تملك في جورجيا تملك في بطيخ ستان [الأرشيف] - منتديات شبكة الأسهم القطرية

مشاهدة النسخة كاملة : تملك في جورجيا تملك في بطيخ ستان

تاجر كشخة

19-03-2019, 12:45 PM

السلام عليكم ورحمة الله وبركاته

ازعاج ليل ونهار تملك في جورجيا وتملك في تركيا شسالفتهم وليش منتشرين بقوة وبارقام قطرية يا عن طريق الرسايل القصيرة او مكالمات او واتس اب فعلا شي زاد عن حده وهل اقدر اشتكي عليهم كلما اسوي حظر يطلعوا لي غيرهم :swoon2:

دينالي

19-03-2019, 12:52 PM

القطريين فلوس كتير

مستثمر رشيد

19-03-2019, 12:57 PM

المشكلة يحط لك صور البيت او الشقة قريب بحر وطبيعة ولكن على الواقع يطلع المكان في قلعة وادرين ووسط زروع

مرتبش

19-03-2019, 01:18 PM

على كثر هالدعايات اعتقد من حقنا المطالبة باشتراك مجاني.. يعني ندفع اشتراك لنستلم دعايات يربحون منها شركات الاتصالات.

MAZEN37

19-03-2019, 01:28 PM

لازم هيئة الاتصالات تشوف حل ازعاج من الرسائل الدعائيه

fmmja

19-03-2019, 02:10 PM

نحن نتعرض لغزو من دعايات sms
و دعايات انتسغرام ودعايات السناب
وفي كل مكان دعايات
السؤال هل الكم الهائل من الدعايات يحقق مردود للجهة المعلنة
أو هل فيه ركود اقتصادي و الناس ما قامت تشتري
المشكلة ان الشركات الكبرى داخلة مجال الإعلانات و بقوة مثل قوقل
صرنا نشوف الإعلان اجباري

شموخ دائم

19-03-2019, 08:24 PM

,

,

مرحبا

شكرا على الموضوع

الازعاج له ( سببين )

1- السوق تعبان والمبيعات قليله لذلك في تكثيف على الحملات الدعايه للعقار لانه اكبر المتضررين

2- يمكن انت من النوع الي تحضر معارض للعقارات فصار رقمك ( منتشر ) عند اهل العقارات

اتفق معاك انه اصبح شي مزعج

وأيضا هناك ( وقاحه ) تلاقي شركه من دبي
تروج للعقار في دبي في هذا ( الحصار ) يتصلون فيك وانت في قطر بكل وقاحه عشان تشتري في دبي
وهم يمنعون اهل قطر من متابعه عقاراتهم القديمه هناك

,

,

,

,

ابو عبدالله.

19-03-2019, 09:46 PM

موظف بشركه عقاريه لو كلمته عن عقار. ينشر رقمك عند كل ربعه. بكذا شركه و تضل كم سنه يتصلون ع بالهم فلوسك منثره

ايضا موظفي بنوك يوزعون ارقام عملاء لربعهم بالشركات الخاصه عشان يسوقون منتجاتهم

وكلن له نصيب من العمولات او بيع ارقام مرشحه كزبائن دفيعه

سنه 2004 ايام اسهم صناعات. خولوني الاخوان و العائله ببيع اسهمهم و توزيعها عليهم
فوصل الحساب لمليون و شوي قامت تجيني اتصالات من شركات والي اروح معاه. يعلمني من عطاه الرقم. طلع موظفين بالبنك يعطون ربعهم بالشركات

حتى اتصال من دبي وحده مسويه انها غلطانه بالاتصال و تقول حول لي مبلغ للتذكره بجيك زياره ههههه

التسويق وصل لمرحله ذكيه و مخفيه في رصد العملاء المحتملين و الدفيعه

للامانه. محد اتصل بعد ما وزعت فلوس الاسهم ع العيله و الحساب صفر.

لكن المسجات الي تجيكم. تجيني

اوريدو من زمان قالوا عن امكانيه طلب وقف الاعلانات. لكن الطريقه منسيه ولا توضيح بموقعهم عن كيفيه وقف الاعلانات

khaldoon

19-03-2019, 10:59 PM

بأي حق شركات الاتصال تسمح للشركات و المحلات المختلفه انهم يرسلون دعايات في كل شي...عقارات و دروس و دورات و مراكز علاج و بيع عسل و منتجات ......بأي حق

راعي الكورفت

20-03-2019, 02:49 PM

انا بعد تيجيلي هالرسايل.

افضل حل هي التطنيش:)

Dana’1

20-03-2019, 03:47 PM

ضروري تنزل تطبيق اوريدو وبعد التسجيل تدخل على قائمة الخدمات من ثم حجب الرسائل
بهذا الخيار يمديك تدخل رقم أو اسم الشركه لان مرات هالاعلانات ماتوصلنا على شكل ارقام وتكون بأسماء
تسوي لها نسخ وتلصقها بالخانه الخاصه بالحجب وتعطييه أجمل حجب

و أخيرا
إذا رحت أي من المحلات التجاريه ما تعطيه رقمك إلا إذا مضطر مثلا مثل محلات الأثاث عشان توصيل او غيره تعطيهم ملاحظه ما ابغى أي مسجات إعلانيه توصلني لا منكم ولا من اي الشركات التابعه لكم

بعد هذا كله ما أقولك بترتاح نهائي من المسجات لكن بتلاحظ الفرق الكبيير

و السلام ختام

معماري قطري

20-03-2019, 05:44 PM

خلكم كول مثلي لتفتحون الرسايل الا اللي تهمكم

ولو جاكم اتصال مثل بدك تتعلم انجليزي ترطن متل البلبل انا اقول لهم تبوني معلم عندكم هذا راتبي شقلتوا يتبلعمون ولا يتصلون بعدها والبلوك موجود لبو رنة

sara jsm

20-03-2019, 08:15 PM

والبلوك موجود لبو رنة

:taunt::taunt: نفسك بالضبط ..
بس هالمسجات تهون امام اللي يحط لك كمين في المجمعات ويقولك باكلمك شوي :rolleyes2: ...
وعقب يعطيك بروشور جورجيا وتركيا .. لازم نعطيهم على راسهم .. بس معقوله في حد بيستثمر عن طريق هالشركات !!؟ انا احسهم وهميين ..

R 7 A L

21-03-2019, 12:30 AM

تركيا وجورجيا اهون
من اعلانات الرجيم والخرابيط

مرتبش

21-03-2019, 02:11 PM

تركيا وجورجيا اهون
من اعلانات الرجيم والخرابيط

الاعلانات متنوعة .. قاعد اطالع الرسايل..بالاضافة لتملك في اسطنبول.. عندي من ترشيد كرنفال التوعية.. اسباير مهرجان الطائرات الورقية..تلفزيون الريان.. البريد.. عيادة طبية..معرض الزراعة اغريتيك..مسرح قطر..معرض قطر الطبي.

تلاحظون انها دعايات مالها علاقة بتسوق من مكان معين.. وفيها من جهات حكومية .. يا اوريدو تقول لهم ان احسن طريقة للوصول الى الناس تكون عن طريق الرسايل وتوفر لهم اسعار مناسبة؟ .. او ان الجهات الحكومية وغيرها تشوف انها احسن طريقة فتتجه للاعلان واوريدو مستفيدة من الطرفين..

nooora

22-03-2019, 04:48 AM

تملك العقار في تركيا وغيرها الافضل ان نصبر سنتين على الأقل الى لن تتضح الصورة ، الوضع الاقتصادي رايح للأسوأ ، يكفي متعلقين بالاسهم

تاجر كشخة

23-03-2019, 09:50 PM