مكتب مصمم داخلي

[SH.FLOWERS1]

مكاتب مصممين داخلين معتمدين معروفه او مجربه

مريت على مكاتب يمكن فوق 7 لكن بعضها جديد في سوق يمكن ماعنده خبره وبعضها مجحف في الشروط وبعضها غالي جدا لمساحة صغيرة ماتستاهل المبلغ.

ما ادري اذا يصير اذكر بعض المكاتب او المصممين هنا في المنتدى اذا مسموح. اتوقع مسموح لان شفت دام تذكرون اسماء مقاولين او مكاتب هندسيه او استشاره فاتوقع مسموح بس ابي اكد عشان مايتسكر الموضوع

لاخذ الراي لا اكثر او اقل بحيث يمكن احد في المنتدى يستفيد من الموضوع واكيد فيه اغلبنا مر في هذي التجربه.

اكثرنا هنا متواجد عشان المواضيع الهادفه والاستفاده.

فاتمنى ان اي واحد جرب مصمم ممتاز خاصة في استايل نيو الكلاسيك او مودرن كلاسيك يطرحه هنا عشان نستفيد ويكون مرجع لنا كلنا.

[النوماس]

السلام عليكم
من فترة 6 شهور خلصت اعمال التصاميم والخرايط والديكورات الداخلية والرخصة كلها بمكتب واحد ،ماشالله عليهم اسعارهم اقل 50% من باقي المكاتب ولكن شغلهم مميز جدا ،شوف اعمالهم عالرابط والله يوفقك
https://www.instagram.com/dar_alhandasa/

[معماري قطري]

تصاميم دار الهندسة حلوة .. إستغربت من تصميم على تل متدرج وثلاث أدوار ما اعتقد في قطر

بالنسبة للتصميم الداخلي في الغالب غالي لأنه ياخذ وقت ومجهود وتنسيق طويل مع العميل .. ولو المكتب يتابع التنفيذ أكيد تزيد التكلفة .. اللي بيطلب تصميم داخلي أفضل له يخطط له من البداية مع مكتب مقتدر وعنده كافة الخبرات ويحدد عقده بدقة معاهم ووضوح

ما يسمى بتصميم الديكور أقل درجة من التصميم الداخلي وممكن نركز على أشياء معينة وممكن يشمل كل شيء الا التأثيث نخليه لإختيارنا .. هذا غالبية الشركات الكبرى تعطيك تصميم وتنفيذ لأن عندهم المواد

[المعنى88]

مريت من سنتين على مكتب كونسكيبت ... سكر الحين ... شفت عنده تصاميم داخلية يشمل اغلب الاماكن في الفيلا ( حمام الماستر والغرف والصالة والمجلس ) يشمل الجبس والارضيات والأضاءة والستاير والأثاث وعلى حسب المبلغ اللي بتدفعه للتنفيذ / لكن التصميم وصل 40000 ريال ... شرط 35% من قيمة التصميم يدخل في التنفيذ والأشراف .

[معماري قطري]

ما استوعبت الجملة الأخيرة والمكتب اظن كونسبت .. بس سعر التصميم مناسب لو شامل كل شيء والإضاءة والتكييف الا بيكون سعر رخيص

[QAR1]

السلام عليكم
التصميم الداخلي في قطر مبالغ فيه جداً.
نسيبي دفع مبلغ 75000 ريال لتصميم داخلي للدور الأرضي فقط وقال بأن معاملتهم أو تصاميمهم سيئة وغير مكتملة.
شخصياً ذهبت لمكتب تصميم داخلي في الدوحة وطلب مبلغ 350000 ريال وقال لي هذا المبلغ قابل للتفاوض ورفضت عرضهم (أتفاوض على أيش).
قريب لي يعمل تصميم داخلي في لبنان ب 75000 ريال لعدد 2 فيلا من دورين وبنت هاوس، يطلع المبلغ لكل فيلا حوالي 37500 ريال.
شخصياً لو أسافر لفرنسا بحصل مكاتب تعمل تصاميم داخلية بسعر أقل بكثير للتصميم الداخلي (الي مبالغ عندنا في قطر).
لو كل شخص رفض كان الشركات نزلت أسعارها لكن الناس تدفع مبالغ طائلة بدون تفكير.
وجدت إعلانات في الأنترنت تطلب مصممين داخليين لمكاتب في الخليج ولم تشترط عليهم الشهادة، وقالت الشهادة غير مهمه عندهم المهم هو خبرته في البرنامج ويعرف يستخدمه ويرسم.
أجيب لي رسام أفضل من المصمم.
صارت لعبة في التصميم الداخلي والسبب عدم وجود الرقابة من الجهات الحكومية.

[SH.FLOWERS1]

ماقصرتو يعطيكم العافية

لكن سؤالي هل يصير نذكر اسماء بعض المكاتب المصممين كأخذ الراي ف التجربة.

[SH.FLOWERS1]

المبلغ يرجع واقول يعتمد على المساحه.
فبعضهم يحسب بالمتر والاخر يحسب بالمساحه كامله فالافضل عندي طبعا بالمساحه كامله مش بالمتر لان في امتار ضايعه مش محتاجه كلها تنذكر او تنعمل او زاويا معينه.
بالمتر يجبرك تدفع المبلغ.

[SH.FLOWERS1]

تم التعاقد مع شركة jmt وبعطيكم ملاحظاتي اول باول بعد الشغل.

[معماري قطري]

تم التعاقد مع شركة jmt وبعطيكم ملاحظاتي اول باول بعد الشغل.

ما تقصر ونتمنى تفاصيل وصور حتى نقدر أما نبدي الرأي أو أقلها نستفيد ونحكم على شغلهم

[QAR1]

تم التعاقد مع شركة jmt وبعطيكم ملاحظاتي اول باول بعد الشغل.

السلام عليكم

في الأنتظار.

لأني حالياً أبحث عن شركة تصميم داخلي.

[SH.FLOWERS1]

من الملاحظات انكم ماتستعجلون في الاختيار
عندي ملاحظات كثيرة على الشركة لكن ماراح اذكرها
الا بعد ما تتعدل ان شاء الله

[Al-Mezan]

شادوز ديزاين
شركه مجربه وفنانين للأمانة

[النوماس]

جربت شركتين مختصين بالتصاميم والديكور ورخص البناء
الأولى ديوان التصميم والبناء كان شغلهم ممتاز واسعارهم نصف اسعار السوق يعملو ن الشغل كامل من تصاميم ورخص وديكورات داخلية وهاد رابط شركتهم
https://www.instagram.com/p/BzGmO-0gN1d/?igshid=q3g4fgje5eh0
وقريب لي اشتغل مع شركة ثانية اسمها جي اتش دي وكنت اتابع معاه وكان شغلهم ممتاز ولكن اسعارهم غالية جدا
وهاذ رابط شركتهم
https://www.ghd.com/Modules/ProjectSearch/index.aspx?_mid_=17&lang=en
والله يوفقكم

[Q0T0R]

شركة b5 ممتازين

والافضل اذا فاضي سوى التصميم برا ارخص بكثير

[SH.FLOWERS1]

للاسف الشديد ما انصح في المكتب نهائيا
الاسباب كثيرة منها المصداقية 0%
وقاعد الحين اجاريهم عل وعسا اخذ الي لي او اخلص معاهم مع التكنيكل دروينق

[معماري قطري]

غالبية مكاتب التصميم الداخلي مكاتب ابتزاز والسبب عدم وجود قوانين ورقابة وردع قانوني لهذي المكاتب ( تقصير حكومي )

[SH.FLOWERS1]

نعم مثل ماتفضلت للاسف الشديد مافي شي يردع هذي المكاتب من الابتزاز
المكتب يتعامل مع الاستاف المهندسيين خارج الدولة في مصر وهو ع كلامه انا يتابع لكن للاسف لايتابع ولا ينسق
يعني تضييع بينهم.
انا احاول اني اوصل للكفيل او صاحب المكتب اشرح له الموضوع عل وعسا اني القا حل مع هذا المكتب.

[معماري قطري]

ما اعتقد حد مجبور على تصميم داخلي .. التصميم المعماري لو كان متكامل يسد النقص والتأثيث يدخل فيه ذوق أصحاب البيت وميزانيتهم المتبقية للتأثيث ومهما يكون عامل متغير الأساسيات هي اللي شبه ثابتة

[Azizuk]

ما اعتقد حد مجبور على تصميم داخلي .. التصميم المعماري لو كان متكامل يسد النقص والتأثيث يدخل فيه ذوق أصحاب البيت وميزانيتهم المتبقية للتأثيث ومهما يكون عامل متغير الأساسيات هي اللي شبه ثابتة


بالعكس يامعماري مهندس الديكور الداخلي مهم جدا وخاصة اللي يبي يصمم ديكور داخلي فخم

يحتاج له تأسيس من البداية على سبيل المثال نقاط الكهرباء الجدارية والاضاءة الارضيّة وبعض اللمسات الفنية كالتوزيع الإضاءة وماشابه توزيع الوحات الفنية في بعض الأماكن ديكور ألفت اضاءة الدرج الداخلي الجانبية توزيع أطقم الحمامات ومكان الشور والجاكوزي والكثير من الأمور الي راح تفكك في المستقبل تعال وكسر ومدد هذا غير القهر اللي يصيب الواحد والعامل النفسي

بالعكس انصح اَي شخص يبي يبني ان يشوف له مصمم حتى لو يرسل الخرائط في دولة ثانيه أرخص له او ان يستشير حد من الأصدقاء وينصحه على الأقل في الأساسيات الديكوريه

لان تعال كسر وعدل ومدد كل هذا جهد وتعب وخسائر واضعاف في الحوائط والخرسانة هذا غير الشلوخ والتشققات اللي تطلع من بعد التكسير

انا انصح الشخص المقتدر يحط له مهندس تصميم أو على الأقل يدفع قيمة استشارة

أو يكثف ويدخل على القنوات على اليوتيوب ويستفيد من نصائح الآخرين يوجد الكثير من المصممين الديكورات لهم قنوات للاستفادة منهم وبالمجان

ينصحونك باختيار الألوان قطع الاثاث غرف النوم دورات المياه المطابخ توزيع تشكيلة الأرضيات وخاصه اذا شكل الباركيه نوع الإضاءة وتوزيعها والكثير الكثير من النصائح

[معماري قطري]

بالعكس يامعماري مهندس الديكور الداخلي مهم جدا وخاصة اللي يبي يصمم ديكور داخلي فخم

يحتاج له تأسيس من البداية على سبيل المثال نقاط الكهرباء الجدارية والاضاءة الارضيّة وبعض اللمسات الفنية كالتوزيع الإضاءة وماشابه توزيع الوحات الفنية في بعض الأماكن ديكور ألفت اضاءة الدرج الداخلي الجانبية توزيع أطقم الحمامات ومكان الشور والجاكوزي والكثير من الأمور الي راح تفكك في المستقبل تعال وكسر ومدد هذا غير القهر اللي يصيب الواحد والعامل النفسي

بالعكس انصح اَي شخص يبي يبني ان يشوف له مصمم حتى لو يرسل الخرائط في دولة ثانيه أرخص له او ان يستشير حد من الأصدقاء وينصحه على الأقل في الأساسيات الديكوريه

لان تعال كسر وعدل ومدد كل هذا جهد وتعب وخسائر واضعاف في الحوائط والخرسانة هذا غير الشلوخ والتشققات اللي تطلع من بعد التكسير

انا انصح الشخص المقتدر يحط له مهندس تصميم أو على الأقل يدفع قيمة استشارة

أو يكثف ويدخل على القنوات على اليوتيوب ويستفيد من نصائح الآخرين يوجد الكثير من المصممين الديكورات لهم قنوات للاستفادة منهم وبالمجان

ينصحونك باختيار الألوان قطع الاثاث غرف النوم دورات المياه المطابخ توزيع تشكيلة الأرضيات وخاصه اذا شكل الباركيه نوع الإضاءة وتوزيعها والكثير الكثير من النصائح

كل ما ذكرته يا اخوي من أساسيات التصميم المعماري اللي يتهربون منها المكاتب الاستشارية

المصمم المعماري بسهولة يصمم لك واجهات الغرفة كيف بتكون ومقترح السقف وتوزيع الإنارة بناءً على مخطط الأثاث .. يسوي لك دراسة الجماليات الأساسية من أعمدة تجميلية وحتى انشائية يجملها بطريقة مقبولة

صحيح ما يتدخل في ذوق مزج الالوان ولا اختيار الأثاث بس يصمم المكان مناسب لنوعية ومقاس معين من الأثاث واللي يصمم لك غرفة مستطيلة ما فيها معالم هذا مصمم ناقص ولا يهمه الشغل وفي الغالب رسام

الأثاث ما بيكلفك وايد ولا بيضغط على ميزانيتك لين اثثت بروحك وبخطة ومن السوق أو سافرت وشريت اللي تبي لكن لو اخترت دزاين معين وفي الغالب بعضهم يصممونه يعني حتى الأثاث مصمم خصيصاً لك ويطلبونه من مصنع يتعاملون معاه وهذا يرفع السعر

الإنارة يدرسها أكثر مهندس الكهرباء مع المعماري لأن مهندس الكهرباء ينفذ نوعية وتمديدات ومواصفات الإنارة أما المعماري يتدخل في فنيات بسيطة مثل يبغي نور ساطع على جدار معين يبي يحط لوحة أو يبي نور لتجويف معين .. نفس الشيء موضوع التكييف شيء اساسي فيه استخدام الغرفة وتوزيع الأثاث وبعدين دراسة اختيار المالك لنوعية التكييف وتكلفته

[معماري قطري]

بعدين غالبية مكاتب التصميم الداخلي سماسرة لشركات معينة وياخذون فائدة وغالبيتهم هواية مب اختصاص .. إذا فيه مكتب صادق بيسوي لك اسكتشات مجانية في البداية وبيحدد لك تكلفتها بدقة لحدود +/- 10% حتى مع صور وماركات وكتلوجات .. وبيحدد حدود شغله والدفعات المطلوبة وأكيد فيه خريجين كثيرين في هذا الاختصاص بس اللي تشوفهم في السوق غالبيتهم هواة

[ALJokar]

أغلب المكاتب ديزاين عندنا صارت بواقة عيني عينك بعضهم يجي كفيزا سايح او زائر في قطر ويشتغل ويلعب ع الناس
وماعندنا مكتب في قطر اتوقع تقدر تعتمد عليه حتى لو فيه بيكون سعره خيالي جدا
ياليت فيه مكاتب نفس كويت او السعودية تقدر تعتمد عليها بكل صغيرة وكبيرة يشتغلون بذمة وضمير وتكلم ناس شغوفين في عملهم ودهم يطلعون كل المشاريع الي يسونها تحف.
هنا بس همه الاول والاخير الفلوس وياليته يشتغل بعد يسوي كوبي بيست او يتعاقد مع مكاتب خارج قطر.

[معماري قطري]

فيه اخوي الجوكر مكاتب قوية مثل العربي للشؤون الهندسية ومثل اتحاد قطر للتخطيط هذيلا عندهم فرع انترير .. فرع شغال معاهم وشغل متمرسين مب أي كلام .. مكتب عمار في السد شغال مع أرابيسك وأرابيسك مكتب انترير أمريكي مختص بالتصاميم العربية المحدثة وبالنسبة لأسعارهم أكيد الغالية قطع الأثاث والتشطيبات أما كتصميم اتوقع متوسط

[Q0T0R]

اريد اضافة شركة petra design ممتازين

[SH.FLOWERS1]

تعاملت مع مكتب فاشل بكل المقاييس والخبرة ناقصتهم
صدق بعض المشهورين في السوشل ميديا ينصح في مكتب وهو مايعرف للشغل نهائيا
ويمكن يمدح المكتب ويعلن عنه عشان يسوي مجاني او يشتغل من غير ماياخذ منه شي.
احذرو اخواني خواتي من المكاتب الفاشلة الي ماتبي غير فلوسك يسوي لك خريطة اي كلام ويعطيك صور
ولاتقدر تنفذ في الموقع ناقصتها اشياء كثيرة.

[معماري قطري]

اللي بيتعامل في شيء محدد وتصميم واشراف وتعاقد بيستفيد أما شغل ورق ورسم بدون عينات وتعاقد ومتابعة تنفيذ ما سوى شيء

شيء محدد المقصود به الأسقف مثلاً أو الأعمال الخشبية أو أعمال التشطيب الثابتة تصميم وتعاقد واشراف ويخلي الأثاث لمرحلة أخيرة ولذوقه الخاص

المرة الوحيدة اللي تعاقدت مع مصمم داخلي كان مغربي نسيت اسمه بس مكتبه اسمه أتيليه 99 أو حول هذا الرقم وكان عقدي معاه ثلاث كبتات مع تسريحات ثابتة .. تصميم وتنفيذ وكان السعر رخيص والشغل تم في منجرة رخيصة في صناعية العطية حتى لاحظت عليهم مب متمكنين لكن أدوا الشغل بدرجة متوسطة الى جيدة

[معماري قطري]

لو مثلاً كنت طالب خشب غالي وقشرة خشب غالية ورايح عند منجرة معروفة ممكن يسوون لي تصميم أغلى بكثير وأفضل بس المكتب ريحني وكنت ابغي شيء عملي