عطوني الحل ياجماعة !!!

[R 7 A L]

السلام عليكم ورحمة الله وبركاته
طرحت الموضوع في العام مع انه في غير محله ولكن لكثرة المتواجدين في هذا القسم لذا العذر والسموحة من المشرفين اتمنى عدم نقله حالياً

الموضوع الله يسلمكم
ادري ان القانون لايحمي المغفلين ولكن هذا الي صار
قبل سنه ونص سلفت لي اجنبي راعي محل مفروشات مبلغ 20 الف ريال وكتبنا ورقه بخط اليد و وقع عليها على اساس انه بعد ست شهور بيرجعها لي طبعاً اعرفه من زمان وكنت واثق فيه
المهم بعد ست شهور قام يتهرب وكل يوم وراه يوم
وقدر الله وسافرت لامريكا قبل لا اسافر عطيت الورقة واحد من الربع احتياطاً لما وصلت لامريكا وبعد شهرين شفت مافيه الا اني اكلم الي عطيته الورقة وانه يروح يشتكي طبعاً كلمت احد الضباط الي اعرفه قال خل رفيقك يجي ، راح رفيقي لمركز الشرطة واستدعوه واعترف انه ماخذ مني مبلغ وانه بعد شهر بيرجعها لي ولكن لم يفي بوعدة وعطوه بس منع سفر في البحث والمتابعة واليوم صار لي سنه ونص لاهو الي رجع لي المبلغ ولا الشرطة قدرت تسوي له شي


وش الحال ياجماعة ؟؟؟

[بالمرصاد]

روح كسر ويه

[بوخالد911]

ارجع لمحامي شااااطر

[سالم الزهران]

اول شيء يجيك من السلف خيبة الظن لذلك تصر انك تسترد فلوسك كنوع من مصالحة النفس.. وفي وضع اخونا رحال بيتعبك الاجنبي ونت تحاول معاه.. ويمكن اذا وصلت الى القبض.. يترك لك فلوسك عند الشرطه وكأنه صدقه.

لكن الضابط المفروض يقلب ملف الاجنبي يشوف كم سيارة عنده، مع من يتعامل يحصل عليه كم هفوة يصيدة ويرميه في التوقيف و عشان يتكلمون معه في تصريح محل ولا مخالفة قبلها يقولون له هات العشرين الف اللي لصاحب الورقة ذي.

[ابو عبدالله.]

صبحكم بالخير

ما عندنا تصيد هفوات عشان يقايض الضابط مع الاجنبي. معليش اسمح لي. ياخوي احنا بقطر مش في دوله عربيه اخرى

لكن الحل بسيط جدا

شكوى بالنيابه نصب و احتيال. مع وجود اعتراف منه و تعهد برد المبلغ خلال شهر في مركز الشرطه سابقا

تتحول محكمه و حاله يوقف و المحل يخسر و الكفيل يتدخل واحتماليه يدفع و يخصم من راتبه بالتراضي

مريت بتجربه مشابهه. واحد اخذ عربون مقابل مقاوله بسيطه لبناء مجلس صغير

قال بسافر اسبوعين و طس ثلاث شهور

اول ما دخل البلاد عرفت وقدمت شكوى بالشرطه. قبضوه وحولوه نيابه و الاتصالات من اخوه و منه سندرتني

قلت له ادفع ولا محكمه. وقال ما عندي و شاسوي انتظرني لين تنحل معاي و تنازل الحين

تم شهر مع الشرطه و النيابه يوعد بالدفع و لا اشوفه

لما قالوا بتتحول محكمه. اتصل لي. قلت له ما ابي العشر الاف. الي ينحكم عليك و تسجل بملفك حكم واي حد يبي مقاولات بيبحث بأسمك و بيعرف انك محكوم عليك و انسى تلقى سغل بعدها

ثاني يوم رجع الفلوس ما شاء الله و اتصل يعتذر. ويبي واسطه اساعد اخوه. يبي ليسن ههههه

وقاحه ولا بعدها وقاحه.

اخوي نصيحه حولها نيابه و الاضرار بمال الغير. النيابه ادرى بمسميات التهم و بتضبط لك حقك و الاجنبي بياكلها

ولا تتنازل حتى لو رجع لك المبلغ. تنازل عن حقك لكن اطلب من النيابه انفاذ الحق العام الدوله لها عقوبه للحق العام غير حقك الي بتاخذه

بالتوفيق

[الدوحه1]

نفس اللي صار معاي.
الحل انك تروح ترفع عليه قضيه في المحكه اللي في الدفنه.
والله يعينك مع معانات المحاكم عندنا.

انا كسبت القضيه وصدر الحكم بتاريخ 12-3-2019 وللحين ماستلمت نسخه من الحكم !! راجعتهم من أسبوع وقالوا لي تعال بعد أسبوع!!!! يعني تستلم نسخه من الحكم بعد تقريبا 3 أسابيع !!!

واللي عرفته انك بعد ماتستلم نسخه من الحكم تروح تطلب من الجهات المختصه في المحكمه بتنفيذ الحكم!!

مادري ليش الحكم مايتنفذ تلقائيا بعد صدور الحكم؟؟؟ ليش لازم اقدم طلب "تنفيذ حكم"؟؟؟؟؟

واللي عرفته ان الحكم اللي صدر لصالحي هو "حكم قطعي", حد يعرف شنهو يعني "حكم قطعي" ؟؟؟؟

[سالم الزهران]

صبحكم بالخير

ما عندنا تصيد هفوات عشان يقايض الضابط مع الاجنبي. معليش اسمح لي. ياخوي احنا بقطر مش في دوله عربيه اخرى




احترم وجهة نظرك واحييك عليها واحيي بلادك ونظامها.. حنا يابو عبدالله لنا اساليبنا الخاصة.. نخدم بعض بطرقنا الخاصة.. هذا العامل ممكن اتصل عليه من المستشفى واقول له تعال لقينا عندك بلاء.. ممكن استخدم معه اي اسلوب يخليني اتفادى العنف.

ابو عبدالله، كان عندي معدات حفر و مأجرهم على الباكستاني وسيم فاخذ الحساب من المقاول وما حاسبني.. سويت له قضية غسيل أموال.. جاب لي الفلوس للبيت و اللي عقدناه فكيناه وهو الآن يرفل في النعمة في باكستان وشغله باقي.. في البلاد.. وصدقني لو ابغي اشتغل معه ما نحتاج اوراق.. ولان البزنس فيه لعب ومماطلة تركناه لاننا مقتحمين البزنس ولا حنا بأهله.

[R 7 A L]

روح كسر ويه

هذا فكرت فيه
بس انا حالياً في امريكا

[R 7 A L]

الله يذكرك بالشهادة عندي صديق محامي وناسي منه كل هالفتره

[R 7 A L]

اول شيء يجيك من السلف خيبة الظن لذلك تصر انك تسترد فلوسك كنوع من مصالحة النفس.. وفي وضع اخونا رحال بيتعبك الاجنبي ونت تحاول معاه.. ويمكن اذا وصلت الى القبض.. يترك لك فلوسك عند الشرطه وكأنه صدقه.

لكن الضابط المفروض يقلب ملف الاجنبي يشوف كم سيارة عنده، مع من يتعامل يحصل عليه كم هفوة يصيدة ويرميه في التوقيف و عشان يتكلمون معه في تصريح محل ولا مخالفة قبلها يقولون له هات العشرين الف اللي لصاحب الورقة ذي.

المشكلة الشرطة يقولون ماعندنا صلاحيات

[R 7 A L]

صبحكم بالخير

ما عندنا تصيد هفوات عشان يقايض الضابط مع الاجنبي. معليش اسمح لي. ياخوي احنا بقطر مش في دوله عربيه اخرى

لكن الحل بسيط جدا

شكوى بالنيابه نصب و احتيال. مع وجود اعتراف منه و تعهد برد المبلغ خلال شهر في مركز الشرطه سابقا

تتحول محكمه و حاله يوقف و المحل يخسر و الكفيل يتدخل واحتماليه يدفع و يخصم من راتبه بالتراضي

مريت بتجربه مشابهه. واحد اخذ عربون مقابل مقاوله بسيطه لبناء مجلس صغير

قال بسافر اسبوعين و طس ثلاث شهور

اول ما دخل البلاد عرفت وقدمت شكوى بالشرطه. قبضوه وحولوه نيابه و الاتصالات من اخوه و منه سندرتني

قلت له ادفع ولا محكمه. وقال ما عندي و شاسوي انتظرني لين تنحل معاي و تنازل الحين

تم شهر مع الشرطه و النيابه يوعد بالدفع و لا اشوفه

لما قالوا بتتحول محكمه. اتصل لي. قلت له ما ابي العشر الاف. الي ينحكم عليك و تسجل بملفك حكم واي حد يبي مقاولات بيبحث بأسمك و بيعرف انك محكوم عليك و انسى تلقى سغل بعدها

ثاني يوم رجع الفلوس ما شاء الله و اتصل يعتذر. ويبي واسطه اساعد اخوه. يبي ليسن ههههه

وقاحه ولا بعدها وقاحه.

اخوي نصيحه حولها نيابه و الاضرار بمال الغير. النيابه ادرى بمسميات التهم و بتضبط لك حقك و الاجنبي بياكلها

ولا تتنازل حتى لو رجع لك المبلغ. تنازل عن حقك لكن اطلب من النيابه انفاذ الحق العام الدوله لها عقوبه للحق العام غير حقك الي بتاخذه

بالتوفيق

اشكرك على الرد الكافي و الوافي

كيف ارفعها للنيابة ؟

[khaldoon]

اخوي اخرته يبي يسافر يعني يبي يسافر.... اعرف حالات ناس ممنوعين من السفر من سبع ثمن سنوات... يوم ابوه و الا امه ماتوا و صار يبي يروح يشوفهم دفع اللي عليه و انقلع

مشكلة انه في ناس معها خير وما تبي تسد اللي عليها حقارة و مناكفة لصاحب الحق مثلك يا رحال يقول انا ما اقدر اسد اكثر من الف ريال بالشهر يعني يكمل المبلغ بعد مئة سنة بس علشان ما يخيليك تتهنى فيه ولا تتبارك فيه و تعمل في المبلغ شي مفيد ... هالاشكال القذره على طول اطلب منع سفر لها و انت الكسبان

[Dana’1]

يقال
إن الحق إذا طول على صاحب الحق إسترداده هذا بحد ذاته فيه ظلم
الصراحه المفروض الجهات المختصه لها الصلاحيات بالدخول لسحاب أي شخص ومن يشوفون عنده خيرر يسحبون المبلغ المقدر وهو يتفرج معهم ويعطونه لراعيه ،،،، يسحبونه مره وحده أو على كم شهر هم يقيمون حسب المببلغ نفسه و مدخول الشخص .
مثل مالبنك يسحب الاقساط بشكل شهري ،،،،هم يسحبون هالمبلغ لصالح صاحب الحق

أو أي طريقه ثانيه يشوفونها أنسب للطرفين

لكن كذا تعال تسلف وروح استمتع لبييين يسافر يجي يسدد عشان الخروج ماينفع بصراحه


بإذن الله تزين أمورك يا رحال و ياخذ كل ذي حق حقه بكل سهوله وعدل للطرفين

[sara jsm]

الله يعينك اخوي رحال ..
اظن لو تكون موجود هني تقدر تاخذ حقك وتسجنه دام معاك ورقه ..

[نعيمه علي]

ما فكرت تسامحه
وتحتسب الأجر لله

الله يرد لك فلوسك ويعين كل مديون

تحياتي

[khaldoon]

من عشرين سنة رفعت قضية على واحد و بالاخير انحكم لي بالمبلغ وما رضي يدفع ولا يجي المحكمه... القاضي الله يسهل عليه و يجزيه كل خير قالي حكم و حكمنا لك و هو ما يحضر جلسة التنفيذ ولا يبي ينفذ ايش تبي الحين قولت له ابي حكم بحبسه ...و فعلا اصدر القاضي فورا حكم بحبسه و فورا يوم استلم من شرطة المحكمة الامر بالحضور و الحبس دفع المبلغ ثاني يوم صباحا و الله على ما أقول شهيد

[nooora]

اذا الدوله لها فلوس عندك ، يدفعونك غصبن عنك ولها طرق سريعه،
أما اذا انت تطالب شخص المبلغ تعال المحاكم وانتظر سنين ،، لكن فيها فائدتين : الاولى تتعلم الصبر ،، هو نصب عليك لأن يمكن حد دعا عليك في الشارع وكنت تعطيه ليتات على خط السريع ما تعرف والله اعلم ، والفايده ثانيه طول هذه الفتره يكتب لك اجرلأنك صبور ،،
----------------
وبعض الناس يخربون السالفه ويلوم الاجنبي وان ما يستاهل وان هو نصاب وماحد فيه خير وكلهم حراميه ،
بالعكس الي سويته لك اجر ان شاءالله لكن هذا الانسان الله يهديه وانصحك لا تسامحه بالمبلغ لان هذه الحركه مب حلوه على الاقل يدفع لك كل شهر مبلغ بسيط الى يكمل المجموع،،
ما سمعنا في التسعينيات ان شخص عليه شيكات او مبلغ وهو حر طليق !! لكن الحين مافي واحد الا عليه شيكات ومنع السفر زين شنو استفدت انا ؟ من المستفيد من هذه الاجراءات الا الشركات الكبيره الي يأخرون على المقاولين، ومايلتزمون بالعقد ماحد يكلمهم ،،،
باختصار المحكمه ما تجيب حقك ، يعني اعرف كيف تجيب حقك .......

[معماري قطري]

سلفت اثنين عرب فلوس وللحين ما شفت شيء سنين طويلة وهم زملاء عمل وبدون أي وثائق .. دوم وقت الحاجة يجون يطلبون ويوعدون بالارجاع خلال شهر والشهر يصير سنين طويلة .. لا وواحد احتاج مرة ثانية وطلبني احول له في بلاده .. إستغربت ولا ذكرته بالسلفة القبلية لكن تعذرت منه

زين والله من الشرطة حطوا منع سفر عليه وإن شاء الله يكون ساري المفعول لين يسدد وإحتمال فيه طرق غير لالغاء منع السفر بدون تسديد

[naklan]

اخوي رحال اشتك عليه وارفع قضية
هذا الي معك وصل أمانة اشد من الشيك
وطلب تعويض ضرر وأتعاب المحاماة
وبتربح القضية اذا حكم لك تقدر
تحجز على املاكه وحتى
على محله واثاثه مقابل
المبلغ المستحق

[فلوس]

اخوي الموضوع بسيط جدا تأخذ الورقة وبعد عندك محضر الشرطة الي اعترف فيه وتقدم شكوى للنيابة وحكم القاضي بكون اما يدفع المبلغ كامل او يتم تقسيطه على دفعات .
واحد من الربع باع تريله لشخص وبَقى من ثمنها 30 الف قاله بسامحك ب25 وتبقى خمس آلاف وكتبوا ورقة بهالكلام الرجال سحب على رفيجي تقريبا سنه وشوي .راح للنيابة قدم الورقه وقال للقاضي ابي الثلاثين كلها والقاضي حكم له بعشرة آلاف وأخذهم

[تاجر كشخة]

اشدعوة صاحب محل مفروشات مب قادر يدفع 20 الف وووووين ياخوك هذا يبيله تفتح شارع في وجه مع تكويعه

[سهم فضة]

ارجع لمحامي شااااطر


لالا بوخالد مو من صجك المحامي بروحة يبيلة 20 الف غير هال 20 اللي بيجيبها :(

[naklan]

تذكرت طريقة الوالد الله يرحمه
اذا جاله احد يبي سلف اذا قال ابغي عشرة الاف
يعطيه 5000 ويقوله هذي عانية لك والله يفرج كربتك
من كثر ما الناس تتسلف وما ترد الدين عمل بمبداء
راعي النصيفة سالم ههههههه

[R 7 A L]

نفس اللي صار معاي.
الحل انك تروح ترفع عليه قضيه في المحكه اللي في الدفنه.
والله يعينك مع معانات المحاكم عندنا.

انا كسبت القضيه وصدر الحكم بتاريخ 12-3-2019 وللحين ماستلمت نسخه من الحكم !! راجعتهم من أسبوع وقالوا لي تعال بعد أسبوع!!!! يعني تستلم نسخه من الحكم بعد تقريبا 3 أسابيع !!!

واللي عرفته انك بعد ماتستلم نسخه من الحكم تروح تطلب من الجهات المختصه في المحكمه بتنفيذ الحكم!!

مادري ليش الحكم مايتنفذ تلقائيا بعد صدور الحكم؟؟؟ ليش لازم اقدم طلب "تنفيذ حكم"؟؟؟؟؟

واللي عرفته ان الحكم اللي صدر لصالحي هو "حكم قطعي", حد يعرف شنهو يعني "حكم قطعي" ؟؟؟؟




يعطيك العافية اخوي الدوحه
اشكرك على الرد والتوجيه
ياليت احد يقول لنا وشو الحكم القطعي

[naklan]

الحكم القطعي هو حكم فصل في موضوع الخصومة
بحكم قاطع يعني الموضوع انتهى بحكم واضح والله اعلم

[معماري قطري]

قبل كانت القضايا سريعة وتخلص سرعة

أذكر صار لي حادث شنيع وقاتل والحمد لله نجيت منه .. والمتسبب رجال شيبة وكنت في غيبوبة 3 أيام ومعاي اخوي اللي توفى من سنتين الله يرحمه .. الشيبة من دولة محاصرة وكان قاطع الجزيرة وداخل على طريق سلوى ودعمني من الجنب وتقلبت السيارة وطحنا منها على الحصى

الشيبة طلعوه من أول يوم تنازل ابوي الله يرحمه حتى عناية الله تشفينا وطلع وكفله واحد وسافر .. ورحنا نعالج لندن واخوي سووا له عملية في الراس كان فيه تجمع دم من علاج مستشفى قطر وكانوا يقولون ما فيه شيء هنيه .. العملية استمرت فوق سبع ساعات ويوم رجعت رحت المحكمة معاي أوراق الحادث اطالب بتصليح سيارتي واضراري الجسمية واضرار اخوي

القضية ما خذت وقت وطلبوا كفيله خلال أيام وكان من كبار تجار قطر الله يرحمه .. يوم طلبوه جاني مع خالي الله يرحمه وعمي يطالبوني بالتنازل وبيعطيني قيمة سيارة جديدة .. العرض مغري وكنت وقتها 17 وافقت ورحت ابي اتنازل .. قالوا لي شوف القاضي صبري .. وصبري مصري بس لابس غترة وملتحي وكان عايش الدور إنه قطري .. قلت له ابي اتنازل وعصب علي وقال وين حق الدولة والصالح العام وكانت أول مرة يقول لي شيبه انجلع .. إنجلعت ورحت وقلت لهم سويت اللي علي

كانت قيمة السيارة 34000 حكموا لي بسرعة وتنفذ الحكم ب 30000 للسيارة استهلاك وب 5400 لي أضرار جسمانية وبنص دية لإخوي لأن إصابته كانت قوية وكانت الدية ذاك الوقت 60000 أو 65000 ما اذكر بالضبط .. بس الحكم ما خذ وقت كلش وتنفذ أول بأول بدون لف ودوران .. ألحين تعقيد زايد على ما ادري وشو

[معماري قطري]

طبعاً القاضي له حصانة ويحق له يعصب ويتلفظ بألفاظ غريبة وهذا الشيء فهمته من رؤيتي لوقوف الناس وكلامهم بإحترام مع القاضي وتحملت الرش اللي جاني من صبري

[سعود.]

مشكلتنا في الدوحه ( خاصة ) والخليج بصفة عامة كرم الاخلاق والعاطفه الزائدة
وناس فاهمتها للاسف خطأ خصوصآ من اخواننا .......
اعتذر عن .........

وياما طحنا في نفس موقفك للأسف .

[R 7 A L]

اخوي اخرته يبي يسافر يعني يبي يسافر.... اعرف حالات ناس ممنوعين من السفر من سبع ثمن سنوات... يوم ابوه و الا امه ماتوا و صار يبي يروح يشوفهم دفع اللي عليه و انقلع

مشكلة انه في ناس معها خير وما تبي تسد اللي عليها حقارة و مناكفة لصاحب الحق مثلك يا رحال يقول انا ما اقدر اسد اكثر من الف ريال بالشهر يعني يكمل المبلغ بعد مئة سنة بس علشان ما يخيليك تتهنى فيه ولا تتبارك فيه و تعمل في المبلغ شي مفيد ... هالاشكال القذره على طول اطلب منع سفر لها و انت الكسبان

يسافر ماعندي مشكلة بس مايسافر وهو للحين مارجع لي فلوسي

اي والله ياخوي خلدون
حسبي الاه ونعم الوكيل

[ابو عبدالله.]

ما يسافر ولا يقدر يوطوط المطار الا بعد رفع المنع وهذا بعد انتهاء الشكوى

مثل ما ذكر اخونا. روح النيابه و قدم بلاغ الاضرار بمال الغير او ارجع لمركز الشرطه و اطلب تحويل الشكوى للنيابه

الشباب في النيابه فيهم خير بس خل ببالك ان ممكن يركزون ع شيلاو ينسون شي

اقصد لما اشتكيت ع مقاول ركزوا انه عنده تخويل من مالك الشركه بالتوقيع وانه اخذ المبلغ بشكل قانوني

لما قلت لهم. وين خيانه الامانه. ما ادخل المبلغ لحساب الشركه. قالوا اي والله صح. فيها خيانه امانه

هم بيستدعونه و بيفهمونه عن التحويل لمحكمه. و بيخاف صدقني. لا تنسى تذكر النيابه بالحق العام ايضا

يعني عقوبتين. وحده لعدم رد المبلغ و وحده للحق العام

بالتوفيق

[khaldoon]

اخوي رحال في منع سفر صحيح بس ارجو التأكد انه ما في أي اجراء بالقانون يسمح بكفالة من معه منع سفر لمغادرة الدوله ...و يمكن من يكفله يكون وجع راس لا سمح الله ..... تأكد انه ما في مثل هذا الاجراء من المحامي

[يمامـة]

روح كسر ويه

هذا نفر ما في غشمرة..

[الدوحه1]

اليوم رحت المحكمه(الدفنه) عشان اقدم طلب "تنفيذ حكم" لان مر 30 يوم على صدور الحكم حسب القانون .

الموظف رفض تنفيذ الطلب وقال ان هناك تعليمات من المسئولين في المحكمه بوقف استقبال طلبات تنفيذ الاحكام حتى اشعار اخر !!!!!

[fzaa_qatar]

الله يعينك,, انا كنت مستأجر ملحق من مقيم المهم العاده انك تدفع شهر ضمان وشهر مقدم عقب ما طلعت من السكن عطيته ورقه كنها فاتوره وفيها اسمه وتوقيع بالضمان والمبلغ اللي عطيته يرده لي اخر العقد قالي لا انت دفعت لي شهرين مقدم اجار صار خلاف انا اقوله لا شهر مقدم وشهر ضمان وليومك سنتين وع هالحال يتعذر وباشوف ومريض مع ان عندي محادثات الوتساب وسالت واحد فالشرطه قالي اذا الموضوع اقل من سنه يمشي اذا اكثر راحت عليك قلت خلاص المبلغ بسيط والله لا يسامحه ولا راح اسامحه لانه اكل مال حرام وحق ناس بالباطل ع مبلغ تافه وتكفيه الدعاوي عليه..

[ابوالعبد]

مالك الا تجي وتمسكه وتاخذه غصب علي اقرب صرافه ويسحب لك

[ضوى]

الحكم القطعي هو حكم فصل في موضوع الخصومة
بحكم قاطع يعني الموضوع انتهى بحكم واضح والله اعلم

اظن انه مافيه استئناف

[ضوى]

يمكن تسترد فلوسك عقب فترة طويله , حبال طويله ، ماعنده ومتى ماصار بيتنفذ اي حكم صدر لصالحك

[R 7 A L]

اشكركم مره اخرى انكم حاولتوا تساعدوني

واحد من الاخوة ارسل لي وقال ليش ماتتواصل مع كفيله عل وعسى
شرايكم؟

[رجل تعليم]

مثل هؤلاء يقطعون ايادي الخير ويمنعونها من تقديم العون مستقبلا لمن هو محتاج.
المحكمة ستنصفك ان شاء الله