افضل شارع تجاري في قطر ؟

[sweet qatar]

السلام عليكم ورحمة الله وبركاته


استفسار و أتمنى تعطوني رأيكم في أفضل شارع تجاري

من ناحية الأسعار والمواقف و سهولة الوصول

انا انسانة رايقة وأحب الناس تروق ما تكون على أعصابها

استفسار ثاني :

ليش في محلات فاضية مع ان عليها طلب !

محلات بروة و اسواق الفرجان هل فعلا ساعدت التجار ولا حالها من حال سوق العقار ؟

[معماري قطري]

عليكم السلام ورحمة الله وبركاته

بإذن الله الشوارع التجارية كلها تتطور لتواكب النهضة العمرانية في قطر .. لي تحفظ على كثير منها وتخطيطها اللي يقترب من العشوائي والمشكلة ما بُني على خطأ سيبقى خطأ ويستمر لفترة طويلة .. أمر دوم في دواعيس معيذر التجارية والاحظ الأخطاء وكثرة الارصفة اللي يدعمونها الناس غصب لأنها أما سادة موقف معين أو عائق في طريق السيارات

تم عمل شارع جديد من دوار الفروسية والمضحك إن البيوت تحولت لعمارات تجارية .. والبيوت صغار بعضها بواجهة 30 متر وكل عمارة مستوى أرضيتها يختلف عن العمارة اللي جنبها وبعضهم مرتفع وايد واستوى الطريق اللي جدامهم فيه ارتفاع يتناسب مع العمارة قربه فاستوى فيه نزول مفاجيء وقاطع بين موقف مقابل عمارة وموقف مجاور .. الفرق يوصل ل 40 سم ولو طاحت فيه سيارة كارثة وسيحصل لا محالة

أسواق مثل أسواق طريق سلوى كلها تخطيطها وايد أفضل من ناحية المواقف والمرور جدامها في شارع خدمي من اتجاهين وهناك شارع خدمي رئيسي يوصل لها من اتجاه واحد .. يمكن ينقصها زيادة المواقف وكان المفروض تخطيطها بمواقف سفلية وأدوار أعلى

أسواق شوارع العزيزية مسكتة وتخطيطها مناسب بعد يمكن تنقصها المواقف .. عيب هذي الأسواق كلها من وراء وانفتاحها على الجيران بمدخل خدمات .. نشوف بعضهم يرمون كشرتهم في الخلف ومدخل العمارة يكون خلفي ومواقف سياراتهم مقابلة بيوت العوائل وهذا شيء أقل مخطط عمراني يقدر يتلافاه من البداية

[sweet qatar]

والله يا بوعبدالله التطور غير مرضي

اسواق الفرجان تصميمها غير مناسب وغير عملي يعني الداخل مفقود والطالع مولود

الأفضل لو خلوها صفة وحدة على جهتين


شارع سلوى زين لكن عيبه خلفه مباني والمفروض تكون مواقف والشوارع ضيقه يعني مأساة وقت الذروة


الحين كل منطقة فيها شارع تجاري تفتح المحلات وتبدا قدامها الحفريات

طيب ليش ما بدا تعديل الشارع قبل المبنى !!

يعني تبدا مشروع تفلس قبل لا تشتغل

العزيزية محلاتها غاليه و الدخول والخروج صعب نفس الشي الغرافه ونفسهم مدينة خليفه

الي يشوف المحلات يقول الناس ماتركب سيايير

محلات بروة الوكره اشوفهم الافضل ما عندي فكره عن اسعارهم لكن التنقل مريح من محل لمحل مشي او بالسياره

واتمنى لو في نفسهم في المناطق الشماليه

[بوخالد911]

محلات بروة
وانتي رايحة للوكرة

مواقف كافية وزيادة بعد

[معماري قطري]

والله يا بوعبدالله التطور غير مرضي

اسواق الفرجان تصميمها غير مناسب وغير عملي يعني الداخل مفقود والطالع مولود

الأفضل لو خلوها صفة وحدة على جهتين


شارع سلوى زين لكن عيبه خلفه مباني والمفروض تكون مواقف والشوارع ضيقه يعني مأساة وقت الذروة


الحين كل منطقة فيها شارع تجاري تفتح المحلات وتبدا قدامها الحفريات

طيب ليش ما بدا تعديل الشارع قبل المبنى !!

يعني تبدا مشروع تفلس قبل لا تشتغل

العزيزية محلاتها غاليه و الدخول والخروج صعب نفس الشي الغرافه ونفسهم مدينة خليفه

الي يشوف المحلات يقول الناس ماتركب سيايير

محلات بروة الوكره اشوفهم الافضل ما عندي فكره عن اسعارهم لكن التنقل مريح من محل لمحل مشي او بالسياره

واتمنى لو في نفسهم في المناطق الشماليه

كلامج صحيح سوء تخطيط ويحتاج لتعديل ولازم توجيه للمخططين

أقل شيء ارتفاع أرضية المحل أو الدور الارضي كله يكون متناسب وما يزيد عن درجة وحدة أو رامب صغير .. يفترض التخطيط من الأساس فيه تصريف مياه أمطار حتى الناس ما تبالغ في رفع أرضية الدور الأرضي وبالتالي بعضهم يرفع دفان الموقف جدامه بما يعني إنهم عطوه الحق يسوي حتى الموقف وهذا يفترض شغل هندسي ناقص .. الارتداد يعتبر أرض حكومية والمفروض الجهة المختصة تصممها وتنفذها وبطريقة صح .. انا أقارن بين اللي صاير في شارع وشارع ثاني

عن كلامج الدخول صعب والخروج هذا شيء مؤكد للكثير من المحلات وبعضها نسبياً سهل أو أسهل من غيرها

صحيح فيه تأخر كبير في تطوير الشوارع وهذا ملاحظ وواضح في عدة مناطق .. ألحين شارع المرقاب معتفس له فوق السنة والمرقاب مول فاتح هناك ومعوق بنفس الوقت بسبب الزحمة والمداخل والمخارج الصعبة

[معماري قطري]

محلات بروة
وانتي رايحة للوكرة

مواقف كافية وزيادة بعد

ما رحتها للحين بس شيمنع من تخطيط طرق تجارية صح وفي كل المناطق وحتى توزيعها على سكان المنطقة تكون مدخل ثانوي لهم بدراسة واسس صحيحة

بيتنا في موقع جدامه أول صف من البيوت خدمية وفيها عيادات وحضانة الكلاب يا رب تتكسر فوق روسهم أذونا بنباحهم سنين ولا حد ساعدنا للحين .. لا وفاتحين مطبخ شعبي وفاتح باب خلفي مقابل بيتنا وطلبت تسكيره قالوا مسموح له وقبل يقولون ممنوع .. زين هذا الباب للخدمات ولاستعمال حاوية القمامة الخاصة ببيتنا وجارنا وبيرمون فيها مخلفاتهم من قريب .. كرهوني في منطقتنا مع إنها من أفضل المناطق

[sweet qatar]

صادق بوخالد بروة مكانها ممتاز و توزيعها ممتاز

لكن ما تحصل فيها و الأجار بعد مب بسيط 10500 مثل ما شفت في مزاد قطر

كلمت وصيف عشان بروه افنيو قالوا لي المحلات كلها مأجره

أكثر من مكان تواصلت معاه المحلات مأجره و اشوف وايد أماكن فاضيه

من الاعلانات في مزاد قطر أجار المحلات في المناطق على الشكل التالي

المطار القديم 100 م
18000 ر.ق

الغرافة 100 م
21000 ر.ق

بن محمود 100 م
27000 ر.ق

بنقول هذي مناطق تجارية وحيوية

انزين أم قرن محل معروض للاجار ب 10000 ؟؟!!


شارع مدينة خليفة الشمالية التجاري توه جديد

أول ما بديت ادور شفت عرض ب 10000 الحين أغلب العروض 15000 و توصل لل18000


الاسعار تسد النفس عن التجارة

[sweet qatar]

معماري قطري

عاد ما يصير الأجانب الي حولكم ما تكون عندهم عيادة لعيالهم :swoon2:

الله يعينكم

[معماري قطري]

معماري قطري

عاد ما يصير الأجانب الي حولكم ما تكون عندهم عيادة لعيالهم :swoon2:

الله يعينكم

عيادات اوكي اختي .. انا اتكلم عن عيادة بيطيرية ووراها جهة البيوت مجمعين كلاب الاجانب اللي بيسافرون في كبينة صغيرة ويعزفون سمفونية متواصلة ليل نهار .. هل هذا يصير في بلاد قوانين ونظام؟

بعدين أي نشاط له شروط والبيوت الخدمية مفتوحة على الشارع الرئيسي وقبل البلاء والأذية .. وهذي تسمية المقهورين من البلدية كانوا يقولون ممنوع فتح باب خلفي على الساكنين .. ألحين نشوف أبواب خلفية ومباني حديدية في حوش البيت لا والكهربة ما يقصرون يزودونهم بتيار أكبر حتى يكفي المباني الحديدية اللي سووها في الحوش .. حتى حضانة الأطفال جنب بيتي ترسوا الحوش فصول حديدية لو تستوي حريقة بينشوون الأطفال لا قدر الله وحادث فيلاجيو بيتكرر

انا عارف الوضع وعارف إن فيه تراخي كبير من الجهات المختصة مع هذيلا العرب العاربة لكن لو قطري ما سمحوا له والغالبية ما يسمحون لنفسهم بالتجاوز والتعدي على الجار

[معماري قطري]

الظاهر لازم اوصل موضوعي أما لوزير البلدية وهو مهندس بيفهم لغتي أو لمعالي رئيس مجلس الوزراء وأرسلت له ايميل سابقاً لكن ما سووا شيء جاوا وقالوا ما نسمع ولا نشوف وكنت مسافر .. يبي لها روحة وشرح للقضية

فديت أمريكا اللي تلفون للشرطة يحل كل شيء وفي دقايق .. ألحين حول 4 سنين واحنا نراوح مكاننا

[sweet qatar]

اي انا اقصد عيالهم (الكلاب) تكرمون

انا استغرب كل هالتجاوزات تصير وكل شي ممنوع

في حلقه مفقودة

[معماري قطري]

للأسف ما فيه قانون صارم والتجاوزات كبيرة وتبقى سنين أستغرب هالقوة عند بعض الأجانب وأعرف بعضهم وراهم ناس غير طبيعيين بس النظام نظام .. سامحيني قلبت الموضوع لشكوى بس دوم احاول اذكر الجهات المعنية اني اشتكيت ولا انحلت شكواي وهي أكيد شكوى الكثيرين

حتى لو رحت منطقتنا الجديدة وبنيت هناك بوادر سوق تجاري وأكيد بنظام التخطيط العشوائي موجودة هناك .. ألحين معينينها إنها منطقة خضراء بس تتغير بجرة قلم .. كذلك الطرق للحين مؤقتة والخدمات ما اكتملت ويوم الحكومة بسنة من 4 سنين نسمع إنه فيه مشروع صرف صحي ولا صار .. اللي يشوف المنطقة ويتجول فيها فيها كثير تجمعات عمال وتخزين مفتوح وبدائي لآليات بناء ومواد في أراضي مسورة بحديد

[sweet qatar]

مسموح وخذ راحتك

العشوائية هذي تأثيرها سلبي على quality of life

حتى التجارة

ليش أغلب المعروض over priced
لأن العشوائية تحدك ترفع سعرك أو تتلاعب وتغش وتحلف الله ان المنتج أوروبي وهو صيني