الجاكوزي ..... مهم من النوعية والتركيب والسعر والضمان ؟؟؟

[المعنى88]

السلام عليكم ...... حبيت اطرح الموضوع ( جاكوزي ) الحمام الله يعزكم وهو موضوع قديم ..... بس لازم الخبرة والمعرفة قبل الشراء لأنه أعتقد ليس الكل مهتم للموضوع .
حاليا متردد في الأختيار والتركيب ........ أتضح لي النوع والحجم والماركة والسعر والصيانة والتركيب والمميزات ....... تختلف ؟
1 - شركة السهو عندهم نوعين او 3 حسب الشكل ... السعر 7700 و11300 ريال ..... المقاس اللي ابغيه 175 × 175 سم والشكل مستطيل ... الضمان 5 سنوات
التركيب 2000 ريال ... النوع ماركة bravat الماني صناعة الصين .http://www.bravat.com/All/Product/Details/95dd7b78-33f9-4393-8d57-7acb408a5678
2 - نابينا في أسباني والصين والأسعار 7600 و 10500 ريال مقاسات واشكال مختلفة .

أخ معماري قطري ياليت تفيدني بخصوص رد سابق لنفس الموضوع :الجكوزي تبي الصج تدليع ركبت 4 وكلهم من شركة شبيب وعلي العطية ومن ماركة جكوزي .. ولو تحب نوع مدمج يجيك جكوزي وشاور مع بخار بعد عندهم .
https://www.jacuzziontario.com/hot-tubs/shop-by-collection/j-300-collection/j-315
3 - العمودي مقاس كبير وغالي واعتقد الماني ومن الصين بسعر 18000 ريال ... لكن مسارات وحركات الماي تختلف من جاكوزي لآخر .
لكن راح الف على الشركات الثانية واشوف : شبيب وعلي العطية والمتحدة وجيمكو ... اما محل جاكوزي خلاص ماعاد فيه بيع للجاكوزي .

[$الملياردير$]

صدقت اخوي محل جاكوزي كان عندهم موديل كان عاجبني اسمه هافانا اعتقد نصف دائري 160 /160 وكان بعد الخصم اعتقد 8500 البدي صناعة بحرينية والمكينة أوربية بس نسيت والله معاه أضاء منه وفيه وكان حلو ومناسب سعره .... بس خلاص راعي المحل البحريني بسكر محله وماعاد يجبون من البحرين .... عطاني فكره انه يجيبه لي من الكويت عن طريق فرعهم هناك ... لقته حاط لي تكلفة شحن في حدود 3500 بدون تركيب وبدون ضمان المحل في قطر ....يعني تقريبا فوق ثلث المبلغ شحن .... سكرت الفكرة وقلت ادور بالدوحة شي بنفس القيمة مع الضمان .... يليت تعطينا اقتراحاتك .... مع العلم انا لازم نصف دائري عشان التصميم الخاص بالحمام اعزكم الله ويكون بحد أقصى 160 سم .... وجزاكم الله خير

[$الملياردير$]

شبيب وعلي العطية أسعارهم جدا مبالغ فيها .... كافود عنده خيارات جيدة بس للأسف نصف الدائري مالقيت شي يعجبني

[معماري قطري]

صباحكم جكوزي بعطر الورد

الجكوزي هذي الأوقات أكيد يحير .. شركة شبيب وعلي العطية وعدوني عند الشراء بسرعة الصيانة وتوفر المواد واليد العاملة لكن تعبوني في الصيانة وتمت صح بس الشور والستيم صعبوا الأُمور وقالوا لازم يشيلونه كله يودونه ويرجعونه بعدين .. ودفعوني مبلغ مقدم حول 10000 استهلكت منه شوي وباقي مبلغ الله أعلم به قالوا نحفظه في الحساب ولا ادري ليش هالطريقة لكن فوق كل هذا ماركتهم أشوفها الأُولى في العالم والأرخص في قطر لأني قارنت السعر في كم دولة لنفس النوعية حصلت فرق كبير بين قطر ودبي ذاك الوقت .. قطر 35000 ودبي 42000 ومصرين على الرقم

حطيت كم نوع ماركات انجليزية واسترالية حديثة وقمة في الجودة في موضوع المطابخ واعتقد طلبها سهل وممكن والصيني كذلك النوع الجيد أكيد بيكون زين

اللي عندي للحين استعمله واستهلاك اسبوعي على الأقل مرة وأوقات حتى ثلاث مرات

من فترة شفت النوع اللي تجلس داخله وله باب مثل باب السيارة وشكله مدمج وصغير ويوصل الماي لين الرقبة .. قلت حق ولد عمتي عنه وهو عنده محل قطع صحية قال تبيه باطلبه لك مع طلبية يجي في كونتينر وتوفر سعر الشحن بس حسب جدولة الطلبيات عندنا ويطلبه من أسبانيا أو ايطاليا لأن لهم تعامل دايم مع الدولتين

[معماري قطري]

السلام عليكم ...... حبيت اطرح الموضوع ( جاكوزي ) الحمام الله يعزكم وهو موضوع قديم ..... بس لازم الخبرة والمعرفة قبل الشراء لأنه أعتقد ليس الكل مهتم للموضوع .
حاليا متردد في الأختيار والتركيب ........ أتضح لي النوع والحجم والماركة والسعر والصيانة والتركيب والمميزات ....... تختلف ؟
1 - شركة السهو عندهم نوعين او 3 حسب الشكل ... السعر 7700 و11300 ريال ..... المقاس اللي ابغيه 175 × 175 سم والشكل مستطيل ... الضمان 5 سنوات
التركيب 2000 ريال ... النوع ماركة bravat الماني صناعة الصين .http://www.bravat.com/All/Product/Details/95dd7b78-33f9-4393-8d57-7acb408a5678
2 - نابينا في أسباني والصين والأسعار 7600 و 10500 ريال مقاسات واشكال مختلفة .

أخ معماري قطري ياليت تفيدني بخصوص رد سابق لنفس الموضوع :الجكوزي تبي الصج تدليع ركبت 4 وكلهم من شركة شبيب وعلي العطية ومن ماركة جكوزي .. ولو تحب نوع مدمج يجيك جكوزي وشاور مع بخار بعد عندهم .
https://www.jacuzziontario.com/hot-tubs/shop-by-collection/j-300-collection/j-315
3 - العمودي مقاس كبير وغالي واعتقد الماني ومن الصين بسعر 18000 ريال ... لكن مسارات وحركات الماي تختلف من جاكوزي لآخر .
لكن راح الف على الشركات الثانية واشوف : شبيب وعلي العطية والمتحدة وجيمكو ... اما محل جاكوزي خلاص ماعاد فيه بيع للجاكوزي .

شفت الرابط الثاني فيه واحد أول واحد يكفي لشخصين أو 3 داخلي وما اتوقع حد بيسبح داخل البيت معاه هالشلة وبعدين يستهلك ماي .. الأفضل العادي أو اللي ذكرته تدخل فيه مثل كرسي وباب السيارة .. الربع دائري ميزته فيه كرسي للجلوس والسباحة بالرشاش والتنشف بعد التنقع في الجكوزي

البقية خارجية ولعدة أشخاص والخارجي لو بتسويه أفضل يكون له مخرج من حمام قريب وفي منطقة صادة أو فوق السطح وميزته فيه تدفئة مستمرة للماي

الرابط اللي حق الصيني يبين غزير وعيبه يمكن يكون مب مريح للجلوس فيه .. ماركة جكوزي تجي معاها مسند للراس وانحناء الظهر مدروس للاسترخاء .. انتبه لهذي النقطة ولو مناسب الصيني ممكن يطلع أحسن وأوفر من جكوزي الأصلي .. يبقى عيب الصيني في نوعية الطلاء وأوقات يجي يمسك الوصخ

[المعنى88]

السلام عليكم
لفيت أمس
1 - المتحدة نوع واحد فقط والمقاس 180×70 ... المقاس المطلوب على الطلب .... السعر 18000 ريال .... صيانة ضمان سنة
2 - شبيب وعلي العطية مقاسات ماركة جكوزي .... مقاس 180×70 السعر 28000 ريال ... مقاس 190 × 70 السعر 62000 ريال مايسوى ... صيانة ضمان سنة
3- أنصار جاليري ... صناعة الصين مقاسات مختلفة أسعار تنزيلات من 3200 الى 4800 ريال ... بدون أضأة / انوار ...ضمان سنة بدون صيانة
4- شركة شبام / العمودي عندهم مقاسات واحجام بس المطلوب غير متوفر والأسعر من 7700 الى 30000 ريال ... صيانة ضمان سنة
ماعاد السوق فيه كميات ومقاسات وشركات وعروض السوق بسيط للجاكوزي ..... وأحنا نصمم في الخرايط ونخصص مكان للجاكوزي بدون مانعرف الزين من الجاكوزي
ولا نعتمد على الطلب من الصين من موقع alibaba .... الصراحة احنا نحتاج معرفة ؟؟؟ المعروض قليل ... وهل شركات تصميم برك السباحة عندها جاكوزي الداخلي في الحمام ؟
وكل السالفة مجرد بانيوم أكريليك ومضخة / بريسار ... لكن الجمال في الحركات والجلسة والأنوار ومثل الشلال يصب عليك مع قوة دفع المضخة/ دينمة البريسر الماني / انجليزي

من موقع علي بابا
https://www.alibaba.com/product-detail/Hot-sale-freestanding-glass-bathtub-with_60734829776.html?spm=a2700.7735675.normalList .10.O4EjUa&s=p

[معماري قطري]

ما فهمت يا اخوي كيف الواحد يصمم مكان ويبي مقاس معين لهذا المكان وبعدين يتورط ما يحصله .. انا لين صممت أكون عارف المقاسات اللي في السوق وفيه كتلوجات الكترونية .. وقبل لابدأ شغل التمديدات والتبليط أكون شاري ومجهز كل شيء على أساس اللي شاريه

180 كطول لشخص واحد مناسب وعندك 190 وفيه مترين وفيه شوي أكثر وهذا عرض غالبية حماماتنا .. العرض 70 سم مناسب كذلك لغالبية الحمامات بمقاس 2 في 3 .. حتى لو بتركب جكوزي أو بانيو أقصر بشوي تقدر تكمل وراه بتبليط قليل ويكفي له ضلع ال 2 متر

شركات أحواض السباحة جيمكو أو جامكو يسوون أي مقاس تبيه بخرسانة وتبليط واتوقع تدمر كذلك ومسوين خارجي لبيوت كثيرة مع حوض السباحة

اللي ماشي في الدوحة أغلبه الجكوزي لشخص واحد

الزاوية 1.45 لحد 1.35 ممكن تحصله وممكن مقاس 1.5 لبعض الأحجام الكبيرة .. أما تشتري من موقع ويشحنون لك قصة ثانية الا يكون عليه ضمان وماركة معروفة ومن موقع مضمون يجيبه لك كامل القطع

أتكلم من واقع تجربة وانا مركب 4 في البيت واحد زاوية وثلاثة سيدة

فيه أنواع حديثة يجي فيه لها برمجة وتعطي ضغط مساج بحيث تشتغل فتحة قوة وتوقف وتشتغل الثانية وهذا أكيد غالي وفي الغالب ماركة جكوزي أو ماركة معروفة ثانية .. حتى لو تبي خارجي وقرب حوض سباحة تاخذ الهوت توب اللي معاه تغطية لما بعد الاستعمال وتريح راسك من شركة تسوي لك شيء دفش بالخرسانة

[معماري قطري]

ما فهمت يا اخوي كيف الواحد يصمم مكان ويبي مقاس معين لهذا المكان وبعدين يتورط ما يحصله .. انا لين صممت أكون عارف المقاسات اللي في السوق وفيه كتلوجات الكترونية .. وقبل لابدأ شغل التمديدات والتبليط أكون شاري ومجهز كل شيء على أساس اللي شاريه

180 كطول لشخص واحد مناسب وعندك 190 وفيه مترين وفيه شوي أكثر وهذا عرض غالبية حماماتنا .. العرض 70 سم مناسب كذلك لغالبية الحمامات بمقاس 2 في 3 .. حتى لو بتركب جكوزي أو بانيو أقصر بشوي تقدر تكمل وراه بتبليط قليل ويكفي له ضلع ال 2 متر

شركات أحواض السباحة جيمكو أو جامكو يسوون أي مقاس تبيه بخرسانة وتبليط واتوقع تدمر كذلك ومسوين خارجي لبيوت كثيرة مع حوض السباحة

اللي ماشي في الدوحة أغلبه الجكوزي لشخص واحد

الزاوية 1.45 لحد 1.35 ممكن تحصله وممكن مقاس 1.5 لبعض الأحجام الكبيرة .. أما تشتري من موقع ويشحنون لك قصة ثانية الا يكون عليه ضمان وماركة معروفة ومن موقع مضمون يجيبه لك كامل القطع

أتكلم من واقع تجربة وانا مركب 4 في البيت واحد زاوية وثلاثة سيدة

فيه أنواع حديثة يجي فيه لها برمجة وتعطي ضغط مساج بحيث تشتغل فتحة قوة وتوقف وتشتغل الثانية وهذا أكيد غالي وفي الغالب ماركة جكوزي أو ماركة معروفة ثانية .. حتى لو تبي خارجي وقرب حوض سباحة تاخذ الهوت توب اللي معاه تغطية لما بعد الاستعمال وتريح راسك من شركة تسوي لك شيء دفش بالخرسانة

[المعنى88]

أنا أفهمك ياللخو ..... بقولك عن تصميم للحمام مع الأستشاري لازم أسأل وأدقق في الخارطة قبل لا أنفذ .......
الحمام الرئيسي / الماستر صممت على الرخام مقاس الحمام 5م × 2.4سم ... موزع مغسلة من الرخام مع شاور من الرخام في الوسط مابينهم الجاكوزي قبل لا أفصل المقاس المطلوب
مابين المغسلة والشاور .... قعدت مع الأستشاري قلت له مريت أشوف المقاسات مالقيت المطلوب طلع كتالوج من شركة كافود لقينا افضل مقاس 180× 120 سم صممت على المقاس
في التنفيذ .. لما ركبت الرخام في طوفتين من الرخام مابين المغسلة والشاور ...نقص المقاس بلوسط للجاكوزي أنه يتركب في الوسط من 180سم الى 175 سم ... يعني الرخام للطوفة
2سم يمين و2سم يسار أخذ من المقاس المطلوب ... فصرت أدور من 175سم أو 170 سم طول الجاكوزي المناسب للتركيب .... حاليا موجود في منه المقاس .... لكن الرغبة في الكماليات من أضاءة وقوة دفع
هذا صورة التصميم : 102220
مريت جيمكو مايسوون جاكوزي وحتى تدمر ماعندهم جاكوزي ....... ممكن أثنين وثلاثة وشخص واحد موجود في السوق من الجاكوزي
اللي عجبني موجود عند العامودي بداية شارع سلوى .... أيطالي / يوناني مقاس 185 × 1.05 سم .... بقيمة 18000 ريال فيه أضاءة وحركة ضغط مساج من الجانب و من الأسفل
وحركة الشلال او يصب الماي لاف دائري .... لكن المشكلة مايركب عندي بسبب المقاس .
وهذا ماشفته قبل التصميم ....... يعني النصيحة للي يفكر يركب جاكوزي لازم يشتريه قبل لايصمم شكل الحمام / أو يفكر قبل لايعمل رخام وحاجز في الحمام .

[معماري قطري]

شيء أكيد نصيحتك في محلها ونصحت بها كثير .. كل المواد تشتريها قبل بفترة وأقل شيء تدفع قيمتها وتخليها مخزنة عند بائع توثق فيه إنه بيخليها

تصميم حمامك حلو .. عندي حل لو ممكن تكلم اللي ركب الرخام لو يقدر يفك يصغر شوي صوب المغاسل وتوسع للي تبي أو يوسع صوب الغرفة الصغيرة أعتقد مخزن صغير أو كبت تحت الا لو كان طابوق بارتشن صج بتصير لك شغلة وفيها تكسير لو مركبه ميكانيكل وبارتشن مجوف بدون طابوق أو خشب بيكون أسهل

الله يعينك شكلك تبي الزين وأخطيت في الشراء المسبق وفي التأكيد على عامل الرخام يسوي فتحة شوي أوسع

لو انا مكانك باخلي الكرسي والبديه مكان الجكوزي وبياخذون حول متر ونص وبتبقى لي مساحة في الأخير للجكوزي قرب الدريشة وقدامه منطقة لشاور مفتوح على البلاط وفتحة تصريف طولية في الأخير ومكان الشاور والجكوزي مسكر بباب قزاز وأقدر احط مضخة بخار واسوي كرسي للجلسة لحمام البخار

[المعنى88]

امس مريت اشوف الريان لبرك السباحة ...... اسعار غالية وعلى الطلب للجاكوزي يبدا من 30000 الى 40000 ريال .. واصغر مقاس 199 سم طول .. عرض 120سم يتركب داخلي في الحمام .... التوريد من أسبانيا ماركة ASTRALPOOL >>>> هذا الرابط : https://www.astralpool.com/en/products/wellness/spa-zone/advanced-range/
والمدة شهرين للتوريد والضمان سنوي ...... وكنت سألت عن أمكانية حمام سباحة مع الجاكوزي خارجي بمقاس 9 × 6 متر ... العمق 160سم ... مع التبليط والكهرباء والتمديدات
وغرفة المكينة تسويه من الفايبر ... يطلع السعر أكثر من 100000 ريال ... زمان في التسعينات او الالفية من 50000 ريال لحمام سباحة على ما اذكر .... اليوم تغيرت اسعار بالضعف .

[معماري قطري]

امس مريت اشوف الريان لبرك السباحة ...... اسعار غالية وعلى الطلب للجاكوزي يبدا من 30000 الى 40000 ريال .. واصغر مقاس 199 سم طول .. عرض 120سم يتركب داخلي في الحمام .... التوريد من أسبانيا ماركة ASTRALPOOL >>>> هذا الرابط : https://www.astralpool.com/en/products/wellness/spa-zone/advanced-range/
والمدة شهرين للتوريد والضمان سنوي ...... وكنت سألت عن أمكانية حمام سباحة مع الجاكوزي خارجي بمقاس 9 × 6 متر ... العمق 160سم ... مع التبليط والكهرباء والتمديدات
وغرفة المكينة تسويه من الفايبر ... يطلع السعر أكثر من 100000 ريال ... زمان في التسعينات او الالفية من 50000 ريال لحمام سباحة على ما اذكر .... اليوم تغيرت اسعار بالضعف .

العمق 160 سم ما بيفيدك في شيء .. أول شيء مزعج للي ما يعرف يسبح وثاني شيء ما يفيدك لو بتطب رويسي راسك يضرب تحتاج 250 سم عمق

العمق المثالي 125 سم وهو المعتمد للسباحة وللفنادق وغالبية الصغار يقدرون يوقفون فيه .. انا سويت متدرج وأقصى عمق فيه 145 وطلع مزعج للبقية لي ما عندي مشكلة بس بعد عميق .. لو تبي متدرج خله جهة 90 وجهة 120 كفاية ومر شوف تدمر شغلهم زين في أحواض السباحة ويسوونه بالخرسانة المقذوفة

[معماري قطري]

لو بتسوي حوض سباحة حلو تسوي معاه جكوزي نفس اللي في الكتلوج ولعدة أشخاص أما للداخل مفرد كفاية .. والجكوزي الخارجي بعضهم فيهم خاصية تصخين الماي وبعضهم لا

[معماري قطري]

للجكوزي الداخلي وعلى حسب الوضع اللي عندك تقدر تلاقي بسهولة بطول يناسب الفتحة اللي عندك 180 أو أقل شوي 170 أو حولها المهم مضمون يركب .. وبنفس الوقت لازم تضحي ببعض المواصفات اللي تبيها وبعضها ثرى اسم جاذب بس غش .. مثل المساج يمكن يفرق شيء بسيط والله أعلم انا ما جربته

ما ادري كم سوى لك عمق البارتشن وعندك العرض وايد زين الاجمالي للحمام 2.6 .. لو سواه فوق المتر بتقدر تحط الستارة اللي تجي مايلة وبعضها يجي حديدها مقوس للخارج من فوق تعطيك سعة وتقدر تستخدمه استخدام مزدوج شاور معلق وتوقف تحته أو جكوزي والستارة بتنفعك في إن الماي ينزل داخل الحوض ولا يترس أرضية الحمام

دوم أفضل في الحمامات الطولية ونصيحتي للكل نخلي المغسلة مواجهة الباب وبعدها الكرسي والبديه وبعدين يجي الشاور والبانيو أو إحداهم حسب الرغبة