الخدامه والمدرسه والطالب/ه

[مضارب دوسري]

السلام عليكم ورحمة الله وبركاته

ايام الاوف عندي اروح اجيب اليهال من المدرسه والايام الاخرى تتكفل فيهم امهم توديهم وتجيبهم


مواقف تحصل خصوصا للاطفال في الروضه
لما اشوف احيانا خدامه تهاوش ياهل بدون اي سبب
(وهالاسلوب الشرير ما يظهر الا خارج المدرسه او بالاحرى ما بين بوابة الاستقبال باتحاه السياره)

او الموقف اللي اشوفه دايم الخدامه مع الدريول فالسياره ويكلمون الحارس انه يطلب لهم الطالب يجيهم على اساس الخدامه جايه اصلا ليش! مب عشان هي اللي تنزل وتجيبه من المدرسه :deal:


ما علينا خلونا فالموقف الاول

انا صار عندي تبلد واطوف هالشي اذا شفت خدامه تهاوش ياهل او تجره بقو للسياره بدون اي سبب (خصوصا اذا الياهل مبين عليه اساسا مب حركي)

سبق وتكلمت مع احد اولياء الامور اللي هو قريب من بيتي عن هالشي فكان جوابه
اي عادي تدري اليهال يبيلهم عين حمرا عشان يسمعون الكلام


من عقبها صار الوضع بالنسبه لي عادي مع انه يغيضني جدا

بس مب شي تشد حيلك وعقب تتفشل


ادري ان معظم الامهات متوظفات الله يعطيهم العافيه
ولكن مافي حل مناسب مثلا تركيب كاميرات فالسياره او او او

ملاحظه :
انا ما تكلم عن ضرب انا اتكلم عن اسلوب (هواش او سحب بقوه )

[مضارب دوسري]

ادري ان الموضوع سبق وتم الكلام عنه

ولكن من باب التذكير لا اكثر

[Rider]

والله ياخوي لي قاط عياله على الخدم هذي النتيجة الدوله حطت باصات خلوا العيال يركبون الباصات ولا فشيله

[الحياة الخالدة]

وعليكم السلام ورحمة الله وبركاته
شكراً على الموضوع .. وحتى لو كان مكرر .. لكن المشكلة ما زالت قائمة وبقوة

كلامك صحيح ..وانا ماعرف شنو هالقلب اللي على الاهل اللي يخليهم يأمنون على عيالهم وخصوصاً الصغار بمعية السايق والخادمة بدون رقابة
إذا هم حتى في وجود الأم والأب .. ويالله يالله يتحملونهم ويتحملون تصرفاتهم .. شلون بعد في غيابهم
السايق والخادمة مب ملزومين بهم وعادي في وجه الأهل شي ومن وراهم شي ثاني
ما نأمنهم على الفلوس والمجوهرات الثمينة .. لكن نأمنهم على العيال اللي هم أغلى وأثمن
والكلام عن البعض طبعاً

الحل : إذا ما قدر أحد الوالدين أو حد من الأهل يرافقهم .. يخليهم نفس ما قال أخوي رايدر في الباصات ..

الله يحفظ الجميع

[مضارب دوسري]

والله ياخوي لي قاط عياله على الخدم هذي النتيجة الدوله حطت باصات خلوا العيال يركبون الباصات ولا فشيله

والله انك حليتها

فعلا الباص ارحم وأكثر امن على الياهل

[مضارب دوسري]

وعليكم السلام ورحمة الله وبركاته
شكراً على الموضوع .. وحتى لو كان مكرر .. لكن المشكلة ما زالت قائمة وبقوة

كلامك صحيح ..وانا ماعرف شنو هالقلب اللي على الاهل اللي يخليهم يأمنون على عيالهم وخصوصاً الصغار بمعية السايق والخادمة بدون رقابة
إذا هم حتى في وجود الأم والأب .. ويالله يالله يتحملونهم ويتحملون تصرفاتهم .. شلون بعد في غيابهم
السايق والخادمة مب ملزومين بهم وعادي في وجه الأهل شي ومن وراهم شي ثاني
ما نأمنهم على الفلوس والمجوهرات الثمينة .. لكن نأمنهم على العيال اللي هم أغلى وأثمن
والكلام عن البعض طبعاً

الحل : إذا ما قدر أحد الوالدين أو حد من الأهل يرافقهم .. يخليهم نفس ما قال أخوي رايدر في الباصات ..

الله يحفظ الجميع
امين

فعلا الباص حل افضل من تامين اليهال على الخدامه والسايق

[ضوى]

في يهال ماشاء الله عليهم لوتمسكهم الخدامه شوي بقوة فضحوا الدنيا ، بنتي جذي ماقصد المدرسه بس حتى بالبيت لو طالعتها الخدامه بنظرة فضحتهم وجات تتكلم وتفتن عليهم وهم يدرون اني ممكن اقطعهم لو اكتشف عليهم شي اتوقع انه لازم نربي عيالنا انهم مايرضون على نفسهم لا الضرب ولا الصوت العالي من غير امهم وابوهم