موقف مروري يتوجب العقاب

[MAZEN37]

تحياتي للجميع
ورسالتي موجهه لادارة المرور كمقترح وللصالح العام
موقف ومواقف كثيره تمر علينا ونشاهدها بالشارع ونقول في انفسنا
لو كنت شرطي مرور انزل واخالف هذا الشخص واعطيه لاصق مخالفه فورا لانه يستاهل ويكون عبره بالشارع وكل الي كان ينقل ما رأه لمحيطه
امس كنت في شارع محول وفيه اعمال حفر وما تمر الا سياره واحده السيارات طابور وكان امامي باص كروه وامام الباص سياره بها شخص واقف ويطلب كرك من المحل وكلنا ننتظر ان يفسح مجال للباص وهو صامل يطلب والكل ينتظره وبعد ما هرنا له حاول يجنب سيارته مع انه لا يوجد مكان وراعي الباص خايف يحكه وجلسنا ٥ دقايق واخرتها حرك
مالكم في الطويله
هناك سائقين يسوق السياره لكن بدون اخلاق وذوق ولا أدب
اتمنى من ادارة المرور تعطي صلاحيات لاشخاص فوق ال ٥٠ اعمارهم بانه يكون مدني ويقدر يكون حكيم ويقدر الموقف ويخالف هؤلاء المستهتريين بالطريق ورواد الطريق

[khaldoon]

اكثر شي اكره في الشارع انه الاقي واحد مفتكر الطريق له وحده يسوي اللي يبيه...عايش بس مع نفسه

والله العظيم لو عندي صلاحيات كان سحبت منهم الرخص علشان نريح العالم من نجاساتهم و حقاراتهم في الطريق

[khaldoon]

إضافة أخرى على الموضوع.... ابي أقول لكل واحد يقرأ كلامي و ينطبق عليه هذه الصفات السيئه العفنه.....الله ياخذك و يريح الناس من شرك هههههههه

[sara jsm]

إضافة أخرى على الموضوع.... ابي أقول لكل واحد يقرأ كلامي و ينطبق عليه هذه الصفات السيئه العفنه.....الله ياخذك و يريح الناس من شرك هههههههه

هههههههههههههههه اي والله

[معماري قطري]

من أيام ملاحظ هذي الملاحظة تتزايد

متعود اروح مندرين اللي قرب تقاطع رمادا سابقاً .. جبر بن أحمد حالياً .. وهناك اللي يوقفون عند وقت الشاي يسدون الطريق بأُسلوب مقزز ولا يتحركون الا بهرنات قوية تبط آذانهم .. ومن مختلف الجنسيات والغير قطري يتنح أكثر

اللي يقهر كذلك بعض زعران الدول العربية يجون يوقفون سادين الطريق وينزلون يسولفون والمشكلة تحصله في الشارع صعب تطوف وهو واقف .. دلاخة وفضاضة وقلة أخلاق تحتاج ردع

شيء أخير الطريق هناك كل شوي حفرة تهز السيارة هز من المسؤول عنه إذا مب أشغال .. البليدية أو المالك ونفس الوضع في المواقف من الجهة الثانية صوب المطاعم وصوب وكالة الجمس وحتى تنظيمها وتخطيطها صح يحتاج إعادة ورصف من جديد ولو بتخطيط بدون أرصفة أفضل واللي ما يحترم الخطوط يتخالف

[naklan]

احمدو ربكم وين تلقون بلد تقدر تتدلع وتزعج الناس وتسكر
طريج بريالين يا بلاش

اولا أنا اللوم البلدية الي تعطي تصاريح في أماكن
غير مناسبة وهم يعرفون ان محلات الكرك عليها زحام

ثانيا المرور المحترمين حطو مخالفة ب 1000 على الي يسكر
الطريق علشان يطلع عليه الكرك ب 1002

ثالثا
محلات الكرك صارت تجمع بنات وشباب وأماكن
مغازل
من مدة كنت في محطة الدحيل وابي اطلع وبنات ممرضات
ثنتين واقفين برى السيارة ويشربون كرك
باقي تدخن زقارة مع الكرك

الختام أقول من امن العقاب اساء الأدب
نسخة للمرور والبلدية

[سهم فضة]

+ طريق بن عمران وقت الشاي مسبب زحمة جدا و شارع واحد للخدمات ، كذا مره اجي الاقي لاندكروزر من اخواننا التنيجر واقف و يطلب كرك الحبيب و اللي وراه قطيع اغنام !!!

اتمنى مايتم ترخيص مثل هالمطاعم ، الكرك ، فالشوارع الضيقة لما تسببة من عرقلة للسير .

[qatarman8008]

ناقشنا هذا الموضوع كثيرا وبشكل مطول ولكن لايوجد اي حلول من ادارة المرور والدوريات..
قلنا ان هناك سائقين يسيؤون الادب في التعامل مع الطريق ويعرضون حياتهم وحياة الاخرين للخطر..
شرطي المرور غير متواجد في كل مكان وكل وقت ولهذا فانه توجب اعطاء صلاحيات لاشخاص مؤهلين لهذه العملية..
بالامكان وضع شروط لهؤلاء الاشخاص مثل ان يجتاز دورة في قوانين المرور وان يكون عمره فوق 35 سنه وان يكون عنده كاميرا من نوع خاص بحيث انه يصور ويوثق الحالة وهكذا..

[دينالي]

هذي الشغلات اللي تحتاج لتدخل وحزم بس مشكلة الشرطة عندنا فالحين بس يخالفون اللي يوقفون فوق الرصيف في الاماكن اللي مافيها باركات

[بوخالد911]

صوره وبلغ عليه في مطراش2

[Rider]

لي ماتربى في بيته عمره مب متربي في الشارع

[مرتبش]

ناقشنا هذا الموضوع كثيرا وبشكل مطول ولكن لايوجد اي حلول من ادارة المرور والدوريات..
قلنا ان هناك سائقين يسيؤون الادب في التعامل مع الطريق ويعرضون حياتهم وحياة الاخرين للخطر..
شرطي المرور غير متواجد في كل مكان وكل وقت ولهذا فانه توجب اعطاء صلاحيات لاشخاص مؤهلين لهذه العملية..
بالامكان وضع شروط لهؤلاء الاشخاص مثل ان يجتاز دورة في قوانين المرور وان يكون عمره فوق 35 سنه وان يكون عنده كاميرا من نوع خاص بحيث انه يصور ويوثق الحالة وهكذا..

هذا شغل المرور.. ليش يتخلون عنه لعدم توافرهم .. وينهم وليش مختفيين