هل صحيح العشا بقيمة 7000 ريال ؟؟؟؟؟؟ [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : هل صحيح العشا بقيمة 7000 ريال ؟؟؟؟؟؟

مستثمر رشيد

25-03-2019, 09:01 PM

وصلني مسج يتضمن قيمة فاتورة بمطعم جديد بكتارة بمبلغ 7000 ريال ....

سؤال ايش مكونات هالاكل عشان يوصل لهالقيمة ؟؟؟؟

غيم الجنوب

25-03-2019, 09:02 PM

المطعم يبي يربح والزبون ماعنده مشكله يدفع

Dana’1

25-03-2019, 09:21 PM

فعلا الأسعار عموما مرتفعه
لكن
السؤال
كم عدد الأشخاص يمكن وفد من 20 شخص!
إيش هي الطلبات مقابل هالسعر؟!

إذا ثلاثه أو أربعة أشخاص و الطلبات بسيطه مره يجي هالسؤال
إيش مكونات هالأكل؟!!!!

sara jsm

25-03-2019, 09:57 PM

طيب شنو المشكله .. مب مطعم نصرت التركي تعدوا هالاسعار !؟
اذا المنيو مكتوب فيه سعر الاطباق مافي مشكله ..
او يمكن مطعم بحري معروفه اسعارهم ناااار ..

khaldoon

25-03-2019, 10:54 PM

اخوي ابي اقولك شي.....مديرنا السابق ساكن في اللؤلؤة ببنت هاوس ايجاره على حساب الشركة 65 الف ريال شهريا.....انقطعت الكهربا عليه في يوم من الأيام راح على السانت ريدجس و جاب فاتوره للشركه بفطور صباحي و ليس إفطار رمضان بقيمة 3000 ريال و هالكلام من سنين طويلة

معماري قطري

26-03-2019, 01:28 AM

فعلا الأسعار عموما مرتفعه
لكن
السؤال
كم عدد الأشخاص يمكن وفد من 20 شخص!
إيش هي الطلبات مقابل هالسعر؟!

إذا ثلاثه أو أربعة أشخاص و الطلبات بسيطه مره يجي هالسؤال
إيش مكونات هالأكل؟!!!!

أتوقع ربع ناصر خان وايد وفي كل الدول العربية ويمكن عازم 100 شخص

R 7 A L

26-03-2019, 05:05 AM

الشرهه على الي بيروح لهذا المطعم وبيدفع
بعضهم يقول على شان مايخسر انقول جعله مايربح

الحياة الخالدة

26-03-2019, 05:59 AM

https://pbs.twimg.com/media/D2bQQtfXQAYQJul?format=jpg&name=medium

السر في السرطان الملكي
مادري شلون ياكلونه .. حتى اسمه يجيب المرض

Dana’1

26-03-2019, 06:34 AM

https://pbs.twimg.com/media/D2bQQtfXQAYQJul?format=jpg&name=medium

السر في السرطان الملكي
مادري شلون ياكلونه .. حتى اسمه يجيب المرض
شدعوه عليهم هالمطاعم وتسعيراتهم
أتوقع
قيمة تذكره للمالديف مع نفس هالأكله هناك فرش قدامة من البحر ياكلها ويرد مو لازم يمسي!
إذا مو أقل بعد

sara jsm

26-03-2019, 06:36 AM

مياه معدنيه بـ 60 ريال :eek3:

khaldoon

26-03-2019, 07:09 AM

ايش اسم المطعم ..... يمكن يكون عنا كوبونات له من الانترتينر خخخخخخ

لـبـيـه

26-03-2019, 07:23 AM

والله ياجماعه اني دخلت مطعم في فندق وكنا تقريبا 6 اشخاص

وطلعت الفاتوره 6300 ريال ومن الروع صورة الفاتوره وللحين عندي

ابوالعبد

26-03-2019, 08:14 AM

شرهه علي حمايه المستهلك صار سهبله كل المطاعم حتى العاديه قامت تبيع الماي الصغيره علي عشر ريال والبييبسي علي اربع طعش ريال الفطاير زعتر قبل علي ريالين احين علي خمس ريال وين حمايه المستهلك مادري!!!!

بوخميس

26-03-2019, 08:42 AM

اتوقع لو يروح تايلند بيحصل السرطان الملكي مالهم على 30 ريـال

الحين هذا مستانس انه دافع حول 8000 على عشا؟ تحس انه ولد فقر ما شايف خير

ضوى

26-03-2019, 08:58 AM

هل قطر وايد يحبون الفشخرة ، رزة والبطن خالي، حتى لو انصدم من الرقم اللي في الفاتورة يستحي ومايطلع مشاعره، شخصيا ادش مطعم اقرا المنيو والاسعار وكل شي اشتهيه اشوفه يسوى سعره والا لا ، دخلت مطعم نصرت مع الناس والهبه قعدت شفت المنيو قلت لهم قوموا عسى ماشر باكل ذهب ، طلعنا تعشينا ببوفيه الشيراتون كلنا بثمن وجبه في مطعم نصرت ربع كيلو لحم ب750 ريال عسى ماشر الذبيحه اخذها 400 ريال بجميع ملحقاتها واوصلني البيت بعد مفروزة ومجيسه

السكين

26-03-2019, 09:55 AM

سعود.

26-03-2019, 10:25 AM

قال تعالى ( ثُمَّ لَتُسْأَلُنَّ يَوْمَئِذٍ عَنِ النَّعِيمِ )

الحياة الخالدة

26-03-2019, 10:33 AM

المياة المعدينة بستين ريال يعني تشري 10 كراتين مياه من الجمعية ..

والله خاطري ابوي يشوف الفاتورة وأقوله 6200 ريال سرطان ملكي ههههههههههههههه ما أعتقد يستوعب أذكر رحت معاه مطعم أرض كنعان بكتارا ودفعت 600 وشوي وكان يقول غالي

السعر حق غرشتين ماي
يعني الوحدة ب30 هههههههه
وآخرتها نسبة الصوديوم فيه عالية يعني يرفع الضغط فوق ماهو مرتفع من الفاتورة

عطر فرنسي

26-03-2019, 10:47 AM

khaldoon

26-03-2019, 10:48 AM

https://pbs.twimg.com/media/D2bQQtfXQAYQJul?format=jpg&name=medium

السر في السرطان الملكي
مادري شلون ياكلونه .. حتى اسمه يجيب المرض

ليش هالقد غالي.... لو نطلب اربع خرفان مع الطبخ بسعر 1500 يطلع ارخص.... هل هذا السرطان الملكي فيه اكسير الحياه

sara jsm

26-03-2019, 10:58 AM

khaldoon

26-03-2019, 11:18 AM

يعني هالسرطان ولد شيوخ !!!؟ خاطري اعرف اي مطعم واشوف شكله .،
مرة رحنا مطعم بحري في طوار مول وكنا 6 اشخاص وكل طلباتنا من الربيان وام الربيان واللبوستر وصقوع واخر شي الفاتورة 1000 وعشر ... وشبعنا عالاخر ..
ما نبي نظلم المطعم و نعمل مقارنات مع الغير يمكن المطعم الي رحتوه في طوار مول يقدم الربيان وام الربيان واللبوستر وصقوع صيني ..:happy::happy:.... امزح لا تزعلي

الحياة الخالدة

26-03-2019, 11:21 AM

تكفى يا خلدون اذا عندك كوبونات حق هالمطعم اعزم اعضاء المنتدى كلهم يجربونه عن خاطرهم

sara jsm

26-03-2019, 11:32 AM

ما نبي نظلم المطعم و نعمل مقارنات مع الغير يمكن المطعم الي رحتوه في طوار مول يقدم الربيان وام الربيان واللبوستر وصقوع صيني ..:happy::happy:.... امزح لا تزعلي

تهقى مستنسخ :happy::happy:
والله اني مجربه اغلب المطاعم البحرية اللي في الدوحة .. بس نفس سعر هالطبق ماشفت ،.
حتى فندق اوريكس روتانا يسوي بوفيه بحري الشخص بـ 220 او 350 مب اكثر .. وياخذون كوبوناتك بعد .. :happy:
هم في اثنين ماجربتهم يمكن واحد منهم ..
يـ لوبستر او نوفيكوف

بوخالد911

26-03-2019, 11:32 AM

https://pbs.twimg.com/media/D2bQQtfXQAYQJul?format=jpg&name=medium

السر في السرطان الملكي
مادري شلون ياكلونه .. حتى اسمه يجيب المرض

اللي مصور الفاتورة
تعمد يغطي على الكيلو !!!

لون القلم مغطي على عدد الكيلو
واهنيه الغمندة !!!!

Rider

26-03-2019, 11:41 AM

شفيه مطعم الزرقاء والا السفير أكل حتى الأشباع واخر شي الفاتورة 100 ههههههه
يعني ادخل مطعم اتعشى فيه وادفع مبلغ خيالي والصباح أقوم جوعان وش الفايده ههههههههههه

qatarman8008

26-03-2019, 11:52 AM

انا كنت احسبهم مغلطين في الرقم حطوا صفر زيادة صار 6200

naklan

26-03-2019, 11:55 AM

ههههههه قبقب ب 6200

الله يذكر بالخير رفيقنا ابو محمد
لقيته مزنط حق الهندي مال المعصرة ومعلقه
مزيد عليه نص ريال مال كوب العصير
لو يروح هالمطعم بيوقف قلبه
قال ملكي قال كيلو القباقب
بد15 ريال ونسويه
ملكي فالبيت

nooora

26-03-2019, 12:03 PM

الاسعار ارتفعت بعد الحصار ،،، التجار استغلوا هذه الازمه وطبعا مافي شي على كيفم اكيد عندهم ضوء اخضر ويقولون لنا حماية المستهلك وخرابيط

وحيد-الشوق

26-03-2019, 12:04 PM

هاي صج سرطان الله يكافينا الشر

khaldoon

26-03-2019, 12:26 PM

اللي مصور الفاتورة
تعمد يغطي على الكيلو !!!

لون القلم مغطي على عدد الكيلو
واهنيه الغمندة !!!!

لا هو بس كيلو واحد بسعر 6200 ريال.... يا بلاش

khaldoon

26-03-2019, 12:27 PM

تكفى يا خلدون اذا عندك كوبونات حق هالمطعم اعزم اعضاء المنتدى كلهم يجربونه عن خاطرهم

ااااااااااااااااااااااه ها ..... اعمل نفسك ميت اعمل نفسك ميت هههههه

مرتبش

26-03-2019, 01:12 PM

مشكلة لما تعزم ناس تطلب اغلى طبق في المنيو

الحاقول

26-03-2019, 01:15 PM

قبقب بسعر 6200 شيء خيالي

ya3coub

26-03-2019, 01:33 PM

مافي احد مجبور يروح المطعم واعتقد الي يسوي نفسه متفاجئ بالفاتوره هذا شخص كذاب لان اول شي شاف المنيو ومكتوب كل شي بسعره حتى لو 10 الاف مافي احد مجبور والي راح ياكل ويطلب بهاي المبلغ هو يبي هاي الشكل

اتفق معاك أخوي عطر فرنسي 10000%

شفيه مطعم الزرقاء والا السفير أكل حتى الأشباع واخر شي الفاتورة 100 ههههههه
يعني ادخل مطعم اتعشى فيه وادفع مبلغ خيالي والصباح أقوم جوعان وش الفايده ههههههههههه

اليوم ما تغديت بس مريت الزرقا خذيت شكشوكة و من اسبوع نزلت و تغديت داخل و عاي الأمور طيبه اهو الشخص و نفسيته و شنو بخاطره

قبقب بسعر 6200 شيء خيالي

انا اتوقع انها غلطة مبطعية.

-----------------------------------------------------

سوائا صج او لا, في مطاعم عدة عندنا فالدوحة البحرية بالذات يقولك بالكيلو بالسعر الفلاني و يتغير شبه يوميا بحسب سعر السوق و بكم اهم شروه.

قبقب ب6200 للكيلو هاي بالتأكيد انها غلطة مطبعية الموظف او الموظفه زادو صفر. و بكذا اتكون الفاتورة الفعلية 2390 و اللي اهي فووووق الممتازة لمطعم سوشي بحكم اللي فوق و 6 اشخاص بحكم انه 4 موهيتو و 2 ماي يطلع الواحد بــ398 ريال.

اللي صور و هدفه نشر الصورة هاي اللي اتقولون عنه اللي اتقولونه و كلن و وجهة نظره سوائا انه مو شايف خير او يبي يتفاخر او قد يكون صورهها لأنه متأكد انها غلط علشان يشتكي و وصلت لبعض الناس الغلط او قروب و قامو بنشرها.

عن نفسي اغلب راتبي يروح عالمطاعم و معنه قاعد احاول اتخلص من هالعادة بس للأمانه اذا الشخص عازم او رايح 90% ما يجمعون الرقم فراسهم لما يطلبون نظره اولية عالأسعار فالمنيو تخليهم يكملون او يكتفون بوجبة وحدة فقط

H H

26-03-2019, 01:46 PM

سؤال بسيط, هل من مهام حماية المستهلك مراقبة اسعار المطاعم الفخمة وتجبرهم انها تكون في حدود المعقول؟
هذي ميب منتجات اساسية مثل السكر والدقيق والزيت, هذي مطاعم راقية ولو ان في نظام ضرائب كنت بتدفع 15% ضريبة على مثل هالمطاعم مثل ماهو معمول به في الدول الاخرى.

محد له حق يشتكي او يجبرهم على شي, هذا بايع وانت مشتري, وكلن حر في ماله, محد خذاك من بيتكم واجبرك تتعشى عنده.

eXpert*

26-03-2019, 01:49 PM

أستغرب من غلاء الأكل البحري لدينا وأحنا عايشين في شبة جزيرة والبحر دار ما دارنا ! ! !

MAZEN37

26-03-2019, 08:07 PM

اللي مصور الفاتورة
تعمد يغطي على الكيلو !!!

لون القلم مغطي على عدد الكيلو
واهنيه الغمندة !!!!

تعجبني وانا اشك انه المبلغ بالريال القطري اصلا

راعي الكورفت

26-03-2019, 10:38 PM

هذا تبذيرررررررررررررررررر

النهار

27-03-2019, 01:19 AM

تكفى يا خلدون اذا عندك كوبونات حق هالمطعم اعزم اعضاء المنتدى كلهم يجربونه عن خاطرهم

لاتنسوني :weeping:

بوخميس

27-03-2019, 02:05 AM

المطعم في اللؤلؤة اسمه نكيكوف ما ادري غورباتشوف

وطلع هذا هو القبقب الملكي

102248

لـبـيـه

27-03-2019, 07:07 AM

انا أقول نسكر الموضوع احسن

لاني مريت صوب المطعم الى زحمه وبالحجز

بالعربي البلا مب في الأسعار البلا في ربعنا

ولو المطعم يخلي الفلافل ب 10000 بعد الربع بيروحون

وعلى قولة القايل الي عندو قرش ومحيرو يشتري حمام ويطيرو

ابو عبدالله.

27-03-2019, 08:08 AM

صبحكم بالخير

ما اشوف مشكله بالموضوع

نصرت اسعاره غاليه ما سمعت حد انتقده وكلن راح جربه

هذا جايب شي جديد و حاط سعر عالي ولا ندري اذا القاتوره بقطر ولا بلد ثاني اصلا

اسمحوا لي اذا تعليقي داخل عرض ع الانتقادات لكن في بنات الي يشترون شنطه ب 30 الف حجم صغير وعشان شنو. عشان مظاهر حتى لو راتب هالبنت 20 الف و ممكن تتطنز ع البنت الي شنطتها بالفين

و شباب بموتر لكزس او بنتلي و اقساطه ع ست سنوات. حتى صيانته ما عنده يدفعها

لا نقول هذا موتر ع الاقل فيه قيمه. بعد ببيعه خسران مئه او مئتين الف بعد سنه فقط. يعني عن 20 وجبه سرطان ملكي

يمكن الي تعشى عنده ملايين ويبي يجرب الله اعلم

اعتذر للبعض. لاني ما احب انفصام الشخصيه في هالامور اذا انا ما عندي و اتسلف عشان كشخه. فما يصير انتقد حد يسوي مثلي حتى لو وجبه عشاء غاليه بهذا الشكل

نراجع انفسنا احسن. هل فستان ب 9 الاف حق عزومه خطوبه مش تبذير او مبالغه
هل تركيب سستم صوت بالموتر ب 8 الاف تبذير
هل سفره بالطياره 3 او 4 ساعات بتذكره بزنس 9 الاف مقبوله مقابل ايكونمي ب 3500

احنا ندفع سعر العشاء هذا في امور مشابهه و لحظيه تنتهي بسرعه مع بيعه الموتر او لبستين لفستان و ينرمي

فأقول. خل المتعشي يستانس اذا عنده الماده و قادر عليها ولا ننتقده

اعرف شخص من المعلقين و اكن له كل الاحترام من سنوات ويقول بجمع و بسوي لي شي
ويوصل مئات الالاف. وبعدها يصرفها و يقول مادري وين راحت. مع انه عايش ع راتبه فقط

عشر سنوات والى الان مكانك سر. فأتمنى ما اشوفه يعلق لا عن تبذير ولا ادخار ولا استثمار واعيد واكرر. اكن له كل الاحترام و صاحب مبادئ و خلق و دين. لكن بضطر اصنفه بفئه انفصال الشخصيه يخطئ و ينتقد غيره

الله يعيننا ع الواتس اب اليوم ههههههه

اخيرا

انا ممكن اتعشى و اجرب هالاكله. لكن لما اعرف نفسي ان ماديا. انا جاهز و ادلع نفسي ببعض الامور و اعتبرها مكافئه للنفس بعد الاجتهاد سواء هالعشاء او سياره رولز او طياره خاصه صغيره ابو 300 الف بمطار الخور

ترى في طيارات معروضه للبيع بو مروحتين سته راكب و الليسن تطلعه في ثلاث شهور وفي طيارات بو مروحه اربعه راكب تحت 200 الف

اكيد في ناس بتستغرب من هالسالفه. لكن الي عنده يقدر سواء عشاء او طياره صغيره

sweet qatar

27-03-2019, 08:46 AM

كلامك عين العقل بو عبدالله

زادك الله علم و حلم

sara jsm

27-03-2019, 10:22 AM

لو الموضوع عادي للشخص ماكان صور الفاتورة وانتشرت السالفه بهالشكل ..
هو في كل الاحوال متخرع ..
يا متخرع ومصدوم من السعر وهالشعور وايد متعب هههههه
او انه متخرع ويبي يراوي الناس انه ماكل وجبه بهالقيمة ..

او والله اعلم بالنوايا اعلان غير مباشر للمطعم .
وعليه بالعافيه ..

يمامـة

27-03-2019, 10:58 AM

صباح الانوار يا ابو عبدالله

اسمح لي اختلف معاك في بعض النقاط و لك الحق في رفض اختلافي

الصدمة من السعر يكمن في نقاط كثيرة
وهو عدم معرفة شنهو هالطبق المقدم بهذا السعر الغالي
و من ثم ايضا الفاتورة مب موضحة كم كيلو اندفع له هالمبلغ!!
لربما لو عرفنا انه ظ¨ كيلوات و الكيلو ب ظ§ظ*ظ* ريال ممكن نتفهم ليش السعر غالي
و ممكن نفهم أكثر ليش كان غالي لو عرفنا عدد الاشخاص
و شنهو نوع القبقب المقدم و شنهي اسعاره اساسا قبل الطبخ..

لكن لو كان السعر هذا لشخص او ظ¢ او ظ£ ..
اهنيه و من خلال المنتدى اللي رواده مب من الطبقات المخملية اللي الفلوس عندهم مثل شربة الماي
ولا هم من عيال تجار و هوامير و لا هم من اللي الدولة تمشي لهم رواتب شهريا من غير اي مجهود..

لذلك من حق الكل على الكل انهم يستنكرون مثل هالاسعار المبالغ فيها و التنبيه على عدم الجري
خلفها....

فاليوم محدن "ركز على النون لانها هي اساس القوة في الموضوع"
بيحاسب فلان بن فلان الفلاني اللي ربنا منعم عليه بالخير الكثير انه يدخل يدفع
اللي بيدفعه في طبق واحد ما يهز ميزانيته جزء من قيد انملة..
لكن مواطن او مقيم ذو دخل محدود حتى لو كان ظ¥ظ* الف
نقول له عادي روح اطلب لك وجبة لك و حق زوجتك و ادفع ظ§ظ*ظ*ظ* ريال
و اطلع و ما عليك من حد.. في الاخير ساكن في بيت مب ملك و لا عنده عقار
يدخل عليه فليسات ويصرف فلوسه ما بين مطاعم غالية و تصوير و سفر للفشخرة؟!!

لا يعني ان الوحدة تحط فلوسها في شنطة على ظ£ظ¥ الف نروح ننتقد استنكار البذخ في
الصرف على الكرشة..

فلو دخلت مثلا منتدى الوليد بن طلال او أحد الشيوخ او الامراء و شفتهم يذكرون
هالرقم في وجبة عشاء .. من حقك تستنكر صدمتهم من السعر..
لكن داش منتدى و تلقى الناس منصدمين من قيمة الوجبة " تراها وجبة في الاخير"
فتقلل من الصدمة هذه و تقارن ما بين سعر الوجبة مع سعره طيارة ام ظ¢ظ*ظ* الف و طيارة ام ظ¢ظ* الف؟!!
وان اللي عنده يقدر يدفع..
الصدمة يات من اللي ما عندهم (طبيعي جدا نشوف هالصدمة)

فإذا انت تبي اتدلع نفسك بوجبة على ظ§ظ*ظ*ظ* ريال دام انك عندك " نقول مثلا"عليك بالعافية
واللي بيروح نصرت وهو عنده عليه بالعافية..

و اللي بيروح ياكل على خدود القمر وجبة بمليون ريال وهو عنده عليه بالعافية..

الموضوع مطروح في وسط ناس امكانياتهم محصورة في الراتب لذلك كانت هناك صدمة
و هالصدمة طبيعية جدا .. و اقول لك اياها بكل بساطة السعر مبالغ جدا ومن حقي اني اقيم السعر
ومن حق غيري علي اني احثهم انهم يبتعدون عن المطاعم اللي اسعارها غالية حتى لو ميزانيتهم تسمح..

ترى حتى اللي تكلمت عنه انه يحاول يوفر لكنه يصرف.. هذا ï»·نه مب قادر يضبط نفسه
جدام مغريات الحياة بما فيها الدخول الى اماكن تشفط جيبه بسبة وجبة على ظ¢ظ*ظ*ظ* ريال
او ركوب في الدرجة الاولى في الطيارة.. السكن في فندق ظ¢ظ* نجمة في دول غالية..
تراه في الاخير ان انتقد تلقاه ينتقد من باب ان ما يبي حد يكون مثله.. مب شرط انه ينتقد
ï»·نه عنده انفصام في الشخصية.. لانك لما تشوف سكير عربيد في لحظات صحوة يقول لك
لا تشرب و لا تعربد و الله انك يتضييع حياتك.. هذا اصدق واحد في الدنيا لانه واقع في المصيبة
و مب قادر يطلع منها..
الموضوع ما فيه انفصام في الشخصية ابدا و ما اشوفك وفقت في الربط
الاستنكار الحاصل و الصدمة من السعر المذكور طبيعي جدا لانها تندرج تحت
محاربة ظواهر سلبية يعاني منها المجتمع و الصدمات في المبالغة في الاسعار والركض وراها
امر يستحق الوقوف عنده سواء هناك ناس مقتدرين باستطاعتهم الدفع او ناس غيرهم يدفعون عنهم.

و اخيرا وليس آخرا " بااال من زمان ما كتبتها"
اتمنى يسع صدرك لردي عليك.

صبحكم بالخير

ما اشوف مشكله بالموضوع

نصرت اسعاره غاليه ما سمعت حد انتقده وكلن راح جربه

هذا جايب شي جديد و حاط سعر عالي ولا ندري اذا القاتوره بقطر ولا بلد ثاني اصلا

اسمحوا لي اذا تعليقي داخل عرض ع الانتقادات لكن في بنات الي يشترون شنطه ب 30 الف حجم صغير وعشان شنو. عشان مظاهر حتى لو راتب هالبنت 20 الف و ممكن تتطنز ع البنت الي شنطتها بالفين

و شباب بموتر لكزس او بنتلي و اقساطه ع ست سنوات. حتى صيانته ما عنده يدفعها

لا نقول هذا موتر ع الاقل فيه قيمه. بعد ببيعه خسران مئه او مئتين الف بعد سنه فقط. يعني عن 20 وجبه سرطان ملكي

يمكن الي تعشى عنده ملايين ويبي يجرب الله اعلم

اعتذر للبعض. لاني ما احب انفصام الشخصيه في هالامور اذا انا ما عندي و اتسلف عشان كشخه. فما يصير انتقد حد يسوي مثلي حتى لو وجبه عشاء غاليه بهذا الشكل

نراجع انفسنا احسن. هل فستان ب 9 الاف حق عزومه خطوبه مش تبذير او مبالغه
هل تركيب سستم صوت بالموتر ب 8 الاف تبذير
هل سفره بالطياره 3 او 4 ساعات بتذكره بزنس 9 الاف مقبوله مقابل ايكونمي ب 3500

احنا ندفع سعر العشاء هذا في امور مشابهه و لحظيه تنتهي بسرعه مع بيعه الموتر او لبستين لفستان و ينرمي

فأقول. خل المتعشي يستانس اذا عنده الماده و قادر عليها ولا ننتقده

اعرف شخص من المعلقين و اكن له كل الاحترام من سنوات ويقول بجمع و بسوي لي شي
ويوصل مئات الالاف. وبعدها يصرفها و يقول مادري وين راحت. مع انه عايش ع راتبه فقط

عشر سنوات والى الان مكانك سر. فأتمنى ما اشوفه يعلق لا عن تبذير ولا ادخار ولا استثمار واعيد واكرر. اكن له كل الاحترام و صاحب مبادئ و خلق و دين. لكن بضطر اصنفه بفئه انفصال الشخصيه يخطئ و ينتقد غيره

الله يعيننا ع الواتس اب اليوم ههههههه

اخيرا

انا ممكن اتعشى و اجرب هالاكله. لكن لما اعرف نفسي ان ماديا. انا جاهز و ادلع نفسي ببعض الامور و اعتبرها مكافئه للنفس بعد الاجتهاد سواء هالعشاء او سياره رولز او طياره خاصه صغيره ابو 300 الف بمطار الخور

ترى في طيارات معروضه للبيع بو مروحتين سته راكب و الليسن تطلعه في ثلاث شهور وفي طيارات بو مروحه اربعه راكب تحت 200 الف

اكيد في ناس بتستغرب من هالسالفه. لكن الي عنده يقدر سواء عشاء او طياره صغيره

معماري قطري

27-03-2019, 11:08 AM

اللي اكتشفته من الموضوع إن ناصر خان طلع غني

وزين ولدي طلع يعرفه معرفة عدله واسمه ناصر ولا بخان ولا ما يحزنون

سالم الزهران

27-03-2019, 11:17 AM

شريحة من أكابر تجار بلدنا حياتهم عادية.. منهم صاحب أكبر بنك.. كان حتى الفنادق يآخذ المعقول (قناعته) في نفس الوقت عنده أكبر مؤسسة خيرية.

قناعتي أن الموضوع يجب أن ننظر له من ناحية حلال وحرام.. وأنا لا احلل لنفسي أبذر المال خصوصاََ على مصاصي الدماء هذيلا.

دريت عنك يا نصرت.. لكن نفترض دخلنا واكلنا وطلع لنا قبقب من تحت الطاولة.. عز الله ما حاسبتك عليه لكن ابشر بقبقب مثله.. طلاق ما احاسبك لو اسمك الشيخ نصرت ولو تنفلق ويطلع لك قرون.

ابو عبدالله.

28-03-2019, 08:13 AM

صباح الانوار يا ابو عبدالله

اسمح لي اختلف معاك في بعض النقاط و لك الحق في رفض اختلافي

الصدمة من السعر يكمن في نقاط كثيرة
وهو عدم معرفة شنهو هالطبق المقدم بهذا السعر الغالي
و من ثم ايضا الفاتورة مب موضحة كم كيلو اندفع له هالمبلغ!!
لربما لو عرفنا انه ظ¨ كيلوات و الكيلو ب ظ§ظ*ظ* ريال ممكن نتفهم ليش السعر غالي
و ممكن نفهم أكثر ليش كان غالي لو عرفنا عدد الاشخاص
و شنهو نوع القبقب المقدم و شنهي اسعاره اساسا قبل الطبخ..

لكن لو كان السعر هذا لشخص او ظ¢ او ظ£ ..
اهنيه و من خلال المنتدى اللي رواده مب من الطبقات المخملية اللي الفلوس عندهم مثل شربة الماي
ولا هم من عيال تجار و هوامير و لا هم من اللي الدولة تمشي لهم رواتب شهريا من غير اي مجهود..

لذلك من حق الكل على الكل انهم يستنكرون مثل هالاسعار المبالغ فيها و التنبيه على عدم الجري
خلفها....

فاليوم محدن "ركز على النون لانها هي اساس القوة في الموضوع"
بيحاسب فلان بن فلان الفلاني اللي ربنا منعم عليه بالخير الكثير انه يدخل يدفع
اللي بيدفعه في طبق واحد ما يهز ميزانيته جزء من قيد انملة..
لكن مواطن او مقيم ذو دخل محدود حتى لو كان ظ¥ظ* الف
نقول له عادي روح اطلب لك وجبة لك و حق زوجتك و ادفع ظ§ظ*ظ*ظ* ريال
و اطلع و ما عليك من حد.. في الاخير ساكن في بيت مب ملك و لا عنده عقار
يدخل عليه فليسات ويصرف فلوسه ما بين مطاعم غالية و تصوير و سفر للفشخرة؟!!

لا يعني ان الوحدة تحط فلوسها في شنطة على ظ£ظ¥ الف نروح ننتقد استنكار البذخ في
الصرف على الكرشة..

فلو دخلت مثلا منتدى الوليد بن طلال او أحد الشيوخ او الامراء و شفتهم يذكرون
هالرقم في وجبة عشاء .. من حقك تستنكر صدمتهم من السعر..
لكن داش منتدى و تلقى الناس منصدمين من قيمة الوجبة " تراها وجبة في الاخير"
فتقلل من الصدمة هذه و تقارن ما بين سعر الوجبة مع سعره طيارة ام ظ¢ظ*ظ* الف و طيارة ام ظ¢ظ* الف؟!!
وان اللي عنده يقدر يدفع..
الصدمة يات من اللي ما عندهم (طبيعي جدا نشوف هالصدمة)

فإذا انت تبي اتدلع نفسك بوجبة على ظ§ظ*ظ*ظ* ريال دام انك عندك " نقول مثلا"عليك بالعافية
واللي بيروح نصرت وهو عنده عليه بالعافية..

و اللي بيروح ياكل على خدود القمر وجبة بمليون ريال وهو عنده عليه بالعافية..

الموضوع مطروح في وسط ناس امكانياتهم محصورة في الراتب لذلك كانت هناك صدمة
و هالصدمة طبيعية جدا .. و اقول لك اياها بكل بساطة السعر مبالغ جدا ومن حقي اني اقيم السعر
ومن حق غيري علي اني احثهم انهم يبتعدون عن المطاعم اللي اسعارها غالية حتى لو ميزانيتهم تسمح..

ترى حتى اللي تكلمت عنه انه يحاول يوفر لكنه يصرف.. هذا ï»·نه مب قادر يضبط نفسه
جدام مغريات الحياة بما فيها الدخول الى اماكن تشفط جيبه بسبة وجبة على ظ¢ظ*ظ*ظ* ريال
او ركوب في الدرجة الاولى في الطيارة.. السكن في فندق ظ¢ظ* نجمة في دول غالية..
تراه في الاخير ان انتقد تلقاه ينتقد من باب ان ما يبي حد يكون مثله.. مب شرط انه ينتقد
ï»·نه عنده انفصام في الشخصية.. لانك لما تشوف سكير عربيد في لحظات صحوة يقول لك
لا تشرب و لا تعربد و الله انك يتضييع حياتك.. هذا اصدق واحد في الدنيا لانه واقع في المصيبة
و مب قادر يطلع منها..
الموضوع ما فيه انفصام في الشخصية ابدا و ما اشوفك وفقت في الربط
الاستنكار الحاصل و الصدمة من السعر المذكور طبيعي جدا لانها تندرج تحت
محاربة ظواهر سلبية يعاني منها المجتمع و الصدمات في المبالغة في الاسعار والركض وراها
امر يستحق الوقوف عنده سواء هناك ناس مقتدرين باستطاعتهم الدفع او ناس غيرهم يدفعون عنهم.

و اخيرا وليس آخرا " بااال من زمان ما كتبتها"
اتمنى يسع صدرك لردي عليك.

صبحكم بالخير

حياك الله اختي. و طبعا صدري يتسع لتعليقك

بنختلف في نظرتنا للوضع

الي ذكرته وما حوش. هذا عنده قصور و سلبيه يأسفني ان اقول عنه هالكلام لكن هذا واقع

مثالك عن السكير اعزكم الله ما يشابه وضع صاحبي لان صاحبي متعلم وفاهم و تلقى النصائح لسنوات وكان يقدر يضبط نفسه لكنه مثل غيره كثير. ينسى و ينقاد للاعلانات و المظاهر اكثر من اولوياته
مع انه لا يركب بزنس ولا بورش ولا يسكن بقصر ولا يشتري اغلى الماركات

في عمره الاربعيني مفترض انه ناضج ومثل ما انضبط بدوام و دفع فواتير و تسيير بيت كامل. كان يقدر ينضبط ماديا

لا نلقي اللوم ع المجتمع او الغلاء. اللوم ع الشخص. ولولا ان في غيره منضبطين كان بقول ان الانضباط مستحيل

موضوع الفاتوره صعب تحليله سواء صاحبها مقتدر او لا

دام صور فهو يريد نشر الفاتوره وكان ع درايه بان الاسعار غاليه قبل الاكل

احنا كمجتمع. بعضنا يرفض مثل هالغلاء و ينهى عنه. و البعض يراه عادي دام مقتدر

لما اقول انفصام شخصيه اقصد فيه ان ما يصير ننتقد تصرف احنا نسويه اصلا

انا وانتي و غيرنا. نحن من يحدد مقياس الغالي و الرخيص. فلما اقول المقتدر يبي يجرب شي ب 6 الاف فهو حدد هالسعر مقارنه مع دخله مثل الي يشتري طراد ب 20 الف و راتبه 30 الف. فيقول بنظرته ان طراد بهالقيمه شيء مقبول

والي راتبه 100 الف بيقول تذكره ب 9 الاف شيء مقبول

فما يصير نقول لا هذا تبذير خله يركب ايكونمي ب 4000

لكن لما بنت راتبها 20 و تشتري شنطه ب 30 الف حق كم شهر و ترميها فبنظرتي اشوفه تبذير وغيري بتقول لا هذا ضروري -دام البنات و العزايم

ترى في تعليقات سواء بالمنتديات او بالحياه العامه تنتقد هالتصرف وتكاليف الكماليات الغاليه

لكن في بنات يقولون نبي نكشخ وهذه فلوسنا

فليش ننتقد المقتدر اذا دفع عشاء غالي او شرى طياره او اي شي غالي

اذا بننصح فننصح الكل مش بس صاحب العشاء وما نلوم لانه يسوي مثل غيره

عن نفسي ما ادفع لهذا العشاء الان لكن اذا اذا صرت مقتدر ممكن اسويها او ممكن اسوي شي مماثل اذا انا حاب اسويه

المقتدر ممكن نشوفه يصرف ع امور ما نرغب احنا نسويها لكنه ايضا. ممكن يكون يتصدق و يعمل خير ما نعرف عنه. هناك اغنياء يدخلون الجنه وممكن يدخلها بلا حساب بعد مش بس ذوي الدخل المحدود

ابو عبدالله.

28-03-2019, 08:18 AM

يمامـة

28-03-2019, 08:24 AM

الحياة الخالدة

28-03-2019, 08:31 AM

khaldoon

28-03-2019, 08:52 AM

يمامـة

28-03-2019, 09:00 AM

صرح مصدر مسؤول معنا في المنتدى رفض الكشف عن اسمه ان هذا النوع من السرطان يتم جلبه من الاسكا و سعر الكيلو اكثر من الف ريال و من فترة كان يباع في سوبر ماركت مونبري و سعر الكليو كان 600 ريال و هابين في العالم لرخص سعره وقتها و هذا السعر فوق الالف ريال للكيلو في اغلب دول العالم و ليس عندنا فقط

الله اكبر.. المصدر المسؤول وصل عندنا في المنتدى:unsure:

المهم شوف يا خلدون..
اسوي طبق لوبستر كامل محشي فوق اللوبستر
روبيان بنكهة اسيوروبية..
الحبة على ٨٠٠ ريال...
و علشان العيش و الحروف اللي بينا في المنتدى
بقدمها لك ب ٣٠٠ ريال + ٢٠ كوبون من
الكوبونات اللي مجمعها من المطاعم المختلفة في البلاد..
اشقلت؟

khaldoon

28-03-2019, 09:05 AM

الله اكبر.. المصدر المسؤول وصل عندنا في المنتدى:unsure:

المهم شوف يا خلدون..
اسوي طبق لوبستر كامل محشي فوق اللوبستر
روبيان بنكهة اسيوروبية..
الحبة على ٨٠٠ ريال...
و علشان العيش و الحروف اللي بينا في المنتدى
بقدمها لك ب ٣٠٠ ريال + ٢٠ كوبون من
الكوبونات اللي مجمعها من المطاعم المختلفة في البلاد..
اشقلت؟

موافق طبعا من غير نقاش..... الدفع كاش و الا أقساط escape

يمامـة

28-03-2019, 09:12 AM

موافق طبعا من غير نقاش..... الدفع كاش و الا أقساط escape

اقساط لو كوبوناتك حق المطاعم الراهية..
اما لو حق مطاعم خذ وجبة و الثانية مجانية..
تدفع كاش و تتكفل برسوم التوصيل ب ٥٠٠ ريال:unsure:

يمامـة

28-03-2019, 09:52 AM

على فكره. وايد بالمنتدى. من الطبقه المخمليه. ومن طبقات مدخولها لا ينظر للراتب اصلا لكن تعودوا ان لا يذكروا امورهم بالعام وهذه طبيعه المقتدرين المحترمين

في الي عندهم مزارع و شاليهات و مواتر بكراجات مكيفه
وفي الي راتبه فوق 100 الف و 80 الف و بونصهم 200 الف سنوي و اكثر

ما يقولون لان المجتمع مش كله بهالرواتب و المدخول. و كشف هالامور يضع حواجز نفسيه في التعامل و الصداقات الخ

محد قال ليش هذا يبين و هذا ما يبين..

الموضوع ان مثل هالسعر صدمة و لا لا؟
اعرف ناس مقتدرين و امورهم في الاكصلانص
الا انهم ضد الصرف على مثل هالاسعار.
و في ناس مخلصين رواتبهم علشان بطونهم
من مطعم لين مطعم لين كافيه لين بوفيه غالي
طبعا اضافة الى جزء من الكماليات الثانية.

ابو عبدالله.

28-03-2019, 01:54 PM

صباح الانوار.. يا ابو عبدالله
متفقين على نقطة ان المقتدر محدن له شي عنده

مقتدر يعني عنده اللي يسد فيها عين الشمس
و مثل هالمطاعم بالاسعار هذه في كل دول العالم..
و مرات شهرة المطعم او الشيف او المكان
يسببون في غلاء اسعارهم..
لذلك اللي مصور الفاتورة ما ادري ليش مصورها
هل هي صدمة؟
هل هي فشخرة؟
هل هي تحملوا من هالمطعم؟
الا اني بديت اسمع عن اسعار خيالية
للعشى.. لما شباب في مجلس تكلفهم ظ£ظ* الف ريال
طلب عشى من احد المطاعم؟

لا تقول انهم اصحاب املاك و تجارة و ..و ..
الا ان لزوم الفشخرة وصلوا للسعر ذيه..
فلما شفت سعر الفاتورة عرفت ليش
ممكن نوصل لمثل هالسعر فمن جذيه
تفهمت صدمة الناس في المنتدى.

و بشكل عام كلامك منطقي في الصرف
و فسفسة الفلوس من غير سنع اللهم الركض
ورا المظاهر..
على العموم.. اشكرك على تجاوبك..
و اسمح لي يوعاانة و ابي اتريق
فاعذرني لو فوت شي و ما علقت عليه.

سالفه الشباب و يطلبون و فشخره. خلهم يفسفسون فلوسهم. لا انا ولا احد موكل بهم. عليهم بالعافيه

تبون الكل يغتني ومحد فقير و يتقاعد ع راتب بسيط ما يصير. ههههههه

الله له حكم و اقدار مكتوبه. من الناس من يغتني ومنهم من يفقر ما علينا الاالنصيحه و كفى

صدقيني اختي. لما يرتفع دخلك بتتغير طريقتك بالصرف و الغالي لما يدخل بخاطرك بيصير بعيونك رخيص دام عندك ولا يأثر المشترى عليك

واذا في ناس مقتدره وما تصرف فهذا تصرف شخصي والي مقتدر و يصرف ايضا تصرف شخصي لا نلوم هذا ولا ذاك

ما نعتب الا ع الي ما عنده و يصرف راتبه بلا تدبير. هذا الي نعتب عليه

عموما. ما ولد البزنس مال السرطان الملكي الا لان له زبائن. ولاولا الدفيعه ما فتح اصلا

و الربح يروح للايجار العالي و الموظفين و بائع السي فود و الفواتير. بعدها يوصل لصاحب المطعم

و صاحب المطعم يصرفها ع عياله و نفسه. فالسالفه تدوير للمال مثل تاجر الشناط الغاليه و موظفينه ببدلات و رواتب اعلى من باقي المحلات العاديه

ابو عبدالله.

28-03-2019, 01:58 PM

صرح مصدر مسؤول معنا في المنتدى رفض الكشف عن اسمه ان هذا النوع من السرطان يتم جلبه من الاسكا و سعر الكيلو اكثر من الف ريال و من فترة كان يباع في سوبر ماركت مونبري و سعر الكليو كان 600 ريال و هابين في العالم لرخص سعره وقتها و هذا السعر فوق الالف ريال للكيلو في اغلب دول العالم و ليس عندنا فقط

اها. يعني راعي المطعم ما يشتريه برخيص. و السرطان ( السرطعون هههه) غالي و الي يطلبه بالاسم عارف انه غالي

اذن لا عجب الا ان اول مره نعرف ان هالسرطعوووون. غالي مب ان المطعم غالي بحد ذاته