تركيب سيراميك

[a7med0_0]

السلام عليكم

ابي حد يساعدني اللي عنده ارقام عمالة جيدين في تركيب السيراميك واسعارهم معقولة

[معماري قطري]

إذا بتعتمد على سوالف اللي يركبون بيخربون شغلك .. أفضل شيء تحدد مواصفات التركيب وتجربهم في مساحة صغيرة وأكيد أفضل بكثير تتفق مع فورمن أو مقاول يتابع وعليه مسؤولية

انا دوم افضل التركيب على أرضية خرسانية أو للحوائط بلاستر مخشن وبلاصق قوي وأعرف شلون مقادير وطريقة الخلط واتابعهم

مهم بعد ما تتفق تقول لهم باشيك لو فيه تطبيل مب معطيكم الدفعة الأخيرة الا تصلحونه ولو بتشتري انت المواد وهم عليهم الشغل سجل في العقد ان استلام المواد ومعاينتها عليهم وانهم مسؤولين عن فقد البلاط أو مواد التركيب وحدد نسبة الفاقد ب 10% بتكون كريم معاهم

شوف يوتيوبيات البناء فيها أمثلة كثيرة للتركيب وشرح كذلك

[عضو قديم]

مثل ماقال لك اخوي معماري انا سويت نفسك استعنت بعمال من برع لتركيب سيراميك للصالات عندي وكان تركيبهم سيئ جدا الان اضطريت اني اكسر واركب رخام لان صادتني عقدة من السيراميك مع العلم باني ليحين ماسكنت ونصيحة لاتاخذ قطع السيراميك الكبيره حدك 30x30 واذا في واحد شاطر ركب 60x60 وموفق خير ان شاءالله

[معماري قطري]

مثل ماقال لك اخوي معماري انا سويت نفسك استعنت بعمال من برع لتركيب سيراميك للصالات عندي وكان تركيبهم سيئ جدا الان اضطريت اني اكسر واركب رخام لان صادتني عقدة من السيراميك مع العلم باني ليحين ماسكنت ونصيحة لاتاخذ قطع السيراميك الكبيره حدك 30x30 واذا في واحد شاطر ركب 60x60 وموفق خير ان شاءالله

إذا بيركب على أرضية خرسانية مستوية أي حجم مب مشكلة بس اللي يركب يركب بغراء لاصق وينفذ شروط التركيب والخلط اللي يحددها المُصَنع حق هذي المادة ويحط المونة على البلاط وعلى الأرضية وبعضهم تمشي على جهة وحدة .. لكل مادة شروط خاصة بها

أذكر شريت مادة لصق قال لي مسؤول المبيعات تقدر تلصق على أي سطح وكان عندي خشب مارين بلايوود واللي يعرفه سطحه ناعم ومصقول ركبنا عليه وفي دورة المياه وملامس للأرضية يوصله الماي أغلب الوقت .. الحمد لله 12 سنة حتى ما ادري ان الخشب موجود تحت البلاط الا لو ضربت عليه يجاوبني انا هنا في الخدمة

البائع قال تحط كمية قد النص ريال في الزوايا بس وكانت تبيعه شركة ساتكو اللي سكرت وموجود شركات كثيرة تبيع مادة مماثلة

[معماري قطري]

الأحجام الكبيرة ضعيفة وحساسة لأي تغير في الأرضية .. مثلاً تجينا الأرضية منحنية شوي بتتعرض البلاطة لضغط أكثر من الدوس اللي تحته فراغ وبتنكسر

التركيب ما يعني المادة واللاصق وبس بعد الأرضية اللي تحت مهمة

[معماري قطري]

بعدين اللي يركب لو مقاول متمرس وتهمه سمعته تكون فيه ادارة تجيب اللي يركبون مناسبين للشغلة المطلوبة والشروط والمواصفات ويكون فيه فورمن يتابع صح وعليه مسؤوليات أما العامل العادي بيورط المالك