موضوع محيرني..

[سالم الزهران]

السلام عليكم.. مساكم الله بالخير

دق جوالي عقب العصر.. رديت.. الا أصغرنا عمره سبع وعشرين سنة.. فاتحني في موضوع الزواج.. ( قال لي : يا أخي ابي أعرف رأيك.. تعرف الزواج نص الدين وأنا ابي اتزوج بس تكون مطلقة).

ما أخفيكم أول مرة أسمعها جاني أحساس غريب.. قلت له : في بالك حد معين؟ قال لي : أبداََ.. و نا قدامي سنة عشان أخلص بنيان و لكن أبي الخوات يدورون لي وظني ما بيتشجعون اذا ما اتفقنا نحن الأخوة ولهذا السبب أنا كلمتك!
قلت له: زين خلني أرتب قعده مع اخوانك.. لكن المطلقة كيف تميزت عندك؟ قال لي : جتني الفكرة ونا ابغي الستر ونا شايف بعض ربعي متزوجين بنات صغار واغلبهم متمشكل.

تساؤلاتي :

1_ مالذي يدفع شاب في مقتبل حياته يفكر تفكير حتى اللي يبي ثانية وثالثة ما يطري عليه أحياناََ؟

2_ شنو دورك ومسؤوليتك إذا أخوك /ابنك طلب منك نفس الطلب؟


ترددت أطرح الموضوع.. لكن ربما نجد لديكم ما يفيد و جزاكم الله خير.

[style]

الموضوع في بطن الشاعر الله يسلمك،،اخوك مايهرول عبث،،خذها مني

[Rider]

والله ياخوي التوفيق من الله مب شرط اذا خذيت بنت ماقد تزوجت يعني بتفشل لازم تحسن الاختيار اما المطلقة ممكن ياخذها واحد عمره في اخر الثلاثينات يعني المطلقة هاذي ليش اطلقت

[معماري قطري]

أذكر قصة ثنتين من عجايزنا الله يرحمهم وبعد وحدة ثالثة ما ادري اذا حية أو ميتة لكن وحدة تزوجت أحد كبار رجال الدولة في ذاك الوقت وبن عمها في أرامكو يشتغل في بداية حياته وأيام الفقر رجع قطر حصلها عندها بنتين منه مسك زوجها قال له شرايك تطلق والا تموت .. قال خلاص مطلق وطلقها وتزوجها ولد عمها

الثانية كانت زوجة شخص وتطلقت وبعد تزوجها رجل معروف في الدولة وبقت لين توفت عنده

الثالثة والأخيرة تزوجها واحد وطلقها وتزوجها ثاني وطلقها وتزوجها الثالث وبقت عنده ومن الثلاثة جابت أبناء وبنات وتشوفهم أسمائهم تختلف لكن اخوان ويحبون بعض وكأنهم من أب وأُم واحدة

بس اصرار رفيجك يتزوج مطلقة تفسيره مثل ما قاله ستايل في بطن الشاعر .. لو حاطه في موضوع الألغاز ممكن حد من الحليلين يحله

[nooora]

https://www.youtube.com/watch?v=WjqwTgaU2z8

[nooora]

الله يوفقكم ،،،، استشير عبدالعزيز الانصاري في رقمه وايميله ويمكن يشوف لكم بنت حلال ،،،،

[سالم الزهران]

الموضوع في بطن الشاعر الله يسلمك،،اخوك مايهرول عبث،،خذها مني

انت جيت ع العوق.. بس الاخو مرره منكر! والزمن بيكشف.

والله ياخوي التوفيق من الله مب شرط اذا خذيت بنت ماقد تزوجت يعني بتفشل لازم تحسن الاختيار اما المطلقة ممكن ياخذها واحد عمره في اخر الثلاثينات يعني المطلقة هاذي ليش اطلقت
صدقت اخوي رايدر.. الموضوع يبغي له بحث و نثيل

[سالم الزهران]

أذكر قصة ثنتين من عجايزنا الله يرحمهم وبعد وحدة ثالثة ما ادري اذا حية أو ميتة لكن وحدة تزوجت أحد كبار رجال الدولة في ذاك الوقت وبن عمها في أرامكو يشتغل في بداية حياته وأيام الفقر رجع قطر حصلها عندها بنتين منه مسك زوجها قال له شرايك تطلق والا تموت .. قال خلاص مطلق وطلقها وتزوجها ولد عمها

الثانية كانت زوجة شخص وتطلقت وبعد تزوجها رجل معروف في الدولة وبقت لين توفت عنده

الثالثة والأخيرة تزوجها واحد وطلقها وتزوجها ثاني وطلقها وتزوجها الثالث وبقت عنده ومن الثلاثة جابت أبناء وبنات وتشوفهم أسمائهم تختلف لكن اخوان ويحبون بعض وكأنهم من أب وأُم واحدة

بس اصرار رفيجك يتزوج مطلقة تفسيره مثل ما قاله ستايل في بطن الشاعر .. لو حاطه في موضوع الألغاز ممكن حد من الحليلين يحله

هذاك أول.. اليوم الشباب ما يندرى عنهم.. صبرهم قليل

[سالم الزهران]

الله يوفقكم ،،،، استشير عبدالعزيز الانصاري في رقمه وايميله ويمكن يشوف لكم بنت حلال ،،،،

جزاك الله خير نورا.. الدكتور الانصاري أول مرة اجوفه والفايدة بتحصل لان مجتمعاتنا متشابهة ف هذي النواحي بالذات.

[Dana’1]

هو قالها لك بكل و ضوح الي تزوج صغيرات متمشكل !
ممكن بباله المطلقه جربت الحياة الزوجيه والانفصال و طبيعي انها مستحيل تفكر بالانفصال للمره الثانيه إلا اذا لسبب قاهر مثل عنف الخ .. لكن خلافات عاديه يمكن حلها بالتفاهم عادي .. و إنها سهل تقدم تنازلات عن بعض الامور عشان ..طبعا ممكن يظن إن المطلقه بتكون كذا لأن ربط الصغيره بالمشاكل.
نسى إن فيه صغار سن مطلقات بعضهم تحت العشرين .
والحقيقه إن المرأه كيف ماكانت وبأي سن وبأي حاله إجتماعية كانت تبغى زوج خلوق سند لها كريم بالمشاعر وحتى بالعطاء المادي حسب إستطاعته مو شي فوق إمكانياته طبعا.
صدقني إذا تعرف إنه حسن المعشر كريم النفس محترم من الأخر بتصبر* على باقي الأمور هذابالغالب
وطبعا لكل قاعدة شواذ

وطبعا ممكن الي ذكرته ما يكون ابدا سببه للزواج من مطلقه

لكن الأكيد إنه لازم يعرف إن المطلقه طالعه من علاقه غالبا تكون فيها مجروووحه او مهزوزة الثقه من صوب الرجال ما تثق فيهم من فشل الزواج نفسه غير نظرة المجتمع طبعا .. يعني مو شرط تكون تكره الرجال لكن عالاقل حذره ومترقبه وخايفه من فشل ثاني فبتكون عليه مسؤليه يعوضها و يعزز لها هالثقه ويخليها تشوف إن الحياة الزوجيه شي جميل ...إذا يقدر خير وبركه وعساه عالقوه .
بالأول والأخير هذي رغبته

[مضارب دوسري]

امشش معاه فالموضوع وفالنهايه راح يقولكم روحوا البيت الفلاني :pilot:

فالنهايه حسب تفكيره وعقليته ورزانته

مستحيل احد يقول ابي مطلقه كشرط (الا اذا تفكيره مادي من حيث تكون التكاليف قليله او انه هناك معرفه او وحده يبيها)

ممكن الواحد يبي يتزوج ويدورون له بنت الحلال ويحصلون وحده مطلقه او ارمله وهكذا

بس انه يحدد هالشي كشرط للزواج هنا يكون اكيد فيه معرفه

اعتقد في احد من المقربين او الجيران او المعارف القراب
منكم

مطلقه فهو قال هذا الشرط لانه يدري اول من بتفكرون به هي اللي في باله
وانه اذا ما قال هذا الشرط ف اكيد راح تدورون له بنت ما تزوجت من قبل ف قال هذا الشرط عشان يقرب الموضوع

[سالم الزهران]

هو قالها لك بكل و ضوح الي تزوج صغيرات متمشكل !
...إذا يقدر خير وبركه وعساه عالقوه .
بالأول والأخير هذي رغبته

نفس تفكيرك اخت ديور.. المطلقة وغير المطلقة كلن له طبعه وقسمة ونصيب.. يعني المطلقة بتغير عقب الطلاق اذا كانت هي السبب.. الحين نحاول نتلمس الاشياء الخطأ في تفكير الاخو.. بس لو كان مجرد اختيار.. اعتقد انه بيتعرض لنقد شديد من الأسرة.


امشش معاه فالموضوع وفالنهايه راح يقولكم روحوا البيت الفلاني :pilot:

فالنهايه حسب تفكيره وعقليته ورزانته

مستحيل احد يقول ابي مطلقه كشرط (الا اذا تفكيره مادي من حيث تكون التكاليف قليله او انه هناك معرفه او وحده يبيها)


بس انه يحدد هالشي كشرط للزواج هنا يكون اكيد فيه معرفه


مطلقه فهو قال هذا الشرط لانه يدري اول من بتفكرون به هي اللي في باله

وانه اذا ما قال هذا الشرط ف اكيد راح تدورون له بنت ما تزوجت من قبل ف قال هذا الشرط عشان يقرب الموضوع

هلا بك اخوي مضارب.. ودي انه قال ابي فلانه بنت فلان.. خصوصاََ اذا من الاقارب أو الجيران و يطيح الحطب.. بنفسر انه شافها او حد قال له عليها! عموماََ بننطر ونجوف وين بتطلع..

اما من ناحية التكلفة المادية.. ف العشرين الف والثلاثين الف ما اظن تخلي الواحد يركب لنا الفلتر العود ذيه (مطلقة)؟ لان التكاليف اغلبها في القاعات والعشاد وهذي عندنا ثابتة سواءََ للبنت او المطلقة.. لهذا استبعدت الموضوع المادي.

الحاصل كلامكم تحليل شافي وافي للي ممكن يمر بأذهاننا نحن الاخوة الكبار.. لكن بعيد عن التفسير.. خلوني انا أجاوب على السؤالين اللي كتبتهم وإن كان الاخوة والخوات اجابوا عنها ضمنياََ في مشاركاتهم.

من صوبي ما ابغيه يتزوج مطلقة اذا كان أول زواج له.. بصراحة ونستثني اذا كانت تقرب له..

أما اللي يخلي الشباب يفكرون هالتفكير ( واعتقد يمكن أخونا من الرواد).. فهو النماذج السيئة في اصدقاؤهم اللي يشوهون صورة الزواج ويلقون باللوم ع الطرف الآخر... ويمكن ما يكون تبرير كافي والله أعلم

[sweet qatar]

اعتقد والعلم عند الله ان هدف اخوك هو الاستقرار ما يبي اللويه والمشاكل
شباب هالايام تعقدوا من السوشال ميديا و تجارب الي حولهم
يحسبون المطلقة بتكون اركد و أركز وأحرص على بيتها

ولا تحط تفكير واحد متزوج مثل تفكير العزوبي

لأني سمعت عن اكثر من شاب بنفس الطلب ولاواحد فيهم كان حاط حد في باله
تزوجوا على اختيار أهلهم

واجبك ياخوي توعيه تقوله المره مهما كان وضعها نصيب
عليه الدعاء والتوكل على الله والاخذ بالاسباب

وان كان في خاطره حد بعد اوقف معاه هذا حقه عليك دام انه طلب الحلال

الله يوفقكم و يوفقه ويرزقه الزوجه الصالحه الي تسعده

[سالم الزهران]

اعتقد والعلم عند الله ان هدف اخوك هو الاستقرار ما يبي اللويه والمشاكل
شباب هالايام تعقدوا من السوشال ميديا و تجارب الي حولهم
يحسبون المطلقة بتكون اركد و أركز وأحرص على بيتها

ولا تحط تفكير واحد متزوج مثل تفكير العزوبي

لأني سمعت عن اكثر من شاب بنفس الطلب ولاواحد فيهم كان حاط حد في باله
تزوجوا على اختيار أهلهم

واجبك ياخوي توعيه تقوله المره مهما كان وضعها نصيب
عليه الدعاء والتوكل على الله والاخذ بالاسباب

وان كان في خاطره حد بعد اوقف معاه هذا حقه عليك دام انه طلب الحلال

الله يوفقكم و يوفقه ويرزقه الزوجه الصالحه الي تسعده

اشكرك ع المداخلة اخت سويت.. ونحن نحكم من خلال انفسنا وتجاربنا.. واخاف على الأخ هذا من الزن على الودان.. بكرة النهار... بصراحة ما أشوفها ظاهرة صحية.

[معماري قطري]

هذاك أول.. اليوم الشباب ما يندرى عنهم.. صبرهم قليل

صحيح كلامك والله يوفقه ويكمل نص دينه

من خلال ما قرأت إن تكاليف الزواج عندكم 20 - 30 ألف وهذي كانت عندنا يمكن قبل الحرب العالمية والله يوفقه

انا تحليلي للموضوع إنه معجب بوحدة مطلقة ويبيها وقال لك يبي يجس نبضك ويعرف ردة الفعل .. الله يوفقه والبعض يفكر وايد مع إنه شيء شخصي وسهل ولنا في نبينا الكريم صلى الله عليه وسلم الأُسوة الحسنة

[ابو عبدالله.]

صبحكم بالخير

الزواج توافيق

يمكن المطلقه تطلقت عشان اطباعها او فيها نفس الي ما تزوجت و يتمشكل معاها بعد

وممكن البنت العزباء تكون له خير

برأيي ان التغيير الي حصل بالمجتمع و الاختلاط و العمل له تأثير على عقليه البنات و تعاملهم مع الزوج

و الشباب ايضا تغيروا

البعض. من الطرفين يريد الزواج لكن لا يريد ملحقاته

يريد الاستقرار بدون تحمل المسؤوليه كامله

يريد ابناء مع عدم تغيير نمطه الحياتي من طلعات و اصحاب و سفرات

يريد عائله بدون توصيل و مصروفات و تدريس

معليش بتعمق شوي

شاب يكشخ بموتر كشخه و زوجته يجبرها تدفع نصف الايجار.

زوجه تشتري ساعات ب 150 الف بسلفه راتب و الزوج يبني بيت الاسكان و مديون ما تفكر تساعده و بعدين يرجع لها

بنات قبل الزواج بمواتر ب 600 الف بسلفه راتب و تبي تتزوج و ترمي كل شي ع الزوج و تطلب منه نفقه شهريه كمصروف وهو متزوج بالسلف اصلا و تطلب يأجر بيت وما يسكن ببيت ابوه

مطالب الطرفين توصل لشيء جنوني بدون اي تنازلات من الطرفين

هذه حالات سمعت عنها

حتى المتزوجين من اكثر من عشر سنوات وكانوا اوكي فتره طويله

الحين نسمع مشاكل عن حلب الزوجه لراتب الزوج او مقارنه زوجها ببعض الرجال الاخرين وهذا سوى لزوجته و زوجي ما يسوي مثله

و زوج ما يبي يدرس ولا يوصل عياله للمدرسه ولا يبي يطلعهم الا مره بالاسبوع و ساعتين بس

تبون حياه عزوبيه لا تتزوجون يا تقبل المسؤوليه و التنازل ببعض الامور ولا لا تتزوج

قبل كنا نقول ان الاوروبيين مجانين. ما يتزوجون الا بعد ال 40

الحين صرنا مثلهم. الشاب يتجاوز الثلاثين و الخمسه وثلاثين و البنت توصل ثلاثين واكثر

وكلن له حياته الي تعود عليها وما يبي يغير الكثير بعد الزواج


الله يهدينا و يهديهم.

[سالم الزهران]

صحيح كلامك والله يوفقه ويكمل نص دينه

من خلال ما قرأت إن تكاليف الزواج عندكم 20 - 30 ألف وهذي كانت عندنا يمكن قبل الحرب العالمية والله يوفقه

انا تحليلي للموضوع إنه معجب بوحدة مطلقة ويبيها وقال لك يبي يجس نبضك ويعرف ردة الفعل .. الله يوفقه والبعض يفكر وايد مع إنه شيء شخصي وسهل ولنا في نبينا الكريم صلى الله عليه وسلم الأُسوة الحسنة

صباح الخير بو عبدالله.. هذا الاحتمال مقدر استبعده.. كون انه حاط عينه.. (وارد لكن ليش ما يقول).. أما تكاليف الزواج فتختلف من ناس لناس.. عندنا مهر مية الف وعندنا ثمانين وعندنا ستين.. أقل شيء.. والمطلقة انقص بعشرين الف.. اما بقية التكاليف مثلما هي.. فالسبب ليس المادة لان المخاسير قريبة لبعضها.

[سالم الزهران]

صبحكم بالخير

الزواج توافيق

يمكن المطلقه تطلقت عشان اطباعها او فيها نفس الي ما تزوجت و يتمشكل معاها بعد

وممكن البنت العزباء تكون له خير

برأيي ان التغيير الي حصل بالمجتمع و الاختلاط و العمل له تأثير على عقليه البنات و تعاملهم مع الزوج

و الشباب ايضا تغيروا

البعض. من الطرفين يريد الزواج لكن لا يريد ملحقاته

يريد الاستقرار بدون تحمل المسؤوليه كامله

يريد ابناء مع عدم تغيير نمطه الحياتي من طلعات و اصحاب و سفرات

يريد عائله بدون توصيل و مصروفات و تدريس

معليش بتعمق شوي

شاب يكشخ بموتر كشخه و زوجته يجبرها تدفع نصف الايجار.

زوجه تشتري ساعات ب 150 الف بسلفه راتب و الزوج يبني بيت الاسكان و مديون ما تفكر تساعده و بعدين يرجع لها

بنات قبل الزواج بمواتر ب 600 الف بسلفه راتب و تبي تتزوج و ترمي كل شي ع الزوج و تطلب منه نفقه شهريه كمصروف وهو متزوج بالسلف اصلا و تطلب يأجر بيت وما يسكن ببيت ابوه

مطالب الطرفين توصل لشيء جنوني بدون اي تنازلات من الطرفين

هذه حالات سمعت عنها

حتى المتزوجين من اكثر من عشر سنوات وكانوا اوكي فتره طويله

الحين نسمع مشاكل عن حلب الزوجه لراتب الزوج او مقارنه زوجها ببعض الرجال الاخرين وهذا سوى لزوجته و زوجي ما يسوي مثله

و زوج ما يبي يدرس ولا يوصل عياله للمدرسه ولا يبي يطلعهم الا مره بالاسبوع و ساعتين بس

تبون حياه عزوبيه لا تتزوجون يا تقبل المسؤوليه و التنازل ببعض الامور ولا لا تتزوج

قبل كنا نقول ان الاوروبيين مجانين. ما يتزوجون الا بعد ال 40

الحين صرنا مثلهم. الشاب يتجاوز الثلاثين و الخمسه وثلاثين و البنت توصل ثلاثين واكثر

وكلن له حياته الي تعود عليها وما يبي يغير الكثير بعد الزواج


الله يهدينا و يهديهم.

الله المستعان.. اخوي ابو عبدالله كلامك فيه كثير من اللي عايشناه.. والتغيير ف المجتمع حاصل.. واليوم انا وانت كآباء هل بنوافق أبناءنا لو قالوا نبغي مطلقات! (طيب قرايبكم بنات مب مطلقات ليش تتركونهم)؟ هل هم قد المسؤولية؛ ولا بكرة يتراجع؟ بصراحة مقدر أشد عليه يسوي شيء ما يبيه.. وما أقدر أجذب عليه وأقوله اختيارك صحيح.

[غايه الطواش]

يمكن يحبها ويبيها بالحلال

[بوعافيه]

يعتبر ميول شخصي

[سالم الزهران]

يمكن يحبها ويبيها بالحلال

وارد أخت غاية.. اذا حدد لنا بيكون حل المشكلة.. لكن الأخ ما حدد؛ وهذا اللي يخليني أقول ان عنده فكره ينطلق منها و واجب نصححها له... الشاب اللي يبحث عن مطلقة هل هو متخيل انها ما بتطلب او طلباتها أقل.. الأخ مدري شنهي قناعته. لكن من ناحية المبدأ فأكيد مفاجأة لو جاك ولدك وقال يمه ابيك تخطبين لي مطلقة؟

[سالم الزهران]

أتوقع نوجه له سؤال ونقول له.. (علمنا عن بنت الحلال)؟
اذا ما جاوب.. نقول له رح انت ما عندك سالفة. :nea:
مدري كلامي في تحجير ولا هو نابع من عدم تقديم اخونا لمبررات كافية!

قل لنا.. ابي فلانه المطلقة بنت جيراننا
قل أبي اخت رفيجي مطلقة ولمحتها مرة ف العيادة..

اما ابي مطلقة بس؟

[sweet qatar]

موقفك مبرر لأن موقف أخوك غامض لكن هونها تهون

مثل ما ذكرت في ردي الأول مب شرط تكون وحدة في باله .. هي مب ظاهره لكنها موجودة، الزمن يخوف والواحد يدور راحته

حاول تقنعه ان بنات وايد كانوا قد مسؤولية الزواج .. وان المخاطرة موجودة في الزواج سواء بكر ولا مطلقه

افهم منه الفكرة الي في راسه من وين جات شنو أساسها

شباب هالأيام تنقصهم جرأة شباب أول الي ينط في الهوا الحين قبل لا ينط يبي يعرف بالضبط وين بينزل

مع الأيام بتتوضح الأمور

[الحياة الخالدة]

السلام عليكم ورحمة الله
شكراً على الموضوع أخوي سالم والله يوفق الجميع للشريك الصالح

طبعاً أفترض أن الأغلبية لا يرون فيمن سبق لها الزواج ثم الانفصال وبالتالي حصولها على لقب مطلقة ،، لا يرون أن السبب في عدم نجاحها في تجربة الزواج يعود لها وانما يحتمل ان يكون من أحد الطرفين أو كلاهما

بخصوص طلب الزواج من مطلقة من غير تحديد وحدة معينة بالاسم يخلينا نستبعد انه مرتبط فيها عاطفياً ،، إلا إذا كان يبي يجس النبض أولاً في مدى تقبلكم أو تقبل المجتمع للفكرة نفسها من الإقدام على الزواج من مطلقة ،، واذا شاف القبول ساعتها بيفصح عن الاسم

أما الاحتمال الثاني ففيه بعض إساءة الظن من جانبي واتمنى أكون على خطأ
يمكن البعض يفكر أن هذه السيدة نظراً لمرورها بتجربة فاشلة فبيكون عليها ان تتنازل عن الكثير من الامور ،، وبالتالي اللي بياخذها يقدر يعيش معاها بكيفه وبشروطه ،،
بما معناه وبلهجتنا الدارجة : احمدي ربج إني خذيتج ،، واذا مب عاجبج عادي أطلقج وانتي متعودة

طبعاً مجرد احتمالات وفرضيات ،، إضافة للي ذكروه إخواني وخواتي من قبلي

وتحياتي للجميع

[سالم الزهران]

موقفك مبرر لأن موقف أخوك غامض لكن هونها تهون


حاول تقنعه ان بنات وايد كانوا قد مسؤولية الزواج .. وان المخاطرة موجودة في الزواج سواء بكر ولا مطلقه

افهم منه الفكرة الي في راسه من وين جات شنو أساسها

شباب هالأيام تنقصهم جرأة شباب أول الي ينط في الهوا الحين قبل لا ينط يبي يعرف بالضبط وين بينزل

مع الأيام بتتوضح الأمور

صدقتي وهذا اللي بيصير ان شاء الله.. اشكر مرورك المعتبر سويت قطر


السلام عليكم ورحمة الله
شكراً على الموضوع أخوي سالم والله يوفق الجميع للشريك الصالح

طبعاً أفترض أن الأغلبية لا يرون فيمن سبق لها الزواج ثم الانفصال وبالتالي حصولها على لقب مطلقة ،، لا يرون أن السبب في عدم نجاحها في تجربة الزواج يعود لها وانما يحتمل ان يكون من أحد الطرفين أو كلاهما

بخصوص طلب الزواج من مطلقة من غير تحديد وحدة معينة بالاسم يخلينا نستبعد انه مرتبط فيها عاطفياً

أما الاحتمال الثاني ففيه بعض إساءة الظن من جانبي واتمنى أكون على خطأ
يمكن البعض يفكر أن هذه السيدة نظراً لمرورها بتجربة فاشلة فبيكون عليها ان تتنازل عن الكثير من الامور ،، وبالتالي اللي بياخذها يقدر يعيش معاها بكيفه وبشروطه ،،
بما معناه وبلهجتنا الدارجة : احمدي ربج إني خذيتج ،، واذا مب عاجبج عادي أطلقج وانتي متعودة

طبعاً مجرد احتمالات وفرضيات ،، إضافة للي ذكروه إخواني وخواتي من قبلي

وتحياتي للجميع

هلابك مشرفتنا القديرة.. وكلامك منطقي ونفس الظنون نتشارك فيها.. ونحاول نضمن بعد مشيئة الله أن تحفظ حقوق الطرفين، نحاول بشكل عام نطلع من الإطار اللي وضعنا فيه المطلقة و نجد انفسنا نصطدم مرة أخرى بنفس الحواجز النفسية اللي ترسبت فينا سبة المشاكل الاجتماعية ومن ابرزها الطلاق.


جزاكم الله خير جميعاََ.. وكفيتم و وفيتم.. و أسأل الله أن يوفقنا جميعاََ لاختيار الأزواج والزوجات الصالحين والصالحات لأخوتنا وأبناءنا ولمن يهنا أمره.. وأن يعيننا على تجاوز كل المخاوف والتجارب السيئة.

[المعز لقطر]

يتزوج بنت الحلال سواء بكر او مطلقة
عن جابر بن عبد الله رضي الله عنهما قال هلك أبي وترك سبع بنات أو تسع بنات فتزوجت امرأة ثيبا فقال لي رسول الله صلى الله عليه وسلم تزوجت يا جابر فقلت نعم فقال بكرا أم ثيبا قلت بل ثيبا قال فهلا جارية تلاعبها وتلاعبك وتضاحكها وتضاحكك قال فقلت له إن عبد الله هلك وترك بنات وإني كرهت أن أجيئهن بمثلهن فتزوجت امرأة تقوم عليهن وتصلحهن فقال بارك الله لك أو قال خيرا . رواه البخاري ( 5052 )
اعتقد ان نفسه بعد حين من الزمان بعد الزواج بالمطلقة ستبقى بالبكر
سبب الطلاق ضروري معرفته والستر على المظلومات واجب
الامر عادي وربنا يوفقه وهو امر شخصي وهو حر وما في الامر ما يغضب الله

[مرتبش]

اعتقد مافي فرق في تفكير المرأة المطلقة او الغير متزوجة.. لذلك افضل الصغير يتزوج صغيرة .. واذا الرجل كبير يعني ثلاثين او اربعين ذيك الساعة يبي مطلقة او ارملة على راحته ماتفرق شي

[سالم الزهران]

اعتقد مافي فرق في تفكير المرأة المطلقة او الغير متزوجة.. لذلك افضل الصغير يتزوج صغيرة .. واذا الرجل كبير يعني ثلاثين او اربعين ذيك الساعة يبي مطلقة او ارملة على راحته ماتفرق شي

حياك الله اخوي ونتفق معك حول هذه النقطة.. وفي الأمر سر.. دون تهمة لأخونا أو غيره.. الموضوع يحتاج لوضوح أكثر وهو والله اعلم.. اما ان الأخ قصده المطلقة بتكون ملاك وهذا من جهلة أو أنه راغب في حد و كما قالوا الأخوان يمهد لنا... والله يوفق الجميع..

[الجـــوديّ]

هونت أكمل قراءة باقي الموضوع ... :/

شرطتوا المطلقة بموس انتقاداتكم .. وكأن المطلقة عار وعيب .... والمطلق هو شيخ الشباب ؟!


الله يهداكم بس


واذا قال ابي مطلقة من مبدأ إنساني .... يبي يسترها .. متعاطف معاها .. فيها شي؟

يمكن بعد له نظرة انه يبي تجاوز مشاكل أول الزواج .. وغالباً المطلقة بتكون طالعة من تجربة .. نضجتها أكثر

لازم يعني تدشون في العمق وتأولون وتصرون على التأويل السلبي :court:


الله يوفق أخوك ويكتب له بنت الحلال اللي تستاهله

[سالم الزهران]

هونت أكمل قراءة باقي الموضوع ... :/
الله يهداكم بس
لازم يعني تدشون في العمق وتأولون وتصرون على التأويل السلبي :court:


الله يوفق أخوك ويكتب له بنت الحلال اللي تستاهله
اولاََ حياك يالاخت الجودي.. وجزاك الله خير ع دعوتك الطيبة.

تخيلي صار عندكم حفلة واصرت اختج تحضر بملابس عادية؟
لكل حزة لبوس... او زواج مفروض الاثنين تكون اول تجربة.

لكن ثاني زواج محد عارض.. بلعكس.

يعني ولدج بكرة يقولج ابغي مطلقة؟ تقولين تم (غلط) تقولين لا (غلط).. والوسط والمنطق يقول أنْ من حقج تعرفين ليش عشان توجهينه لو براسه افكار غلط او انه متصور ان المطلقة اسهل أو قليلة..
هذا قصدنا فلا تفهمونا بالمقلوب.. حفظك الله.

واشكرك ع مرورك

[khaldoon]

لست ضد المطلقات ولا المطلقين و لكن اريد ان أقول و بكل بساطة انه حتى البنت البكر عندما يأتي لها عريس مطلق من قبل راح تتردد اكثر من مرة قبل الارتباط به خصوصا لو كانت صغيره بالسن و من حقها ان تتمنى ان تحصل على عريس مثلها لم يسبق له تجربة الزواج من قبل و لذلك من حقكم فعلا الاستفسار لماذا يريد زوجة مطلقة من قبل ....سؤالكم مشروع و معكم حق تماما من مبدأ التعامل بالمثل

لو كان هناك سبب و هو انه يعرف هذه المطلقه من قبل و يحبها فلا بأس لو هو اصر على ذلك ......كل شخص بالغ عاقل واعي و في سن الزواج مسؤول عن اختياراته و قراراته

[سالم الزهران]

اشكرك خلدون ع التعقيب الجميل.. وفق الله الجميع لما فيه الخير

[النهار]

حطوه في خانة اليك مادري تعرف هالمثل ولا لا هههههههههههه هذا مثل معرب تعني حطوه في زاويه ضيقه ههههههه
انتوا اسألوه عن المواصفات الي يبها في المطلقه
العمر وهاذي له عدة دلالات ان كانت من 18 لين 24 اما من 25 فما فوق له دلاله اخرى
هل عندها اولاد ام لا اذا قال مش مهم اعرف انه في باله حد معين ومنيشن عليها
الحاله الماديه للمطلقه ان كانت وراثه او تعمل او عندها اعمال خاصه بها له دلاله
مكان عمل من طلبت له الاستشاره يلعب دور كبيرفي تكون شخصيته وخاصه من يعمل في الامن ؟؟؟؟؟؟
امابقية المسائل من لون او اصل وفصل والطول والعرض هذه مسائل ثانويه

[سالم الزهران]

حطوه في خانة اليك مادري تعرف هالمثل ولا لا هههههههههههه هذا مثل معرب تعني حطوه في زاويه ضيقه ههههههه
انتوا اسألوه عن المواصفات الي يبها في المطلقه
العمر وهاذي له عدة دلالات ان كانت من 18 لين 24 اما من 25 فما فوق له دلاله اخرى
هل عندها اولاد ام لا اذا قال مش مهم اعرف انه في باله حد معين ومنيشن عليها
الحاله الماديه للمطلقه ان كانت وراثه او تعمل او عندها اعمال خاصه بها له دلاله
مكان عمل من طلبت له الاستشاره يلعب دور كبيرفي تكون شخصيته وخاصه من يعمل في الامن ؟؟؟؟؟؟
امابقية المسائل من لون او اصل وفصل والطول والعرض هذه مسائل ثانويه

حياك الله الخبرة.. ارحب يالنهار الطيب
باقي مشاركة ولدنا واقول للحياة تقفل

كلامك يالنهار عملي جداََ و يفيدنا
واخوي توه داش بزنس و اظن ان الفكرة جته من هالناحية.
يمكن ربعه اللي بادي معهم عندهم أحد أو رشحوا له أحد
لو قال عن اللي في خاطره.. محد بيقطع أذونه.. بس نصيبنا مع هالشباب يلعوزونا.

[ضوى]

اخوك براسه حب مانطحن

[سالم الزهران]

اخوك براسه حب مانطحن

ما باليد حيلة يا ضوى.. نحن فقدنا المسار.. لا عاد فهمنا عيالنا ولا اخواننا.. الله يتولانا

[يمامـة]

المحير في الموضوع

ليش اخوك محتاج موافقتكم و رضاكم " اخوانه" على فكرة التقدم لمطلقة.؟

معليش صحيح اقدر اختلاف الثقافات و الاعراف ما بين ناس وناس في نفس البلد
و اعرف طبيعة الحياة في المملكة من كثير من الناس..

لكن بدل ما تستغرب يا اخوي سالم من تفكير اخوك بالتقدم لمطلقة..

المفروض تعملون على اعطاء كل شخص حقه في اختيار من يريد دام ان اختياره ما فيه عيب
دون انتظار موافقتكم..
لذلك اجدني في حيرة.. وهو كيف تعطون نفوسكم الحق في قبول او رفض
فكرة تقدمه لمطلقة و انه بحاجة الى اخباركم قبل الشروع في تطبيق الفكرة!!!

[سالم الزهران]

حياك الله اختنا العودة يمامه
بقولج سالفة : تقدم لنا قاضي لاصغر خواتي
ما نعرفه، لكن الوالد رفضه
مع ان كان ينقصنا قاضي يستوي نسيب
ابوي رفضه لانه شافه يصور سنابات :>)
فالعادات العائلية لازم نتعايش معها رغم انها مب كلها راحة

أما حكاية اخونا انه يحتاج موافقتنا هذي هو مقتنع فيها(ومتجاوزينها).
المشكلة مب في اللي بتنخطب.. ان كانت مطلقة او غيرها
المشكلة اللي بيتقدم للمطلقة هل يتوقع انها تختلف؟ او مسؤوليتها أخف! اذا نعم فهو غلطان وبيوهق المطلقة معه.
واذا كان ما تختلف فليش ما ياخذ من قريباته البنات؟

يبقى الخيار الأخير أنه يكون حاط عينه بمكان وما نستغرب شيء في زمن العولمة لك ولا اتوقع يلقى موافقة.. اذا انا انصدمت فابونا ما راح يوصله العلم اساساََ.. لكن قضيتي ابغي اتأكد من اختيار اخوي انه يستاهل و انه عرف الرجاجيل قبل اختهم.. ونقدر نلقى لها مخرج خصوصاََ اذا هم اجاويد.. من يدري!

[يمامـة]

حياك الله اختنا العودة يمامه
بقولج سالفة : تقدم لنا قاضي لاصغر خواتي
ما نعرفه، لكن الوالد رفضه
مع ان كان ينقصنا قاضي يستوي نسيب
ابوي رفضه لانه شافه يصور سنابات :>)
فالعادات العائلية لازم نتعايش معها رغم انها مب كلها راحة

أما حكاية اخونا انه يحتاج موافقتنا هذي هو مقتنع فيها(ومتجاوزينها).
المشكلة مب في اللي بتنخطب.. ان كانت مطلقة او غيرها
المشكلة اللي بيتقدم للمطلقة هل يتوقع انها تختلف؟ او مسؤوليتها أخف! اذا نعم فهو غلطان وبيوهق المطلقة معه.
واذا كان ما تختلف فليش ما ياخذ من قريباته البنات؟

يبقى الخيار الأخير أنه يكون حاط عينه بمكان وما نستغرب شيء في زمن العولمة لك ولا اتوقع يلقى موافقة.. اذا انا انصدمت فابونا ما راح يوصله العلم اساساََ.. لكن قضيتي ابغي اتأكد من اختيار اخوي انه يستاهل و انه عرف الرجاجيل قبل اختهم.. ونقدر نلقى لها مخرج خصوصاََ اذا هم اجاويد.. من يدري!

اهلين و سهلين اخوي سالم..
بالفعل موضوع نشر صور الشخص في مواقع التواصل له تأثير كبير
في قبوله عند كثيريين .. حتى شباب في عمره ممكن ينرفضون لأنهم
يشوفون هالشي غلط..

اما بخصوص اخوك و فكرته ..

اعتقد هو الشخص الوحيد اللي عنده الاجابة على السؤال.

فمهما زيننا الموضوع او انتقدناه.. محد فينا راح يفكر و يشعر في الموضوع
مثل ما هو يشعر فيه..
قد يكون حاط عينه على وحدة مطلقة.. فمستحيل اجمل بنات الدنيا يسدون عينه..
مهما اوجد عيوب في حالات الزواج من البنات من حوله..

لذلك لو برجع لموضوع الحيرة..
عني ما اشوف الموضوع فيه حيرة ابدا..
هو و قناعته .. يبيها مطلقة شوفوا له مطلقة..
بس فهموه ان ما في شي يختلف عن مطلقة غير مطلقة..
المهم يقدر هو يقود سفينة الزواج في كل حالات التقلبات اللي بتمر فيها..

و الله يوفقه و يكتب له الخير ..

[سالم الزهران]

اهلين و سهلين اخوي سالم..
بالفعل موضوع نشر صور الشخص في مواقع التواصل له تأثير كبير
في قبوله عند كثيريين .. حتى شباب في عمره ممكن ينرفضون لأنهم
يشوفون هالشي غلط..

اما بخصوص اخوك و فكرته ..

اعتقد هو الشخص الوحيد اللي عنده الاجابة على السؤال.

فمهما زيننا الموضوع او انتقدناه.. محد فينا راح يفكر و يشعر في الموضوع
مثل ما هو يشعر فيه..
قد يكون حاط عينه على وحدة مطلقة.. فمستحيل اجمل بنات الدنيا يسدون عينه..
مهما اوجد عيوب في حالات الزواج من البنات من حوله..

لذلك لو برجع لموضوع الحيرة..
عني ما اشوف الموضوع فيه حيرة ابدا..
هو و قناعته .. يبيها مطلقة شوفوا له مطلقة..
بس فهموه ان ما في شي يختلف عن مطلقة غير مطلقة..
المهم يقدر هو يقود سفينة الزواج في كل حالات التقلبات اللي بتمر فيها..

و الله يوفقه و يكتب له الخير ..

وهذا المطلوب وجزاك الله خير على التعقيب الزين

[معماري قطري]

متابع ومتوقع إن شاء الله ينتهي الموضوع نهاية سعيدة والله يوفق كل من يسعى للحلال والاستقرار