مواد تركيب السيراميك و البورسلان .. من وين اشتريها؟ [الأرشيف]

مشاهدة النسخة كاملة : مواد تركيب السيراميك و البورسلان .. من وين اشتريها؟

عايش فرحان

07-02-2019, 06:29 PM

السلام عليكم

حد يعرف نوعيات جيدة من الصمغ لتركيب البورسلان و الغراوت ( <—ماعرف شلون تنكتب)
المقاول جايبلي عينات صينية شكلها تعبان

ياريت حد يدلني على مواد جيدة لتركيب سيراميك ابيض و بيج و بني و بور سلان بيج ..
وإذا في اي نصائح علشان المقاول ما يغشني تسوون خير لأني غشيم كلش

تحياتي و شكرًا مقدما

سعود.

07-02-2019, 08:38 PM

نابينا ( المطار )
الصناعية شركة سدامكو صناعة قطرية

معماري قطري

08-02-2019, 12:12 AM

فيه محل يبيع مواد ايطالية ماركة ميبي بتحصله وراء الدي اتش ال اللي صوب عين خالد .. للقراوت وحق اللاصق كذلك

وأكيد المحلات الثانية فيها مثل العمودي وتدمر ذيلا متخصصين والمتحدة

$الملياردير$

08-02-2019, 05:15 PM

مثل ما قال اخوي بوعبدالله ... الله يحفظة الأفضل ماركة مابي الإيطالية فيها غلو وفيها روبه ... رقم واحد في السوق عن تجربة ....طبعا سعرها في فرق محلهم طريق سلوى قبل حسين فكري عند الخبراء الألمان ... اسمه المحل mtc طبعا عندهم مصنع في جبل على وكان اول يجي من هناك أرخص كان ب 45 الحين يجي عندهم مصنع في تركيا وإيطاليا السعر في حدود 65 الكيس بو 5 كيلو طبعا انا انصح به للبيوت الخاصة اما التجارية في بدائل اخرى .... فيه الأبيض والرصاصي بالنسبة للغلو اما الروبة تلاقي الأولون حسب لون بلاطتك طبعا مضاد للماء ومضاد للبكتيريا يعني مايطلع سواد مع الوقت .... في عندهم أغلى للخارجي ب 75 الكيس .... بالنسبة للغلو الرخيص كان او يجينا السعودي والإماراتي والقطري موجود اسماءهم دلتا وصامدكوويترواح سعرهم مابين 11 الى 17 للكيس .... اما العاصمة في بروه هو وكيل بعد ماركة غلو ايطالي بشوف لك اسمه بعد زين بس ما ينافس المابي ...

$الملياردير$

08-02-2019, 05:17 PM

طبعا اي واحد عليه المواد راح يحط لك غلو نوعية تجارية ولما تطلب الغلو الإيطالي يغير سعره.... الله يوفقك ياخوي

$الملياردير$

08-02-2019, 05:21 PM

انا تحت امرك لو تبي اي معلومه انا حاضر ... حط رقمك على الخاص ... وأبشر ... هدفنا ننقل معلومه إيجابية ونفيد مثل ما الربع ساعدونا ونصحونا وقدمو معلومات إيجابية ...

عايش فرحان

08-02-2019, 07:57 PM

نابينا ( المطار )
الصناعية شركة سدامكو صناعة قطرية

تسلم يالغالي ماقصرت

عايش فرحان

08-02-2019, 07:59 PM

فيه محل يبيع مواد ايطالية ماركة ميبي بتحصله وراء الدي اتش ال اللي صوب عين خالد .. للقراوت وحق اللاصق كذلك

وأكيد المحلات الثانية فيها مثل العمودي وتدمر ذيلا متخصصين والمتحدة

ماقصرت يالغالي ..بيض الله وجهك

عايش فرحان

08-02-2019, 08:05 PM

انا تحت امرك لو تبي اي معلومه انا حاضر ... حط رقمك على الخاص ... وأبشر ... هدفنا ننقل معلومه إيجابية ونفيد مثل ما الربع ساعدونا ونصحونا وقدمو معلومات إيجابية ...

ماقصرت يالملياردير .. عساك ذخر يالغالي .. و بيض الله وجهك

معماري قطري

09-02-2019, 12:14 PM

إهتم بالتركيب وقول للي يركب لو حصلت تطبيل بتخصم عليه ولازم على أرضية صلبة خرسانة مستوية .. المخشنة بنعومة يمسك فيها الغراء أكثر والمخشنة وايد تستهلك غراء زيادة وصعب يساويها .. لو حصلت قطع البلاستيك اللي تعدل اللفل بين كل بلاطة وبلاطة بعد أفضل

حساب الكميات يساعدك فيه موظف المبيعات وخل اللي بيركب يستلم ويعاين ويكون مسؤول عن حماية وتركيب المواد صح وأي نقص هو مسؤول عنه

ashhal_q

02-05-2019, 07:42 PM

عن تجربة خذا وابر من سدامكو
امتياز فرنسي روعه

معماري قطري

03-05-2019, 01:51 AM

عن تجربة خذا وابر من سدامكو
امتياز فرنسي روعه

وين سدامكو؟

Azizuk

03-05-2019, 08:04 AM

وين سدامكو؟

مكانهم في الصناعية ادارة لبنانية مخيسين النفس كانهم هم اللي يعطونك فلوس

تجيهم في مكتبهم في الصناعية مايبيعك وتتواصل مع مكتب المبيعات في الدوحه كلامهم زي العسل

اكثر شي مركزين على المشاريع

أسعارهم أرخص من باقي الشركات ولاكن المصنع مايلحق على الطلبات بسبب حجم المصنع صغير

عكس الشركات الثانية زي الايطالي اللي بطريق سلوى واللي عند نابينا

انا جربت النوع الايطالي ممتاز واللي عند نابينا تعاملهم ممتاز وتوصيل الي الموقع

هذا النوع المتواجد عند نابينا

https://me.laticrete.com/?region=specific

وهذا النوع ميبي الايطالي اللي بطريق سلوى جنب مغربي والدي آتس ال

https://www.mapei.com/ae/en/home-page

الشركتين لهم مصنع بالامارات بعد الأزمة

قامو يجيبونهم من الدول القريبة من قطر بعض الأنواع تصنع فقط في إيطالية بالنسبة لميبي والشركة الثانية تصنع ب أمريكا فالأسعار ارتفعت شوي

في نوع كنت اخذه من نابينا ب 52 ريال بعد الأزمة صار 65 ريال حجم الكيس 25 كيلو

سدامكو الكيس 20 كيلو اقل مواصفات كان ب 50 ريال هذا قبل الحصار

انا أتكلم عن اللي يركب للرخام وضد والاتهتزازات أو تحرك الارض

نفس المواصفات عند ميبي ايطالي يوصل الكيس ب 90 ريال وفِي نوع اعلى شوي يوصل 115 ريال حجم الكيس 40 كيلو

الأنواع الثانية اقل الأسعار يعتمد على حسب المواصفات عندك من 20 ريال الى 35 ريال كل الشركات الايطالي وسدامكو واللي عند نابينا

وفِي الونيين الأبيض والرمادي وفِي لون اسود

اخوي سعود تعامل معاهم ويعرف الأسعار وهو اللي دلاني عليهم

سعود.

03-05-2019, 12:27 PM

ابا سعود ماشي على المثل : ( سوى خير وقطه بحر )
هذا والله من طيب اصلك وحسن خلقك . انت المرجع لنا بعد الباش مهندس ( ابا عبدالله ) وانت الي دليتني على سدامكو ونابينا والايطالي والمناعي الي في الصناعية والعازل ( نهاريا ) ووووووالخ فضلك علي ماانساه استفدت منك الكثير . والله يقدرني ارد جمايلك :oops:

نعم خذيت من سدامكو ونابينا والمناعي كلن واختصاصة وحاجتي له . بس مااقدر احكم عليهم حاليا لانه من سكنت ما صار لي حول 7 شهور . سدامكو صدق يلعوزونك شوي بس عندهم تنوع بالبضاعه خصوصآ الترويبه تحصل الي تحتاجه .

Azizuk

03-05-2019, 09:08 PM

سعود.

03-05-2019, 10:53 PM

انت تامر ياسعود والفضل لك

شخص محترم جدا وراقي

بالعكس انت خدمتني اكثر لا تنسي الرداد اللي جبته لي انا ماجبت لك شي :nice:

الا ماقلت لي ايش صار مع أهل المكيف حصلو المشكلة وانحلت

والله لي الشرف بمعرفه الرجال ( شرواك )
كنت تدري تونا من ساعه خالصين من سالفه المكيف . طلعت لسطح اشيك على بيبات التهوية لقيتهم حاطين نهاية الدكت حاطين شبك ليش مدري !!!!! وصار خوش تأسين لعش حمام لا فيه بيض بعد . العش تقريبا سمكه حول 5 سم مسكر الدكت كامل . يقولون خفت الروائح نتظر الي الغد .

Azizuk

03-05-2019, 11:45 PM

هذا النوع البلاتينيوم من شركة لاتيكريت متوفر عند نابينا والعامودي

ألون ابيض وفِي منه لون رمادي

ينفع لجميع أنوع البلاط والرخام والأحجار وضد الرطوبة وتحرك الارض

يصنع في سلطنة عمان

والشركة الام في أمريكا

نابينا أسعاره أرخص بواجد فرق السماء عن الارض :unsure: من العامودي مادري ليش

عند نابينا الكيس على 65 ريال عند العامودي على 300 و 400 ريال والسبب غير معروف مادري داخله ذهب

نابينا عنده مخلوط وجاهز امريكي الصنع يجي في علب على 300 ريال بس له استخدامات خاصه

https://a.top4top.net/p_121866b4p1.jpg (https://up.top4top.net/)

https://b.top4top.net/p_121868d0w2.jpg (https://up.top4top.net/)

https://c.top4top.net/p_1218v4xoq3.jpg (https://up.top4top.net/)

https://d.top4top.net/p_1218l4z094.jpg (https://up.top4top.net/)

معماري قطري

04-05-2019, 12:58 AM

مكانهم في الصناعية ادارة لبنانية مخيسين النفس كانهم هم اللي يعطونك فلوس

تجيهم في مكتبهم في الصناعية مايبيعك وتتواصل مع مكتب المبيعات في الدوحه كلامهم زي العسل

اكثر شي مركزين على المشاريع

أسعارهم أرخص من باقي الشركات ولاكن المصنع مايلحق على الطلبات بسبب حجم المصنع صغير

عكس الشركات الثانية زي الايطالي اللي بطريق سلوى واللي عند نابينا

انا جربت النوع الايطالي ممتاز واللي عند نابينا تعاملهم ممتاز وتوصيل الي الموقع

هذا النوع المتواجد عند نابينا

https://me.laticrete.com/?region=specific

وهذا النوع ميبي الايطالي اللي بطريق سلوى جنب مغربي والدي آتس ال

https://www.mapei.com/ae/en/home-page

الشركتين لهم مصنع بالامارات بعد الأزمة

قامو يجيبونهم من الدول القريبة من قطر بعض الأنواع تصنع فقط في إيطالية بالنسبة لميبي والشركة الثانية تصنع ب أمريكا فالأسعار ارتفعت شوي

في نوع كنت اخذه من نابينا ب 52 ريال بعد الأزمة صار 65 ريال حجم الكيس 25 كيلو

سدامكو الكيس 20 كيلو اقل مواصفات كان ب 50 ريال هذا قبل الحصار

انا أتكلم عن اللي يركب للرخام وضد والاتهتزازات أو تحرك الارض

نفس المواصفات عند ميبي ايطالي يوصل الكيس ب 90 ريال وفِي نوع اعلى شوي يوصل 115 ريال حجم الكيس 40 كيلو

الأنواع الثانية اقل الأسعار يعتمد على حسب المواصفات عندك من 20 ريال الى 35 ريال كل الشركات الايطالي وسدامكو واللي عند نابينا

وفِي الونيين الأبيض والرمادي وفِي لون اسود

اخوي سعود تعامل معاهم ويعرف الأسعار وهو اللي دلاني عليهم

يمكن حق صديق الدراسة قبل .. من أيام قال لي عن ورشته وكان يبي يسوق صوب ربعنا اللي تخبرهم .. الله يوفقهم بس يهتمون بسياسة التسويق وانا بيني وبينك أخاف من المنتجات ذي لأن ما فيه تحكم بالجودة واختبار لكل عينة ومن الخليج كله مب بس قطر

معماري قطري

04-05-2019, 01:11 AM

الله يحفظكم بو سعود وسعود ما قصرتوا وأثريتوا معلوماتنا .. السوق متغير دوم ومتطور وفيه كثير جديد لكن بعض تجارنا كسولين .. الأسعار متقاربة وكل ما خسر الواحد في الجيد والمضمون يستفيد على المدى البعيد ويفتك من أي صيانة

سعود.

04-05-2019, 08:52 AM

https://youtu.be/IUbl6GCbMLM

المنتج سعودي المقطع طويل بس شاهد اول دقيقتين !!!!

وفيه منتج اخر اسمه ( بيسكو نايت ) ممكن ينطلب من الكويت او عمان نفس الفاعليه
https://youtu.be/yaT_8pgHgQU

صراحه ابداع