لَمْ تبنى مواقف كافية ، فلِمَ تخالفوننا ؟

[قطري2022]

هل هو ذنب السائق حينما تبنى ابراج ومستشفيات ولم تبنى مواقف كافية ؟ ارجو اخذ هذه النقطة بعين الرحمة وعدم تحميل السائق مالاذنب له .
حينما نستاذن من اعمالنا ونود انجاز معاملة ولم نجد موقف مخصص لكثر الاقبال على الجهة ، مالذي يجب فعله وساعات الاستئذان محسوبة ؟
هنالك خياران ، اما ان ننتظر طويلا حتى ان نحصل على موقف ونتاخر ايضا لانجاز المعاملة ومن ثم يغضب منا رؤسائنا في العمل ، او اننا نقف في موقف ممنوع ونخالَف كي نرجع العمل بسرعة لتجنب غضب المسوول .

[nooora]

اي والله هذه لم يجدوا لها حل الى الان ،، واحسن حل مواقف تحت الارض

[Rider]

مشكلة دائما الجهات الحكومية والمؤسسات وغيرها يفكرون في أنفسهم نسوا انه عندهم مراجعين بس الحل بسيط اذا عارف انه هالمكان مستحيل احصل موقف اخلي اي حد ينزلني اخلص وكلمة يجي ياخذني

[قطري2022]

مشكلة دائما الجهات الحكومية والمؤسسات وغيرها يفكرون في أنفسهم نسوا انه عندهم مراجعين بس الحل بسيط اذا عارف انه هالمكان مستحيل احصل موقف اخلي اي حد ينزلني اخلص وكلمة يجي ياخذني
هلا بالشيخ
مب كل واحد يقدر يوفر له ، بس ودي ان ماتكون في مخالفات لان الغلط من الي خطط

[معماري قطري]

لعبة .. ألحين اللي بيبني عمارة يطالبونه بموقف لكل شقة زين ليش ما طالبوا أصحاب الأبراج بموقف لكل موظف ومواقف كافية للمراجعين؟

[Rider]

هلا بالشيخ
مب كل واحد يقدر يوفر له ، بس ودي ان ماتكون في مخالفات لان الغلط من الي خطط
قبل النيابة مايتنقلون حق المبنى الجديد لي جنب وزارة الاوقاف كانوا الدوريات يخالفون اي واحد يوقف على الارصفه لي حلو المنطقة بكبرها اما الحين ماعاد يخالفون لانه عارفين انه مافيه مواقف حق النيابه

[بوخالد911]

هي فعلا مشكلة أزلية

[ابو عبدالله.]

هالمشكله تنطرح من سنين و ينقال ان الاستراطات وضعت للمباني لتوفير مواقف

لكن ما نشوف مواقف لا للمراجع ولا الموظف

اغلب الوزارات تعاني هالمشكله ولو عقود تأجير مباني الدوله مركزين ع هالاشتراطات كان ما واجهتنا مشكله المواقف

لو يطلوب مواقف كافيه فعلا. اصحاب المباني بيركزون عليها و بيصححون الخلل

ايضا المركزيه في المعاملات لبعض الجهات. لازم المبنى الرئيسي طيب حط صلاحيه انهاء المعامله من فروع عشان ما نتكدس بمكان واحد لمعامله معينه

الداخليه اعطوا صلاحيات كثيره للفروع الا لحالات معينه. سو مثلهم و ريح خلق الله

[Dana’1]

الحين الحلول متوفرة للي فاته وقت البناء ..المواقف الذكيه متوفرة بكذا تصميم __ خصوصا العاموديه
يعني بحجم موقف واحد أو موقفين تشيل 17 سيارة بشكل عامودي ممكن تكون مكلفة شوي لأن المفروض يصاحبها تأمين على هالسيارت في حال صار خطأ بالجهاز نفسه أثر عالسيارات فممكن هذا الي يمنعهم من انهم يسوونها!
مع أنها ماشيه بدول كثييره.
والحلول كثيره .

[مرتبش]

المشكلة متشعبة وباذكر لكم مثال يوضح القضية.. عند برج التخطيط العمراني ووزارة العمل .. توجد مواقف متعددة الطوابق ومجانية .. المراجعين يوقفون في الشارع ولا يتخالفون .. والمواقف في اي وقت تروحها تحصل فيها اماكن فاضية في الطوابق العليا. ليش مايستعملونها؟
من الضفة الاخرى للسيتي سنتر توجد مواقف في مركز المعارض لكن عليها رسوم .. ومراجعين كهرماء ووقود واشغال والعدل لايستخدمونها ويفضلون الوقوف على الارصفة وتوفير ريالين .

[قطري2022]

المشكلة متشعبة وباذكر لكم مثال يوضح القضية.. عند برج التخطيط العمراني ووزارة العمل .. توجد مواقف متعددة الطوابق ومجانية .. المراجعين يوقفون في الشارع ولا يتخالفون .. والمواقف في اي وقت تروحها تحصل فيها اماكن فاضية في الطوابق العليا. ليش مايستعملونها؟
من الضفة الاخرى للسيتي سنتر توجد مواقف في مركز المعارض لكن عليها رسوم .. ومراجعين كهرماء ووقود واشغال والعدل لايستخدمونها ويفضلون الوقوف على الارصفة وتوفير ريالين .

حيالله مرتبش
مب المشكلة في الريالين ، المشكلة في المسافة والحر والشمس والله ، شالمانع لو تغاضو عن المخالفات من باب الرحمة والتعاون ومن باب تصحيح اخطاء المخططين الي ماعملو حساب المواقف للمراجعين

[مرتبش]

حيالله مرتبش
مب المشكلة في الريالين ، المشكلة في المسافة والحر والشمس والله ، شالمانع لو تغاضو عن المخالفات من باب الرحمة والتعاون ومن باب تصحيح اخطاء المخططين الي ماعملو حساب المواقف للمراجعين

مايخالفون في هالمنطقتين.. والمسافة لاتذكر كلها كم خطوة عند التخطيط.. والصوب الثاني المسافة يمكن 100 متر وباقصى تقدير 150 متر

[eXpert*]

للمراجعات ، الله يخلي اوبر .

[مضارب دوسري]

معاك حق

عن نفسي اوقف موتري مثلا صوب سوق واقف اذا عندي معاملات

وعقب اشغل تطبيق اوبر اروح هني وهناك ومناك اخلص اموري وارجع لموتري وافتك من المخالفات

احيان تشوف الشارع ماحوله شرطه تنزل دقيقتين ترجع تلقى مخالفه

مدري وين ينخشووون ذيلا هههه

[معماري قطري]

توني اعرف إن عندنا اوبر

[قطري2022]

معاك حق

عن نفسي اوقف موتري مثلا صوب سوق واقف اذا عندي معاملات

وعقب اشغل تطبيق اوبر اروح هني وهناك ومناك اخلص اموري وارجع لموتري وافتك من المخالفات

احيان تشوف الشارع ماحوله شرطه تنزل دقيقتين ترجع تلقى مخالفه

مدري وين ينخشووون ذيلا هههه

خشيشة ��

[سعود.]

حاليا انا في الاردن

فيه مجمعات فيها 4 طوابق لسيارات تحت الارض ( بيسمنت )

[معماري قطري]

حاليا انا في الاردن

فيه مجمعات فيها 4 طوابق لسيارات تحت الارض ( بيسمنت )

الأُردن أرضها قوية ومرتفعة وايد عن المياه الجوفية .. وللحفر يستعملون الديناميت للتفجير كلها صخور صلبة مب جيرية مثل اللي عندنا .. في عين خالد حفروا حق بيسمنت لمول بالضبط وراء مدخل عين خالد جهة اليسار وانت داخل ووراء المحلات اللي على الشارع .. حطيت صورة في موضوع ثاني جوية للأرض وهي غرقانة بالماي .. يقول لي واحد لهم فوق 4 سنين يشفطون الماي ويطلع غيره .. والعمق مب كبير أقدره بحدود 6 متر

قبل لنحفر لازم نشوف طبيعة الأرض وندرس جولوجيا المنطقة لفترة طويلة .. الدراسة لازم تكون عامة من الدولة وخاصة بكل مشروع .. العامة استرشادية ولنقاط محددة في كل منطقة وهذي ما نشوفها عندنا ولا اعتقد متوفرة .. الخاصة ممكن تستمر فترة سنة لأن منسوب المياه الجوفية متغير ودراسة خواص التربة واختباراتها صعبة ومعقدة وتحتاج خبرات خاصة واللي يسوونها الغالبية هي أقل ما يمكن

فلوريدا جيولوجيتها قريبة من قطر .. شبه جزيرة وأرض مسطحة وضعيفة وتختلف هناك بالبحيرات الكثيرة سواء طبيعية أو محفورة لتجميع مياه الأمطار .. لكن اللي هناك عاقلين عمري ما شفت فيها نفق ولا بيسمنت الا في عمارة قديمة وغرق بسبب اعصار وخسروا الناس سياراتهم وأتوقع هذا توجه تصميمي ناجح .. المواقف تحصلها متوفرة وكثيرة وغالبيتها متعددة أدوار تنبني بريكاست في فترة قياسية .. عادي تشوف مول حوله 4 مواقف متعددة أدوار بعضها توصل لعشر أدوار .. المطار أذكره عدل المواقف فيه من الارضي استلام وتسليم السيارات ومكاتب التأجير والأول للقادمين والثاني للمسافرين وفوقهم اجمالي 7 أدوار وكلهم متصلين بمصاعد توصلك بسهولة لدور المسافرين ودور القادمين ودور الخدمات اللي هو السفلي

تهوئة المواقف طبيعية ومفتوحة من كل الجهات للهواء والهواء الفلوريديواوي فيه فيتامينات تخلي الواحد أسد

[سهم فضة]

اصحاب الابراج مرتاحين ، عقود طويلة ، عائد مجزي ، تسهيلات ، فالمقابل اصحاب عمارات سكنية اراضي ملك و تمويل شخصي = تضييق عليهم فالارتدادات و الشروط التعسفية ، فالمقابل = مواطن ومقيم يدور باركنج ومايلاقي الا دورية تجي تخالفة ب 300 او 500 ريال بسبب سوء تخطيط لا ذنب لة فيه ؟؟

[بوخميس]

اواجه مشكلة المواقف في كل مرة أراجع مبنى الرعاية اليومية الجديد ورا وزارة الصحة

المبنى جديد ما صار له سنتين مفتوح، مسوين منطقة مواقف لكن ما تكفي، ليش ما سووا المواقف طابقين أو ثلاثة دام انه مبنى جديد، يعني مبنى 9 طوابق اسو له مواقف عادية؟

في باركينج تحت المبنى لكن الموظفين ماخذينه بالكامل وما يكفي. مبنى مثل هذا فيه مئات إذا مب آلاف الموظفين والدكاترة والممرضين وغيرهم

عندنا سوء تخطيط

دايما ما احصل موقف واصف على الرصيف، تخالفت مرة وحدة بس

[معماري قطري]

انا اروح وكم مرة رايح وحصلت موقف بسهولة وحصلت دكتور سولفت معاه قال لي المواقف تحت وايد وللكل .. بس رايك صح لو طالبين استشارتي كنت باقترح مواقف متعددة أدوار وجسور لكل دور من المستشفى لسهولة الوصول والحركة

[معماري قطري]

كانوا يجهزون هالمبنى سنين طويلة من حول 12 سنة بسهولة خلالها يقدرون يركزون على المواقف وبنفس الوقت تكون مهارب طواريء لو صار شيء في أي طابق

[Qtr37]

ايما اقول هالكلام
في اماكن ما يوفرون مواقف كافيه ويخالفونك اذا وقفت بمكان ممنوع !!!!

[khalid Qtr]

المشكلة نتكلم فيها من سنين وما في استجابة، أعتقد الحل انك تاخذ أوبر أو تروح مع دريولك (:

[سعود.]

الأُردن أرضها قوية ومرتفعة وايد عن المياه الجوفية .. وللحفر يستعملون الديناميت للتفجير كلها صخور صلبة مب جيرية مثل اللي عندنا .. في عين خالد حفروا حق بيسمنت لمول بالضبط وراء مدخل عين خالد جهة اليسار وانت داخل ووراء المحلات اللي على الشارع .. حطيت صورة في موضوع ثاني جوية للأرض وهي غرقانة بالماي .. يقول لي واحد لهم فوق 4 سنين يشفطون الماي ويطلع غيره .. والعمق مب كبير أقدره بحدود 6 متر

قبل لنحفر لازم نشوف طبيعة الأرض وندرس جولوجيا المنطقة لفترة طويلة .. الدراسة لازم تكون عامة من الدولة وخاصة بكل مشروع .. العامة استرشادية ولنقاط محددة في كل منطقة وهذي ما نشوفها عندنا ولا اعتقد متوفرة .. الخاصة ممكن تستمر فترة سنة لأن منسوب المياه الجوفية متغير ودراسة خواص التربة واختباراتها صعبة ومعقدة وتحتاج خبرات خاصة واللي يسوونها الغالبية هي أقل ما يمكن

فلوريدا جيولوجيتها قريبة من قطر .. شبه جزيرة وأرض مسطحة وضعيفة وتختلف هناك بالبحيرات الكثيرة سواء طبيعية أو محفورة لتجميع مياه الأمطار .. لكن اللي هناك عاقلين عمري ما شفت فيها نفق ولا بيسمنت الا في عمارة قديمة وغرق بسبب اعصار وخسروا الناس سياراتهم وأتوقع هذا توجه تصميمي ناجح .. المواقف تحصلها متوفرة وكثيرة وغالبيتها متعددة أدوار تنبني بريكاست في فترة قياسية .. عادي تشوف مول حوله 4 مواقف متعددة أدوار بعضها توصل لعشر أدوار .. المطار أذكره عدل المواقف فيه من الارضي استلام وتسليم السيارات ومكاتب التأجير والأول للقادمين والثاني للمسافرين وفوقهم اجمالي 7 أدوار وكلهم متصلين بمصاعد توصلك بسهولة لدور المسافرين ودور القادمين ودور الخدمات اللي هو السفلي

تهوئة المواقف طبيعية ومفتوحة من كل الجهات للهواء والهواء الفلوريديواوي فيه فيتامينات تخلي الواحد أسد

صباح الخير ( ابا عبدالله )

عاد هذي الامور لعبتك ههههههههههه

بس الي اعرفة انه يمكن ترحيل المياة الجوفية والعزل وووووالخ

[معماري قطري]

صباح الخير ( ابا عبدالله )

عاد هذي الامور لعبتك ههههههههههه

بس الي اعرفة انه يمكن ترحيل المياة الجوفية والعزل وووووالخ

شوف الله يسلمك عاد التكلفة

أي مشروع في الحياة لا بد تدرسه عدل ولا تختلف المباني والطرق والمواقف

تحت الأرض تحتاج تهؤئة فعالة وتستوي حكرة في غالب مواقفنا اللي تحت الأرض وغازات سامة .. غير عن بعد فترة بتشوف مشاكل الصيانة .. الإضاءَة كذلك صناعية .. بعدين محدود بإرتفاع دورين أو ثلاثة وأرضنا واضحة ضعيفة وتحتاج شغل قوي والأرض اللي ذكرتها كمثال وخسروها أصحابها بعد حفرها سنين طويلة يشفطون منها 4 سنين بمضخات قوية وكل ما له الماي يطلع

دراساتنا الجيولوجية لك عليها والكلام اللي نسمعه من المختصين شيء والواقع شيء ثاني .. ليش نتجه للحلول الصعبة والغالية والحلول الثانية الأسهل والأرخص موجودة؟

مصانع الخرسانات الجاهزة بأنواعها موجودة ولو احتاجوا تصاميم وشركات تنفذ في الخارج وتشحن لقطر العملية سهلة حتى ناقلات الغاز اللي ترجع خالية ممكن تكييفها لشحن هذي القطع الجاهزة وتركيبها صدقني يتم في فترات قياسية

بتكون مفتوحة الجوانب ومزروعة على الأطراف حيث تعطي منظر جمالي وحماية وهواء نقي بسبب انسيابية الرياح الطبيعية خلالها .. ممكن وصلها بأدوار المبنى المجاور أو المباني المجاورة عبر جسور للمشاة وبتعتبر مخرج طواريء لهذي المباني والإضاءة لو رفعناها كفاية وعملنا حساب المناور السقفية بتكون طبيعية خلال النهار

يبي لك تروح فلوريدا تغير تفكيرك والا حتى بانكوك بدت تنتشر فيها هذي المواقف

[معماري قطري]

يمكن معلومة لا يعرفها الكثيرون عن جيولوجيا قطر وفلوريدا وبعض المناطق الممتدة داخل البحر كشبه جزيرة ضيقة

المعلومة شرحها لي دكتور مختص بالمياه الجوفية وهي إن قطر فيه طبقة مياه تحتها على أعماق سحيقة متصلة بالبحر وفيه خط فاصل بسيط بين الماء العذب والماء المالح .. هذا يلاحظونه أصحاب الزروع بعد شفط المياه الجوفية العذبة تتحول لمالحة تدريجياً ببساطة لأنك كل ما تسحب ماء عذب يرتفع الماء المالح بسبب قلة ضغط وزن الماء المزاح

نفس الوضع يصير كل ما تحفر وتشيل تربة تخرب ضغط الأرض الطبيعي وتخلخل التربة وتنساب المياه الجوفية وتطلع وتخرب المباني .. والحكومة ممثلة في أشغال ما تقصر في المناطق المبنية حديثاً تحفر غزير غزير حتى يسوون سلوب مناسب للصرف الصحي حتى يتحرك بفعل الجاذبية .. هالحفر يطلع المياه للأعلى وبنفس الوقت يأثر في المباني والحل ذكرته مرات ممكن حتى تمديد البايبات فوق الارض في بعض المناطق والاعتماد على المضخات والحفر لو بيحفرون ما يكون عميق وممكن يعملون خنادق خدمات ممكن الدخول فيها وصيانتها وتوسعتها حسب الحاجة وعملوها أخيراً في لوسيل

[معماري قطري]

بعض الدراسات الهندسية دراسات مصلحية والقائمين عليها يهمهم يسوون شغل كبير وصيانته متواصلة حتى يستفيدون .. مع إن الخيارات البديلة موجودة والمشكلة بسهولة يمررون ما يبغون لأن في الغالب المسؤول ما يكون ملم بهذي الأُمور الهندسية ولا يطلب عدة خيارات ودراسات مفصلة أما لضيق الوقت أو لعدم وجود إنسان ملم ينصح بغير ذلك وأوقات يستوي ناصحكم يا عرب في النار كما في المثل المعروف

[ya3coub]

بين و بين بصراحة موظفين النيايبة و المحكمة اللي دون بعض الدرجات بعد نفس الشي و يتخافون المحكمة اللي فالدفنة سيم سيم.

اتروح تبي تاخذ حقك راقعينك بمخالفه و سبحان الله الدورية تمر يوميا وقت الجلسات انزين هاي محكمة و مافي مواقف انزين ليش ما تجون العصر مثلا ؟؟!!! او فالليل و اللي مخالف تخالفه بس تجي وقت الذروه لهالجهة تلصق و تروح .!!!!!

و غيرها وايد و للأسف حتى اللي بيحولون على لوسيل بعضهم نفس الشي

في حاليا مواقف تحت الأرض شووها للموظفين فقط غير اللي فالبرج و المراجعين لليوم يوقفون برع و مرات يعيقون الحركة !!

الغلط انه اغلب الوكارات او الجهات اتكون بمكان واحد لا وزع و انشر و سو مكتب تمثيلي لكل وزارة بوزارة ثثانيةت علشان تسهل عالمراجعين فمكان واحد و تخلي الوزارة للمشاكل الأكبر بدال ما كلهم صفه وحدة او منطقه وحدة

[غايه الطواش]

المشكله اذا سوو مكان في مواقف تلقى نصه ماجر على شركه الفاليه
واكبر مثال مستشفى حمد

[معماري قطري]

المشكله اذا سوو مكان في مواقف تلقى نصه ماجر على شركه الفاليه
واكبر مثال مستشفى حمد

على طاري مستشفى حمد رايح يوم الخميس باسوي فحص دم قبل موعدي الا واحد موقف ويقول لي الموقف استوى خاص بالموظفين .. قلت بانزل دقيقة افحص دم وباطلع مشاني .. بس كان الموقف مليان سيارات لين الرابع

مواقف الزوار وسعوها ولا كفت .. يشتغلون بالقطارة والمفروض كانوا يسوونها متعددة أدوار ويفتكون