بخصوص الجامعات ضرورييييي

[Saranay]

السلام عليكم ورحمة الله وبركاته

انا متخرج من مدرسه اجنبيه بنسبه 80.٪
و جدآ محتار في اختيار تخصصي للجامعه

اي حد يعرف حد خبره في موضوع الجامعات (مرشد أكاديمي ) لمساعتي في اختيار التخصص الجامعي و الحصول على القبول ؟؟

ميولي كلها : فلفن و المسرح و كمرات و أمور مثل هاذي بس مابي تخصص اعلام.

2/ الي يعرف حد يدرس أو يشتغل في ( كليه المجتمع )
ابي اعرف لو دخلت تخصص ( فنون مسرحيه) فلكليه هل عقب ماحصل (دبلوم) اقدر اكمل (للبكالوريوس) لأني كل ماسأل احد يقولي جواب مختلف.

[SouthK]

اتوقع جهة العمل مثل تلفزيون قطر توفر تدريب ما لوظائف المصورين و ممكن الاخراج. على ما اخبر مصر فيها معاهد تمثيل مختلفة.

في قطر ما أدري اذا عندنا معاهد تدرس الفنون و التمثيل لكن بإذن الله باقي الاعضاء ما يقصرون معاك!

[الجوكر90]

اعلام

[راعي الكورفت]

تخصص مسرح غير موجود في كلية المجتمع و لا اي جامعه في قطر.

كلية المجتمع تعطي دبلوم سنتين وبعدها تقدر تكمل بكالوريس لكن لتخصصات معينه.

تخصص المسرح مش مرغوب في قطر و حتى لو درسته ما تقدر تتوظف في كثير من الجهات.

اشوف ان المسرح تقدر تأخذها كموهبه وتتعلمها مع فرقة قطر المسرحيه ومقرها في الثمامه في المطار القديم.

اما لو حاب مجال قريب من المسرح ويمكن يشغلك في عندة جهات فتخصص الاعلام من جامعة قطر يمكن يفيدك.

للاسف الفن والمسرح عندنا في قطر شبهه ميت ولا توجد أي اعلام فنيه في قنواتنا من سنوات وهي واقفه والدعم لها محدود جدا بعكس فترات الثمانينات والتسعينات وبداية الالفيه.