افضل المكيفات في قطر

[رائد العنابي]

السلام عليكم ورحمة الله وبركاته

بغيت اسال عن افضل المكيفات السبيليت من ناحيه الجوده و العمر و الصيانه

نسال اصحاب التجارب الطويله في المكيفات

[alshammari]

وعليكم السلام

بالنسبة لي جربت فوجي (Fuji) وكيلها الريس

هذي السنة السادسة وبصراحة اداء عالي وماقد اختربت معاي ولله الحمد
غالية شوي عن غيرها ولكن خذ جودة
اما الصيانة ماذكر اني تعاملت معاهم بين كل فترة وفترة اجيب عامل في محل اعرفه شغله زين والصيانة تقتصر على التنظيف وتعبئة فريون لاغير

[معماري قطري]

توافيق يالشمري

انا مركب في مكتبي واحد تدفئة وتبريد وكل شوي يخترب .. ألحين جاوا شلوه وللحين ما اتصلوا يقولون شفيه .. وثاني في غرفة ولدي ما عرفوا يصلحونه .. يبي لهم شكوى عند محمد الريس

غير مركب ال جي بعضهم شغالين 13 سنة ألحين بس ميزة الفوجي الصوت الهاديء حق بعض الموديلات منه

[النهار]

مالك غير القري اثبت جداراته

[sara jsm]

مالك غير القري اثبت جداراته

اثبت جدارته في كم سنه !؟

[Qatar191]

انا مركب من جري للبيت كامل وسارلي خمس سنوات واشوفها ممتازه واذا بتاخذ من عندهم اخذ بستن لاتقرب الروتري سواء في حري ولا في اي شركه ثانيه

[مضارب دوسري]

اي نوووع مكيفات بستن
خذه وماعليك

اللي اسعارهم مناسبه
فاللولو عندهم افترون توني مركب واحد ما قدر اعطي تقييمي بس تبريده زين طبعا لانه جديد حاليا
3 طن خذته ب 4200 تقريبا

جري صارت اسعارهم ما تفرق عن جنرال
فوجي ايضا بستن


كلهم خير وبركه المهم يكون المكيف (بستن)

[سعود.]

اي نوووع مكيفات بستن
خذه وماعليك

اللي اسعارهم مناسبه
فاللولو عندهم افترون توني مركب واحد ما قدر اعطي تقييمي بس تبريده زين طبعا لانه جديد حاليا
3 طن خذته ب 4200 تقريبا

جري صارت اسعارهم ما تفرق عن جنرال
فوجي ايضا بستن


كلهم خير وبركه المهم يكون المكيف (بستن)

كلام سليم ‎%‎100

اضيف 3 نقاط مهمة :

1. لازم نركب حجم المكيف ( اطن ) حسب الحاجة مثال : غرفة 6x6 ماينفع لها مكيف 1.5طن وهذي لها حسبه طويله وسبق وضحناها في مواضيع ( البناء والديكور ) .

2. الصيانة الدوريه ويفضل قبل الصيف غسيل داخلي وخارجي وفحص الغاز .

3. تظليل الوحدات الخارجية تعطيك عمر افتراضي اطول واداء افضل .

[عايش فرحان]

بالنسبة للصيانة و المواعيدو الحضور .. جنرال العمادي تحسنوا و الا مازالوا فوضويين ؟

هالموضوع مهم بالنسبة لي .. لانني دافع لهم عربون و افكر اكنسل معاهم و اروح ل قري ..طبعا بيروح علي العربون و لكن فرق السعر ممكن يعوض الخسارة ..

اهم شىء ارتاح في خدمة مابعد البيع من صيانة و حضور عند الطلب .. اللي جرب الشركتين في هذا الشىء مؤخرا يعطينا انطباعه

[qatar 86]

بالنسبة للصيانة تقريبا اغلب الشركات يجون لك بالكثير ثاني يوم

يعني تكلمهم الصبح ممكن يجون لك العصر او ثاني يوم الصبح

انا مجرب ميديا تبع جنرال كول 2 طن اخر حلاوه بس الطن ونص ميت

عموما المكيفات كلها صينيه والكمبريسور تايلندي وكل واحد يحط شعار الشركة على كفر المكيف

البيستون وبس

[معماري قطري]

بالنسبة للصيانة و المواعيدو الحضور .. جنرال العمادي تحسنوا و الا مازالوا فوضويين ؟

هالموضوع مهم بالنسبة لي .. لانني دافع لهم عربون و افكر اكنسل معاهم و اروح ل قري ..طبعا بيروح علي العربون و لكن فرق السعر ممكن يعوض الخسارة ..

اهم شىء ارتاح في خدمة مابعد البيع من صيانة و حضور عند الطلب .. اللي جرب الشركتين في هذا الشىء مؤخرا يعطينا انطباعه

ركز على الصوت لو كانت المروحة على الهاديء كم يكون بالديسيبل .. ولو تقدر ترتب حق اللي معلق في الوسط هذا أفضل توزيع هواء وهدوء في الصوت .. بعض المكيفات فيها ميزة Quiet تحصلها في الرموت كنترول وبعضها حدها Low

[معماري قطري]

بالنسبة للصيانة تقريبا اغلب الشركات يجون لك بالكثير ثاني يوم

يعني تكلمهم الصبح ممكن يجون لك العصر او ثاني يوم الصبح

انا مجرب ميديا تبع جنرال كول 2 طن اخر حلاوه بس الطن ونص ميت

عموما المكيفات كلها صينيه والكمبريسور تايلندي وكل واحد يحط شعار الشركة على كفر المكيف

البيستون وبس

حتى الصيني الماركة يختلف عن الأسماء الجديدة يمكن غري أثبت وجوده من الصيني وأكيد البستن أقوى ويعمر

اللي ما يسبب ضغط على المكيفات هو العزل الحراري الجيد وضرورة تظليل الوحدات الخارجية

[معماري قطري]

ميزة الهدوء تقارب صوت الدكت سبليت مع ضمان إن ما يجيك أي اهتزاز في الدكت لو تركبت غلط

أحد الإخوان وهو مصمم معماري مركب مكيفات سبلت بس مخفية ولا تحس بوجودها ومسوي الجبس على شكل مشربية بتصميم تراثي ومريح راسه

[سعود.]

ركز على الصوت لو كانت المروحة على الهاديء كم يكون بالديسيبل .. ولو تقدر ترتب حق اللي معلق في الوسط هذا أفضل توزيع هواء وهدوء في الصوت .. بعض المكيفات فيها ميزة Quiet تحصلها في الرموت كنترول وبعضها حدها Low

ال Quiet

موجودة في جنرال . مدري عن باقي الشركات

[معماري قطري]

ال Quiet

موجودة في جنرال . مدري عن باقي الشركات

بعد فوجي وسمعت في سامسونغ ولا تأكدت فوجي وجنرال يقولون نفس الشيء بالضبط

[بوخالد911]

ركبت ببيتي الجديد جنرال

المكيفات ممتازة

الصيانة : لما أتصل فيهم يجي الفني بعد ثالث يوم

ولكن لو كان عندي بيت جديد ، باخذ غري

[sara jsm]

ركبت ببيتي الجديد جنرال
المكيفات ممتازة
الصيانة : لما أتصل فيهم يجي الفني بعد ثالث يوم
ولكن لو كان عندي بيت جديد ، باخذ غري

ليش بوخالد !!؟ في شنو الغري احسن من الجنرال ؟

[معماري قطري]

ليش بوخالد !!؟ في شنو الغري احسن من الجنرال ؟

انا حبيت في غري تواضع وكيله وطيبته .. تعرفت عليه مؤخراً ونعم الرجل

الصيانة فوجي خذوا المكيفات وللحين ما سووا شيء شكلهم ينطروني اشتري جديد .. بعض الشركات يلعبون فيها العمال لصالحهم يبيعون قطع ويقنعونك انها ما تنفع حتى تشتري جديد وتخلي القديم عندهم

[النهار]

انا حبيت في غري تواضع وكيله وطيبته .. تعرفت عليه مؤخراً ونعم الرجل

الصيانة فوجي خذوا المكيفات وللحين ما سووا شيء شكلهم ينطروني اشتري جديد .. بعض الشركات يلعبون فيها العمال لصالحهم يبيعون قطع ويقنعونك انها ما تنفع حتى تشتري جديد وتخلي القديم عندهم

كنت مركب فوجي ويندوز طنين اثنين من المكيفات ضرب الكمبريسر بعد 4 سنوات كنت محتفض بالفاتوره طلبوا مني مبلغ خيالي
طلعت لهم الفاتوره قلت لهم ضمان الكمبريسر 8 سنوات بعد هواش معاهم اطلبوا 1200 لكل مكيف المجموع 2400 قلت لهم هاي حق ايش قالوا هاي اتعاب الشغل
قدرنا نوصل لصاحب الحلال خلى شغل اليد لكل مكيف 800 ريال 1600 للمكيفين من يومها ضربت اكس على هذه الشركه
ايش فايدة الضمان عيل كله لعب على عقول الناس

[معماري قطري]

كنت مركب فوجي ويندوز طنين اثنين من المكيفات ضرب الكمبريسر بعد 4 سنوات كنت محتفض بالفاتوره طلبوا مني مبلغ خيالي
طلعت لهم الفاتوره قلت لهم ضمان الكمبريسر 8 سنوات بعد هواش معاهم اطلبوا 1200 لكل مكيف المجموع 2400 قلت لهم هاي حق ايش قالوا هاي اتعاب الشغل
قدرنا نوصل لصاحب الحلال خلى شغل اليد لكل مكيف 800 ريال 1600 للمكيفين من يومها ضربت اكس على هذه الشركه
ايش فايدة الضمان عيل كله لعب على عقول الناس

اللي مصبرني على هنود الشركة صاحب الحلال ما يقصر بس استحي كل شوي مكلمه على شيء تافه .. أحس إنهم عيايرة ويبوقون حلال الناس والا المكيفات كشرة .. حولت على غري في الفترة الأخيرة بس احتاج لتكييف وتدفئة للمكتب ولا حصلت الا عند فوجي اللي يخبر غير يقول لي

[بوخالد911]

ليش بوخالد !!؟ في شنو الغري احسن من الجنرال ؟

شريت مكيف حق كبينتي
ثاني يوم اتصلوا يبون يركبونه
ما شاء الله سريعيين في الخدمة

والأهم من ذي الصيانة عندهم ممتازة

من حول شهرين سووا حملة في سيليين تنظيف مكيفات غري لأصحاب العنن وكانت الخدمة مجانية

وكذلك
وصلني مسج منهم بتكون في صيانة مجانية للعملاء اللي صار لهم مع الشركة 10 سنوات