~:: مطلوب فني اضاءة ::~

[sara jsm]

السلام عليكم ورحمة الله وبركاته ..


:

لوسمحتوا اذا حد يعرف فني اضاءة او شركة يوزعون لي الليتات واماكن الاضاءة في الفيلا ..
داخلي وخارجي ..

وشكراً 🌷

[$الملياردير$]

اختي قصدك توزيع الإضاءة في مرحلة إعداد خرائط ... ولا انتو خلصوتوا بناء وتبين حد يورد سبوت لايت ويركب عشان العملية تفرق لوكانت نقاط الكهرباء موجوده وتم تأسيسها او لا في الاولى تحتاجين ديزاينر في الثانية تحتاجين شركة تورد ليتات وتحدد لك الأنواع والقوة لكل نوع .... هذا والله اعلم

[معماري قطري]

عليكم السلام ورحمة الله وبركاته

الإضاءة في العادة تجي مع الجبس لو بتسوين جبس وبعض محلات الجبس عندهم خبرة كافية في التوزيع .. مثل رافكو حتى يبيعون ليتات وشغلهم زين

توزيع أي محل اضاءة محترم عنده فنيين خبرة في التوزيع مع نوعية الإنارة والمواد ويسوي لج تقدير كم لكن لو تبين اضاءة تخصصية وفيها فن هذي تحتاجين مهندس كهرباء مختص اضاءة وما تحصلينه الا في المكاتب القوية

عجبتني اضاءة حديقة بيت فيه كم نوع من ضمنها كشافات فوق البيت تعطي اضاءة عامة وفي حدود أحواض الزراعة مسوين انارة شريطية تنور طريق السيارات بلون أصفر أو اللي نسميه ذهبي .. وجهة الزراعة حاطين لون أخضر فاتح وطالع المكان وايد حلو للمشي

[sara jsm]

انا في التشطيبات النهائيه ومسويه الجبس بس مافتحت فيهم للسبوتلايت ..
كنت ابي مهندس اضاءة اذا تعرفون اسامي الشركات او ارقام ..
:
وبامر على محلات الاضاءة باشوف اذا عندهم فنيين ..
بس اذا حد مجرب فيكم ياريت يفيدني ولكم كل الشكر ،

[مرتبش]

جربي الشعلة للاضاءة
اخبرهم يحسبون شدة الاضاءة.

[ya3coub]

توضيح اكثر اختي سارا

حاليا عندنا عمال فالبيت بسئل الوالدة اي شركة و قالت انها بتعدل الليتات برع او تغيرهم و بنشوف اشلون الشغل بيكون مع الحجر

[sara jsm]

جربي الشعلة للاضاءة
اخبرهم يحسبون شدة الاضاءة.

اي ان شاءالله باحطهم ضمن مخطط الزيارات ..


توضيح اكثر اختي سارا
حاليا عندنا عمال فالبيت بسئل الوالدة اي شركة و قالت انها بتعدل الليتات برع او تغيرهم و بنشوف اشلون الشغل بيكون مع الحجر

انا عندي وحدات كهرباء عالحجر نفسه بس محتاره بنوع الليت ودرجة اللون ..
ومفكرة اصلا اسوي مثل ماقال معماري .. كشافات تضرب عالفيلا وتعطيها اضاءة ..

[معماري قطري]

كشاف الال اي دي 80 واط قوي .. ليتين من العاديين 50 واط أضعف منه في شدة الإضاءة وأكثر استهلاك للكهرباء .. عندج الإنارة الخطية وايد زينة .. المحلات بيسعرون لج حسب اللي عندهم وكذلك التصميم

تذكرت مهندس كان شغال معانا سوداني شيبة بس بطيء بطاريته مثل بطاريتي قربت تفضى .. لكن كان هو الوحيد اللي يصمم الإنارة بأُسس وخبرة في الكهرباء ممكن يراجع لج تصميم وتنفيذ بيتج تبين رقمه بارسله لج

[sara jsm]

عطني رقمه ولا عليك امر قبل لاتفضى بطاريته :funny:

[معماري قطري]

بيوصلج خاص

[SouthK]

بيوصلج خاص

ما عليك امر طرش رقمه!

[معماري قطري]

ما عليك امر طرش رقمه!

إن شاء الله

[SouthK]

إن شاء الله

ما قصرت يا الغالي :)

[معماري قطري]

ما قصرت يا الغالي :)

الله يوفقك وتتيسر أُمورك

[بوخالد911]

أنصحج بمحل اسمه
nvc
44151527
بروة
وانتي رايحة للوكرة
بيكون على اليمين

ليتاتهم كلها led
وبأشكال مختلفة
وعطوني ضمان سنتين

[sara jsm]

أنصحج بمحل اسمه
nvc
44151527
بروة
وانتي رايحة للوكرة
بيكون على اليمين

ليتاتهم كلها led
وبأشكال مختلفة
وعطوني ضمان سنتين


ان شاءالله بامر بروة حق الليتات والسواكت ..
الله يعطيك العافيه اخوي بوخالد ..

:
كل الشكر للجميع

[معماري قطري]

من أيام شريت كيو لايت صناعة قطرية ال اي دي بسعر تحت الخمس ريالات نسيت كم بالضبط .. النور قوي ولونه مريح مقارب للهالوجين الذهبي وركبتهم في ثريا لهم كم يوم .. أول ما ركبوا ليت يبرق وغيرناه والبارحة وما لهم مركبين اسبوعين ليت محترق

نشجع الصناعة المحلية بس ما تشجع نفسها

[معماري قطري]

ان شاءالله بامر بروة حق الليتات والسواكت ..
الله يعطيك العافيه اخوي بوخالد ..

:
كل الشكر للجميع

مري على آلترا لايت بعد شفت عندهم كشاف حق جهتين يركب معلق .. لو فيه منه شوي ضعيف ينفع حق السور وينفع القوي للارتفاعات العالية ممكن تركبينه على البيت وينور الجوانب ويغني عن ليتات السور .. ميزته يعيش فترة طويلة و 110 واط يمكن واحد في كل جهة للبيت ينور البيت كله من الخارج

[sara jsm]

مري على آلترا لايت بعد شفت عندهم كشاف حق جهتين يركب معلق .. لو فيه منه شوي ضعيف ينفع حق السور وينفع القوي للارتفاعات العالية ممكن تركبينه على البيت وينور الجوانب ويغني عن ليتات السور .. ميزته يعيش فترة طويلة و 110 واط يمكن واحد في كل جهة للبيت ينور البيت كله من الخارج

تمام ان شاءالله بامر عليهم .. فكرة كشاف ينور من الصوبين اول مرة تمر علي ...
لكن باشوف اذا في عندهم اشكال جميله لان الموضوع مهم قلبا وقالبا :nice:

[معماري قطري]

تمام ان شاءالله بامر عليهم .. فكرة كشاف ينور من الصوبين اول مرة تمر علي ...
لكن باشوف اذا في عندهم اشكال جميله لان الموضوع مهم قلبا وقالبا :nice:

عندي له فيديو بس شغلة انزله تشوفينه أفضل

خذت نفس النوع بس ينور سيدة وركبته فوق بارتفاع حول 10 متر ينور على الدوار بعد طلع حلو 80 وات بس قوي وايد هذا اللي صوبين 110 ويعطي زاوية انتشار أفضل

بعدين عندهم سبوتات ال اي دي صناعة هنغارية شوي غاليين بس يفرقون عن الصيني وعمرهم طويل ما اذكر كم ساعة

[sara jsm]

عندي له فيديو بس شغلة انزله تشوفينه أفضل

خذت نفس النوع بس ينور سيدة وركبته فوق بارتفاع حول 10 متر ينور على الدوار بعد طلع حلو 80 وات بس قوي وايد هذا اللي صوبين 110 ويعطي زاوية انتشار أفضل

بعدين عندهم سبوتات ال اي دي صناعة هنغارية شوي غاليين بس يفرقون عن الصيني وعمرهم طويل ما اذكر كم ساعة

لا تعب نفسك باشوفه في المحل افضل ..
اشرايك في ليتات ايكيا ؟ هي مواصفات سويديه وصناعه صينيه ..
جربت عندهم ليتات الابجورات وفعلا يعيشون بالسنه والسنتين ..

[معماري قطري]

لا تعب نفسك باشوفه في المحل افضل ..
اشرايك في ليتات ايكيا ؟ هي مواصفات سويديه وصناعه صينيه ..
جربت عندهم ليتات الابجورات وفعلا يعيشون بالسنه والسنتين ..

خذي منهم أكيد زينين ايكيا شركة تهمها جودة المنتج

تعاملت مع الصالحية مرات وكل مرة ليتاتهم زينة وتطول .. خذت حق بيت ابوي واحترقوا سرعة ناديتهم وغيروهم بدون مقابل واعتذروا مني وكان تعاملهم طيب .. حتى مديرهم قال لي زين علمتنا ألحين بنرجعهم للمصنع وما بناخذ نفس النوعية مرة ثانية

نصيحة لو البيت جديد ركبي ترانسفورمر الكتروني وشوفي نوعية جيدة .. اللي عند الدرويش نوع اسباني ما يخترب ويخلي الكهرباء توصل ثابتة ما تتغير ولا يحترق الليت .. لو تقدرين تخلين الفني الكهربائي يروح يتفاهم معاهم زين في وجود حد من البيت حتى يعرف شيشتري

[sara jsm]

ماشاءالله اخوي بوعبدالله معلوماتك وايد حلوة وجديدة علي ..
الله يعطيك العافيه يارب ... ورد على رسالتي فضلا وليس امرا :pic:

[معماري قطري]

ماشاءالله اخوي بوعبدالله معلوماتك وايد حلوة وجديدة علي ..
الله يعطيك العافيه يارب ... ورد على رسالتي فضلا وليس امرا :pic:

بالعكس الله يسلمج تامرين

سامحيني توني انتبه لبقية الأسئلة وانا قريت بداية الرسالة ورديت عليها ولا انتبهت لبقية الأسئلة

إن شاء الله ارد رد مفصل

[eXpert*]

وين مكانه محل ألترا لايت ؟

[معماري قطري]

وين مكانه محل ألترا لايت ؟

تقريباً بعد أنصار سيتي اللي بعد محطة بترول التيسير في طريق سلوى وقبل تدمر