لمن يجهل تويتر هذا تحذير

[aloosh]

السلام عليكم
بختصار لكل مستخدمي تويتر
جميع معلوماتك وتحركاتك لديهم واين تسكن ورقم الشارع والموقع على مدار الساعة
حتى تحلركاتك اليوميه اين ذهبت وكم جلست في الموقع الفلاني والشوارع التي سلكتها

فا انتبهوا

ليس تويتر فقط انا خصيت تويتر لانه مخترق من الامارات والسعوديه ومقرهم لشرق الاوسط في الامارات وتتسرب جميع معلومات المعارضين او المستهدفين بسبب فساد مقره بالشرق الاوسط وتنشر المعلومات للمخابرات السعوديه والاماراتيه


لذلك وجب الحذر

[qatari911]

فعلا
حتى برنامج tripadvisor
الي يكون عندهم حساب فيه يسجل كل شي روحاتك وجياتك والاماكن الي كنت فيها

[Rider]

زين انا ماعندي شي من وسائل التواصل الا الواتساب بس

[nooora]

عندي حساب تويتر ،، مخصص للسعودية ،، كل المواقع والمنتديات مراقبة من امن الدوله ،، اهم شي ماحد يحفظ معلوماته الخاصه والصور

[معماري قطري]

انا متوتر بدون شيء بعد استخدم تويتر

[sara jsm]

اتوقع كل برنامج تستخدم فيه رقم تلفونك فهو مخترق ..
حتى الايميل نفسه ...

[durra]

ضف عليهم كاريدج وطلبات وبوتيكات وغيرهم..جميع البيانات عند حكومة ابوغبي

[monatee]

قوقل اولهم

وحتى الكروزر
ماعمري استخدمت نظام الخرايط فيه ، لكن قبل فتره كنت احوس فيه لقيت
السياره مسيفه كل تحركاتي اليوميه والروتينيه ، الدوام / البيت / الشوارع المعتادة / بيوت ربعي :playball:

[سعود.]

انا متوتر بدون شيء بعد استخدم تويتر

ههههههههههههه

انا صاير اشك بالمنتدي انه مخترق ايضآ escape
صباح الخير ايها المخترقون

[بوخالد911]

هلا

انا في تويتر واااايد أخوررها
وحاط اسمي وصورتي

وطزززززززززززززززز في دول الحصار والحمار ( الله يكرمكم )

[naklan]

انا ما عندي شي اخاف منه اَي حد يبي تحركاتي
وبركاتي يراسلني حتى من دول الحمار
ما عندي شي اخشه متوتر
بدون تويتر مثل معماري ههههههههه
الحين بس عرفت قيمة النوكيا القديم عندي
كم واحد بارد استعمله عن الاختراق

[الحياة الخالدة]

ما عاد فيه شي اسمه خصوصية
الأغلبية مكشوفين للجميع
وحتى اللي منخشين في غرفهم ما يتعاملون مع أي وسيلة من وسائل التواصل

[Dana’1]

خل ياخذون راحتهم دام مافيها صور و علوم شخصية غير الأسم والقبيلة ..وما نسئ للدين ولإنفسنا و أهلنا بشي
عادي بكتب بكل حرية بعد .. وهم خل يراقبون ليل نهار دامهم متفرغين!

و على فكرة سهل جدا إختراق تويتر والتغريد بإسمك حتى ... صارت معي شخصيا
كان لي فتره مافتحته الا أختي تتواصل معي .. أنتي وين عن تويتر ... بسرعة شوفييه @@؟ طبعا يوم دخلت الا حتى بعض المتابعات راسلين لي شسالفة أختي ليش كذا مع إن مالي معرفة شخصية فيهم بس عرفوا مستحييل يطلع هالشي مني.

طبعا كانت تغريدات قذرة جدا جدا بالفيديو والصور والروابط للمواقع المحجوبه أساسا من الإتصالات ..
لكن إلي من غير رابط طالع عادي لان تويتر مايحجيها وسهل تناقلها بين مستخدمين تويتر

وتواصلت مع إدارة تويتر وكانت خدمة تعيسيية جدا حتى إني أظن الرد آلي!

والحمدلله قدرت امسحهن عن طريق بعض المواقع واسترجعت الحساب بعد ما صار صفر من التغريدات سواء العادية الي انا كتبتها او الي هم منزلينها و رجع جديد وعلى طول غيرت الرقم السري و غيره..
حسبي الله عليهم ونعم الوكيل.

[سالم الزهران]

تهمني البطاقة الائتمانية اكثر شيء.. اما تويتر بطلناه وعقبال بقية الوسايل اللي اشغلتنا.. عدا المنتدى طبعاََ :)


انا متوتر بدون شيء بعد استخدم تويتر

يا جبل ما يهزك ريح.. ههههه

ضف عليهم كاريدج وطلبات وبوتيكات وغيرهم..جميع البيانات عند حكومة ابوغبي
للأسف اخاف هناك أكثر من أي مكان آخر..


انا ما عندي شي اخاف منه اَي حد يبي تحركاتي
وبركاتي يراسلني حتى من دول الحمار
ما عندي شي اخشه متوتر
بدون تويتر مثل معماري ههههههههه
الحين بس عرفت قيمة النوكيا القديم عندي
كم واحد بارد استعمله عن الاختراق
منتاز يا نكلان.. أو سو لك حساب وهمي.. مثلي انا استخدم حساب باسم ولد العرب؟

[مرتبش]

سالفة المراقبة والاختراقات ليست بسيطة لان الجهاز يتحول الى اداة مراقبة .. يصورك ويسجل كلامك حتى بدون اتصال.. من ايام فقط كان في مشكلة في الفيس تايم انه اللي يتصل لك يشوفك قبل الرد عليه.

[بوخالد911]

سالفة المراقبة والاختراقات ليست بسيطة لان الجهاز يتحول الى اداة مراقبة .. يصورك ويسجل كلامك حتى بدون اتصال.. من ايام فقط كان في مشكلة في الفيس تايم انه اللي يتصل لك يشوفك قبل الرد عليه.

نزل التحديث الأخير
وبتنتهي المشكلة.

[عايش فرحان]

سينما VOX اللي في الفستيفال شركة اماراتية ( صححولي اذا انا غلطان ) .. و اذا تحجز التذاكر قبل ما تروح يأخذون منك اسمك و إيميلك و رقم الكردت كارد

طلبات شركة كويتية بس شراها مليونير عربي مادري من دول الحصار او لا .. و نفس الشيء يأخذون منك معلومات في منتهى الأهمية

شركة تريفاقو travego اللي سندرونا بإعلاناتهم في جميع تلفزيونات دول الحصار ما ادري من راعيها لكن يقدرون يعرفون بسهولة فلان و ين مسافر.. و و ين قاعد .. و رايح مع من و معلومات كثيرة

هذي الأمور ما تهمني كشخص عادي و لكن تعمل فرق للأشخاص اللي ماسكين مناصب حساسة و عوائلهم و الجهات اللي يشتغلون فيها ..