رايكم بالمزراتي الفورويل ؟؟

[RVD]

السلام عليكم

شباب بغيت اخذ رايكم بالمزراتي الفورويل الجديده ال 8 سلندر؟؟ شرايكم فالموتر من نظره عامه ؟؟

الله لايهينكم

[Rider]

الموتر كاشكل حلو لكن اذا بدتفع خذ بينتلي فور ويل رزه وكشخه وسوقه ماشي عكس المزراتي والله يوفقك

[El-Debs]

وعليكم السلام ورحمة الله وبركاته،

كسواقة، جدا مريحة والشركة معاملتها حلوة. لكن للأمانة كتقنية من داخل احسها قديمة وما استمتعت فيها. الموتر اكثر مايل بناتي من رجالي حط هذا فاعتبارك بعد. مافي كثير من الناس عندهم إياه هذا شي طيب بس في الأخير ماقامت المزراتي هيبتها مثل اول. اشوف انك تعطي فرصة للبورش كيان الجديد فهو روعة وشركة ممتازة. في بعد البي ام اكس ظ¥ الجديد وأنطر شوي حتى ينزل محرك الام بور. في بنفس الفئة cla 63s coupe Mercedes وهذا موتر خشن وماعليه كلام ولكن، شكله بيتغير عن قريب شي خفيف من بره وتغير كامل من الداخل لانه للحين التقنية من داخل على الشكل القديم. أنسى الرنج فهو موتر انترس فقطر والتقنية الداخلية سمعت ان فيها مشاكل لان توهم محولين مواترهم لنظام الشاشات بدون كبسات. الملخص، بنظري لا تاخذ المزراتي، وخذ البورش. إذا فيك تنطر، انطر الام بور اكس 5 او مرسيدس cla 63s coupe. عسى الله يختار لك الاحسن.

[الاسطوره]

انصحك بالاودي الفورويل الجديده سعرها قريب منها واحلى واجدد

[الجوكر90]

والله يالغالي ابعد عن هالوكاله
الموتر يدخل عشان قطعه بسيطه ويتم عندهم شهرين

[blueZircon]

انا كمستخدم للمزراتي بعطيك الزبده. الموتر سواقته روعه مافي موتر في فئته يضاهيه من ناحية تجربة السواقه.
بالنسبه لي الموتر سعره مبالغ فيه تقريبا حول 510 الاف الثمانيه سلندر والحين توهم من اسبوعين نزلوا فئة جديده خاصه اسمها ليفانتي تروفيو. طبعا سعرها يبتدي من 600 وطالع.

انا عشقي المزراتي وماسوق غير المزراتي بس ماانصحك تاخذه، للاسباب التاليه:

السعر مبالغ فيه مقارنه بالتقنيات الموجوده بالسياره
سعر الموتر يطيح بسرعه،
ساعات تصيده خرابات غبيه جدا تلوع جبدك من الوكاله من كثر ماتوديه الصيانه عندهم

مع هذي المشاكل ، انا بالنسبه لي ماقدر اسوق غير المزراتي ههههه.

على فكره الموتر بيصير له فيس لفت لموديل 2021 , بس الفيس لفت يكون بسيط جدا لا يلاحظ.

اذا خاطرك بالموتر ، اخذ مستعمل لانه سعره بيكون اقل بكثير.

[بوخالد911]

موفق.

[QtrGate]

نصيحة واحد عنده مزاراتي جبلي
اول تجربه معاهم

سواقة السياره ممتعه وحلوه
لكن وايد متأخرين في التكنولوجيا

المشكلة في الوكالة
عشان المكيف حار يقعد الموتر شهر عندهم
صيانه عاديه وشيك اب يبيله اسبوع ونص
خراب شوي كبير يبيلك شهرين الى ثلاث شهور

الحين افكر أبيع الموتر لان وكالتهم تعبانه*

[راعي الكورفت]

مازاراتي ليفاني!!!

موتر جديد بالساحه وما بتظهر عيوبه او تقييمه من عيوب مصنعيه الا بعد ثلاث سنوات إلى خمس سنين.

السياره سته سلندر عليها توربو تشارج.

انا ما انكر انها سياره حلوه ومميزه لكن بشكل عام الموتر الاوربيه ما تمشي عندنا ولا في السوق القطري.

غير الياباني او الامريكي لا تفكر.



بشكل عام هذي عيوبه، وعيوب اي موتر أوروبي.

- قطع غياره نااار وطلبيه.
- لو اخترب ماعندك غير الوكيل محد يعرف له.
- سعره يطيح بقوه لو تبي تبيعه، أكثر من 70% من قيمته بتطيح وقت البيعه ولا بتلاقي احد بياخذه منك.