هل هذا المخطط مسموح استشاره

[ALJokar]

لو سحتوا عندي مخطط ابي اعدل عليه بالطريقق هذي الي تحت في الصوره راسمها

ارجو افادتي لان شاك انه غير مسموح لسبب ارتداد الحوائط واضلع البيت واذا مايصير هل يجوز التجواز فيها يعني اروح واخذ موافقة المدير وتمشي او قطعيا لا مايصير


https://i.postimg.cc/gL8dnKp9/2019-02-15-17-35-11.png (https://postimg.cc/gL8dnKp9)

[ALJokar]

الأرض العرض 28 والطول 35 ومساحه البناء الواجهه 14 ونص وارتداد خلفي للبيت من الحائط 4 وع الجنب الأيسر 3 أتمنى صوره واضحه

[سعود.]

تقدر ترجع الفيلا للخلف الى 3 متر وتكسب حوش امامي
وتقدر تشبك المطبخ مع غرفه الخدم يطلع ارتب وراخص بالبناء . سقف واحد وكلن له بابه

سؤال المطبخ وغرفه الخدم والمجلس كم x كم !!!

[ALJokar]

المجلس 9x17
المطبخ مع المخزن 9x4
غرفة الخدم والغسيل 4x7.35

[ALJokar]

فكرت فيها اني اشبك المطبخ مع غرفة الخدم بس توهقت ف الدرايش
راح تكون فقط جهه وحده الي فيها درايش اما الباقي مافيها فمحتاج درايش في كل جانب ف المطبخ وغرفة الخدم والغسيل

[ALJokar]

https://i.postimg.cc/4mV3Qr7C/HOUSE1.jpg (https://postimg.cc/4mV3Qr7C)

[ALJokar]

او بطريقة هذي

https://i.postimg.cc/H8QCb1SB/HOUSE2.jpg (https://postimg.cc/H8QCb1SB)

[معماري قطري]

لو انا مكانك بادمج الخدم مع المطبخ وباسوي بيسمنت بواجهة محفورة ومفتوح للتهوئة بارتفاع بسيط للخدم .. 2.4 تكفي ودرج ينزل لغرفتهم ولغرفة الغسيل وممكن مخزن لو تحتاج صغير

كلام اخوي سعود صح حاول تكسب متر جدام أفضل لك وأصلاً لازم الارتداد الأمامي عندك يكون ما يقل عن 5 متر في الغالب وانت عندك بحدود 9 متر ممكن تترتب صح .. حتى مع ال 4 متر الخلفية لو انت محتاجها للزراعة .. و 4 متر مبحبحة ومساحة جيدة للزراعة

ما ادري ليش مدوش نفسك بتوزيع المباني ولا تهتم بتصميم مدروس من كل النواحي .. لا تنسى الخدمات ومواقف السيارات والمدخل والزراعة .. الخدمات خزان صرف صحي في الغالب يستخدمونه لبعض المناطق ومدخل الكهرباء والتلفون هذي خطوط لازم ما تجي عليها مباني ويدرسها المكتب الاستشاري ( يفترض ) صح

تابعت تصميم حق ولد عمي ونصحته بأُمور كثيرة بعضها سواها وبعضها لا ويوم مريت اشوف الموقع حصلت حافرين وعاملين خزان صرف صحي في وسط حوش الواجهة .. وتمر عليه السيارات .. قلت له كان المفروض يسوونه قريب السور حتى مع خط السور السور ينبني عليه .. والمفروض يكون له بايب طالع من السور يشفط منه دنكر البلدية .. ما تابع معاي بمخطط الخدمات والاستشاري بلا اهتمام يرمي أشياء معينة وسط الحوش .. الأرض قريب 2000 بس خربها الاستشاري واعتقد المالك معاه

حتى السيارات كنت مقترح له طبيلة كبيرة تكفي لست سيارات وحطيت مخطط الحوش في موضوع مراجعة التصميمات لكن اللي سواه غير ومسوي مواقف ل 3 سيارات بس مع إن بيته كبير وعياله أكيد بيكبرون ويحتاجون سيارات ومب دوم خارج البيت أمان

[معماري قطري]

https://i.imgur.com/ju3tzsT.png

هذا المخطط اللي اقصده وفي الواقع الخزان حطه مقابل الباب اليمين يتخيل السيارة لازم تدخل وتشفط منه .. بيت الوالد الله يغفر له في نفس المنطقة وخزان الصرف معمول مع السور وبايب له طالع على برا ينفتح وينشفط منه

[معماري قطري]

بالنسبة للسؤال مسموح أو لا اتوقع لا لأن لازم بين كل مبنى مترين ارتداد أقل شيء وبعدين لكثرة المباني الصغيرة وترتيبها

[معماري قطري]

الحفر للبيسمنت سائل مقاول أمس يقول البتان يسوونه للشخص العادي ب 12 ريال للمتر المكعب وله ب 7 ريالات .. حسبة المتر المكعب سهلة جداً .. نفترض بنحفر مساحة ال 9 في 4 وبنزيد شوي في العرض حق نسوي حوش محفور مترين نخليها 9 في 6 وفي عمق مترين و 40 سم .. 2.4 في 9 في 6 تعطينا 130 متر مكعب تقريباً .. في 12 ريال 1600 تقريباً .. التأسيس والحماية بيكلف أكيد للبيسمنت

[ALJokar]

مرحبا اخوي معماري انا ماسويت وحركت المطبخ والملاحق ع جنب الا عشان هالفكره بخصوص ان تكون عندي مساحة امام البيت للزرع وخلف البيت خليت المساحة هذي ال 4 متر تقريبا بعد تكون ساتره لاهل البيت وتكون فيها بعد زروعات وحديقة صغيرة.
انا المخطط الاصلي او القديم الملاحق كلها خلف البيت وماخذه مساحة البيت الامامي متبقي فقط 6 متر وكسور الى من البيت الى الطوفة الامامية لمدخل البيت.
عشان كذا زحيت الملاحق ع جنب ورجعت البيت وراء مترين ونص وصلت المساحة الامامية 9 متر وخلف البيت 3.9 متر.

[ALJokar]

بخصوص البيسمنت شغلانه يااخوي ويمكن يكلف والامور بسيط ف منظوري ومناسب معي هالمخططين الي حطيته
ف نظري والي انا محتاجه يكون كذا لاحتياجاتي الي شرحتها فوق.
لكن مش عارف اذا يصير ف البلدية كترخيص بناء يعطوني موافقه عليها.

[ALJokar]

اتوقع هذا انسب شي طلع معي اتمنى ان الموضوع مايحتاج موافقه

102187

[سعود.]

الارض على شارع او شارعين !!!

تقدر ترجع الفيلا الى 3 م وتكسب 90 سم للحوش ايضآ .
وتقدر ترجع الفيلا الى 2 م بشرط انك ماتفتح نوافذ على الجار الخلفي ان وجد !!!

[سعود.]

نقطة اخيرة تقدر تسحب المجلس الى 3 م بدل 5 م
3 م قانوني 100‎%‎

[ALJokar]

لارض ع شارع واحد رئيسي فقط جار ف خلفي وخواني من الصوبين

https://i.postimg.cc/DWqbb02p/2019-02-16-22-36-44.png (https://postimg.cc/DWqbb02p)

[ALJokar]

سؤالي اقدر اخلي الملاحق بالطريقة هذي حرف الال
ممتاز وارجع المجلس وراء مترين اضافين او ثلاثة واستفيد من مساحة امام المجالس

[معماري قطري]

نقطة اخيرة تقدر تسحب المجلس الى 3 م بدل 5 م
3 م قانوني 100‎%‎

حتى مترين قانوني ويصير وأوقات أقل

كله تفصيل يبي له استشاري أما باقي الارتدادات ما تصير خصوصاً بين مبنى ومبنى .. أفضل الاستشاري يشوف شغله بطريقة احترافية وصح

[معماري قطري]

بخصوص البيسمنت شغلانه يااخوي ويمكن يكلف والامور بسيط ف منظوري ومناسب معي هالمخططين الي حطيته
ف نظري والي انا محتاجه يكون كذا لاحتياجاتي الي شرحتها فوق.
لكن مش عارف اذا يصير ف البلدية كترخيص بناء يعطوني موافقه عليها.

مب بيسمنت كامل اخوي جزء صغير ومب عمق كبير وكله الا ملحق 9 في 6 المبني منه 9 في 4 = 36 متر مربع .. خل نفترض بيكلفك المتر 2000 للي تحت الارض 72000 + 36000 تقريباً للي فوق لأن تشطيب الملحق بسيط بيطلع لك بحدود ال 108 آلاف

الشغل ذيه اللي تسويه مب موافقين عليه وشكله واضح إنه مب عملي ولا حلو

على حلك لو افترضنا مشى وبسعر تقريبي لبناء الملحق 1000 ريال بيطلع لك 65400 والفرق حول 40000 بس حل البيسمنت بيخلي بيتك مترتب أكثر

ولا تنسى باقي المساحات والخدمات هذي كلها لازم تترتب حتى التوزيع الداخلي للمباني ممكن يتصغر شوي وتوفر مساحة وفلوس

[معماري7]

افضل لك تروح لمهندس استشاري حلو
بيرتب لك التصميم والارتدادت واخذ الموافقات عليها

[بوجاسم_قطر]

السلام عليكم جميعا

اخوي الجوكر الارتداد الامامي القانوني للمجلس هو مترين فقط,, وبعض البلديات يمشون 1.5م
نفس ماقالوا الاخوان تقدر تستفيد بارتداد اكثر على الواجهة او اذا انت حاب حديقة بالخلف بعد هذا شي راجعلك..

انت ذكرت نقطة لصالحك وانه اخوانك هم جيرانك, في هذه الحالة المفروض انت تستغل ذي النقطة وتسوي اقل ارتدادات ممكنة عشان تكسب مساحة في البنيان. يمكن يقولون لك انت باني نسبة كبيرة على الضلع اليمين, بس بما انه اخوك جارك والضلع اليسار فاضي ان شاءالله امورك راح تمشي.

بالنهاية روح حق مكتب خرائط محترم يضبط الرسومات اذا تبي مكتب ممكن ادلك على ألي سويت عنده, وانت روح بنفسك كلم مدير البلدية عشان الاستثنائات وفالك التوفيق.

[عضو قديم]

انا مخطط بيتي نفسك بالضبط ولكن دمجت الخدم مع المجلس بس في البداية مع سور البيت و الخدامات طبعا في البنت هاوس والمساحة بين المجلس والمطبخ عندي 7x12 خليتها حديقة وحددتها بطابوق الارصفة ورجعت في البيت من الخلف ظ¢ متر لان مافي درايش والجهة الثانية ظ¥ متر

[ALJokar]

ماقصرتووو الله يجزاكم خير

تمت الموافقة والاموار طيبة مع تحفظي لبعض عقلايات موظفين شؤون الفنية للاسف الشديد هذولا مايتعينون لخدمة المراجعين واجد عليهم نسخ ورق وتجميعها ف الارشيف اذا هو بينفع ويفيد او يقعد بيتهم.

[معماري قطري]

الله يوفقك بس كرأي هندسي حسب المعطيات اللي شفتها لو وافقوا لك على الثلاث تجزيئات للملحق والمجلس وبالطريقة اللي شفناها وبنفس الارتدادات بيضرونك ولا بتهمهم مصلحتك .. وأكيد الراي الأول والأخير لك كمالك بس نصيحتي باللي اعرفه صح من الناحية المعمارية الجمالية والعملية

[ALJokar]

الله يرحم والديك ياخوي معماري لا قصرت معاي ولامع اخواني ف المنتدى

[khaldoon]

اخوي انا شايف فراغين ياكلون الأرض من غير فايده...مترين و نص بين غرفة الخادمة و المجلس و مترين و نص بين غرفة الخادمة و المطبخ يعني في خمسه متر خساره إضافة الى بناء حائطين و قواعد لهم و كل هذا تكاليف ممكن تجنبها لو بدجت هالمباني الثلاثه مع بعض او على الأقل غرفة الخادمة و المطبخ

سؤال ....ليش غرفة الخادمة 4 في 8.5؟؟؟!! هذه غرفتين صح؟

[ALJokar]

مرحبا اخوي خلدون بالنسبة لغرفة الخادمة بجنبها غرفة غسيل ملابس وحمام للخدامة.

وبالنسبة للمقترح الاول مثل ماقلت ما اقتنعنا فيه لسببين المساحه الضايعة وخسارة بناء اساس.

تم اخذ المقترح الاخير ودمجهم مع بعض.

ماقصرت ويعطيكم العافية.

[khaldoon]

مرحبا اخوي خلدون بالنسبة لغرفة الخادمة بجنبها غرفة غسيل ملابس وحمام للخدامة.

وبالنسبة للمقترح الاول مثل ماقلت ما اقتنعنا فيه لسببين المساحه الضايعة وخسارة بناء اساس.

تم اخذ المقترح الاخير ودمجهم مع بعض.

ماقصرت ويعطيكم العافية.

الله يعافيك و يبارك فيك حياك الله