فيديو بلا توثيق .. تعطيل وفد رسمي في المطار

[SouthK]

السلام عليكم و رحمة الله

وصلني أمس فيديو عن واحد الظاهر انه يشتغل في التلفزيون يشتكي من سوء معاملة الموظفين العاملين في المطار معاهم فهل احد مر عليه هالفيديو؟؟

[معماري قطري]

عليكم السلام ورحمة الله وبركاته

يمكن تقصد اللي اشتكى من زيادة الوزن ولا مشوهم بدون ما يدفعون؟

[naklan]

https://mobile.twitter.com/matar3ali/status/1099249958430089216


هذا الفيديوتفضل
طيران القطرية هو الي رفض زيادة الوزن وهذا قانون
جميع شركات الطيران وهذي شركة ربحية

انا رجعتني شركة طيران اخرى على كيلو زيادة
لذالك لا يجب تحميل اخطائنا على الطيران

انا عندي ميزان باليد صغيرون وله خطاف
لوزن الشنط تعلمت من مشاكل سابقة أني ما
أزيد على الوزن المحدد وارتحت وريحت
شركة الطيران

هذا رايي بصراحة واذا عندهم زيادة وزن
ليش ما يدفعها التلفزيون مثله مثل اَي مسافر
ولا هم على رأسهم ريشة

[naklan]

للعلم فيه شركة طيران
فيهم قلة أدب اكبر من هذي
مثلا عندك 20 كيلو لك و20 لزوجتك
وشنطك كانت 22 وزوجتك 18 يعني المجموع 40
ما يرضون يقولك كل واحد لحاله ههههههه

زين في امريكا الطيران بين الولايات مب لازم تجلس
في كرسي حذا زوجتك او طفلك ممكن كل واحد في زاوية
هذا اذا ما كان في حجزك كراسي متجاورة لذالك
الانتباه زين والعمل المسبق يريحك لاحقا
خطط واعمل وتوكل على الله

[Dana’1]

بالكويت وعالخطوط الكويتيه .. اضطرت أختي تشتري كرتون وتطلع شي بسييط من أغراضها وتحطها بكرتون الشحن الصغييير تقريبا بـ20 ريال .. تقول بالله عليكم هذي سالفة !!

ما أعرف الأسباب بالضبط بس بما إن أعتراضهم مو على عدد الكيلو نفسه الي بيدخل الطيارة كثر ماهو على التقسيم لهذا الكيلو .. أتوقع قوانين الطيران تنص على كذا عشان الموظفيين الحماليه
صحيح إن عملية النقل تكون بالسير والسيارات الخاصه بالشحن .. لكن إلا ماتكون فيها شيل وحط و ترتيب من الموظفين والحمالية بشر و يشيلون شنط كثيرة بوقت متقارب .. فأبسط حق من حقوقهم تكون بأوزان معقوله ما تأثر عليهم و على صحتهم
والشي الثاني توزيع هالاوزان بالطياره .. غير نوع الطيارة وحجمها يعني أمور جديه وفيها سلامة الجميع المسافرين و الموظفين

من كذا الأفضل إن المسافر يعرف القوانين لكل طيران قبل الرحله مثلا عندة 40 كيلو لا تحشرهن بشنطة حطهن بثنتين هذي ممكن تفيد ببعض الخطوط و طبعا حسب الدرجة إلي حاجز عليها يرتب و ضعة*

و السلام ختام

[qatarman8008]

هي الخطوط القطرية معطية صلاحيات مطلقة للسوبرفايزر اللي عالكاونتر..
صار السوبرفايزر يدفع ناس عالوزن الزايد ويسامح ناس ..
وشفنا هالشي اكثر من مرة ويتكرر كل مرة..
فلو كان وفد رسمي والسوبرفايزر عنده صلاحيات يسامح بالوزن الزيادة كان الاولى ان يعطيهم فرصة الاستفادة من هالميزة..
لكن للاسف الموضوع صار بالمزاج والجنسية ..
فلو كان اسيوي تلاقينه متسامح جدا مع الاسيويين ولا يتسامح مع القطريين..
المفروض ان القانون يكون واضح وصريح ويطبق عالكل وبدون زعل..
في تسامح يعطون للكل..
مافي تسامح مايعطون اي حد..
ورضينا..

[ALJokar]

صراحة ماشوف تعطيل هم الي عطلو نفسهم والمفروض الفيديو هذا مايتم ولايتكلم فيه بالامانة
الموظف القطرية سوى الي عليه ويشكر ع اتباع التعليمات اما صاحب الفيديو ك أعلامي تليفزيون قطر وع كلامه ممثل وفد دولة قطر يبي يتجاوز القانون ويخربط ويقول حصار واسيوي وغيره من الاموار هذي الي ماتنذكر.
ياليت يعطى لفت نظر من القناة كاجراء تاديبي له وللفريق.
انا بالعاده ضد القطرية ومازلت ولا ني بصفها ف اغلب الاموار لكن ف الامر هذا مع القطرية وبقوة والي سوته صح.

[بوخالد911]

هو صج يقهر
ولكن بالنهاية يجب احترام القوانين.

[عازف]

مع إحترامي للجميع،،،

أنت وله غيرك أحترم القانون،

النظام نظام،
وهذا سبب رئيسي لنجاح القطرية أو غيرها من المؤسسات أو الشركات،

لو مشوا لك ولغيرك ولغيركم بتكون بداية الاهمال والخراب،

في أوربا مايمشون لو كيلو ونقول حاضر وندفع.

ودامك اتمثل الدولة فخلك قدوه وأحترم النظام

[السكين]

بالنهاية الموظف يطبق اللوائح والأنظمة وإن كانت لدية صلاحيات فلا نعرف حدودها ، كان المفترض من الأخ الإعلامي إنتقاد سياسة الشركة الناقلة دون الخوض في الجنسية والمقارنة بذكر دول الحصار خاصة في هذا الوقت فهم يمثلوا القطرية تماماً كما يمثل هو تلفزيون قطر ..

كل مسافر يجب أن يكون على دراية كاملة بالوزن سواءاً كان شحن أو داخل الطيارة ومعرفة المسموح من الممنوع دخوله الطائرة أو الشنط ،وبما أنهم وفد رسمي كان من الأولى أن يكون هناك تنسيق بين التلفزيون وشركة والطيران عن طريق مندوبهم أو المنسّق لدى التلفزيون لتخليص أمورهم طالما ذكر نحن في مهمة رسمية .

[معماري قطري]

آخر مرة سافرنا على الميدل ايست

شو بتجنن شو بتطير العئل

نسيت كم كان الوزن لكل شخص بالضبط بس كانت ثلاث قطع داخل الطيارة شحن يعني ويدوية معاك ولا يدققون على وزنها .. صج مريحين المسافرين والتذكرة بالضبط نص القطرية

صج نزلنا بيروت بس كانت فرصة لنا في العودة ننزل 3 ايام في بيروت .. الطيارة ما تتقارن بالقطرية من ناحية راحة الكراسي والأكل لكن تضيع القطرية في الخدمات بنفس طيبة شو بيجننوا هاللبنانيين

[معماري قطري]

كل شنطة 20 كيلو يعني كل شخص 60 للي بيروح اوروبا أو ميلان أوفر له بوايد

بديل ثاني التركية القطريين يسافرون عليها أسبانيا بكثرة

[معماري قطري]

بالنهاية الموظف يطبق اللوائح والأنظمة وإن كانت لدية صلاحيات فلا نعرف حدودها ، كان المفترض من الأخ الإعلامي إنتقاد سياسة الشركة الناقلة دون الخوض في الجنسية والمقارنة بذكر دول الحصار خاصة في هذا الوقت فهم يمثلوا القطرية تماماً كما يمثل هو تلفزيون قطر ..

كل مسافر يجب أن يكون على دراية كاملة بالوزن سواءاً كان شحن أو داخل الطيارة ومعرفة المسموح من الممنوع دخوله الطائرة أو الشنط ،وبما أنهم وفد رسمي كان من الأولى أن يكون هناك تنسيق بين التلفزيون وشركة والطيران عن طريق مندوبهم أو المنسّق لدى التلفزيون لتخليص أمورهم طالما ذكر نحن في مهمة رسمية .

والله يا اخوي السكين انا اشوف ان آخر اهتمامنا دول الحصار وعادي لو ذمينا في خدمة مقدمة لنا فيها قصور كبير وانا مع المذيع .. إحنا ننتقد بواقعية وحق ونقارن ولنا عيون تشوف وآذان تسمع .. القطرية لك عليها في مرات عديدة ولازم لها توجيه بمعاملة القطريين معاملة خاصة ويبي لها تنظيف نفسيات للي يشتغلون من الجالية الهندية ودورات في اسلوب التعامل خصوصاً مع العرب وبشكل خاص أكثر مع القطريين

ما همنا ضبع منهم كاتب اننا محتجين ومضخم سالفة عادية وتصير في أي مكان .. خله ينبح لين صوته ينبح وخل شكوانا من أي شيء توصل مسؤولينا وخل مسؤولينا المتوسط منهم يجيه توجيه من الأعلى منه بعدم التوجه للقضاء بسبب شكوى مواطن حتى لو في وسائل الإعلام ووسائل الإعلام عملت ليش؟

[معماري قطري]

مع إحترامي للجميع،،،

أنت وله غيرك أحترم القانون،

النظام نظام،
وهذا سبب رئيسي لنجاح القطرية أو غيرها من المؤسسات أو الشركات،

لو مشوا لك ولغيرك ولغيركم بتكون بداية الاهمال والخراب،

في أوربا مايمشون لو كيلو ونقول حاضر وندفع.

ودامك اتمثل الدولة فخلك قدوه وأحترم النظام

ما تدري للبعض كم يمشون ولا تدري لبعض الجهات شيسوون من تذاكر رخيصة ومميزات كثيرة ما يحصلها القطري

[معماري قطري]

كلنا مع احترام النظام لكن على كم كيلو ما يضرهم شيء ولو يبون يطبقونه على الكل وفي كل المرات المفروض يكونون واضحين ومع الكل ويزيدون عدد القطع لثلاث قطع كل قطعة 20 كيلو يسهلون على الناس

[معماري قطري]

أو نقول مثلاً يقللون تكلفة الكيلو الزيادة .. التكلفة خيالية مع إنهم ناس كثيرين يسافرون فاضيين .. صراحة المعاملة الطيبة والاحسان للعملاء شيئين ضروريين ولازم يعتبرون العميل على حق حتى وإن كان مخطيء ما يتحدون الناس في المحاكم .. كلنا نعرف محمد السويدي الرجل الطيب الخلوق ونعرف خليفة الرميحي وهم من شباب قطر الخيرين ومن حقهم يطالبون ومن حقهم يذمون في خدمة معينة وهذي الخدمة عامة مب شركة خاصة صغيرة تتضرر من كراهية واحد لها .. صراحة قانون التشهير انا ضده أي حد يتضرر من حقه يفرج عن نفسه بالشكوى ووسائل التواصل استوت سلاح سريع يوصل للكل .. وعلى الجهات اللي تقدم هذي الخدمات تستمع لشكوى هالناس وتحقق فيها .. فايدتها بتكون أكبر لو العملاء طلعوا راضيين ومرتاحين

[naklan]

https://mobile.twitter.com/mohdalsowaidi7/status/1099703559384453120

القضية كبرت وأكبر الباكر رفع قضية على المذيع الرميحي
وعلى محمد السويدي والجلسة بكرة

[معماري قطري]

https://mobile.twitter.com/mohdalsowaidi7/status/1099703559384453120

القضية كبرت وأكبر الباكر رفع قضية على المذيع الرميحي
وعلى محمد السويدي والجلسة بكرة

يكملها بعد احنا معاهم لأننا اشتكينا ومتعاطفين

[naklan]

يكملها بعد احنا معاهم لأننا اشتكينا ومتعاطفين

هههههههههه هالايام لا تقول غالية تحمل

الصراحة الي حصل استغلوه دول الحصار لاشعال
الفتنة وللنيل من القطرية ولتشويه سمعتها
والقضية أصلا المذيع ماله حق حتى
في كيلو زيادة تبي ادفع له
ولغيره

[عايش فرحان]

انا القطرية يحاسبوني عالكيلو و الكيلويين و لا عمرهم مشو لي شى ..
مع انه في شركات ثانية يمشون لي ..
من زمان ( حوالي ظ¦سنين ) كان عندي قريب يشتغل في المطار و يخلي الموظفين اللي عالكاونتر يمشون بلاوي من كل الشركات بما فيها القطرية
اتوقع الموضوع مزاج وواسطات .. اذا مشّى حق اللي يعرفهم أكيد بيتشدد مع اللي ما يعرفهم من باب التعويض