آخر مقالب المجموعة للاوراق المالية

[دهن العود]

كنت أو ل إذا بعت أحد الشركات كانت المجموعة تقول لي الشيك بعد ثلاث أيام وسبق ان تكلمنا في هالموضوع وايد في هالمنتدى لكن المفاجأة الكبرى باقولها لكم الحين بعت اسهم البنك الاهلي يوم الثلاثاء ورحت الصبح في نفس اليوم الساعة 11 الظهر عل وعسى تصير معجزة واستلم الشيك في نفس اليوم وحدثت المعجزة استلمت الشيك في نفس اليوم اللي بعت فيه الاسهم وكانت فرحتي عارمة ولكن المفاجأة كانت في الشيك تفاجأت أن الشيك ما ينصرف الا بعد أسبوع يعني حتى الااكتتاب في أسهم الدلالة خلص شفتوا اخر التطورات اللي حصلت في المجموعة شرايكم في هالنكتة الجديدة

[sulai6i]

السلام عليكم ..

(( ربّ ضارة نافعة ))

لقد صرفكِ الله عن الإكتتاب في اسهم شركة دلالة .. وذلك لحرمتها

قولي الحمدلله على كل حال .. اللهم أغننا بحلالك عن حرامك

والسلام عليكم

[jajassim]

( شرايكم في هالنكتة الجديدة )


قول الحمد لله ( قضاء وقدر )

[دهن العود]

الحمد لله

شكرا على الرد ياواحد في حالة شكرا على الرد ياجاسم ومشكورين على النصيحة

[فارس الكلمة]

الأخت دهن العود ..
طيب .. ليش ما راجعتي المجموعة .. و سألتيهم .. عن سبب عدم صرف الشيك إلا بعد اسبوع
من استلامه ..
و هل ينطبق ذلك على جميع الشيكات الصادرة من المجموعة .. ؟!!

[دهن العود]

اشكرك يافارس على ردك على موضوعي

بالنسبة للشيكات كلها نفس الشي ماتنصرف الا بعد اسبوع للجميع مب بس لي أنا وهذا اللي خلاني استغرب ليش يسوون جذية ؟؟؟؟

[qshark]

أصلاً موب من حقهم لأن سوق الدوحة للأوراق المالية في قانون يمنع ان المدة لإستلام المبلغ يتجاوز الـ 3 أيام ، والمجموعة قانونهم بعد يقول كذي ، راجعي أي مسؤول في المجموعة ( خدمة العملاء ) وانشالله بيخلصونك .

[دهن العود]

مشكور أخ شارك على الرد وعلى النصيحة لكن خلاص شعقبة الحين الاكتتاب وراح علي

[tamer_dohaa]

حاجة غريبة فعلا بس يجب ان تقدم شكوي لسوق الدوحة للاوراق المالية وصدقني هيجيبوا لك حقك

[سهم طايش]

المفروض تشتكي عليهم

اذا انت ما اشتكيت و غيرك ما اشتكى عيل شلون بيتصلح الوضع

[abo rashid]

بالنسبة لصرف الشيك يحسب بعد 3 ايام عمل يعني الجمعة و السبت مش محسوب عندهم و اليوم اللي بعت فية

[قطر]

السلام عليكم

ولو ان الرد متأخر بس حبيت اوضح معلومة

الشيك اصلا مثل ماقال بوراشد لايستلم الا بعد 3 ايام عمل...

لكن اذا بغيتي شيك مستعجل تقولين لهم شيك مستعجل..والمغرب تقدرين تستلمينه

وينصرف في بنك الدوحة في نفس اليوم لكن هناك عيب وملاحظة قد لاينتبه لها البعض

الا وانه هناك عمولة على الشيك المستعجل قدرها 5% من القيمة الاجمالية للشيك...


لكن بخصوصج يااختي مستحيل ايكون الشيك ماينصرف الا بعد اسبوع لو رحتي بنك الدوحة اعتقد انه على طول يصرفونه ...
او انج حطيتيه في حسابج ببنك اخر هنا نعم اقولج لايمكنك تحصيله الا بعد اربع ايام اقل شي ..

اما اذا كان هناك خطأ في التاريخ ونادرا مايحدث ... لو انج اشتكيت كان افضل ... لانهم بيعوضونج عن الضرر اكيد..


وهلا بج

[كويتي فهمان]

اختي دهن عود

الله يعوض عليج بس انتي مالج ومال المشاكل والشكاوي


يمكن الله اهو الي يبي جذيه
ولا تكرهوشي وهو خيرن لكم








كويتي يموت بقطر

[Qatar69]

غريبه والله ...انا اتعامل معاهم ودايما اصرف الشيك من بنك الدوحه في نفس اليوم واخذ المبلغ كاش .....

[الفيصلي]

طيب سين سؤال
اذا المبلغ اصلا بحسابي وطلبته شيك يعني ما جاء نتيجة بيع اسهم يقولون ماتصرفه الابعد ثلاث ايام بعد ولاينصرف بتاريخ نفس اليوم

[سوبر سهم]

طيب سين سؤال
اذا المبلغ اصلا بحسابي وطلبته شيك يعني ما جاء نتيجة بيع اسهم يقولون ماتصرفه الابعد ثلاث ايام بعد ولاينصرف بتاريخ نفس اليوم


تطلبه الصبح يعطونك الشيك المغرب وينصرف بنفس اليوم

اما اذا طلبته المغرب ايكون جاهز على 11 الصبح تقريبا .. وينصرف بننفس اليوم

[كويتي فهمان]

طيب سين سؤال
اذا المبلغ اصلا بحسابي وطلبته شيك يعني ما جاء نتيجة بيع اسهم يقولون ماتصرفه الابعد ثلاث ايام بعد ولاينصرف بتاريخ نفس اليوم
والله انا نحشت عنها شغلي كله الدوحه



الله يعوض عليكم الحسابات الي طافت


وبالتوفيق

[ابو احمد]

حاجة غريبة فعلا بس يجب ان تقدم شكوي لسوق الدوحة للاوراق المالية وصدقني هيجيبوا لك حقك
سوق الدوحة!!!!!! أذن من طين وأذن من عين.