ايش هالزحمه اليوم !

[MAZEN37]

الدوحه زحمه ما شاءلله
من وين طلعت كل هالسيارات

[مرتبش]

امس بعد زحمة.. نازلة المعاشات الله يسلمك

[سعود.]

معاشات ونهايه اسبوع ( ويك اند )

[sara jsm]

وين الزحمة بالضبط !!؟
طول الاسبوع زحمة .. يمكن يوم الجمعة اخف من باقي الاسبوع ..

[سالم الزهران]

المهرجانات يا الحبيب... الناس فاهمه الوناسة غلط

[Rider]

رواتب ومهرجان في اسباير ومهرجان الاغذيه ونهاية اسبوع

[سليمان احمد]

اليوم صح زحمه بس مو في كل مكان
نعم صحيح حول اسباير وفيلاجيو
والاماكن اللي فيها اسواق
بس انا اتسائل اذا كان هذي الزحمه الان
كيف في كاس العالم ودشو فجأه مليون شخص
حسب كلام المشاريع والارث ان الجماهير ستقدر بمليون
وان كنت اعتقد انه رقم مبالغ فيه خل نقول نصهم
بعد وش الشوارع اللي بتشيلهم
حتى مع المترو كيف حركة السير حول الملاعب
مشكله

[معماري قطري]

اليوم صح زحمه بس مو في كل مكان
نعم صحيح حول اسباير وفيلاجيو
والاماكن اللي فيها اسواق
بس انا اتسائل اذا كان هذي الزحمه الان
كيف في كاس العالم ودشو فجأه مليون شخص
حسب كلام المشاريع والارث ان الجماهير ستقدر بمليون
وان كنت اعتقد انه رقم مبالغ فيه خل نقول نصهم
بعد وش الشوارع اللي بتشيلهم
حتى مع المترو كيف حركة السير حول الملاعب
مشكله

توقع يا اخوي وقتها الزيادة السكانية + الزوار حول مليونين والحين مليونين و800 ألف لكن الزحمة ما بتكون خانقة في الطرق لوجود الريل

صار لي يومين اطلع ابي الف من لفة فيلاجيو وانا مشرق ابي اتجه غرب لتقاطع المناصير احصل الشرطة سادين التقاطع .. وسدهم بدائي المفروض يوقفون أول المسرب ويوجهون السيارات سيدة أما واقفين بالعرض الناس بعد تدخل تطلع تسبب ربكة مرورية قاتلة

[معماري قطري]

أما اسباير رحنا من يومين متأخرين بقصد المشي 12 ونص لكن تفاجأنا بالزحمة والأنوار والمجسمات المنيرة .. صورت فيديو بانزله بإذن الله في الاستراحة

[معماري قطري]

المهرجانات يا الحبيب... الناس فاهمه الوناسة غلط

والله يا اخوي بو زيد لين شفت الأطفال مستانسين ويصارخون ويركضون ويلعبون تعرف انهم يحتاجون لترفيه وطلعة خصوصاً بعد امتحانات ودراسة .. ليش لا وتجتمع مع نزول الرواتب والله يزيد الجميع من فضله مواطن ومقيم تشوف فرحة وما زال للجو الجميل بقية

[nooora]

ههههههههههههه :omg:

[بوخالد911]

تأقلمنا ع الزززحمة

صارت عندنا مناعة

[سالم الزهران]

والله يا اخوي بو زيد لين شفت الأطفال مستانسين ويصارخون ويركضون ويلعبون تعرف انهم يحتاجون لترفيه وطلعة خصوصاً بعد امتحانات ودراسة .. ليش لا وتجتمع مع نزول الرواتب والله يزيد الجميع من فضله مواطن ومقيم تشوف فرحة وما زال للجو الجميل بقية
كلامك سليم بو عبدالله لكن مع المهرجان تصير هبة.. يعني فرصتك لو انت ف المرور.. تسوي خطة للموقع.. او تنقل الناس بحافلات للمكان... سوي مسار للحافلات بروحة.. مع هذا الناس ما راح يتعاونون مية ف المية.

[معماري قطري]

كلامك سليم بو عبدالله لكن مع المهرجان تصير هبة.. يعني فرصتك لو انت ف المرور.. تسوي خطة للموقع.. او تنقل الناس بحافلات للمكان... سوي مسار للحافلات بروحة.. مع هذا الناس ما راح يتعاونون مية ف المية.

شغل عرب كله بالبركة

والا معروف موقع اسباير ومعروف عدد المواقف .. يحطون نقطة تجمع وينقلون الناس بالباصات ويعلنون عنها في عدة أماكن .. مثل عندنا نادي السد واستاد خليفة اتوقع فيه مواقف وقريبة والباص بيوصل بسهولة لإسباير وبيرجع ويكون مجاني