خافو الله النعمة زوالة تبديل السيارة كل سنة ليش

[naklan]

السلام عليكم ورحمة الله وبركاته

اخواني واخواتي الأعضاء الكرام لاحظت شي غريب وعجيب
عندنا ناس من العائلة والأصدقاء والمعارف يبدلون السيارة كل 6 شهور
الى سنة ليش التبديل والسيارة جديدة وبقراطيسها حتى لو كنت
غني يعتبر هذا تبذير ولعب بالنعم خافو الله الدكتور الأمريكي
او الياباني يبدل سيارة او ثنتين في العمر وهو قد بلغ
من العلم اعلا المراتب آخرتها حديد وشوية ربل
وبنص مليون

سؤال ؟ ؛ الوقت الأمثل لاستخدام سيارة جديدة اخذتها بقناعة رغبة
وماهي نظرتك للي يبدل كل سنة او 6 شهور
وكم مدة استخدامك للسيارة
وهل تملك سيارة انتيك لوالدك او جدك

تحياتي للجميع
وحالف عليكم لاحد يهديني سيارة
ما بدي :funny:

[بوخالد911]

هلا بكم

البعض ماخذها هواية ويماشي التغيير ويحب كل ما هو جديد
والبعض الآخر يعتبرها كتجارة

عن نفسي أحتفظ بالسيارة لمدة 5 - 6 سنوات

دام السيارة ما فيها شي ومحاقظ عليها ، ليش أغير ؟؟؟؟

[الحياة الخالدة]

وعليكم السلام ورحمة الله وبركاته
يا إلهي ما الذي يحدث ؟؟!!
هامور المنتدى منزل موضوع ينتقد فيه تصرفات بعض الهوامير هههههههههه
ترا مب شرط يكون غني حتى يغير السيارة كل فترة قصيرة
أعرف ناس ماديتهم مب ذاك الزود لكنهم يغيرون كل فترة .. يمكن لهم نظرة خاصة : مثلاً تعديل المزاج باقتناء شي جديد
أو تخفيف أقساط السيارة السابقة فيبيع الأولى وياخذ وحدة ثانية على أساس أرخص شوي ويستفيد من الفرقية
أو عقدة منذ الصغر أنه كان محروم وياته الفرصة على كبر يحقق بعض أحلامه اللي ما قدر يسويها في مراهقته أو شبابه المبكر
أما اللي عندهم فاحتمال فلوسه وايد مب عارف شيسوي فيها ويبي يستانس .. التغيير حلو أحياناً ويعطي دفعة إيجابية

الحين دورك انت تجاوب : كل اشكثر تغير سيارتك ؟؟

[naklan]

هلا بكم

البعض ماخذها هواية ويماشي التغيير ويحب كل ما هو جديد
والبعض الآخر يعتبرها كتجارة

عن نفسي أحتفظ بالسيارة لمدة 5 - 6 سنوات

دام السيارة ما فيها شي ومحاقظ عليها ، ليش أغير ؟؟؟؟


حيالله بوخالد انا مانزلت الموضوع الا علشان تهون
من اللكزس بس برافو عليك 5 سنوات اقل مدة
لاستخدام سيارة

[بوعاشه]

النعمة زواله

[بوخالد911]

حيالله بوخالد انا مانزلت الموضوع الا علشان تهون
من اللكزس بس برافو عليك 5 سنوات اقل مدة
لاستخدام سيارة

الله يحييك ويبقيك الغالي نكلااان

بس صج اللكزس شي من قلب
تبارك الله ما شاء الله

[naklan]

وعليكم السلام ورحمة الله وبركاته
يا إلهي ما الذي يحدث ؟؟!!
هامور المنتدى منزل موضوع ينتقد فيه تصرفات بعض الهوامير هههههههههه
ترا مب شرط يكون غني حتى يغير السيارة كل فترة قصيرة
أعرف ناس ماديتهم مب ذاك الزود لكنهم يغيرون كل فترة .. يمكن لهم نظرة خاصة : مثلاً تعديل المزاج باقتناء شي جديد
أو تخفيف أقساط السيارة السابقة فيبيع الأولى وياخذ وحدة ثانية على أساس أرخص شوي ويستفيد من الفرقية
أو عقدة منذ الصغر أنه كان محروم وياته الفرصة على كبر يحقق بعض أحلامه اللي ما قدر يسويها في مراهقته أو شبابه المبكر
أما اللي عندهم فاحتمال فلوسه وايد مب عارف شيسوي فيها ويبي يستانس .. التغيير حلو أحياناً ويعطي دفعة إيجابية

الحين دورك انت تجاوب : كل اشكثر تغير سيارتك ؟؟



حيالله اختي الحياة الخالدة شحرورة المنتدى
اختي حتى لو كان الإنسان ميسور او غني اللعبة شينه

انا ابدل السيارة بعد ال 5 سنوات تبقى عندي واشتري غيرها
قناعتي قبل 5 سنوات ما أبيع الا لضروف اجبارية ومالها مكان

الي قاهرني في دبي اخرسيارة خذتها لكزس 2017 ما مشت خذتها
ووقفتها وسافرت ومنعت من الدخول وراحت الان سنتين من موديلها بلا
استخدام وبلا فايدة الله يعوض علينا عندي 3,سيارات هناك
اكيد بيتلفون بلا استخدام وابوية

تحياتي يا ملكة
وأنتي كم المدة المثالية للاستخدام من
وجهة نظرك

[naklan]

النعمة زواله


كلام سليم يابوعاشة
ومرحبا بمشاركتك

[naklan]

الله يحييك ويبقيك الغالي نكلااان

بس صج اللكزس شي من قلب
تبارك الله ما شاء الله


بو خالد اصبر جم شهر حرام نص مليون
وبتتغيربعد كم شهر ومش حالك مع ام الزين القديمة
يقول المثل المصري القديمة تحلا وتصدي ههههه

[معماري قطري]

انا اللي قاهرني موضوعك جديد وهالكثر عليه اقبال من كثرة محبينك .. مب انا الفقير المتقاعد الحديث محد يحبني

من أيام مريت زرع الوالد الله يغفر له وهو قديم من حول 40 سنة وفيه ثلاث سيارات قديمة جي موديل 1980 أعتقد كنت استخدمه وجي موديل 1982 كان حق اخوي الله يغفر له وكروزر حمر طربال بو جريكنات ماخذه الوالد الله يغفر له من خاله الله يغفر له وللحين فيه ملكية ترجع لسمو الأمير الوالد من الملكيات الورقية .. كفختني الذكريات وانا اشوف السيارات من مسافة ولا قربت منها وأكيد لي عودة لها وصور .. كانت في تكتل عرض كأنه متحف صغير

انا من محبي السيارات وأحافظ عليها وأكثر سيارة استعملتها واستهلكتها في اكس ار 1995 خليته عندي 15 سنة وما بعته الا بعد ما صكه واحد بعين خبطت مكينته .. سافرت فيه لبنان أيام حرب 2006 وكنت معرض بدون ما ادري وعائلتي لقنص الصهاينة متعجب كيف كنت ادور على الكورنيش والكورنيش فاضي بعدها سمعت في الأخبار إن الزوارق الاسرائيلية تقنص السيارات على الساحل من بعيد

بعته ب 15000 على ما اذكر وشفته بعد كم يوم وكان رقمه حلو 142225 واتم وراه مسافة لين وقف في مواقف جمعية الدفنة واوقف حوله وانزل اطالعه كأنه ولدي مخطوف .. شوي والا يجي راعيه كان شاب قطري في الثلاثينات سولفت معاه شوي وطلع شاريه من سوداني بعناه السيارة احنا وتفود فيه حول 6000 ريال والرجال شاريه للبحر

عندي اللكزس ألحين عمرها 7 سنين ومشت 90000 توها واصلتها .. والميني قررت ابيعها بعد استعمال سنة وشوي وخذت سيارة مستعملة سريعة وايد بعد مخوفتني وناوي ابيعها .. أدوس شوي الا واصلة 120 ما تصلح كلش لا لي ولا لشوارع الدوحة خايف من المخالفات

ما احب اشتري وابيع واشتري بقناعة واستهلك السيارة والحمد لله كل بيتي مثلي

[بوخالد911]

بو خالد اصبر جم شهر حرام نص مليون
وبتتغيربعد كم شهر ومش حالك مع ام الزين القديمة
يقول المثل المصري القديمة تحلا وتصدي ههههه

لا شكل اللكزس ما راح يتغير
أجلوا التغيير ليين سنة 2022
وهالشي أكد عليه سلمان عبدالغني

لكن الموتر فعلا رهييب
والمثل الإنجليزي يقول :
you get what you pay for

:)

[sara jsm]

الي قاهرني في دبي اخرسيارة خذتها لكزس 2017 ما مشت خذتها
ووقفتها وسافرت ومنعت من الدخول وراحت الان سنتين من موديلها بلا
استخدام وبلا فايدة الله يعوض علينا عندي 3,سيارات هناك
اكيد بيتلفون بلا استخدام وابوية


خسارة والله يانكلان لو قايلي كنت عطيتك بدالهم 200 الف وتصرفت فيهم ..
بس الحين خلاص غيري باقهم اكيد :(
:
برأيي الواحد يبدل بين 5-7 سنوات .. لان في سيارات ماتعيش اكثر ..
ومن عقب الخمس سنوات تبتدي تحن وتزن في كل شي ..

شفت معماري ناشب حق الرجال ههههههههههههههههه لو يدري انكم بتذلونهم على هالبيعه وبتلحقونه في كل دعوس ماكان شراها بريالين :funny::funny:

[qatarman8008]

في بعض الناس عنده شعور بالنقص..
تجده يتابع كل جديد ويشتري كل جديد ليس لارضاء رغباته ولكن لاظهار انه عنده فلوس وقادر يشتري..
والا السيارة يتغير شكلها ومواصفاتها الاساسية كل عشر سنوات تقريبا..

[معماري قطري]

خسارة والله يانكلان لو قايلي كنت عطيتك بدالهم 200 الف وتصرفت فيهم ..
بس الحين خلاص غيري باقهم اكيد :(
:
برأيي الواحد يبدل بين 5-7 سنوات .. لان في سيارات ماتعيش اكثر ..
ومن عقب الخمس سنوات تبتدي تحن وتزن في كل شي ..

شفت معماري ناشب حق الرجال ههههههههههههههههه لو يدري انكم بتذلونهم على هالبيعه وبتلحقونه في كل دعوس ماكان شراها بريالين :funny::funny:

نكلان الله يسلمج يحسب بيحصل حق من ورا وابويه

ذيلا حرامية وقطاع طرق .. ولدي جاب سيارتين وحدة برقم حماراتي وباعها ووحدة برقم قطري وطلعهم عن طريق عمان وهم يدرون أكيد بس اسلوبهم وقح مب اسلوب ناس فيها خير مثل الجار الداشر اللي طرد حلال الناس من أرض شارينها ودافعين فيها فلوس

[معماري قطري]

في بعض الناس عنده شعور بالنقص..
تجده يتابع كل جديد ويشتري كل جديد ليس لارضاء رغباته ولكن لاظهار انه عنده فلوس وقادر يشتري..
والا السيارة يتغير شكلها ومواصفاتها الاساسية كل عشر سنوات تقريبا..

السيارة الأخيرة اللي خذتها كانت اس 500 كوبيه مستعمل ماشي 16600 ريحة المصنع للحين فيه وللحين ما وصل 17000 عندي .. بعد ما اقتنعت بالسيارة بعد ما خذتها واعتبرها نزوة للدوحة ما يصلح الا الفورويل وناوي ابيع .. فيرست اديشن اللي يبي يشتري يراسلني

[معماري قطري]

بعد للأمانة المرسدس الاس بتتغير قريب واحتمال قريب جداً

[sara jsm]

بوعبدالله خربت موضوع نكلان هههههههههههههه
قلبته معرض سيارات :funny::funny:

[Rider]

بالنسبة لي ممكن يكون عندي حب التغير مع اني انسان عادي مب من الهوامير ممكن مثل ماذكرت الاخت الحياة الخالده تغير نفسيه لكن مب كل سنة يعني سنتين او ثلاث سنوات لكن خلاص بأذن الله عازم اتخلص من هالعادة

[naklan]

انا اللي قاهرني موضوعك جديد وهالكثر عليه اقبال من كثرة محبينك .. مب انا الفقير المتقاعد الحديث محد يحبني

من أيام مريت زرع الوالد الله يغفر له وهو قديم من حول 40 سنة وفيه ثلاث سيارات قديمة جي موديل 1980 أعتقد كنت استخدمه وجي موديل 1982 كان حق اخوي الله يغفر له وكروزر حمر طربال بو جريكنات ماخذه الوالد الله يغفر له من خاله الله يغفر له وللحين فيه ملكية ترجع لسمو الأمير الوالد من الملكيات الورقية .. كفختني الذكريات وانا اشوف السيارات من مسافة ولا قربت منها وأكيد لي عودة لها وصور .. كانت في تكتل عرض كأنه متحف صغير

انا من محبي السيارات وأحافظ عليها وأكثر سيارة استعملتها واستهلكتها في اكس ار 1995 خليته عندي 15 سنة وما بعته الا بعد ما صكه واحد بعين خبطت مكينته .. سافرت فيه لبنان أيام حرب 2006 وكنت معرض بدون ما ادري وعائلتي لقنص الصهاينة متعجب كيف كنت ادور على الكورنيش والكورنيش فاضي بعدها سمعت في الأخبار إن الزوارق الاسرائيلية تقنص السيارات على الساحل من بعيد

بعته ب 15000 على ما اذكر وشفته بعد كم يوم وكان رقمه حلو 142225 واتم وراه مسافة لين وقف في مواقف جمعية الدفنة واوقف حوله وانزل اطالعه كأنه ولدي مخطوف .. شوي والا يجي راعيه كان شاب قطري في الثلاثينات سولفت معاه شوي وطلع شاريه من سوداني بعناه السيارة احنا وتفود فيه حول 6000 ريال والرجال شاريه للبحر

عندي اللكزس ألحين عمرها 7 سنين ومشت 90000 توها واصلتها .. والميني قررت ابيعها بعد استعمال سنة وشوي وخذت سيارة مستعملة سريعة وايد بعد مخوفتني وناوي ابيعها .. أدوس شوي الا واصلة 120 ما تصلح كلش لا لي ولا لشوارع الدوحة خايف من المخالفات

ما احب اشتري وابيع واشتري بقناعة واستهلك السيارة والحمد لله كل بيتي مثلي



له له يا زلمة لا تنقهر ولا شي الموضوع من صوبك باحوله باسمك
تصدق حسيت بحساسية من الحسد انا اليوم صاحي بدري على غير
العادة نزلت الموضوع وتذكرت المثل السوداني الي يقول الي يقوم من
الصبح يحكم

معماري زين قلت لي سالفتك وانت تلاحق الريال
علشان ما اشتري منك بتنكد علي ويتم تطاردني
بر وبحر لين اخلي السيارة واشرد هههههه

تحياتي الغالي بو عبدالله
وانت ملح المنتدى والتقاعد ما له خص
بالعكس بتزيد شعبيتك ما عندك شغل الا
المشاركات والمشاكسات

[naklan]

لا شكل اللكزس ما راح يتغير
أجلوا التغيير ليين سنة 2022
وهالشي أكد عليه سلمان عبدالغني

لكن الموتر فعلا رهييب
والمثل الإنجليزي يقول :
you get what you pay for

:)


بوخالد ترجمت المثل في قوقل يقول
اشتر جديد ولا تشتري من معرض بدل
هههههههه اذا الى 2022 اوكي
مدة معقولة فيه 3 سنين

[naklan]

خسارة والله يانكلان لو قايلي كنت عطيتك بدالهم 200 الف وتصرفت فيهم ..
بس الحين خلاص غيري باقهم اكيد :(
:
برأيي الواحد يبدل بين 5-7 سنوات .. لان في سيارات ماتعيش اكثر ..
ومن عقب الخمس سنوات تبتدي تحن وتزن في كل شي ..

شفت معماري ناشب حق الرجال ههههههههههههههههه لو يدري انكم بتذلونهم على هالبيعه وبتلحقونه في كل دعوس ماكان شراها بريالين :funny::funny:

يا مرحبا يا ام جاسم والله لو ادري بيصير جذيه
جان عطيتج وحده من هالسيارات بالقرعة وحده 2015
وحده 2016 وحده 2017 عاد أنتي وحظج هههه

اما معماري وهو يطارد الرجال هههههه تخيلته متلثم
ومن كل زاوية يراقب مثل مخبرين مصر هههههه
زين ما تهيض معماري مع الذكريات وقاله رجع الموتر
احسن لك قبل ما تصير آذاني واذانك اربع

[ابو عبدالله.]

البعض افئدتهم هواء

يبدلون بسبب وبدون سبب عنده او ما عنده

احنا نعيش غير عن باقي العالم و السبب الاحساس بالرفاهيه و حتى غير القطريين يعانون منها

معيش غير لكن مب كل سنه شوف الممشى و الاستخدام مش التغيير و بس

من الي يغيرون بيت ما عندهم و نشوف شباب يكابرون بالكشخه و المواتر و بعضهم عنده ثلاث مواتر له بروحه

وين قاعد انت وراك اسره و مسؤوليه و تعمير بيت العمر
وراك تقاعد و مصاريف يهال و مدارس خاصه واذا كبروا يبوت مصاريف اكثر

مب عيب تستحمل و تخلص الاساسيات و بعدها خذ الي تبي

الي عندهم ما يفسفسونها هالشكل وانت مرتز بموتر اقساط نص الراتب

والله نزعل اذا شفنا شباب هالشكل. ونبي لهم الخير

الحمد لله في شباب يقبلون النصيحه و يغيرون عاداتهم للافضل

الوالدين و المحيط العائلي لهم دور في تثقيف الابناء في هالامور و الصحبه ايضا لها تأثير

عن نفسي ما اغير الا كل كم سنه. لاني امشي وايد بالموتر بحدود ثلاث سنوات امشي 150 الف كم لكن ما اخذ موتر غالي لان حرام احرقه بالممشى هذا

لكن بعد ما اخلص بيت العمر بحط لي موترين عاديين للمشاوير و المدارس و موترين كشخه لي و للبيت لزوم الطلعات العدله ان شاء الله

[معماري قطري]

يا مرحبا يا ام جاسم والله لو ادري بيصير جذيه
جان عطيتج وحده من هالسيارات بالقرعة وحده 2015
وحده 2016 وحده 2017 عاد أنتي وحظج هههه

اما معماري وهو يطارد الرجال هههههه تخيلته متلثم
ومن كل زاوية يراقب مثل مخبرين مصر هههههه
زين ما تهيض معماري مع الذكريات وقاله رجع الموتر
احسن لك قبل ما تصير آذاني واذانك اربع

يتراوى لي لو يقرأ بيعرف نفسه وبيقول صج لاحقني فترة لين وقفت عند الجمعية

[معماري قطري]

البعض افئدتهم هواء

يبدلون بسبب وبدون سبب عنده او ما عنده

احنا نعيش غير عن باقي العالم و السبب الاحساس بالرفاهيه و حتى غير القطريين يعانون منها

معيش غير لكن مب كل سنه شوف الممشى و الاستخدام مش التغيير و بس

من الي يغيرون بيت ما عندهم و نشوف شباب يكابرون بالكشخه و المواتر و بعضهم عنده ثلاث مواتر له بروحه

وين قاعد انت وراك اسره و مسؤوليه و تعمير بيت العمر
وراك تقاعد و مصاريف يهال و مدارس خاصه واذا كبروا يبوت مصاريف اكثر

مب عيب تستحمل و تخلص الاساسيات و بعدها خذ الي تبي

الي عندهم ما يفسفسونها هالشكل وانت مرتز بموتر اقساط نص الراتب

والله نزعل اذا شفنا شباب هالشكل. ونبي لهم الخير

الحمد لله في شباب يقبلون النصيحه و يغيرون عاداتهم للافضل

الوالدين و المحيط العائلي لهم دور في تثقيف الابناء في هالامور و الصحبه ايضا لها تأثير

عن نفسي ما اغير الا كل كم سنه. لاني امشي وايد بالموتر بحدود ثلاث سنوات امشي 150 الف كم لكن ما اخذ موتر غالي لان حرام احرقه بالممشى هذا

لكن بعد ما اخلص بيت العمر بحط لي موترين عاديين للمشاوير و المدارس و موترين كشخه لي و للبيت لزوم الطلعات العدله ان شاء الله

الله يوفقك ويعينك على البنيان

انتبه لازم تخطط لمواقف كافية خصوصاً داخل برا عندنا استوى الأمان لك عليه

والله أفكر في البنيان ومتردد من اللي اشوفه واللي ربعي يمرون فيه

[Dana’1]

ماجات على كل سنه سياره
فيه أمور تشرى بشكل شهري أو سته شهور أو سنوي سعرها بسعر سيارة أو أعلى بكثيير بعد.

بالأول والأخير الكل حر التصرف بحلاله و مردة بيسأل عنه بيوم الحساب من وين له و بإيش صرفة.

[sara jsm]

يتراوى لي لو يقرأ بيعرف نفسه وبيقول صج لاحقني فترة لين وقفت عند الجمعية

اتوقع حرق السيارة عشان يفتك منك :happy: :happy:

[نفسي عزيزه]

هلا بكم

البعض ماخذها هواية ويماشي التغيير ويحب كل ما هو جديد
والبعض الآخر يعتبرها كتجارة

عن نفسي أحتفظ بالسيارة لمدة 5 - 6 سنوات

دام السيارة ما فيها شي ومحاقظ عليها ، ليش أغير ؟؟؟؟

اتفق معاك
نفس الاجابه

[ابو عبدالله.]

الله يوفقك ويعينك على البنيان

انتبه لازم تخطط لمواقف كافية خصوصاً داخل برا عندنا استوى الأمان لك عليه

والله أفكر في البنيان ومتردد من اللي اشوفه واللي ربعي يمرون فيه

صبحكم بالخير

مسوي اربع مواقف داخل البيت و برع عندي مسافه كبيره لين الشارع و ممكن توقف خمس مواتر برع

و بركب كاميرات هاي زوم اوبتكل و ديجيتال ان شاء الله

الله وفقنا و الشارع كبير و اسواق الفرجان اثنين جنبي :) يعني تبي تتقاعد اجلس بالحوش و صفر ع الخباز يحذف لك خبز حار و تعشى ههههههه

[ابو عبدالله.]

ماجات على كل سنه سياره
فيه أمور تشرى بشكل شهري أو سته شهور أو سنوي سعرها بسعر سيارة أو أعلى بكثيير بعد.

بالأول والأخير الكل حر التصرف بحلاله و مردة بيسأل عنه بيوم الحساب من وين له و بإيش صرفة.

اختي هالشي اشوفه كل يوم. بالدوام و بالشارع

شنط فوق 30 الف و موتر ب 650 الف و ساعات ب 150 الف وكل وحده تنافس الثانيه. لين وحده طرقعت البنتلي فورويل و حطمتهم بمليون و ربع او 400الف

اغلبهم عايشين ع رواتبهم ومادري ليش ما يفكرون بتوفير و ادخار او ع الاقل العيش بلا اقساط تاخذ نص الراتب و اكثر

من كم سنه سألتني وحده عن شغله تبي تسويها ومن ضمن الكلام كان لازم تخبرني عن المديونيه بالبنك

طلعت مليون و 800 الف و كان راتبها 19 الف ريال سألتها ع شنو تسلفتي. قالت اجرت بيت و عدلته بديكورات ب 300 الف و حطيت كبينه بغرف ب 200 الف و سياره المانيه ب 327 الف

لعب فيها موظف بنك ربوي وقال خذي و رجعي بعدين بعمل لك اعاده جدوله

لين غرقت بالديون

هذا سنه 2010 تقريبا. لليوم عليها 600 الف غير الفوائد

الله يهدينا و يهديهم

[مرتبش]

اختي هالشي اشوفه كل يوم. بالدوام و بالشارع

شنط فوق 30 الف و موتر ب 650 الف و ساعات ب 150 الف وكل وحده تنافس الثانيه. لين وحده طرقعت البنتلي فورويل و حطمتهم بمليون و ربع او 400الف

اغلبهم عايشين ع رواتبهم ومادري ليش ما يفكرون بتوفير و ادخار او ع الاقل العيش بلا اقساط تاخذ نص الراتب و اكثر

من كم سنه سألتني وحده عن شغله تبي تسويها ومن ضمن الكلام كان لازم تخبرني عن المديونيه بالبنك

طلعت مليون و 800 الف و كان راتبها 19 الف ريال سألتها ع شنو تسلفتي. قالت اجرت بيت و عدلته بديكورات ب 300 الف و حطيت كبينه بغرف ب 200 الف و سياره المانيه ب 327 الف

لعب فيها موظف بنك ربوي وقال خذي و رجعي بعدين بعمل لك اعاده جدوله

لين غرقت بالديون

هذا سنه 2010 تقريبا. لليوم عليها 600 الف غير الفوائد

الله يهدينا و يهديهم

الله المستعان.. تقعد طول عمرها تدفع اقساط القروض.. وحتى لو من بنك اسلامي ايضا بتدفع ولابيكون في مجال لاي شي اخر كادخار او بدء تجارة او مواجهة ازمة طارئة.. الراتب رايح على خدمة المديونية.
يمكن نحتاج دورات في التوفير والادخار وتثقيف اجباري قبل الحصول على قرض.

[ضوى]

بصراحه انا اشوف مع تكرار خرابات السيارة لازم تنباع من البدايه عشان ماتزيد الخرابات ويطيح سعرها انا من عشر سنين سيارتين بس الحاليه مافكر اغيرها لانه ممشاها اصلا قليل صار لها اربع سنين عندي وتوها عشر الالاف كيلو ��

[ولد العرب]

حولوا الموضوع الى الاستراحه لو سمحتوا :telephone:

[معماري قطري]

اختي هالشي اشوفه كل يوم. بالدوام و بالشارع

شنط فوق 30 الف و موتر ب 650 الف و ساعات ب 150 الف وكل وحده تنافس الثانيه. لين وحده طرقعت البنتلي فورويل و حطمتهم بمليون و ربع او 400الف

اغلبهم عايشين ع رواتبهم ومادري ليش ما يفكرون بتوفير و ادخار او ع الاقل العيش بلا اقساط تاخذ نص الراتب و اكثر

من كم سنه سألتني وحده عن شغله تبي تسويها ومن ضمن الكلام كان لازم تخبرني عن المديونيه بالبنك

طلعت مليون و 800 الف و كان راتبها 19 الف ريال سألتها ع شنو تسلفتي. قالت اجرت بيت و عدلته بديكورات ب 300 الف و حطيت كبينه بغرف ب 200 الف و سياره المانيه ب 327 الف

لعب فيها موظف بنك ربوي وقال خذي و رجعي بعدين بعمل لك اعاده جدوله

لين غرقت بالديون

هذا سنه 2010 تقريبا. لليوم عليها 600 الف غير الفوائد

الله يهدينا و يهديهم

الحمد لله اللي أبعدنا عن الديون اللي ما لها داعي

[الحياة الخالدة]

حولوا الموضوع الى الاستراحه لو سمحتوا :telephone:
شرايك تستلم الإشراف

[ابو عبدالله.]

الله المستعان.. تقعد طول عمرها تدفع اقساط القروض.. وحتى لو من بنك اسلامي ايضا بتدفع ولابيكون في مجال لاي شي اخر كادخار او بدء تجارة او مواجهة ازمة طارئة.. الراتب رايح على خدمة المديونية.
يمكن نحتاج دورات في التوفير والادخار وتثقيف اجباري قبل الحصول على قرض.

يا حي الاسلامي. ع الاقل تعرف متى تخلص سلفتك. لكن الربوي يقعد يرفع و يمدد و يجدول و يخليك ما تعرف راسك من كرياسك

الدين يحتاج ثقافه مثل ما قلت. مثل كل شي ثاني بالحياه. خصوصا انه يمتد لسنوات و يخرب تطور الاسره ماديا و اجتماعيا

دائما الاحظ تغييب ثقافه الادخار و التسويق الاعلامي يلعب في هالموضوع

اسهل من السلف مافي و شراء سيارات غاليه مستحيل بدول ثانيه تنشرى. وعندنا تطلعها بنفس اليوم وهم يرتبون لك مع البنك و كم سنه ما يهم

مجتمعنا للاسف مضروب بثقافه الرفاهيه ع حساب راتب وليس ثروه عند الافراد

حتى البنوك ما تشجع او تثقف للادخار و الاستثمار

بنوك بريطانيا تعطيك فائده اقل من نصف الفائده العقاريه عندنا

وانا رحت تركيا من اسبوعين و زرت بنك قطري فاتح فرع هناك

فائده العقار 1.98 تخيل انها اقل من النصف للفروع الي بالدوحه مع انه نفس البنك هني و هناك

لو المركزي يحدد مثل هالنسب لشراء ارض او عقار بنشوف كيف الانتعاش و اندفاع الافراد للتملك

[naklan]

في بعض الناس عنده شعور بالنقص..
تجده يتابع كل جديد ويشتري كل جديد ليس لارضاء رغباته ولكن لاظهار انه عنده فلوس وقادر يشتري..
والا السيارة يتغير شكلها ومواصفاتها الاساسية كل عشر سنوات تقريبا..


حيالله القطراوي كلامك صحيح اغلب الي يبدلون
السيارات بجنون طبقة كادحة لاشهار الغنى الزائف
وتلقاهم مديونين قد شعر رأسهم

[naklan]

بعد للأمانة المرسدس الاس بتتغير قريب واحتمال قريب جداً


بوعبدالله خربت موضوع نكلان هههههههههههههه
قلبته معرض سيارات :funny::funny:

لا تخافين علي يا ام جاسم بأخذ نسبتي

معماري اذا بعت لا تنسى 10% عمولة معرض

[naklan]

بالنسبة لي ممكن يكون عندي حب التغير مع اني انسان عادي مب من الهوامير ممكن مثل ماذكرت الاخت الحياة الخالده تغير نفسيه لكن مب كل سنة يعني سنتين او ثلاث سنوات لكن خلاص بأذن الله عازم اتخلص من هالعادة

حياك الله اخوي رايدر

اهم شي انك ما تدخل نفسك في ديون وتتم
سنين من عمرك وانت تدفع وفي ضيق من الديون
السيارات الجديدة ما فيها متعه هاي بريد نص كهربا
ونص بترول وما عاد فيه اسمع صوت الشكمان
دينمة تمشي وبنص مليون

[naklan]

البعض افئدتهم هواء

يبدلون بسبب وبدون سبب عنده او ما عنده

احنا نعيش غير عن باقي العالم و السبب الاحساس بالرفاهيه و حتى غير القطريين يعانون منها

معيش غير لكن مب كل سنه شوف الممشى و الاستخدام مش التغيير و بس

من الي يغيرون بيت ما عندهم و نشوف شباب يكابرون بالكشخه و المواتر و بعضهم عنده ثلاث مواتر له بروحه

وين قاعد انت وراك اسره و مسؤوليه و تعمير بيت العمر
وراك تقاعد و مصاريف يهال و مدارس خاصه واذا كبروا يبوت مصاريف اكثر

مب عيب تستحمل و تخلص الاساسيات و بعدها خذ الي تبي

الي عندهم ما يفسفسونها هالشكل وانت مرتز بموتر اقساط نص الراتب

والله نزعل اذا شفنا شباب هالشكل. ونبي لهم الخير

الحمد لله في شباب يقبلون النصيحه و يغيرون عاداتهم للافضل

الوالدين و المحيط العائلي لهم دور في تثقيف الابناء في هالامور و الصحبه ايضا لها تأثير

عن نفسي ما اغير الا كل كم سنه. لاني امشي وايد بالموتر بحدود ثلاث سنوات امشي 150 الف كم لكن ما اخذ موتر غالي لان حرام احرقه بالممشى هذا

لكن بعد ما اخلص بيت العمر بحط لي موترين عاديين للمشاوير و المدارس و موترين كشخه لي و للبيت لزوم الطلعات العدله ان شاء الله


ارحب اخوي بوعبدالله
كلامك سليم ونصحك في محله آخرتها
حتى السيارة الجديدة بتصير قديمة

الله يعينك على بيت العمر وان شاء الله يكون
خير لك وتترسه سيارات

[naklan]

يتراوى لي لو يقرأ بيعرف نفسه وبيقول صج لاحقني فترة لين وقفت عند الجمعية


فيه واحد يراسلني يقول ياخي منهو هذا الي يلاحقني
يمكن بيبي يروح مركز العاصمة فانا تصرفت وحليت الموضوع
قلت له هذا اسمه ولد العرب وساكن في الرويس :no:

[naklan]

ماجات على كل سنه سياره
فيه أمور تشرى بشكل شهري أو سته شهور أو سنوي سعرها بسعر سيارة أو أعلى بكثيير بعد.

بالأول والأخير الكل حر التصرف بحلاله و مردة بيسأل عنه بيوم الحساب من وين له و بإيش صرفة.



حيالله اختي ديور منورة
صدقتي في ما تفضلتي به وصار
الإسراف ثقافة عامة للبعض السيارات
وغيرها في أشياء ممكن الاستغناء عنها
او استبدالها بماركات معقولة
تحياتي

[Rider]

حياك الله اخوي رايدر

اهم شي انك ما تدخل نفسك في ديون وتتم
سنين من عمرك وانت تدفع وفي ضيق من الديون
السيارات الجديدة ما فيها متعه هاي بريد نص كهربا
ونص بترول وما عاد فيه اسمع صوت الشكمان
دينمة تمشي وبنص مليون

لا الحمد لله ياخوي اذا ماعندي مستحيل احط علي دين علشان سيارة

[style]

عندي 2010 X5M bmw,,وعندي 2018 كروزر للبيت وبس .,,وبيكم نيسان عراوي 2016*واستاندر
بعد جامات هندل
ومرتاح ولا ديون ولا بطيخ

[naklan]

اتوقع حرق السيارة عشان يفتك منك :happy: :happy:


ههههههههههههه يامن شرا له من حلاله عله
معماري اذا لقيت الريال سلم عليه وقوله مشبه عليك
بس خشمك ههههههههه




اتفق معاك
نفس الاجابه

وانا دايما اتفق معاك من الدوحة للشمال
تحياتي نفسي عزيزة

[naklan]

بصراحه انا اشوف مع تكرار خرابات السيارة لازم تنباع من البدايه عشان ماتزيد الخرابات ويطيح سعرها انا من عشر سنين سيارتين بس الحاليه مافكر اغيرها لانه ممشاها اصلا قليل صار لها اربع سنين عندي وتوها عشر الالاف كيلو ��

مرحبا اختي ضوى
السيارة الى 150 الف لن تحتاج مصاريف او صيانة
وتعتبر جديدة وخاصة التويوتا واللكزس سيارات قليلة
ما تحتاج صيانة لذالك سيارتك بحالة الوكالة
و 10 الاف ممشى قليل جدا

[naklan]

حولوا الموضوع الى الاستراحه لو سمحتوا :telephone:


انت بالذات نتناقش انا والحياة الخالدة بنسوي عليك
بند لقلة المشاركة يالله نقلو ولد العرب للاستراحة

:whistling:

[نفسي عزيزه]

ههههههههههههه يامن شرا له من حلاله عله
معماري اذا لقيت الريال سلم عليه وقوله مشبه عليك
بس خشمك ههههههههه





وانا دايما اتفق معاك من الدوحة للشمال
تحياتي نفسي عزيزة

:oops:

[معماري قطري]

انت بالذات نتناقش انا والحياة الخالدة بنسوي عليك
بند لقلة المشاركة يالله نقلو ولد العرب للاستراحة

:whistling:

هو متقوقع في الاستراحة ما ادري شلون لف منيه

[معماري قطري]

لا تخافين علي يا ام جاسم بأخذ نسبتي

معماري اذا بعت لا تنسى 10% عمولة معرض

لا تهتم الميني قربت تنباع جابت 45 وانا طالب فيها 50 والله يسهل ويوفق راعيها وما بتقصر معاي بتعوضني الخمس آلاف والا اشتركوا انت وبنت جاسم وعوضوني ولكم أجر

[sara jsm]

بل 5 الاف مرة وحدة !؟*
من متى المعرفه !؟ لا اعرفكم ولاتعرفوني ... مع السلامة

[معماري قطري]

بل 5 الاف مرة وحدة !؟*
من متى المعرفه !؟ لا اعرفكم ولاتعرفوني ... مع السلامة

ابيع ممتلكاتي بعد التقاعد إحتمال اهاجر اروح ميامي اشتري طراد صغير اصيد سمج ولو توفقت في عصابة كولومبية باشترك معاهم في تهريب أي ممنوع شكلي يبين بريء وانفع لهذي الشغلات

[تاجر كشخة]

لا شكل اللكزس ما راح يتغير
أجلوا التغيير ليين سنة 2022
وهالشي أكد عليه سلمان عبدالغني

لكن الموتر فعلا رهييب
والمثل الإنجليزي يقول :
you get what you pay for

:)

الشور عند عطران الشوارب آكيو تويودا :nice:

http://b.up-00.com/2019/03/155144890483641.jpg (http://www.up-00.com/)

[معماري قطري]

توقع التغيير عيل قريب ويبون يصرفون اللي عندهم

المعارض متروسة والوكالات والأسعار غالية

[naklan]

عندي 2010 X5M bmw,,وعندي 2018 كروزر للبيت وبس .,,وبيكم نيسان عراوي 2016*واستاندر
بعد جامات هندل
ومرتاح ولا ديون ولا بطيخ

شغل عدل اخوي ستايل
القناعة زينة ومريحة
تحياتي




لا تهتم الميني قربت تنباع جابت 45 وانا طالب فيها 50 والله يسهل ويوفق راعيها وما بتقصر معاي بتعوضني الخمس آلاف والا اشتركوا انت وبنت جاسم وعوضوني ولكم أجر


يالربع حد يعرف من هذا العضو المدعو معماري خبروني
أمنو الريال هذا ماروم اسير ارمس معاه وأبويه

[معماري قطري]

شغل عدل اخوي ستايل
القناعة زينة ومريحة
تحياتي






يالربع حد يعرف من هذا العضو المدعو معماري خبروني
أمنو الريال هذا ماروم اسير ارمس معاه وأبويه

اتشرف بك يا نكلان وعازمك على عشاء بكرة تختار المكان اللي يريحك وما عليك زقرتي مال أول احب الدوارة والهياتة

[naklan]

اتشرف بك يا نكلان وعازمك على عشاء بكرة تختار المكان اللي يريحك وما عليك زقرتي مال أول احب الدوارة والهياتة


تسلم يا برنس كثر خيرك وتتعشى معك الملائكة
انا هايت اول ردي خارج الوطن هههههههه

[naklan]

من ردود الشباب مافيه واحد منكم عنده سيارة كلاسيك
لجده او ابوه او عمه كل السيارات جديدة

[style]

من ردود الشباب مافيه واحد منكم عنده سيارة كلاسيك
لجده او ابوه او عمه كل السيارات جديدة
موضوعك مش عن السيارات الكلاسيكية ،،موضوعك عن كم الفترة اللي تبدل سيارتك فيها
موضوع السيارات الكلاسيكية موجود لكن مش هذا هدف المشاركة

[معماري قطري]

تسلم يا برنس كثر خيرك وتتعشى معك الملائكة
انا هايت اول ردي خارج الوطن هههههههه

الله يحفظك تيك كير واهتم باحتياطاتك الأمنية

[معماري قطري]

من ردود الشباب مافيه واحد منكم عنده سيارة كلاسيك
لجده او ابوه او عمه كل السيارات جديدة

عم الوالد الله يغفر له توفى وعنده مرسدس 450 اس اي ال موديل 76 واستلمه ولد عمتي رتبه وعليه رقم رباعي خاص باشوف لو يمدنا بصور له

[naklan]

موضوعك مش عن السيارات الكلاسيكية ،،موضوعك عن كم الفترة اللي تبدل سيارتك فيها
موضوع السيارات الكلاسيكية موجود لكن مش هذا هدف المشاركة


الموضوع عن مدة استخدام السيارة
وهل ممكن تحتفظ بها طول العمر اخذتها من قريبك من ابوك
او عمك بعض الناس ما زال يملك اول سيارة اشتراها
وما زالت معه

[naklan]

الله يحفظك تيك كير واهتم باحتياطاتك الأمنية

لا توصي رابط حزام الأمان ههههه



عم الوالد الله يغفر له توفى وعنده مرسدس 450 اس اي ال موديل 76 واستلمه ولد عمتي رتبه وعليه رقم رباعي خاص باشوف لو يمدنا بصور له




احس ان هذا النوع له هيبة حتى وهو قديم خاصة
اللون الكحلي عجيب من عجائب عصره ويستاهل التخزين

وأيد ناس الان عندهم ستورات ويخفضون سياراتهم القديمة
للذكرى ياما رمينا سيارات وبعناها تخلص منها والان
نتمنى نشوفها راحت للأسف

[معماري قطري]

لا توصي رابط حزام الأمان ههههه





احس ان هذا النوع له هيبة حتى وهو قديم خاصة
اللون الكحلي عجيب من عجائب عصره ويستاهل التخزين

وأيد ناس الان عندهم ستورات ويخفضون سياراتهم القديمة
للذكرى ياما رمينا سيارات وبعناها تخلص منها والان
نتمنى نشوفها راحت للأسف

أحد الإخوان وهو عديلي يحب البورشات وجامع كم سيارة .. له موقع ما اذكر الرابط بس بحاول اشوفه وفيه صور وايد خصوصاً لل 911 إحداهم استعملتها وبقت عندي فترة صفراء وكان لي صديق طيار يشتغل في طيران الخليج في بداية حياته .. قال لي خايف اخوي يكسرها خلها عندك وتقدر تطلع فيها .. مجرمة على طريق الوعب ما ادري كم جابت أيام الدوارات وما خذت الا الدوار في ويهي وزين ما دخلت فيه .. قلت في نفسي مسكين خايف على السيارة من اخوه وما خاف عليها مني .. الله يذكرك بالخير يا بو ظاهر وتحية لك من هنا

[معماري قطري]

لون المرسدس ذهبي بارسل لراعيه اطلب صورة له