الأرقام المميزة هل هي ضرورة ام ترف او تباهي

[naklan]

السلام عليكم ورحمة الله وبركاته

الموضوع اليوم عن
الأرقام المميزة للسيارات او التلفونات المحمولة
او الشركات والمنازل لماذا كل هذا الاهتمام هل هو وجاهة
وان فلان من الاكابر لماذا يدفعون في هذه الأرقام
الملايين يعني قد يكون رقم xxxx لسسارة فلان
اشتراه بأكثر من مليون والسيارة بنصف
الثمن يعني الرقم اغلا من السيارة

وكذلك رقم الجوال فلان اشترا رقم ب 200 الف وفلان
اشترى ب 20 الف وفلان 5 الاف

شنهي الفايدة من رقم السيارة ومن الي بيركز على
رقم سيارتك

موضوع للنقاش بعد ما طفحت الاسعار وتغطلمطلست

وهل تدخل في الإسراف او رمي مبلغ في الهواء
وتدخل في الحرام


عندكم الميكرفون
ودمتم بود

[style]

الأرقام ،،فيه ناس عندهم مرض اسمه رقم يدوره دواره
صراحه مايعني لي أي شي ،،بس فيه ناس مآخذه الموضوع تجاره طبعا يبيع على الأغبياء

[nooora]

اخوي كان شاري رقم رباعي ب 8000 باعه على 400 الف ،،، مو احسن من سهم الاجارة؟

[ابو عبدالله.]

البحث عن التميز ولد تجاره ضخمه بالملايين

ارتفاع الدخل و الرفاهيه تولد كل غريب

حتى السيارات الكلاسيك تضخمت اسعارها في فتره سابقه

الان نزلت الاسعار حتى للارقام

اول ما تميزت ارقام السيارات اشتريت ارقام رباعيه ب 1700 ريال و 3000 و 4800

وبعتهم لما وقعت عقد شراء بيت و جابوا لي 45 الف ريال

الارقام الان تسوى 200 الف او اكثر
لما بعتها كنت عارف انها بترتفع مع الوقت لكن فضلت اشتري بيت وما ادفع اجار والى الان انا ساكن ببلاش من 13 سنه و التوفير من الايجار اكثر من قيمه الفيلا 850 الف ريال في 2006

اعتبر الارقام تجاره اكثر منها وجاهه و تميز الارقام ممكن تكون وسيله للادخار و الاستثمار لكن المخاطره في نزول اسعارها مثل الان او اذا تغيرت الارقام لحروف وهذا قادم ولو بعد حين

[Rider]

اذا جاء صدفه اهلا وسهلا اما اني اشتري رقم بمبلغ خالي لااااااااااااااا

[sara jsm]

والله الارقام المميزة حلوة خاصة للجوال عالاقل الواحد يقدر يحفظهم ..
ابوي الله يحفظه رقم جواله كوكتيل ولا رقم عند الثاني وعنده من عشرين سنه اذا مب اكثر ..
بس لين هاليوم مب قادرة احفظه .. عكس ارقام اخواني المميزة او شبه مميزة حافظتهم في مخي قبل الجوال ..
اما ارقام السيارات هذي هوايه للبعض وحلو يكون عندك رقم ينحفظ او من تشوفه تعرف ان هذا موتر فلان او علان ..
بس الحين صارت تجارة للبعض ومب غلط ... اللي ماعنده لايشتري .. عادي جدا ..
بس مااظن تدخل في التحريم استغفرالله ..
:
اشرايك انت اخوي نكلان :waiting:

[ابو عبدالله.]

ما هو محرم عند البعض لا يعتبر محرم عند غيره واذا حد عنده فتوى يخبرنا

لاني بصراحه تناقشت مع اشخاص ولهم وجهه نظر وممكن انكم تعطونا رايكم في كلامهم

كنت في سفره عمل ومعاي بالموتر شخصين وكنا نتكلم عن التبذير و حرمته

ف الاول قال لا تاخذون الموقف بعلاته. شوفوا بمنظور اكبر

قال ان صاحبه شرى توكين يعني نقاط او كردت في لعبه اون لاين. من واحد بقيمه 120 الف ريال.
فقال الثاني. هذا تبذير و حرام. كيف يدفع هالمبلغ ع لعبه و في ناس ميته جوع

قال الاول انت عندك هوايه. صيد او طراد او موتر كلاسيك. قلت له انا. كان عندي طراد نعم و هوايه
قال الاول بكم شريته. قلت له ب 20 الف. فقال الاول. صاحبي الي شرى كردت مدخوله مئات الالاف ف 120 الف ريال يعتبره مبلغ عادي يصرفه ع هوايته وهي لعبه اون لاين

قال دام انت ع مدخولك قست ان 20 الف دفعتها لطراد يعتبر مبلغ بسيط و صاحبي ايضا يشوف 120 الف مبلغ بسيط

فهل انتوا تشوفون كلامه معقول. وان الي يشتري رقم حلو بكذا مئه الف وما تأثر ع مدخوله ما بذر او دخل بالحرام

نفس الي ياخذ بنتلي بمليون وشوي هل هذا مبذر اذا عنده خير ولا نقول له خذ كروزر ولا تبذر

مقياس التبذير الحرام وين يوقف. عند طراد ب 20 الف ولا لعبه ب 120 الف ولا رقم سياره ولا بنتلي

ع ظني ان الي عنده خله يبين اثر نعمه ربه عليه ما فيها مشكله

الا اذا حد عنده رأي ثاني فأهلا وسهلا :)

[ya3coub]

عن نفسي عندي ارقام ابيها و احبها و حب تملك و تميز او الخ بس مو اني اشوف نفسي عالناس ولا اصرف عليها اكثر من المعقول "بالنسبة لي" و اللي اهو اقل بوااااجد من المعلقول اللي فالسوق حاليا.

لا افكر فالتجارة فاذا باخذ شي اخذه لنفسي

رقم سيارتي, دراتي, و جوالي نفس الشي و ما كلفوني اكثر من 2500 ريال ثلاثتهم مع بعض.

دراجتي ببلاش من المرور, و سيارتي شفته فالشارع و كلمت الرجال و طلب 2000 ريال و كان مشابه لجوالي.


اما موضوع الرقم يعنيلي قمت بالإتصال بكم شخص عارضين ارقام اقلهم طالب 5 الف و اشوفها اسعار مبالغه جدا جدا لأرقام قريبة جدا من رقم سيارتي الحالي او لرقم سيارة عندنا فالبيت بس ما يعني لأنها حلوة اني ادفع فيها, على حسب تميزها أعلى رقم ممكن ادفعه بيكون 7ألاف ريال.

تختلف الأسباب من شخص لشخص و البلوى اللي الله بلا بعض الناس و في ناس كثير استفادت من هالشي

[عايش فرحان]

مزادات المرور تروح لاعمال خيرية .. ما اشوف فيها ضرر بل خير

[شموخ دائم]

,

,

مرحبا

شكرا على الموضوع

مافي احد اخذ رقم سياره مميز وخسر فيه
كلهم اربحوا كثير منها هذا من ناحيه ماديه .

لكن على المستوى الشخصي
انا محتار بالفعل ماذا نسمي هذا الشغف


هل هو حب ( التميز )
هل هو موضوع نفسي وحب ( لفت الانتباه ) امام أناس

في وقت يحتاج هذا الإحساس

في الأخير هي حريه شخصيه

مثل حب جمع التحف والاشياء النادره والسيارات المميزه

مثل حب الماركات الغاليه

ناس تشوفها شي حلو ومميز

وناس تشوفها مجرد صرف أموال بدون داعي

في الأخير

الانسان بدينه وحسن خلقه وبفكره وعلمه وعمله وثقافته وجهده واجتهاده
هذا ما يميز الانسان في الحقيقه

والباقي كله قشور من الخارج


,

,

[MAZEN37]

اعتبره اكسسوار زينة للسياره واكثر من خمس الاف ماادفع ريال

[بوخالد911]

البعض يعتبره كنوع من الوجاهة والتمييز
والبعض الآخر اعتبرها كتجارة مربحة جدا