طلبات المدرسات والمدرسين

[السكين]

السلام عليكم ،،

عندي موضوع محيرني وأتمنى ألاقي له مبرر ، الموضوع خاص بالمدارس رغم اني غير متزوج ولكن من اللي أشوفه مرات والله إني أتحمس أكلم المدرسة نيابة عن أختي أو أخوي ..

من سنوات وأنا أسمع بطلبات غريبة من المدارس مع احترامي للأخوات بس أغلبها تصدر من المدرسات ..

الحين لما مدرّسة تطلب من طالبة إبتدائي تجيب حيوان أليف أرنب ولا كتكوت إيش الهدف ؟ ليش ما تجيب المدرسة هي بنفسها وتشرح ..ليش ما تشرحوا على صورة على مجسم على لعبة على بروجكتر أو شاشة ؟ وبعدين ترجع الطالبة بدون القفص ههههههههه تسألها وينه؟ تقول خذته المدرسة :cry:

الشغلة الثانية الرحلات ، على أيامنا أذكر يودونا مصنع الصابون أو المطافي أو رحلات الزبارة أو الشواطيء اللي بالشمال .. وتحس المدرس كأنه ماخذ عياله ومنتبه عليهم يا ويل اللي يتحرك يا ويل اللي يبعد يا ويل ويا ويل .. تحسها رحلة كشافة منظمة حتى بالباصات .. الحين ياخذوا العيال على اللاند مارك أو على المجمعات مدري ايش الهدف منها ؟ تعطيهم مبلغ 30 ولا 50 ريال ولا اكثر وتسألهم ايش جابوا لكم يقولوا وجبة ماك !! الحين تمنعونهم يدخلوا بشيبس المدرسة بحجة انه مضر وبره تشتروا لهم ماك وبرجر وشبس عادي ؟ تسألهم ايش سويتوا يقولوا لعبونا بالألعاب !! ايش الهدف ما أدري رغم ان الدولة مليئة بالأماكن اللي ما يعرفها الطلاب وفيه أنشطة ترفيهية وتعليمية ..

في مدرسة ابتدائية اعدادية يمنعوا دخول الأطعمة والمشروبات وبنت اختي بصف ثاني ابتدائي قبل كم يوم شارية رد بول لونه ازرق وشيبس مستانسة عليه اقولها من وين شريتيه تقول لي بنات الاعدادي يبيعونه لنا قلت لها وين يبيعوه بمكان مخشوش تقول لا عادي حتى الابلات يشوفونهم ! شفت الشيبس معها بالفعل اللي شرته بس الريد بول كانت شربته تقول مخلوط مع سفن اب مدري ديو والله حرام ...بعد عليه صبغة لون .. ما أدري وين الرقابة خاصة اللعب بعقول الصغار جريمة لانه ممكن تشربه سم وهو ما يدري ..

الحين انا كلمت زوجة اخوي قلت لها لازم تتصل بالمدرسة وتخبرهم ولازم تعترضوا على اي طلب غير منطقي من المدرسين ... من اعمال يدوية معروف مسبقاً انها ليست اعمالهم .. ليش ينطلب من الطالب عمل دائرة كهربائية ؟ أو سوّي مجسم لبيت أو حديقة أو أو إلخ..
كلها أمور حتى الآباء ما عندهم قدرة أو وقت انهم يسوونها من ناحية خبرة أو وقت أو مادة حتى !

ترى والله في طلبات كثيرة وكوني أسويلهم هالأعمال اليدوية كثيراً بالفعل تسأءلت ايش الفايدة منها ليش ما تشرحوا لهم انتوا وتركبوها قدامهم وتعلموهم بالمدرسة وتفكونا قالبين البيت ورش عمل طول اليوم !

[sara jsm]

وعليكم السلام ..

اتوقع اخوي تتكلم عن المدارس الخاصه مش الحكومية صح ؟؟

[السكين]

صحيح كلامك اختي

[معماري قطري]

حي الله الغائب له فترة

يالسكين انا حبيتك قبل لا اشوفك وحبيت آرائك بس أخاف تقطعني

ندخل شوي شوي بالنسبة لأول فقرة المدرسة لو طلبت من الطلاب شيء أوقات طالب يتحمس ويتبرع يجيب أو يكون عنده وهذا شيء زين تعلمهم المشاركة والتفاعل .. وما تتصور الطالب اللي يجيب شيء شلون يحس التركيز عليه وإنه أنجز

الرحلات معاك فيها وبعضهم تفكيرهم محدود وخطأ كبير يحرمونهم من شيء في المدرسة ويعطونهم برا

والنقطة الأخيرة أكيد يعتمد على طبيعة العمل اليدوي ولو سهل وممكن وشكثر بنعطي الطفل وقت ينفذه ووشي الوسائل اللي بنحددها لتعلمه .. وهذي لازم يدخل فيها اشراف متطور ولو دائرة كهربية نخليها ببطارية ووسائل آمنة ونحذرهم من القرب من الكهرباء .. مهم المدرسة لو أخطأ الطالب ما تحاسبه وتشجع اللي حاول وتصنع بيئة تنافس بين الطلبة وكلها أكيد أُمور تعليمية وتربوية بنفس الوقت وبعضها فيها مرح وفرح ومتعة

[معماري قطري]

في الجامعة عطوا فصل قبلنا مشروع يعملون جهاز أمان من عيدان الكبريت والخيوط والورق مثل الصندوق ويحطون فيه بيضة ويرمونها من الدور الثاني لو نزلت ما انكسرت يفوزون .. التكلفة مهمة للجهاز ولكل جزء منه قيمة رمزية ويفوز الفريق اللي يسوي الجهاز الأرخص والأفضل والأأمن

إحنا عطانا معلم الكورس مسألة غير وكانت عبارة عن عمل جهاز من مناقيش الأسنان والخيوط والورق لإخراج ربع دولار معدني من عمق إنش الا ربع من الماء بدون ما تتبلل يده .. انا سويت جهازي من عودين فقط وكان الأرخص .. ببساطة سويت جولة على السوق وشريت مناقيش أسنان وحصلت نوع من البلاستيك ( هو ما قال ضروري يكون خشب ) وقال لا تستعملون لحام والا صمغ وانا ذوبت الطرف وألصقته في بعض بالحرارة وبتحويل المادة .. المفروض أكون انا الأول بس أسود الويه عطاني d وعطى غيري وبعضهم ما سووا شيء a وبعضهم سووا جهاز تخيلي ومكلف ولا فلح في اخراج العملة

[السكين]

منور يا مهندسنا ولي الشرف طال عمرك ..

والله ياخوي مهمة المدرسين التعليم وبنفس الوقت عدم التكليف على أولياء الأمور لأن هو بنفسه أيضاً ولي أمر والمفروض ما يثقل عليهم حتى لو الطفل تبرع تراه على قولتك تحمس وما يدري عن وضع أهله ومدى انشغالهم ..أوكي بعمل بوستر أو بشي غير مكلف .. ترى الطفل يتكلم من نفسه وممكن يورطهم بالبيت ههههه ..هنا المدرس لازم يتقمص دور الأب أو الأم .. الأعمال اليدوية تعطي الطفل ثقة بالنفس غير طبيعية بس ليش لازم أقلب بيتي ورشة لهم طول السنة .. ياخي شاركوهم انتم .. ترى نتيجتها اكبر بالمدرسة .. في برنامج قديم كنا نتابعه أسمه آرت أتاك ( نوبة فنية ) أعمال يدوية وأفكار رائعة وكان اهم شرط يذكره مقدم البرنامج لا تشتروا شي ..كل ما نحتاجه موجود ببيتكم ..يساعدهم على إستخدام أي شي مستهلك وعديم الفائدة ليحوله لتحفة فنية ..

أذكر مدرس المواد الإجتماعية بالمدرسة كان يقول لنا ممنوع تطبعوا الخرائط على الورق الشفاف وتلونوها وتلصقوها بدفاتركم ..اللي يبي يرسم خريطة يرسمها بيده نقل مش طبع وان كان فيها أخطاء ولازم تلوين خشبي يقول الألوان المائية مكلفة على أهلكم .. والله مدرسين قبل فيهم خير .. حتى أذكر مدرس كان يقول لنا جيبوا دفتر 50 صفحة لا تجيبوا 100 صفحة لانه بيتم نصه فاضي اخر العام ..

بخصوص المشروع اللي ذكرته هذا اللي أقصده ..وأحب مشاركة الطلاب الصغار خاصة بأمور شبيهة بهذه المشاريع أمور فيها ابداع وابتكار وتطوير مهارات وقدرات ..الذهنية قبل الجسدية وتعطيهم ثقة بالنفس ..

وصباحك خير

[sara jsm]

اخوي السكين المدارس الحكومية او المستقله عندنا كلها الوزارة توفر لها ميزانيه سنوية ..
وتتكفل في وايد امور للطالب من حيث تعليمة او ترفيهه حتى ..
لكن المدارس الخاصة اظن الميزرانيه من اقساط الاهلي :deal: مش متاكدة اذا الوزراة تصرف لهم شي او لا ..
:
ولدي دخلته حكومي لوجهه نظر خاصة فيني .. رغم ان باقي الاطفال اللي في محيطة والعايلة كلهم مدارس خاصه ..
بس لما اقارن بالمدرسة كـ كل احس اني ماندمت اني وديته حكومي خاصة من الجانب التربوي مش المنهج ..
ورحلاتهم حلوة وايد .. بحكم منطقتي مرة ودوهم عيادة الاسنان في المركز الصحي .. ومرة مهرجان لبرثه .. ومرة جمعية الميرة .. ومرة منتزة الخور والحين بيودونهم مزرعه بلدنا .. كل رحلاتهم تعليمية وترفيهيه .. وعمرهم مااطلبوا منهم يجيبون حتى قلم او دفتر ..، عكس اللي في الخاصة كل فترة رزم اوراق او اقلام رصاص ومقص ... الخ

هذي لهم ايجابيات وسلبيات والعكس ..

[$الملياردير$]

الله يمسيكم بالخير ... أصبت كبد الحقيقة هذا الموضوع نعاني منه ... اخر صرعة مرت على ولدي في مدرسة ابتدائية مستقله ... سو عمل فني مجسم بالمواد الخام إسفنجية وكرتونية وألوان ... بس لا تجيبه المدرسة ... صوره وأرسله واتس اب .... انزين والتعب والوقت والخسارة ... ليش صورة و واتس .... حاولت احلل لقيت جواب واحد ... تطبع الصور بسرعة وتحطها في ملفها اللي بشيكون عليه لجنة التقيم هههههه وتكون افتكت من العباله ....:nono:

[معماري قطري]

منور يا مهندسنا ولي الشرف طال عمرك ..

والله ياخوي مهمة المدرسين التعليم وبنفس الوقت عدم التكليف على أولياء الأمور لأن هو بنفسه أيضاً ولي أمر والمفروض ما يثقل عليهم حتى لو الطفل تبرع تراه على قولتك تحمس وما يدري عن وضع أهله ومدى انشغالهم ..أوكي بعمل بوستر أو بشي غير مكلف .. ترى الطفل يتكلم من نفسه وممكن يورطهم بالبيت ههههه ..هنا المدرس لازم يتقمص دور الأب أو الأم .. الأعمال اليدوية تعطي الطفل ثقة بالنفس غير طبيعية بس ليش لازم أقلب بيتي ورشة لهم طول السنة .. ياخي شاركوهم انتم .. ترى نتيجتها اكبر بالمدرسة .. في برنامج قديم كنا نتابعه أسمه آرت أتاك ( نوبة فنية ) أعمال يدوية وأفكار رائعة وكان اهم شرط يذكره مقدم البرنامج لا تشتروا شي ..كل ما نحتاجه موجود ببيتكم ..يساعدهم على إستخدام أي شي مستهلك وعديم الفائدة ليحوله لتحفة فنية ..

أذكر مدرس المواد الإجتماعية بالمدرسة كان يقول لنا ممنوع تطبعوا الخرائط على الورق الشفاف وتلونوها وتلصقوها بدفاتركم ..اللي يبي يرسم خريطة يرسمها بيده نقل مش طبع وان كان فيها أخطاء ولازم تلوين خشبي يقول الألوان المائية مكلفة على أهلكم .. والله مدرسين قبل فيهم خير .. حتى أذكر مدرس كان يقول لنا جيبوا دفتر 50 صفحة لا تجيبوا 100 صفحة لانه بيتم نصه فاضي اخر العام ..

بخصوص المشروع اللي ذكرته هذا اللي أقصده ..وأحب مشاركة الطلاب الصغار خاصة بأمور شبيهة بهذه المشاريع أمور فيها ابداع وابتكار وتطوير مهارات وقدرات ..الذهنية قبل الجسدية وتعطيهم ثقة بالنفس ..

وصباحك خير

صباحك نور وسرور

وصلت وجهة نظرك والمفروض المدرس أو المدرسة لو بغوا مساعدة الطلاب وتبرعهم يتواصلون مع أولياء الأُمور وبعدين ما يثقلون عليهم كل فترة شيء .. أوقات شراء هذي المستلزمات ياخذ وقت وجهد من أولياء الأُمور وبعضهم غير مقتدرين مادياً فيزيدهم مصاريف

[معماري قطري]

بعدين المشاريع هذي لازم تاخذ وقتها كنا نسوي المشروع في الجامعة على فترة 3 شهور ويتطور بالمتابعة مع المعلم وأوقات كفريق .. مرة رتبوا لنا زيارة للمشردين تحت الجسور وكانت معانا مرافقة من الشرطة لأن نناقشهم ونشوف كيف عيشتهم وأكيد نقيس ونصور حتى نسوي مقترح مباني مؤقتة رخيصة تحت الجسور مناسبة لهم

[ضوى]

والله كثرمايطلبون من بنتي وانا مطنشه معطتهم السين ، اكثر شي ممكن اسويه اجيب ورقه a4 واخلي بنتي ترسم المطلوب باناملها الصغيرة واطرشه معاها عجبهم زين ماعجبهم بناقص ابخمس درجات مابيها لكن بصراحه كلش كلش كلش ماهددوني صار لي ثلاث سنين على هالحال مع بنتي وحتى عيالي الكبار ماذكر سويت لهم حتى يرم يطلبون يكون شي بسيط غير مكلف ابدا

[Dana’1]

حيوان اليف مره وحده!
حدهم نشاط بخط الطالبه سواء بورق الطباعه أو لوحه والأغلب ورق الطباعة طبعا يمكن مره أو مرتين لوحة كبيره

ما أظنك مجبور بكل هذا كولي أمر


والسلام ختام

[السكين]

اخوي السكين المدارس الحكومية او المستقله عندنا كلها الوزارة توفر لها ميزانيه سنوية ..
وتتكفل في وايد امور للطالب من حيث تعليمة او ترفيهه حتى ..
لكن المدارس الخاصة اظن الميزرانيه من اقساط الاهلي :deal: مش متاكدة اذا الوزراة تصرف لهم شي او لا ..
:
ولدي دخلته حكومي لوجهه نظر خاصة فيني .. رغم ان باقي الاطفال اللي في محيطة والعايلة كلهم مدارس خاصه ..
بس لما اقارن بالمدرسة كـ كل احس اني ماندمت اني وديته حكومي خاصة من الجانب التربوي مش المنهج ..
ورحلاتهم حلوة وايد .. بحكم منطقتي مرة ودوهم عيادة الاسنان في المركز الصحي .. ومرة مهرجان لبرثه .. ومرة جمعية الميرة .. ومرة منتزة الخور والحين بيودونهم مزرعه بلدنا .. كل رحلاتهم تعليمية وترفيهيه .. وعمرهم مااطلبوا منهم يجيبون حتى قلم او دفتر ..، عكس اللي في الخاصة كل فترة رزم اوراق او اقلام رصاص ومقص ... الخ

هذي لهم ايجابيات وسلبيات والعكس ..

أتفق معك الحكومي أحسن من ناحية التعليم والمنهج أيضاً بالنسبة لي ، وطلباتهم أقل بكثير ربما للضرورة.

[السكين]

الله يمسيكم بالخير ... أصبت كبد الحقيقة هذا الموضوع نعاني منه ... اخر صرعة مرت على ولدي في مدرسة ابتدائية مستقله ... سو عمل فني مجسم بالمواد الخام إسفنجية وكرتونية وألوان ... بس لا تجيبه المدرسة ... صوره وأرسله واتس اب .... انزين والتعب والوقت والخسارة ... ليش صورة و واتس .... حاولت احلل لقيت جواب واحد ... تطبع الصور بسرعة وتحطها في ملفها اللي بشيكون عليه لجنة التقيم هههههه وتكون افتكت من العباله ....:nono:

هذا قصدي إذاً الهدف أنك تعبي الفراغ فقط ولا أهمية للعمل بالنسبة لها أهم شي تصور ولو من قوقل ..

العلم رسالة قبل كل شي بس للأسف بعض المدرسين يحتاجوا تربية وتعليم ..

[السكين]

بعدين المشاريع هذي لازم تاخذ وقتها كنا نسوي المشروع في الجامعة على فترة 3 شهور ويتطور بالمتابعة مع المعلم وأوقات كفريق .. مرة رتبوا لنا زيارة للمشردين تحت الجسور وكانت معانا مرافقة من الشرطة لأن نناقشهم ونشوف كيف عيشتهم وأكيد نقيس ونصور حتى نسوي مقترح مباني مؤقتة رخيصة تحت الجسور مناسبة لهم

جميل جداً أنا بالنسبة لي أول مرة أسمع هالنوعية من المشاريع ..لو طبقوا هالطريقة في مشاريعهم وأعمالهم ..وأقصد هنا ( المتابعة فقط مع اختيار مشاريع مناسبة) على مراحل ليروا النتيجة ..

[السكين]

والله كثرمايطلبون من بنتي وانا مطنشه معطتهم السين ، اكثر شي ممكن اسويه اجيب ورقه a4 واخلي بنتي ترسم المطلوب باناملها الصغيرة واطرشه معاها عجبهم زين ماعجبهم بناقص ابخمس درجات مابيها لكن بصراحه كلش كلش كلش ماهددوني صار لي ثلاث سنين على هالحال مع بنتي وحتى عيالي الكبار ماذكر سويت لهم حتى يرم يطلبون يكون شي بسيط غير مكلف ابدا

بالعكس اللي سويتيه عين العقل ، خليتي البنت تعتمد على نفسها ، طبقتي المطلوب بحذافيره كلمة ( عمل الطالبة فلانة اللي نكتبها تحت الوسيلة التعليمية ) يجب أن نكون صادقين فيها ..وما أعتقد أحد يقدر ينقص من الدرجات طالما تم عمل المطلوب أما مسألة جودة الرسم أو الخط أو العمل نفسه فهذه ( مَلَكة ) وموهبة من الله ..تجمل العمل فقط ولا تميز طالب عن طالب بالدرجات ( هذا المفترض يعني ) !

شكراً لمرورك

[السكين]

حيوان اليف مره وحده!
حدهم نشاط بخط الطالبه سواء بورق الطباعه أو لوحه والأغلب ورق الطباعة طبعا يمكن مره أو مرتين لوحة كبيره

ما أظنك مجبور بكل هذا كولي أمر


والسلام ختام

هذا اللي نقوله صحيح كلامك وعين العقل

[يمامـة]

الحل التواصل مع ادارة المدرسة كتنبيه اول للمخالفات..

الحل الثاني التواصل مع وزارة التعليم و رفع شكوى ضد المخالفات.

اما المدرسة تطلب و احنا نوفر الطلبات و عقب نشتكي اشوف هالشي
احنا نتحمله.. ممكن بكل ذوق رفض تحميل الطالب الطلبات بتوجيه خطاب
بشكل ودي للمدرسة او المدرس.. و عدم اشراك الطفل في الموضوع خير شر..

اما بخصوص الوجبات السريعة ما هي بمشكلة كبيرة ابدا..
طبيعي جدا يروحون المجمع ويشترون وجبة سريعة .. و باقي الفلوس
تكون ثمن للرحلة من استخدام للباص و غيره .. لانها مدارس خاصة..

اما الريد بول هذه مخالفة صريحة تستدعي تقديم شكوى في المدرسة و رفعها للوزارة..

[يمامـة]

بعدين يالسكين و لكل من يقرأ الموضوع و شارك فيه..

لا تستهينون بأي نشاط ينطلب من الطالب .. لو تقدر عليه شاركه في العمل عليه
و اخراجه للنور و حمل اسمه..
الانشطة هذه محفزة للطالب في الصف و المدرسة..
الصرف على مثل هالاعمال المدرسية حالها حال الاسثتمار في الابناء..

فاليوم لما اوفر لولدي او بنتي كل ما يلزمه للمشاركة في الانشطة المختلفة
و المسابقات اللي تحتاج الى مشاركات منه بعمل مجسم يكلفه مبلغ مادي
او بعمل لوحة او بمشاركة تحدي يحتاج منه البحث عن مواد ينافس فيها..

كل هالامور لا تستهينون فيها ابدا ابدا ابدا

[السكين]

أختي يمامة شكراً لمرورك..

والله القصد بالمقام الأول مب التكاليف ..وإن كانت مهمة ولكن أن يطلب من الطالب طلبات أكبر من قدراته ومن فهمه حتى هنا المشكلة ..لو الدائرة الكهربائية اللي متعوب عليها أخذها المدرس وقال للطالب كيف سويتها أو حتى كيف سواها أبوك ..وشرح للبقية أيضاً عليها هنا مافي مشكلة بالعكس لها تأثير إيجابي ومعنوي للطالب وفائدة للبقية ..بس الأغلب ياخذ العمل من الطالب كأنه أرسله يجيب له كوب ماي وياخذها منه ويقول له شاطر !

أنا مهتم بأن تكون المشاركة بالأعمال اليدوية هذه من قبل المدرسة أولاً لتوافر المكان الأمثل أيضاً والفائدة الأكبر ..بعيد عن فوضى وانشغالات الاهل بمتطلبات بقية اخوته والبيت !