيه حول 15 سنة ما مجموع قبل الزواج وبعد الزواج

الحمد لله كنت قنوع ولا ابالغ في الكماليات ولا آخذ ديون وأدخر حتى تزوجت من حلالي وبنيت بيتي بتكلفة 3 مليون بدون ديون غير القرض 600 ألف .. حتى الأسهم ما بعت شيء منها

اعتبر نفسي فاشل في البزنس والتجارة وحتى المضاربة بالاسهم إدخار ناجح والحمد لله

[بوفهد 2]

الله يجزيك خير يابوعبدالله على نصائحك الطيبه انت واخوي معماري

[ابو عبدالله.]

امسك معماري يعرف امور اكثر مني ههههههه

[معماري قطري]

امسك معماري يعرف امور اكثر مني ههههههه

بالعكس إنت تعرف أكثر حتى بغيت استشيرك على الخاص

عيبي اشوف القوانين غالبها لصالح الغير قطري وهالشيء يخوفني من التورط في بزنس ما يجيب همه

[معماري قطري]

الله يجزيك خير يابوعبدالله على نصائحك الطيبه انت واخوي معماري

والله يجزيك بما دعيت

الموضوع مفيد للكل وزين نتعلم من بعض ومن تجارب بعض

مرت علي أوقات كنت أشوف أسعار الأراضي ب 40000 وحتى بأقل ومساحات كبيرة متوفرة والفلوس موجودة ولا كنت افكر صح

كذلك انعرض علي بيت يعتبر قصر كان سعره في 2003 - 2004 مب متأكد من السنة مليونين وشوي ولا جهز باقي تشطيبه خذه غيري وهو يشطبه وما خلصه ساموه منه ب 36 مليون .. هذي كانت فرص متاحة جيدة ما الله ألهمني اتشجع وادخل فيها

[ابو عبدالله.]

ولا عليك من السوالف. كل شي وله قانون و تحوط يحميك لكن لازم تفهم بالقانون

حتى النصاب تطلع حقك منه

بالذات النصاب ينصب عليك و يوعدك يتصرف و يرجعها و يطول معاك ع امل انك تنتظر ولا انك تتابع معاه بالمحاكم

لكن هذولا اول ناس يرجعون حقك اول ما توصل للنيابه

لانه جبان وويخاف تسجل عليه قضيه وبعدها كل ما يبي ينصب ع احد يدري ان الشركات تشيك وراه بالاسم و بتعرف ان عنده صحيفه جنائيه و ما بتتعامل معاه

هذا يعطيك حقك و زود لو تطلب


البزنس كل نوع وله تحوط

اي نوع من التجاره ممكن ترتب لها امور تحميك

ا