بعد يومين باستوي أكملت 55 وبعد 3 أيام باستوي متقاعد رسمياً

[معماري قطري]

السلام عليكم ورحمة الله وبركاته

خلونا نحتفل سكاتي ليزعلون المطاوعة .. كيك ما ابي وسكريات ما ابي .. دعوة طيبة فلوس بعد زينة .. سندويش كيما حلو ولذيذ

[معماري قطري]

ونعتبرها استراحة الخميس وهلا بالخميس

[ya3coub]

طالما استراحه و اخيرا


الله يعطيك الف الف عافية اخونا معماري و عساك عالقوة يا رب

ممكن توصف لنا هالسنين و خبرة العمل تختصرها لي بجملة و الله يعطيك الف عافية يا رب العالمين

[ya3coub]

و بخصوص الخميس نبي صور صجية ما نبي من النت اكل

[sara jsm]

مساءالخير والطيب للجميع ..

اخوي الصغير بوعبدالله يعني هالموضوع حق يوم ميلادك وحفله تقاعد !؟
شنو في خاطرك نهديك ؟ لان خاطري اسوي لك حفله في ماكدونالدز ولا تحب ديري كوين ؟ :ok:

:


و بخصوص الخميس نبي صور صجية ما نبي من النت اكل

صور صجيه من وين نجيب هالحزه .. هذي حزه شاي وحب مصري .. :rolleyes2:

[qatarman8008]

مساء الخير عالجميع..
اخوي معماري الله يطول عمرك على الصحة والعافية وطاعة الله..
المفروض حضرتك اللي تعزمنا وتوزع علينا شرهات هههه..

[نفسي عزيزه]

العمر كله يارب بالصحه والعافيه وطاعة الرحمن

[نفسي عزيزه]

ساره عازمتنا على كيما من فرضة الخور وشاي حليب ماتوصل الساعه 7 الا الحارج واصل الحبل الصوتي

[sara jsm]

هههههههههههههههههه اشدعوووه
الخور بعيدة عليهم المساكين الا اذا بتصير مندوبي اليوم :p

[R 7 A L]

كل عام وانت بخير يابوعبدالله والله يعطيك طوله العمر
ولاتحاتي العمر ترا فيه اكبر منك وهذي سنه الحياة ماشي يبقى على ماهو
وترا اغلبنا قريب من عمرك هههه اهم شي الواحد في ذي الحياة ان يبقى على دينه ويقول اللهم لاتفتنا في ديننا

[نفسي عزيزه]

هههههههههههههههههه اشدعوووه
الخور بعيدة عليهم المساكين الا اذا بتصير مندوبي اليوم :p

كم تدفعين لي

[sara jsm]

كم تدفعين لي

والله على سعر السوق .. من الخور للدوحة 80
من الشمال للدوحة 120
رزق جايك لاترفسه هههههههههه

:

هذي هديتي حق اخوي الصغير بوعبدالله ..

https://d.top4top.net/p_11823dba60.jpeg (https://up.top4top.net/)

[نفسي عزيزه]

زين



:yawn:

[الحياة الخالدة]

وعليكم السلام ورحمة الله وبركاته
العمر كله أخوي بوعبدالله ،، الله يبارك لك في عمرك ورزقك وأهل بيتك
توني أشوف الموضوع
بكرة ان شاء الله نحط الكيك والأكل الصجي هههههههه

[مستـريــح البـــال]

مرحبا ياخوي معماري..

ان شاء الله العمر كله بخير وعافيه وصحه،، وتحقق امنياتك ،، وتاخذ الدكتوراه ..

يقولون اللي توهم داشين الخمسينات انه افضل الاعمار ،، تزداد فيه جاذبيـة الرجـل :unsure: ،، وتكون خبرته العلميه والعمليه في أوجّهــا ..

من جذيه انا ارشحـك تديـر شـؤون جزيـره محطوط فيهـا "جاكيت حمــر داخله مخلــوق" رابطينـه في قلـص وناسيينــه ،، تجـرجـر لين افرطت منه قطـعــه ،، ما اعرفوا شنهـي بالضبــط،، فسمــوها " المعجزه" ..

هاه اشقلـت ،، بس انت قول ايـه بس ..

[رجل تعليم]

اهلا ومرحبا وطول العمر ان شاء الله .
انا باقي 22 سنة عن التقاعد
لا أدري ماذا سيتبقى مني ان رزقت عمرا

[sara jsm]

توك صغير اخوي سعيد .. الله يحسن خاتمتنا

:


اخوي معماري لك طولة العمر وانت بصحة وعافيه ..
وتروح ميامي وترجع بالسلامة .. :tooth:

[معماري قطري]

ما شاء الله فاتني الكثير بارجع لكل مشاركة على حدة

[معماري قطري]

طالما استراحه و اخيرا


الله يعطيك الف الف عافية اخونا معماري و عساك عالقوة يا رب

ممكن توصف لنا هالسنين و خبرة العمل تختصرها لي بجملة و الله يعطيك الف عافية يا رب العالمين

الله يعافيك ويخليك يالمهندس الفذ

والله صعب اختصر 41 سنة شغل في كلمتين كل يوم باحط لكم قصة .. النهاية حلوة والبطاقة مالت التقاعد فيها صورتي ولقب الشغل وجنبه مهندس .. ما قصرت حكومتي وانا دوم مقصر

[معماري قطري]

و بخصوص الخميس نبي صور صجية ما نبي من النت اكل

عندي مخزون صور يبي لي انزله وبإذن الله بكرة

[معماري قطري]

مساءالخير والطيب للجميع ..

اخوي الصغير بوعبدالله يعني هالموضوع حق يوم ميلادك وحفله تقاعد !؟
شنو في خاطرك نهديك ؟ لان خاطري اسوي لك حفله في ماكدونالدز ولا تحب ديري كوين ؟ :ok:

:



صور صجيه من وين نجيب هالحزه .. هذي حزه شاي وحب مصري .. :rolleyes2:

حي الله إختي الكبيرة

تدرين ما يصلح معاي الا شيز كيك دايت من مطعم شيزكيك فاكتوري وهذا مطلوب من المهندس علشان نسولف سوالف هندسية

[معماري قطري]

مساء الخير عالجميع..
اخوي معماري الله يطول عمرك على الصحة والعافية وطاعة الله..
المفروض حضرتك اللي تعزمنا وتوزع علينا شرهات هههه..

مساء النور يا الرجل القطري

شسمها ملكة بريطانيا اليزابث العيوز الغنية تسوي عزيمة حق عيايز لندن وتدفعهم قيمة 150 باوند وتشربهم شاي مع بسكوت شرايكم اسوي مثلها بس مب طامع 150 ريال كفاية للشخص

[معماري قطري]

العمر كله يارب بالصحه والعافيه وطاعة الرحمن

الله يسلمك ويعافيك ولك طولة العمر على الطاعات والخير

[معماري قطري]

ساره عازمتنا على كيما من فرضة الخور وشاي حليب ماتوصل الساعه 7 الا الحارج واصل الحبل الصوتي

انا بنوع لكم بسكوتات وشاي منوع بعد يعدل المزاج

[معماري قطري]

هههههههههههههههههه اشدعوووه
الخور بعيدة عليهم المساكين الا اذا بتصير مندوبي اليوم :p

نوصل الحسا تهريب ما نوصل الخور .. وبعد على الخط الساحلي الجديد شيء خيال

[معماري قطري]

كل عام وانت بخير يابوعبدالله والله يعطيك طوله العمر
ولاتحاتي العمر ترا فيه اكبر منك وهذي سنه الحياة ماشي يبقى على ماهو
وترا اغلبنا قريب من عمرك هههه اهم شي الواحد في ذي الحياة ان يبقى على دينه ويقول اللهم لاتفتنا في ديننا

آميــــــــــــن اللهم لا تفتنا في ديننا

وانت بخير اخوي رحال والحمد لله على نعمه وبأفضل حال

تعودت الخمول فترة طويلة وكنت شبه متقاعد من 2009 وألحين رسمي .. الحمد لله ممكن اشتغل في مجال مناسب لي والزين إن المجال مفتوح

[معماري قطري]

والله على سعر السوق .. من الخور للدوحة 80
من الشمال للدوحة 120
رزق جايك لاترفسه هههههههههه

:

هذي هديتي حق اخوي الصغير بوعبدالله ..

https://d.top4top.net/p_11823dba60.jpeg (https://up.top4top.net/)

الله مشكورة بقوة

انا من محبي الفواكه

[معماري قطري]

وعليكم السلام ورحمة الله وبركاته
العمر كله أخوي بوعبدالله ،، الله يبارك لك في عمرك ورزقك وأهل بيتك
توني أشوف الموضوع
بكرة ان شاء الله نحط الكيك والأكل الصجي هههههههه

حي الله إختي الطيبة

زين هشكل خليتونا نلعب بالألوان ونسوي شخابيط

[معماري قطري]

مرحبا ياخوي معماري..

ان شاء الله العمر كله بخير وعافيه وصحه،، وتحقق امنياتك ،، وتاخذ الدكتوراه ..

يقولون اللي توهم داشين الخمسينات انه افضل الاعمار ،، تزداد فيه جاذبيـة الرجـل :unsure: ،، وتكون خبرته العلميه والعمليه في أوجّهــا ..

من جذيه انا ارشحـك تديـر شـؤون جزيـره محطوط فيهـا "جاكيت حمــر داخله مخلــوق" رابطينـه في قلـص وناسيينــه ،، تجـرجـر لين افرطت منه قطـعــه ،، ما اعرفوا شنهـي بالضبــط،، فسمــوها " المعجزه" ..

هاه اشقلـت ،، بس انت قول ايـه بس ..

هلا ومرحبا فيك اخوي مستريح البال

وشلي بهالجزيرة بروحي رحت لها مرة مع واحد كنت مخطط اقعد كم يوم رجعت بسرعة عنه كلش ما عجبتني .. تبي انت تكون مستريح البال وانا متورط .. لو يفتحون قنصلية حق قطر في ميامي ويخلوني هناك أصغر موظف فيها راضي

[معماري قطري]

اهلا ومرحبا وطول العمر ان شاء الله .
انا باقي 22 سنة عن التقاعد
لا أدري ماذا سيتبقى مني ان رزقت عمرا

العمر كله لك اخوي سعيد

كم السن القانوني للتقاعد عندكم؟

[معماري قطري]

توك صغير اخوي سعيد .. الله يحسن خاتمتنا

:


اخوي معماري لك طولة العمر وانت بصحة وعافيه ..
وتروح ميامي وترجع بالسلامة .. :tooth:

ميامي عيبها البعد بس والا انا عادي اقعد فيها شهور لكن اللي معاي أكيد بيملون

والله يطول في عمرج ويحفظج

[نفسي عزيزه]

https://a.top4top.net/m_1183pyrf51.mov

[sara jsm]

https://a.top4top.net/m_1183pyrf51.mov


طاااااار قلبه الشيبه هههههههههههه
سوا حركة شون مايكل :omg:

[ya3coub]

ههههههههه

صبحكم الله بالخير جميعا

[sara jsm]

الله يسعد صباحكم بكل خير ..
وجمعة طيبه ومباركة وتقبل الله منا ومنكم صالح الاعمال ..

:

اخوي معماري انا توقعت عقب هالاحتفاء فيك بتعزمنا اقل شي على ذباح ..
بس اخر شي كاتب شاي وبسكوت ههههههههههه الظاهر انت من اللي تكلم عنهم اخونا العضو ( بوعبدالله ) في موضوع،فاتورة،ال7000:tease:

[معماري قطري]

مساكم الله بالخير

شلونكم جميع إن شاء الله مستانسين في الاجازة؟

بو نفس عزيزة الله يعزك دنيا وآخرة ويعزنا ومن يقرأ .. يحليل هالايراني يذكرني بقبل شغل الايرانيين حتى في البيوت

بنت جاسم خايف عليكم تمتنون وتغتثون واحاول اقلد ملكة انجلترا

شيخ المهندسين يعقوب .. مب مال جلسة ولا قعدة من صبح مع ويهي

[sara jsm]

مساك الله بالنور اخوي بوعبدالله ..
شخبار البر معاك ... ماعرفت شنو مفرد إبل ؟ :p

[سالم الزهران]

العمر كله يا الامير.. الله يجعل اللي جدامك ايسر واجمل من اللي عديته.. اذا ما سافرنا المغرب توقذر و راويتك المغرب زنقه زنقه و طلعت بك جبل طنجة و وريتك الجزيرة الخضراء من هناك و ضبطنا الجو... ما اعتبر اني خاويتك ;)

[sara jsm]

الرجال قلبه في ميامي وانت تقوله المغرب :happy:

[معماري قطري]

مساك الله بالنور اخوي بوعبدالله ..
شخبار البر معاك ... ماعرفت شنو مفرد إبل ؟ :p


ابلايه باللبناني .. بالقطري حسب عمر الناقة في الغالب بكرة أو حوار ويعطيج وصف أكثر للمفرد وفيه تسميات كثيرة والله ما اذكر كم توصل .. بس إبل هو الجمع حق المجموعة بين صغير وكبير وذكر وأُنثى

[معماري قطري]

العمر كله يا الامير.. الله يجعل اللي جدامك ايسر واجمل من اللي عديته.. اذا ما سافرنا المغرب توقذر و راويتك المغرب زنقه زنقه و طلعت بك جبل طنجة و وريتك الجزيرة الخضراء من هناك و ضبطنا الجو... ما اعتبر اني خاويتك ;)

صار لي فترة اتهدد على المغرب وأُم عبدالله ماسكتني آخر شيء قلت باروح برشلونه افحص عيوني والا اغير لونها زرق وبتكون المغرب في مرمى النيران الصديقة

ولك طولة العمر اخوي بو زيد وإن شاء الله تشوف زيد معرس وإخته عروس والباقيين كلٍ حسب تخصصه في الحياة

[معماري قطري]

الرجال قلبه في ميامي وانت تقوله المغرب :happy:


إختي ميامي والمغرب بينهم أوجه شبه كثيرة .. فيه بيوت هناك على الطراز المغربي وميامي كانت اسبانية قبل لتستوي أمريكية وبنيانها الأساسي شرق أوسطي .. والله المغرب حلوة ودام بو زيد حابها يعني يبي لنا زيارة لها بس عارف اني بارجع مضروب لأني فارط وهو متحفظ

[معماري قطري]

تايم تو قو اوتسايد نشوف الدنيا والبيت بيتكم باشوفكم بعدين

[سالم الزهران]

الرجال قلبه في ميامي وانت تقوله المغرب :happy:


بعد اذنج رقم بوجاسم خليه يروح معنا.. ََاذ ما رجع لكم على اربعه وعشرين قيراط ما اكون شسمه:yawn:

[ya3coub]

بعد اذنج رقم بوجاسم خليه يروح معنا.. ََاذ ما رجع لكم على اربعه وعشرين قيراط ما اكون شسمه:yawn:

خل الريال يكمل بيته و يسكن ههههههههه

--------------------

مساكم الله بالخير و قلنا نبي اكل صجي اختفو

ننطر الريوق بكرة ان شاء الله

[sara jsm]

شتقول !!!؟ ماسمعت ؟؟


https://a.top4top.net/p_1183sbs5z0.gif (https://up.top4top.net/)

[Dana’1]

كل العمر عالطاعات والصحه والعافيه يا رب

[sara jsm]

خل الريال يكمل بيته و يسكن ههههههههه

--------------------

مساكم الله بالخير و قلنا نبي اكل صجي اختفو
ننطر الريوق بكرة ان شاء الله

هههههههههههه باطرشك انت بداله :happy: روحوا ودمروا بوزيد وتعالوا هههههههههههه

:

لا تنتظر صور قوم صورلنا انت :p

[معماري قطري]

شتقول !!!؟ ماسمعت ؟؟


https://a.top4top.net/p_1183sbs5z0.gif (https://up.top4top.net/)

الله يستر قامت الحرب

[معماري قطري]

كل العمر عالطاعات والصحه والعافيه يا رب

ولج كل العمر اختي ديور سابقاً دانة حالياً

[بوخميس]

إختي ميامي والمغرب بينهم أوجه شبه كثيرة .. فيه بيوت هناك على الطراز المغربي وميامي كانت اسبانية قبل لتستوي أمريكية وبنيانها الأساسي شرق أوسطي .. والله المغرب حلوة ودام بو زيد حابها يعني يبي لنا زيارة لها بس عارف اني بارجع مضروب لأني فارط وهو متحفظ

خدوني معاكو ... أخوكو الصغير

عسى الله يطول عمرك في طاعته يا بو عبدالله

انا اقول تسو دورات مع النادي العلمي أو بنك التنمية في بنيان البيوت، عشان نستفيد من خبرتك في المجال

[qatarman8008]

صباح البروق والخير من رب العالمين..
..
https://e.top4top.net/p_1184bsddb0.jpg (https://up.top4top.net/)
https://f.top4top.net/p_1184eks4c1.jpg (https://up.top4top.net/)
https://a.top4top.net/p_118405cxy2.jpg (https://up.top4top.net/)
https://b.top4top.net/p_1184rk13t3.jpg (https://up.top4top.net/)

[R 7 A L]

صور في غاية الجمال يالغرفاوي
ياليت تنزلها في موضوع الصور ولا موضوع الطقس

وياليت بعد تخلي الادارة تعدل اسمك طويل وايد
قطر مان واربع ارقام ليش كل هذا
اقترح يكون Qtr8

[سالم الزهران]

مبدع يا غرفاوي.. وتهناكم الرحمة.. بوعبدالله.. موضوعك بيستوي استراحة :app2:

[sara jsm]

وياليت بعد تخلي الادارة تعدل اسمك طويل وايد
قطر مان واربع ارقام ليش كل هذا
اقترح يكون Qtr8

بالعكس حلو جنه قطار :happy:
انا هالسنه بس حفظت اسمه ولا قبل حافظه صورته الرمزية هههههههه

:


مبدع يا غرفاوي.. وتهناكم الرحمة.. بوعبدالله.. موضوعك بيستوي استراحة :app2:

اي شالمشكله دامنا مبسطين فيه .. :nice: فين الائهوه ؟

:
:

يسعد الله صباحكم بكل خير ومبروك عليكم الحيا من شمال قطر لين جنوبها ..

[سالم الزهران]

الله يستر قامت الحرب

بو عبدالله.. الرماية ذي صوب من؟

[sara jsm]

بو عبدالله.. الرماية ذي صوب من؟

صوبك :sneaky:

[qatarman8008]

انا سمعت اسمي.. :court:

[الحياة الخالدة]

https://b.top4top.net/p_1184p5xtc0.jpeg (https://up.top4top.net/)

[الحياة الخالدة]

https://f.top4top.net/p_11848l4cz0.jpeg (https://up.top4top.net/)

[qatarman8008]

الله توورته..
طرشي اللوكيشن بسرررررعه..

[sara jsm]

https://f.top4top.net/p_1184szpdy0.jpeg (https://up.top4top.net/)

الله مسوين لك حفله اخوي معماري :shy:

[سالم الزهران]

الله توورته..
طرشي اللوكيشن بسرررررعه..

يا بقاحتك يا اخي..أول انك عاوز الكيوي :waiting:

[سالم الزهران]

صوبك :sneaky:

هونا، بنروح مدينة الألعاب اللي يمدحونها في كوريا
عطينا رقمه بس.:spider:

[sara jsm]

هونا، بنروح مدينة الألعاب اللي يمدحونها في كوريا
عطينا رقمه بس.:spider:

552 والباقي بعدين :tease:

[نفسي عزيزه]

عششششتو

[معماري قطري]

خدوني معاكو ... أخوكو الصغير

عسى الله يطول عمرك في طاعته يا بو عبدالله

انا اقول تسو دورات مع النادي العلمي أو بنك التنمية في بنيان البيوت، عشان نستفيد من خبرتك في المجال

حياك الله إخوي بو خميس تكون على الأقل وسط بيننا .. انا سوبر فارط وبوزيد سوبر متحفظ وانت تكون تعادل بينا وتصالحنا لين تهاوشنا

[معماري قطري]

صور في غاية الجمال يالغرفاوي
ياليت تنزلها في موضوع الصور ولا موضوع الطقس

وياليت بعد تخلي الادارة تعدل اسمك طويل وايد
قطر مان واربع ارقام ليش كل هذا
اقترح يكون Qtr8

صادق الشارع يبين أبيض من البرق

انا ما اتجرأ امسك التلفون في البرد واقطه بعيد عني من خاف سلم

بس الصور قمة في الجمال ما دريت وين المنطقة

[معماري قطري]

مبدع يا غرفاوي.. وتهناكم الرحمة.. بوعبدالله.. موضوعك بيستوي استراحة :app2:

هو استراحة بس راعيها غايب وسامحوني البركة في الموجودين

[معماري قطري]

بو عبدالله.. الرماية ذي صوب من؟

يا اخوي سمعت إن اللي ترمي ما تشوف لين كانت معصبة ترش كل شيء يتحرك أفضل شيء تسوي نفسك ميت

[معماري قطري]

https://b.top4top.net/p_1184p5xtc0.jpeg (https://up.top4top.net/)

مشكورة يالكريمة انتي .. بيتنا ولا حد درى مع اني امشي واتبوسم

[معماري قطري]

الله توورته..
طرشي اللوكيشن بسرررررعه..

هذي لي بروحي توصل السكر فوق الألف بشوي

[معماري قطري]

https://f.top4top.net/p_1184szpdy0.jpeg (https://up.top4top.net/)

الله مسوين لك حفله اخوي معماري :shy:

بدينا الحسد .. ومب من أي حد من راعية المنتدى

[sara jsm]

بدينا الحسد .. ومب من أي حد من راعية المنتدى

هههههههه انا عضو صغير امامك انت وباقي المخضرمين ..
انتو الخير والبركة والمكان مكانكم طبعا :o
:
ان شاءالله السنه الجايه بنسوي لك حفله يوم ميلادك في الشيرتون وعلى حسابك عشان ماتزعل :oops: احنا والله مانحتفل بذي السوالف بس عشانك السنه الجاي بنسوي لك :whistling:

[معماري قطري]

هههههههه انا عضو صغير امامك انت وباقي المخضرمين ..
انتو الخير والبركة والمكان مكانكم طبعا :o
:
ان شاءالله السنه الجايه بنسوي لك حفله يوم ميلادك في الشيرتون وعلى حسابك عشان ماتزعل :oops: احنا والله مانحتفل بذي السوالف بس عشانك السنه الجاي بنسوي لك :whistling:

انتي أكبر مني بسنتين في المنتدى يعني انا الصغير

بعدين عيد ميلاد في الشيراتون تبين عيال عمي يقصبوني مسوي بدعة .. يوم ميلادنا متعودين نحتفل ونسوي عرضة

[sara jsm]

ههههههههههههه عرضة مرة وحدة يعني انكم ضمن ضوابط تقليدية :court:
انزين الحين متى يوم ميلادك اي تاريخ ؟ اليوم ولا بكرة ؟ والله مميز مع المعاشات :omg:

[معماري قطري]

ههههههههههههه عرضة مرة وحدة يعني انكم ضمن ضوابط تقليدية :court:
انزين الحين متى يوم ميلادك اي تاريخ ؟ اليوم ولا بكرة ؟ والله مميز مع المعاشات :omg:

30/03/1964

خلاص دخلنا في واحد وانا متقاعد رسمياً

أظن إني من مواليد مستشفى حمدة باسئل الوالدة باتأكد

[معماري قطري]

ولدي مسكين مظلوم انولد اسبوع قبل عام 2000 يعني انولد في القرن الماضي

[R 7 A L]

30/03/1964

خلاص دخلنا في واحد وانا متقاعد رسمياً

أظن إني من مواليد مستشفى حمدة باسئل الوالدة باتأكد

حرام انك تقاعد في هالعمر

وش جدولك اليومي

[sara jsm]

30/03/1964

خلاص دخلنا في واحد وانا متقاعد رسمياً

أظن إني من مواليد مستشفى حمدة باسئل الوالدة باتأكد

والله مااظن ايامك في مستشفيات حتى هههههههههه
الله يطول بعمرك يااخوي ويمدك بالصحة والعافيه وراحة البال ..
بيني وبينك حول ال22 سنه :happy: ماشاءالله
ان شاءالله السنه الجايه نشوف المياوميه معاك ونحتفل فيك كلنا :happy:

[R 7 A L]

والله مااظن ايامك في مستشفيات حتى هههههههههه
الله يطول بعمرك يااخوي ويمدك بالصحة والعافيه وراحة البال ..
بيني وبينك حول ال22 سنه :happy: ماشاءالله
ان شاءالله السنه الجايه نشوف المياوميه معاك ونحتفل فيك كلنا :happy:

77
:con2:

[sara jsm]

77
:con2:

حتى في الحساب كسلان :happy:

[سالم الزهران]

مدري شلون نجح ها الرحال.. يبا 55_22=42سنه

الله يذكره بالخير الاستاذ ممدوح كان شاد علينا حده.

[sara jsm]

منك لله يااستاز ممدوح ماسويت خير في هالجيل هههههههههههههههه

[معماري قطري]

حتى في الحساب كسلان :happy:

هههه ضحكتوني وضحكني أكثر رحال

ببساطة لأن سارة قالت بيني وبينك هو زاد 22 على 55 وحسابه صح وسهل أسهل من حسبة الناقص وبالناقص تساوي 33 ما ادري شلون يا سالم معلمك ممدوح انها 42 لا ومشت على صاحبة العمر والظاهر اجابة رحال أقرب للصح

[معماري قطري]

حرام انك تقاعد في هالعمر

وش جدولك اليومي

اسكت يا اخوي لي 3 أيام ما طلعت من البيت جسمي متكسر وشكلها صخونة

عن الجدول ما لي جدول مريح راسي لين بعد الصيف بعدين بشوف لي أي شغلة اطقطق فيها لو حصلت ومتمني ادارة مشروع هندسي كبير ولو تصميم + بناء بيكون أفضل لأني بتابع من البداية أما مشروع جاهز واتابع بس ما باقدر اطور فيه صح

[معماري قطري]

والله مااظن ايامك في مستشفيات حتى هههههههههه
الله يطول بعمرك يااخوي ويمدك بالصحة والعافيه وراحة البال ..
بيني وبينك حول ال22 سنه :happy: ماشاءالله
ان شاءالله السنه الجايه نشوف المياوميه معاك ونحتفل فيك كلنا :happy:

هذي يبي لها ترجمة لغتكم يا اهل الشمال غير بعد ما سمعت مصطلح متعضرط ومتضعضع يئست منكم

[SouthK]

السلام عليكم ورحمة الله وبركاته

خلونا نحتفل سكاتي ليزعلون المطاوعة .. كيك ما ابي وسكريات ما ابي .. دعوة طيبة فلوس بعد زينة .. سندويش كيما حلو ولذيذ

لك طول العمر يا معماري .. عادك شباب!

عسى ربي يوفقك!

[بوخالد911]

هلا وغلا بو عبدالله
العمر كله
Long life

تبارك الله بعدك شباب

الله يحفظك ويخليك لأهلك وجماعتك.

((( برسل لك كيكة عن طريق الواتس أب )))
:)

[معماري قطري]

لك طول العمر يا معماري .. عادك شباب!

عسى ربي يوفقك!

آمين ووياك يا اخوي

[معماري قطري]

هلا وغلا بو عبدالله
العمر كله
Long life

تبارك الله بعدك شباب

الله يحفظك ويخليك لأهلك وجماعتك.

((( برسل لك كيكة عن طريق الواتس أب )))
:)

مشكور يا بو خالد

ما تقصر برسايلك الطيبة دوم

[بوخالد911]

مشكور يا بو خالد

ما تقصر برسايلك الطيبة دوم

الله يحييك بو عبد الله

اليوم بالجرايد نزلوا التعديلات بخصوص الفلل والمجالس

https://www.al-sharq.com/article/01/04/2019/تطوير-الاشتراطات-الخاصة-وامتيازات-جديدة-للفلل-السكنية-للمواطنين

[معماري قطري]

مستغرب يا بو خالد من هالتأخير والمماطلة الطويلة

الأُمور سهالات ويفترض حتى دور ثالث كامل وفوقه بنتهاوس ما دام عارفين الألمنيوم اللي ما يكشف الجار وعارفين إن ممكن الواحد يسوي منور سقفي ينفتح على كم دور

بعدين ما ادري شعقدتهم للحين مع الارتفاع ولا ادري ليش ما يذكرونه .. زين ذكروا المجلس والباقي ليش ما اذكروه

وشخطتهم للشوارع التجارية والشوارع اللي ناويين لو لهم نية يخططونها صح والمناطق جديدة

[بوخالد911]

مستغرب يا بو خالد من هالتأخير والمماطلة الطويلة

الأُمور سهالات ويفترض حتى دور ثالث كامل وفوقه بنتهاوس ما دام عارفين الألمنيوم اللي ما يكشف الجار وعارفين إن ممكن الواحد يسوي منور سقفي ينفتح على كم دور

بعدين ما ادري شعقدتهم للحين مع الارتفاع ولا ادري ليش ما يذكرونه .. زين ذكروا المجلس والباقي ليش ما اذكروه

وشخطتهم للشوارع التجارية والشوارع اللي ناويين لو لهم نية يخططونها صح والمناطق جديدة

فكرة بناء قبو تحت المجلس وايد أعجبتني

ولو اسمحوا ببناء دور فوق المجلس
بتكون الفكرة واايد حلوة وروعة

[معماري قطري]

هذي انجازات الوزير الحالي وبسرعة لأنه مهندس وفاهم

في السابق كان لازم تبني داخل خط الملكية لكن مسموح تطلع 10سم من جهة الشارع للأعمدة وبروز بسيط للبوابة وما تضيق أرض الحكومة .. سمعت شخص يشتكي يقول طالبين منه يهدم هذا البروز

[معماري قطري]

فكرة بناء قبو تحت المجلس وايد أعجبتني

ولو اسمحوا ببناء دور فوق المجلس
بتكون الفكرة واايد حلوة وروعة

وفكرة المجلس المشترك بين أرضين

سويت تصميم حق اثنين اخوان والحين يحفرون للبنيان .. المجلس بين أراضيهم وفيه بيسمنت كله بحوش نازل وبدرايش تطل على هذا الحوش .. الله يوفقهم ألحين استوى هالشيء قانوني

[sara jsm]

هههه ضحكتوني وضحكني أكثر رحال
ببساطة لأن سارة قالت بيني وبينك هو زاد 22 على 55 وحسابه صح وسهل أسهل من حسبة الناقص وبالناقص تساوي 33 ما ادري شلون يا سالم معلمك ممدوح انها 42 لا ومشت على صاحبة العمر والظاهر اجابة رحال أقرب للصح

هههههههههههه شكله ضربني الخرف بدري
يالله اهم شي كلنا نفس الجيل هههههههههه

:
:

بوعبدالله لو عندك مكتب استشارات هندسيه ممتاز ..
عشان احطك استشاري على بيتي :p بدال قعدة البيت :looking:

[معماري قطري]

هههههههههههه شكله ضربني الخرف بدري
يالله اهم شي كلنا نفس الجيل هههههههههه

:
:

بوعبدالله لو عندك مكتب استشارات هندسيه ممتاز ..
عشان احطك استشاري على بيتي :p بدال قعدة البيت :looking:


قوانين التجارة تحمل صاحب العمل ما لا طاقة له .. يبونا خدم لموظفينا بدال ما هم يخدمون نفسهم ويشتغلون صح .. ما حبيت هالمجال وافتح لي مطيعم صغير يسوي جباتي ممكن استفيد أكثر

في النهاية ربعي اللي فتحوا أما خسروا وسكروا والا جابوا واحد عيار يعطيهم أجار ثابت وياخذ الهمجات من كل صوب

[sara jsm]

خلاص باسوي بينك عقد بالباطن لامن شاف ولا من دري :strong
واشتغل من تحت لتحت والله بتكسب ذهب فوق الكنز اللي خاشه ورى ثلاجة المطبخ :happy:

:

يالله قولنا قصة اول يوم داومت فيه ؟

[ya3coub]

قوانين التجارة تحمل صاحب العمل ما لا طاقة له .. يبونا خدم لموظفينا بدال ما هم يخدمون نفسهم ويشتغلون صح .. ما حبيت هالمجال وافتح لي مطيعم صغير يسوي جباتي ممكن استفيد أكثر

في النهاية ربعي اللي فتحوا أما خسروا وسكروا والا جابوا واحد عيار يعطيهم أجار ثابت وياخذ الهمجات من كل صوب


بو عبد الله اذا في ارض مساحتها 1000 متر على سارعين هل بإمكان فرزها إلى 4 اراضي بسندات ملكياتهم و بنفس الوقت هل 250 متر تنفع ولا صغيره وايد حق فيلا للأيجار او بداية حياة شخص

[معماري قطري]

بو عبد الله اذا في ارض مساحتها 1000 متر على سارعين هل بإمكان فرزها إلى 4 اراضي بسندات ملكياتهم و بنفس الوقت هل 250 متر تنفع ولا صغيره وايد حق فيلا للأيجار او بداية حياة شخص

سامحني يا اخوي يعقوب سهيت عن هالموضوع

أظن للفرز مشترطين 600 متر أقل شيء ويمكن يتساهلون في 500 لكن 250 وايد قليلة بالنسبة لدول العالم الثانية ما عند بعضها مشكلة أرضك وانت حر فيها

[معماري قطري]

خلاص باسوي بينك عقد بالباطن لامن شاف ولا من دري :strong
واشتغل من تحت لتحت والله بتكسب ذهب فوق الكنز اللي خاشه ورى ثلاجة المطبخ :happy:

:

يالله قولنا قصة اول يوم داومت فيه ؟

ذكريات يا اختي وما شاء الله عليج شكلج انتي المليونيرة لو باشترك باستفيد انا المجهود وانتي الفلوس توكلي على الله

بداية دوامي الله يرحم الموجودين وبعضهم من ربعنا .. قال الوالد رحمة الله عليه تعالوا باوديكم تدريب صيفي ووقتها ما كنا نعرف الطيارة الا لو شفناها في الجو .. السالفة في 1978 كنت 14 وقتها لكن بريء مب مثل أطفال الحين يعرفون كل شيء .. رحنا معاه كنا 4 وجلسنا ننتظر الزعيم محمد بن عبدالله العطية في مكتبه .. أول ما دخل الكل قام وانا انتبهت وسويت مثلهم التفت حق ابوي وقال له قايل لك يا عبدالله ابي بس واحد أكبرهم مب كلهم وإبوي يبتسم ويحاول إنه يقبلنا كلنا .. قال السنة الجاية الباقيين ودخلوني .. تدريب وحر وشمس ولباس ثقيل لكن كنا مشتطين كلنا واستوت لي صداقات سريعة .. كان أصغرنا عمره 10 سنين وكنت انا آخر الملتحقين ربعي قبل استلموا راتب وكانت الرواتب مع التاريخ الهجري وقبل نهاية الشهر بيومين أو ثلاثة .. كان معين لنا سواق سوداني عصبي وشرير نسيت اسمه تقريباً على لساني وانساه .. المهم كنا نتسابق الساعة 11 ونص من يصيد آخر مكان في بدي اللندروفر حتى نشم شوية هواء .. معانا الوزير خالد بن محمد العطية كان عمره 12 تقريباً والصغير اللي عمره 10 سمعت إنه توفى الله يرحمه ولا بمتأكد ممكن تشابه أسماء وكذلك واحد مناعي استوى محامي واشترك مع خالد في مكتبه بعد سمعت إنه توفى .. النكتة يوم توزيع الرواتب وكانت 1865 ريال ولا كنت ادري إن فيه راتب .. قالوا لي ربعي صف معانا بنستلم قلت لهم ابوي ما قال لي فيه راتب قال بس تدريب بسيط ووقفت بعيد عنهم .. لزموا علي وصفيت وبصمت واستلمت وأول مرة وقتها امسك 500 ريال لا الا 3 خمسميات فجأة استويت غني

باقول لكم بعدين سالفة الرماية

[معماري قطري]

جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين

[qatarman8008]

الله يبارك لكم فيها ويرزقكم برها..

[ya3coub]

سامحني يا اخوي يعقوب سهيت عن هالموضوع

أظن للفرز مشترطين 600 متر أقل شيء ويمكن يتساهلون في 500 لكن 250 وايد قليلة بالنسبة لدول العالم الثانية ما عند بعضها مشكلة أرضك وانت حر فيها

مابه مشاكل والله يجزاك خير يا بو عبد الله عالرد. بس لو اعرف وين ممكن اروح علشان اجيب هالرد رسميا.


جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين

بو عبد له عيل بنسميك بابا عود الف الف مبروك والله يجعلها باره بوالديها و فيكم ان شاء الله ز جداتها يا رب العالمين.

[sara jsm]

بابا عود :happy: :happy: :happy: يبيله :eek2:

[معماري قطري]

الله يبارك لكم فيها ويرزقكم برها..

آمين والله يرزق الجميع

[معماري قطري]

مابه مشاكل والله يجزاك خير يا بو عبد الله عالرد. بس لو اعرف وين ممكن اروح علشان اجيب هالرد رسميا.



بو عبد له عيل بنسميك بابا عود الف الف مبروك والله يجعلها باره بوالديها و فيكم ان شاء الله ز جداتها يا رب العالمين.

الله يبارك فيك ويحفظك سموني اللي تبون توني طفل

هذي لو تروح التخطيط معاك سند الملكية هم يقولون لك شالممكن .. كان قبل فيه لهم مكتب صوب المنطقة اللي شرقي سوق الجبر ما ادري اذا للحين أو تغير الوضع .. كذلك ممكن تستفسر في البلدية اللي تابعة لكم لكن 4 وايد ما اتوقع يوافقون

[معماري قطري]

بابا عود :happy: :happy: :happy: يبيله :eek2:

كلها سنة ويجونج أحفاد

[sara jsm]

بو عبد الله اذا في ارض مساحتها 1000 متر على سارعين هل بإمكان فرزها إلى 4 اراضي بسندات ملكياتهم و بنفس الوقت هل 250 متر تنفع ولا صغيره وايد حق فيلا للأيجار او بداية حياة شخص

سوري على المداخله اخوي يعقوب ..
اتوقع مستحيل يوافقون الفيلا الوحدة 250 !!؟ كم مساحة المبنى ولاتنسى الارتداد ..
برأيي ماينفع لا سكن ولا ايجار .. اما 500 مساحة معقوله ..
اظن يعطون التصريح للفيلا الوحدة كـ مساحة كامله 450
:
كانت عندي ارض دولة مساحتها 1200 وشوي ...
كنت باقسمها لـ فيلتين .. قالوا ممنوع لازم على سند ملكية وحدة واذا باسوي مايكون بينهم سور يعني في حوش واحد .. هالكلام قبل 7 سنين .. لكن القوانين تغيرت مع الكثافه السكانيه والاراضي صغرت اغلبها مب نفس النظام القديم ..
اسال في البلديه اخوي يعقوب واستفسر منهم عدل .. عندهم الموضوع ..

:



كلها سنة ويجونج أحفاد

هههههههههههه عيالك عيالي اعتبر صرت جدته دامكم بتعطونا بنتكم :app2:
بوعبدالله شعور ولد الولد غييييير عن الاحساس بالابوه ...
بتموتووون عليها وباذكرك .. 😍
الله يحفظها يارب وتشوفها قاعدة على كرسيك اللي صارله 20 سنه وتتعبث في كمبيوترك :p

[معماري قطري]

الله يحفظج إختي سارة خلاص بعد ما نبي مهر تنازلنا عن كل شيء

[سالم الزهران]

جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين

ما شاء الله تبارك الله
تتربي في عزكم و الله يجعلها من الصالحات القانتات

[معماري قطري]

ما شاء الله تبارك الله
تتربي في عزكم و الله يجعلها من الصالحات القانتات

آمين

الأيام تمر يا بو زيد وكبرنا

[حمد 2002]

صباح الورد بوعبدالله

بل طلعت شيبه

وانا كنت اضنك بالعشرين وكيوت ..


المهم عندي اقتراح لك اذا خذت التقاعد ..

كل يومين دور بالجمعيه واشتر خبز وروتي سليس وصمون للبيت وروب وحليب ممم هالسوالف يعني ..

واضحك وتغشمر مع الموظفين الي بالجمعيه نفس ماجوف الشياب الي بجمعيتنا ايسوون كذا ..

وبعد ممم

الصبح البس جوتي رياضه وانت بكرامه وامش بالمولات وتالي تعرف لك على كم شيبه وطق معاهم سوالف بالكافيهات ..

و مممم

العصر روح سوق واقف بهالقهاوي وجوف الساير والجاي مع قلاص كرك وطبعا اهم شيء تجلس مع الشياب هناك وسوالف لين اللليل ..

ولاتنسى بعد

((الفكس الأخضر )) على شان اتدهن جسمك بعد التعب واتلحف ابر نوص ..


وعندي لك بعد كمن اقتراح بسردهم بالايام اليايه = الجايه .

تحياتي

[معماري قطري]

مشكور يا حمد على هالنصايح الحلوة

انا اشتغل 1 سلندر من 8 خلاص ( بايقها من نكلان ) والله يا اخوي من محبي قعدة البيت والحمد لله

[نفسي عزيزه]

احلى عمر يامعماري وعسى الله يعطيك طولة العمر بالصحه والطاعه ويحسن خاتمتك

شباب بعدك 55

55 مايعتير كبير بالنسبه للي اشوفهم حاليا الكبير من 66 وطالع والله يعزك بالدارين ويسعدك يارب :o

[سالم الزهران]

احلى عمر يامعماري وعسى الله يعطيك طولة العمر بالصحه والطاعه ويحسن خاتمتك

شباب بعدك 55

55 مايعتير كبير بالنسبه للي اشوفهم حاليا الكبير من 66 وطالع والله يعزك بالدارين ويسعدك يارب :o

تعال شف عندنا واحد عمره اثنين وسبعين سنة، اول شيئ يصدمك فيه يقول لك على عمره.. شكله تقول توه اربعين.. ودايم يقول ترون عمري اثنين وسبعين و ماشاء الله.. ربك يعطي بعض الناس صحة في النفس والخاطر اهي تطول العمر بإذن الله.. في ناس ملايكة يا الربع

[معماري قطري]

احلى عمر يامعماري وعسى الله يعطيك طولة العمر بالصحه والطاعه ويحسن خاتمتك

شباب بعدك 55

55 مايعتير كبير بالنسبه للي اشوفهم حاليا الكبير من 66 وطالع والله يعزك بالدارين ويسعدك يارب :o

الحمد لله والحمد لله الصحة مسيطرين عليها وهذا أهم شيء

أكيد اعتبر نفسي صغنون ما كبرت بس قلت احتفل بالرقم الحلو 55

[معماري قطري]

تعال شف عندنا واحد عمره اثنين وسبعين سنة، اول شيئ يصدمك فيه يقول لك على عمره.. شكله تقول توه اربعين.. ودايم يقول ترون عمري اثنين وسبعين و ماشاء الله.. ربك يعطي بعض الناس صحة في النفس والخاطر اهي تطول العمر بإذن الله.. في ناس ملايكة يا الربع

اللي رياضي ويستمتع وكثير الحركة ومرتاح ما يبين عليه .. كان معانا في العمل شيبة الله يعطيه الصحة عمره 73 أو 75 نسيت بالضبط بس حدا الرقمين .. كان قوي ويركب فوق يربط تانكي مياه كبير فوق تريلا

انا مستحيل اقدر على هالحركة بسبب الركبة ومفصل الفخذ

[سالم الزهران]

ياخوي معماري، التقاعد اصبح البعض ينكت عليه.. متقاعد يطفي الليتات ومتقاعد يرش المدخل ماي ومتقاعد مدري شيسوي!
الحقيقة التقاعد نجاح ما بعده.. لانك طويت صفحة مملة ومتعبة من حياتك وانهيتها بنجاح.. وما هو موضوع للتندر والسخرية.. لكن البعض يعشق الربطة وكلها عشان كم فلس زيادة كل يوم وهو قابض الشارع مداوم!

التقاعد حلم اتمنى يتحقق، والعمل مؤسف مهما كان ومع من كان.. الا مع رب العالمين

[السكين]

العمر كله يا بشمهندس .. وتراك أصغر من سنك بكثييير هذا بالردود فما بالك على الطبيعة .. الله يطول بعمرك .. وتتم معانا هنا نستفيد منك ومن خبراتك .. ومن كل مشاركة لك فيها فايدة ومتعة ومعلومة بأمانة والله .

التقاعد تقدر تسميه إستراحة محارب .. وكل من يستهزء بالكبر وبالتقاعد ويربطه بالمرض وإزعاج الشياب ويسويه مادة للسخرية ..أقولهم الله يخليكم لأمهاتكم بس.

[!.!]

ما شاء الله تبارك الله
ما شاء الله ، من يراك من أول مرة في المنتدي يقول ثلاثيني لا يتجاوز الأربعين
الصراحت تفاجأة يا ..أبتي
شابًا يافعًا أراك لست ستيني ولا خمسيني ، ميلادك فيهِ تزوير هه والله ما شاء الله
عظيمة هيا شخصيتك يمكنني تخيلها في أرض الواقع مليئة بالمرح والبهجة
رعاك الله وسترك بو عبد الله
اللّهم أمين

[معماري قطري]

العمر كله يا بشمهندس .. وتراك أصغر من سنك بكثييير هذا بالردود فما بالك على الطبيعة .. الله يطول بعمرك .. وتتم معانا هنا نستفيد منك ومن خبراتك .. ومن كل مشاركة لك فيها فايدة ومتعة ومعلومة بأمانة والله .

التقاعد تقدر تسميه إستراحة محارب .. وكل من يستهزء بالكبر وبالتقاعد ويربطه بالمرض وإزعاج الشياب ويسويه مادة للسخرية ..أقولهم الله يخليكم لأمهاتكم بس.

ولك كل العمر اخوي السكين

انا خايض التقاعد من 10 سنين بس الرسمي الحين والحمد لله مرتاح ومريح لا التزامات قوية وعيالي يشتغلون وراتب التقاعد حلو

[معماري قطري]

ما شاء الله تبارك الله
ما شاء الله ، من يراك من أول مرة في المنتدي يقول ثلاثيني لا يتجاوز الأربعين
الصراحت تفاجأة يا ..أبتي
شابًا يافعًا أراك لست ستيني ولا خمسيني ، ميلادك فيهِ تزوير هه والله ما شاء الله
عظيمة هيا شخصيتك يمكنني تخيلها في أرض الواقع مليئة بالمرح والبهجة
رعاك الله وسترك بو عبد الله
اللّهم أمين


إخوي بشير جاني السكر من كنت 17 والحمد لله نفعني بأن أكون هاديء وما ادوش نفسي وادخل في مشاكل وتعب .. بعدين صحيح ابين أصغر من سني على الطبيعة والحمد لله 55 شباب

[معماري قطري]

ياخوي معماري، التقاعد اصبح البعض ينكت عليه.. متقاعد يطفي الليتات ومتقاعد يرش المدخل ماي ومتقاعد مدري شيسوي!
الحقيقة التقاعد نجاح ما بعده.. لانك طويت صفحة مملة ومتعبة من حياتك وانهيتها بنجاح.. وما هو موضوع للتندر والسخرية.. لكن البعض يعشق الربطة وكلها عشان كم فلس زيادة كل يوم وهو قابض الشارع مداوم!

التقاعد حلم اتمنى يتحقق، والعمل مؤسف مهما كان ومع من كان.. الا مع رب العالمين

والله الشغل في تخصصك وما يكون مرهق ومتعب زين أقل شيء تفكر وتحرك نفسك .. انا شغلي معاكم هنا كله في تخصصي والحمد لله