استفسار بخصوص شنغن الفرنسيه

[سعود العمادي]

السلام عليكم

استفسار بخصوص شنغن من السفاره الفرنسيه

انا طلعتها من الفرنسيه من سنه تقريبا

اقدر اروح ع طول اسبانيا بدون مانزل فرنسا

ناس تقول عااادي وناس تقول لا ؟؟

[غيم الجنوب]

عادي تقدر تروح

[راعي الكورفت]

لا ما تقدر تدخل اسبانيا إلا انك تدخل فرنسا وبعدها تروح اسبانيا

[monatee]

انا نفس وضعك

الشهر الجاي بدخل فيها فيينا والفيزا جديده فرنسيه وطلعتها من سنه

على ماسمعت عن مشاكل الشنغن ، غالبا دولة ألمانيا هي المشدده من هالناحيه
ألمانيا اللي ممكن تسبب لك مشكله اذا اخذت فيزا جديده من بلد اخر ورحت لهم اول دخول

توكل على الله وسافر

[بوعمير]

حسب ما سمعت، يتم التدقيق على فيزا الشنغن في مطار حمد و لايسمح بركوب الطائرة لحاملي الشنغن الجديده ( اول سفرة) إلى إذا كانت الوجه إلى نفس البلد التي حصلت منها على الفيزا.

الأفضل ، اتصل في المطار او القطرية و تأكد.

[start555]

فيزتي من السفارة الاسبانيه من سنة دخلت المانيا ولا حد كلمني

[برشلوني قطر]

سافرت مع واحد وعنده الفرنسيه...وراح يبي يغيرها ع الامانية وقاله الي فالمكتب دام صار لها اكثر من ست شهور مافي مشكله..

وفعلا دخلنا المانيا والامور طيبة

بالتوفيق

[ذكي جدااا]

اول ماتطلع الفيزا لازم تدخل البلد اللي طلعت منه الفيزه. بعدها استخدم الفيزة بكيفك وسافر اي بلد مادام الفيزة صالحة. ماعندك اي مشكله تسافر اسبانيا مادام دخلت اول مره فيها فرنسا العام الماضي

[monatee]

حاليا انا بفيينا ، نفس ماذكرت بتعليقي فوق
وفيزتي جديدة من الفرنسيه مطلعتها شهر 10
محد قالي شي بمطار النمسا*

[يعقوب ذياب]

انا توني جاي من سويسرا وطلعتها من الفرتسيه بس دخلت سويسرا اولا وبعدها دخلت فرنسا وبعدها المانيا وهولندا ورجعت من هولندا على جينف على طيران ايزي جيت ورجعت من جينف على القطريه

[MzYoN-QaTaR]

ما في مشكله
ولكن ما تقدر تدخل المانيا و سويسرا
اما اذا اتسخدمتها من قبل تقدر عادي اي دوله
واذا تبي تدخل سويسرا تدخلها من مطار جنييف لانه المطار مقسم لقسمين فرنسي و سويسري

موفق

[Class - Qtr]

السلام عليكم

انا طلعت الفيزا من السفارة الايطالية ودخلت سويسرا
اول رحلة