سوق الاحد

[ابو عبدالله.]

السلام عليكم جميعا

في كل دول العالم هناك اسواق شعبيه كما تسمى. سوق الاحد. سوق السبت سوق الليل الخ

في بريطانيا و المانيا و اوروبا عموما و في امريكا و حتى آسيا

هل تأيدون رفع المجلس البلدي لتوصيه بتخصيص ارض حكوميه لسوق الجمعه او السبت في قطر ؟

وضع مثل هذا السوق سيفتح تجاره جديده منها محلات اغذيه و العاب و عربات البيع و منتجات جديده و مستعمله في كثير من المجالات

ساحات البلديه محدده للخضار و الماشيه لا تغطي منتجات الافراد و الصناعه اليدويه و قطاع المستعمل

اتذكر سوق فلي ماركت في ولايه كولورادو و ساحه ضخمه ببسطات تعرض فيها كل المنتجات و مواطنون و مقيمون يعرضون كل شيء من جديد و مستعمل من الابره الى مراكب الصيد


في دول اوروبيه تجد انتيكات و اجهزه نادره و امور لا تخطر على البال معروضه بسوق الاحد

نتمنى وجود مثل هذه الساحات بقطر و قد تكون تجربه فريده

[GENIUS]

هلا أخوي بو عبدالله.

سوق الخميس و الجمعة في بداياته كانت هناك ساحات المواقف بنفس الفكرة لكن ألغيت هذه الساحات وتحولت لمواقف سيارات .

[بوخالد911]

سوق الخميس والجمعة بموقعه الحالي بحاجة لإعادة ترتيب

وبيكون ممتاز

[sweet qatar]

عليكم السلام ورحمة الله وبركاته


الفكره مطبقه في بازار حديقة المتحف في الويكند والعرض متاح للجميع بس تحتاج تسجيل لحجز طاولة

ممكن توسيع الفكرة بأكشاك في الساحات او اقامة بسطات بأسعار مخفضة (حقيقية) في ساحة سوق واقف بين فتره وفتره

[MAZEN37]

هلا أخوي بو عبدالله.

سوق الخميس و الجمعة في بداياته كانت هناك ساحات المواقف بنفس الفكرة لكن ألغيت هذه الساحات وتحولت لمواقف سيارات .

سوق الخميس والجمعه كان مقصد للجميع وكان رخيص وخسرة شركات بسببه لانه عباره عن بسطات بسيطه وأجارهم زهيد
المهم اكملك القصه
قمنا الصبح ونسمع انه احترق
وبعدها لغوا وجوده لانه غير مطابق للمواصفات

[ابو عبدالله.]

حياكم الله جميعا

اغلب المبادرات تقودها جهات مجتمعيه ومؤقته ومحدوده المساحه ولا تقبل التنوع المطلوب لنا مثل المستعمل و منتجات متنوعه مثل المعدات البحريه و البريه

سوق الخميس و الجمعه محلات رسميه و سجل تجاري الخ

سوق الاحد اوالسبت المفترض يسمح بتجاره رسميه و غير رسميه وحتى سوق دائم للاسر المنتجه و اصحاب الرخص بالعمل في المنزل و الاكشاك المرخصه

مثل هالاسواق تعتبر مزار و زيارتها تمتد لساعات لتنوع المنتجات و الاعمال الحرفيه و الجديد و المستعمل

وحتى توفر ارضيات للتخزين عند اغلاق البسطات بالليل

لو انشئ هذا السوق بيكون منظم جدا من مواقف و بسطات و ارضيات لكافه السلع. ومقسمه بحسب نوع البضائع

يا ليت احد في البلدي يقترح الفكره و تدعمها البلديه

حتى لو تكون قريبه من ساحات البلديه في المزروعه و الوكره الخ

في دول ثانيه. وصلت عندهم ان وكالات لمنتجات بحريه و قطع غيار سيارات تفتح اكشاك و مراكز بيع في هذه الاسواق الشعبيه


اصبحت مزار سياحي يا جماعه. وفئات من المجتمع تستفيد من الجديد بسعر مقبول و المستعمل كذلك

ولابدمن التنظيم الصحيح طبعا

[ابو عبدالله.]

هلا أخوي بو عبدالله.

سوق الخميس و الجمعة في بداياته كانت هناك ساحات المواقف بنفس الفكرة لكن ألغيت هذه الساحات وتحولت لمواقف سيارات .

اخوي جينيوس. سوق الخميس كان بسيط بالحجم و تنوع البضائع واحنا نتمنى حجم اضخم بكثير و الان نحن دوله فيها اكثر من مليونين و نصف انسان ولابد من مثل هالسوق

[ابو عبدالله.]

سوق الخميس والجمعة بموقعه الحالي بحاجة لإعادة ترتيب

وبيكون ممتاز

بو خالد الحجم و الموقع لا يساعد ع تنوع البضائع و نحن نتكلم عن ارض 10 و 20 و 40 الف متر مربع ممكن يتحمل الف بسطه و كشك و ارضيات لمحلات و مطاعم

تخيل لو عندك الف بسطه و محل و كشك. كم مطعم ممكن يخدم البائعين و الزوار المطاعم بنفسها بتحتاج ارض 5 الاف متر مربع بقالات و مطاعم و وجبات سريعه و حتى محلات ايس كريم

بضائع جمله من شركات المياه و البلاستيك. الخ. كلها منتجات تسوق في هالاسواق الشعبيه

[ابو عبدالله.]

عليكم السلام ورحمة الله وبركاته


الفكره مطبقه في بازار حديقة المتحف في الويكند والعرض متاح للجميع بس تحتاج تسجيل لحجز طاولة

ممكن توسيع الفكرة بأكشاك في الساحات او اقامة بسطات بأسعار مخفضة (حقيقية) في ساحة سوق واقف بين فتره وفتره

فكرتهم ممتازه لكن اعتقد انها محدده لانواع معينه من البضائع. ولا يسمح بالمستعمل او معدات الصيد او قطع الغيار او التيادر مثلا

محدده لفئات منتجه معينه و زبائن معينين

نبي اكبر و اكثر بصراحه

عن نفسي ابي اشوف مساحه لكل هوات الصيد البري و البحري و العنن

مساحه لبعض الشركات و بيع الجمله

هناك زبائن غير القطريين لهم مقاصد معينه. حتى ادوات و معدات الرياضه لها سوق كبير في بعض مواقع البيع الالكتروني. و اقصد الجديد و المستعمل

دام فيها سوق كبير نحطه بساحه و نحوله لسوق شعبي

حتى زوار البلد بيجونه

اذكر ان في احد هالاسواق. سيارات كلاسيكيه و انتيكات برخص التراب مقارنه مع اسعارنا

بس نبي تنظيم جيد عشان ما يتحول الى خرابه و تكدس ملابس و ادوات مستعمله و خرابيط لا تباع

[مرتبش]

سوق الحراج .. والان له مبنى جديد قيد الانشاء جنب قرية بروة (طريق الوكرة) اتمنى يغطي المطلوب

[ابو عبدالله.]

ما اعتقد اخوي انه بيغطي

كله محلات رسميه. اما لمفروشات و مكيفات او حداده او امور اخرى لا بسطات ولا ارضيات ولا مساحه تجمع. حاله حال سوق بروه

محلات فقط

الي نبيه مساحه ضخمه متنوعه بكامل خدماتها كالمطاعم و غيرها

[يمامـة]

قول لي اشبتبيع في السوق ذيه؟
و شنهو اللي بيميزه عن المحلات و الاسواق
الثانية في البلاد؟

[@north_star@]

للاسف الكثير من الاسواق الشعبية أسعارهم أكثر من المحلات العادية وبضاعتهم أقل جودة وسعر غالي ما أدري ليش

[naklan]

الأسواق الشعبية جيدة تنشط السياحة
شوف النايت ماركت ولو انه موقت عمل شغل وخدمة
لسكان المناطق المجاورة ياليت هذه الأسواق
يتثبت لها مكان فقد أصبحت متنفس
للعوائل وخدمة للمناطق

باقي بس يفتحون سوق الحرامية نفس الي
في لكويت الي يبوق حاجة يبعها هناك

[نووون]

فيه في الكويت سوق المستعمل.. شفته في احد السنابات
كان جميييييييل جداً

من الابرة الى الصاروخ
تمر عليك انتيكات قديمة
تحف .. كاميرات فنتاج .. مواعين وصحون فنتاج
تطلع منه بشغلات وايد حلوة للاستخدام الشخصي او الديكورات

في قطر سوق المستعمل عندنا موجود في الفيس بوك .. مركز تجمهر الجاليات والاجانب .. تطلع منه بشغلات حلوة حتى الذهب المستعمل والساعات المستعملة تلقاه فيهم.
وبعد غراج سيل
لكن هالثقافة مو موجودة عندنا كقطريين


جردت السنة من بيتي اشياء كثيرة كان ودي ابيعها في مثل هالسوق لان بعضها احس الناس تحتاجه مثل قطع غيار بعض الالات والاجهزة .. تكون جديدة عندي ومب كاملة مايصلح اتصدق فيها ولا اعطيها حد.

[معماري قطري]

ذكرتوني بالفلي ماركت في ميامي كانوا يبيعون سمج وربيان جمبو ثنتين تشبع الواحد أيام كنا معصقلين

أتوقع بيكون مشروع حلو بس يكون موسمي شتوي وحلاته يكون صوب سيلين .. يحتاج كهرباء بطاقة بسيطة ما تشغل التكييف وممكن يتخطط لها بطاقة شمسية ويحتاج ساحة قار مرتبة ومخططة وبمنافذ الكهرباء ويمكن مخازن دائمة لتخزين بعض المواد اللي يستعملونها للعرض

ممكن قسمه قسمين قسم على طريق سلوى وصوب سيلين أو بين مسيعيد والوكرة وحتى يضاف قسم ثالث صوب طريق الشمال

فكرتك ممتازة يا بو عبدالله ومب صعبة على الدولة تسويها حتى ببيوت حديدية كبيرة فيها كل وسائل العرض والمواقف وكل شيء وممكن تكون مثل أسواق الآوتلت اللي تختص بمصانع معينة وممكن تنقسم لآوتلت ولفلي ماركت

[Dana’1]

يااااه ذكرتني بسوق الخميس بالقطيف زماااان واحنا أطفال
زمان أبووي يروح عشان بس أغراض الزرع والحوش،،، بالذات إلي مو متوفره بالسوق العادي أو تكون هناك بسعر ممتاز
طبعا هو كبييير فيه كل شي تتخيله من جديد ومستعمل
قسم للحيوانات.و الطيور ،،، وقسم للنباتات والمشاتل ولوازمها ،، قسم للملابس ،، قسم لوازم البيت من ادوات تنظيف وغيرها
لوازم مدرسه و الالعاب والستكرات والسياكل اشرطة فيديو أو كاسيت وكل شي كل شي تتوقعه يبيعونه



بس ما أعرف إذا للحين موجود أو خلاااص!

[ابو عبدالله.]

قول لي اشبتبيع في السوق ذيه؟
و شنهو اللي بيميزه عن المحلات و الاسواق
الثانية في البلاد؟

صبحكم بالخير

ما شاء الله التعليقات وفت للاجابه عن سؤالك اختي


كل شي ينباع. و هالاسواق موجوده بكل بلد. و تعتبر مزارات سياحيه. فيها الانتيك وفيها المستعمل وفيها الطيور. الخ

ممكن اي شخص يروح و يبيع مش محلات فقط. يعني لا تثبيت لاسعار و لا احتكار

مثل الحمام بسوق واقف. السعر محدد مسبقا. لكن لو قطري او وافد. يربي و يعرض بهالسوق بيكون سعره افضل

في امور يمكن ما تحتاجينا لكن غيرك يحتاجها. حتى المستعمل

في شباب هوايتهم الصيد و يتمنون يلقون تيادر و شبوك و معدات جديده و مستعمله مجتمعه في مكان واحد

وايد امور ما تنحصر بتعليق هنا

اذكر في امريكا كان كثير من الناس تشتري الخضره من الفلي ماركت. لان الي يبيعون بالجمله و بيعهم كثير و منزلين السعر اكثر من الهايبر ماركت عندهم. كنج سوبر و غيره

[ابو عبدالله.]

فيه في الكويت سوق المستعمل.. شفته في احد السنابات
كان جميييييييل جداً

من الابرة الى الصاروخ
تمر عليك انتيكات قديمة
تحف .. كاميرات فنتاج .. مواعين وصحون فنتاج
تطلع منه بشغلات وايد حلوة للاستخدام الشخصي او الديكورات

في قطر سوق المستعمل عندنا موجود في الفيس بوك .. مركز تجمهر الجاليات والاجانب .. تطلع منه بشغلات حلوة حتى الذهب المستعمل والساعات المستعملة تلقاه فيهم.
وبعد غراج سيل
لكن هالثقافة مو موجودة عندنا كقطريين


جردت السنة من بيتي اشياء كثيرة كان ودي ابيعها في مثل هالسوق لان بعضها احس الناس تحتاجه مثل قطع غيار بعض الالات والاجهزة .. تكون جديدة عندي ومب كاملة مايصلح اتصدق فيها ولا اعطيها حد.

اشكرك اختي ع ذكر سوق الكويت لاني ما كنت اعرف عنه

يعني سوق له شعبيه و زوار و فيه انتيكات و امور نادره

نبي نفسه بس ع حجم اكبر و ارتب

احنا محرومين من اسواق مهمه. مثل السوق هذا. و السوق الصيني

بدول خليجيه الصيني صج صيني. وكل شي فيه من عالي الى منخفض الجوده و اسعار ممتازه

عندنا يقولون سوق صيني لكنه بنغالي اكثر منه صيني

لا نشوف اسعار الصيني ولا بضائعه

المجتمع فيه فئات مختلفه مش كله رواتب بترول او رواتب حكومه. في ناس اقل و متطلباتهم المعيشيه محدده باسعار منخفضه يحتاجون مثل هالاسواق و اسعارها

وحتى المقتدر ممكن يستفيد من عرض و شراء الانتيكات و سيارات الكلاسيك في هالسوق

[ابو عبدالله.]

ذكرتوني بالفلي ماركت في ميامي كانوا يبيعون سمج وربيان جمبو ثنتين تشبع الواحد أيام كنا معصقلين

أتوقع بيكون مشروع حلو بس يكون موسمي شتوي وحلاته يكون صوب سيلين .. يحتاج كهرباء بطاقة بسيطة ما تشغل التكييف وممكن يتخطط لها بطاقة شمسية ويحتاج ساحة قار مرتبة ومخططة وبمنافذ الكهرباء ويمكن مخازن دائمة لتخزين بعض المواد اللي يستعملونها للعرض

ممكن قسمه قسمين قسم على طريق سلوى وصوب سيلين أو بين مسيعيد والوكرة وحتى يضاف قسم ثالث صوب طريق الشمال

فكرتك ممتازة يا بو عبدالله ومب صعبة على الدولة تسويها حتى ببيوت حديدية كبيرة فيها كل وسائل العرض والمواقف وكل شيء وممكن تكون مثل أسواق الآوتلت اللي تختص بمصانع معينة وممكن تنقسم لآوتلت ولفلي ماركت

مرحبا معماري

فليكن. سواء موسمي او بنظام البنكر مغطى لاجزاء من السوق. ما عندنا مشكله

المهم يدرس و ينظر لتجارب الدول الثانيه. و تعدل السلبيات و تطور الايجابيات في انشاء هذا السوق

و اايد وضع سوق كبدايه و امكانيه انشاء فروع له في اكثر من منطقه بعد ذلك

تصدق. اني لما ابحث عن شغلات مثل تيوبات الحديد. القى الجديد ب 58 ريال للحبه
و القى شركه عارضه حديد جديد زايد عن حاجتها بعد انتهاء مشروع. لقيت الحبه ب 25 ريال

جديد مش مستعمل. وكميه فوق 100 حبه

يقول شيلها ب 800 ريال للطن لاني بوديها للسكراب ياخذونه بهذا السعر. و انت بتوفر علي قيمه التوصيل للسكراب لو تشيله من الموقع

يعني السالفه مش سعر فقط. فيها تدوير لاغراض و بضائع ممكن تكون عاله على البيئه عند التخلص منها

كان عندي توانكي ماي كبار وشبه جداد بالعزبه. ولما وصل ماي الحكومه قلت بشيلهم خلاص
وين اوديهم. ابيعهم. ولا ارميهم بالمكب حظ واحد من الربع انه احتاجهم و بدل ما تنرمي. قلت له مر و شيلهم

كم غرض ممكن يتداول في هالسوق بدل رميه عاله ع البيئه و مكب البلديه اعزكم الله

انت كنت. بأمريكا وفاهم قصدي عن ثقافه المجتمع في التدوير و تحويل امور من لا شيء الى اعاده استخدام و ثقافه استهلاك

اعرف كذا شخص عندهم افكار تجاريه لا تتحقق مع تكاليف عاليه للمحلات و تجاره رسميه. لكنها تتحقق في مثل هالاسواق الشعبيه

[ابو عبدالله.]

الأسواق الشعبية جيدة تنشط السياحة
شوف النايت ماركت ولو انه موقت عمل شغل وخدمة
لسكان المناطق المجاورة ياليت هذه الأسواق
يتثبت لها مكان فقد أصبحت متنفس
للعوائل وخدمة للمناطق

باقي بس يفتحون سوق الحرامية نفس الي
في لكويت الي يبوق حاجة يبعها هناك

هههههه اضحك الله سنك اخوي

سوق الحراميه

ترى ممكن تصير بالاسواق الشعبيه. لانه بلا رخص ولا شهاده مصدر ولا فواتير

عن النايت ماركت فكره ممتازه لكن محدوده المساحه. و البائعين تجار فقط. برخص و سجلات يعني

نبي اكثر و اكبر وكل المطاعم بتشوف فروع لها لو نسوي سوق شعبي كبير

حتى البضائع الايرانيه الي بالشمال بتفتح فروع بهالسوق بدل ما الشخص يصك لين الشمال عشان يشوفهم

[معماري قطري]

مرحبا معماري

فليكن. سواء موسمي او بنظام البنكر مغطى لاجزاء من السوق. ما عندنا مشكله

المهم يدرس و ينظر لتجارب الدول الثانيه. و تعدل السلبيات و تطور الايجابيات في انشاء هذا السوق

و اايد وضع سوق كبدايه و امكانيه انشاء فروع له في اكثر من منطقه بعد ذلك

تصدق. اني لما ابحث عن شغلات مثل تيوبات الحديد. القى الجديد ب 58 ريال للحبه
و القى شركه عارضه حديد جديد زايد عن حاجتها بعد انتهاء مشروع. لقيت الحبه ب 25 ريال

جديد مش مستعمل. وكميه فوق 100 حبه

يقول شيلها ب 800 ريال للطن لاني بوديها للسكراب ياخذونه بهذا السعر. و انت بتوفر علي قيمه التوصيل للسكراب لو تشيله من الموقع

يعني السالفه مش سعر فقط. فيها تدوير لاغراض و بضائع ممكن تكون عاله على البيئه عند التخلص منها

كان عندي توانكي ماي كبار وشبه جداد بالعزبه. ولما وصل ماي الحكومه قلت بشيلهم خلاص
وين اوديهم. ابيعهم. ولا ارميهم بالمكب حظ واحد من الربع انه احتاجهم و بدل ما تنرمي. قلت له مر و شيلهم

كم غرض ممكن يتداول في هالسوق بدل رميه عاله ع البيئه و مكب البلديه اعزكم الله

انت كنت. بأمريكا وفاهم قصدي عن ثقافه المجتمع في التدوير و تحويل امور من لا شيء الى اعاده استخدام و ثقافه استهلاك

اعرف كذا شخص عندهم افكار تجاريه لا تتحقق مع تكاليف عاليه للمحلات و تجاره رسميه. لكنها تتحقق في مثل هالاسواق الشعبيه

كنت في السابق كاتب اقتراح عن عمل محلات للقطع اللي الناس تتبرع بها .. وهي كثيرة من كتب وثياب والكترونيات وغيرها .. ممكن تنظف وترتب وتباع بسعر رمزي للمحتاج .. وممكن للمحتاج 3 قطع مثلاً حتى ما ياخذون البعض كل القطع ويتاجرون بها .. القطع تسجل على رقمه الشخصي ويتم كشف إنه شرى من فترة بسيطة حتى يكون العمل خيري وموزع بين الناس

هذي المحلات ممكن تنوجد في المولات الكبيرة كتبرع من أصحابها وأي حد بيروح المول وعنده غرض مهما كان بسيط ما يحتاجه يوديه ويسلمه المسؤول هناك

[ابو عبدالله.]

الافكار حلوه و متنوعه. لكن الخوف من تجمع شماطيط ههههه يعني حد يتربع بشي ما ينفع. او ثياب متهالكه

الخيريه من زمان فتحوا هالشي لكن تكدست امور ما فيها فايده فحطوا ضوابط. حتى الثياب و الشراشف لازم تجيبها مغسوله و بحاله مقبوله

في تجارب تنظمت مثل تجميع الكتب و عرضها مجانا. لكن تجارب رمزيه و بسيطه

[نووون]

اشكرك اختي ع ذكر سوق الكويت لاني ما كنت اعرف عنه

يعني سوق له شعبيه و زوار و فيه انتيكات و امور نادره

نبي نفسه بس ع حجم اكبر و ارتب

احنا محرومين من اسواق مهمه. مثل السوق هذا. و السوق الصيني

بدول خليجيه الصيني صج صيني. وكل شي فيه من عالي الى منخفض الجوده و اسعار ممتازه

عندنا يقولون سوق صيني لكنه بنغالي اكثر منه صيني

لا نشوف اسعار الصيني ولا بضائعه

المجتمع فيه فئات مختلفه مش كله رواتب بترول او رواتب حكومه. في ناس اقل و متطلباتهم المعيشيه محدده باسعار منخفضه يحتاجون مثل هالاسواق و اسعارها

وحتى المقتدر ممكن يستفيد من عرض و شراء الانتيكات و سيارات الكلاسيك في هالسوق


السنة الاحظ البنات والحريم صار عندهم وعي بقيمة الاشياء وقيمة الفلوس نفسها. اشوفهم صاروا يعيدون استخدام المستخدم ويسوون له اعادة تدوير.

مرات نبي اشياء سكند هاند ومن مشاهداتي الفيس بوك فيه اشياء وايد حلوة وعروض ممتازة لكن تجي مع مجموعة اغراض. مايصير ناخذها بروحها.

سوق المستعمل تقدر قيمته بالملايين مثل مايدور في افريقيا..
يجمعون المستعمل من دول العالم عاد شوف الاشياء القيمة جداً اللي تجي ..
تحصل براندات بالتاغ مالها ما تم استخدامها. وهذا اللي يسوونه الجمعيات الخيرية .. يبيعون اغراضنا اللي نتبرع فيها في مثل هالاسواق وريعه يدخل في مشاريعهم الخيرية.


الزبدة... نبي سوق المستعمل .. وياليت ينفذونه ببساطه ويكون مقصد سياحي واقتصادي وترويحي.

[بوخميس]

كان في سوق يسمونه (شبربوش) بس احترق في نهاية الثمانينات اظن، لحقت عليه وانا صغير وما اذكر ايش كان يبيع.

سوق الحراج في (نجمة) كان الخميس والجمعة بسطات، كل شي تحصله، من افلام واشرطة اغاني وصابون وملابس مستعملة والكترونيات وكتب وغيرها

لكن المشكلة ان ما تدري مصدر هالاشياء، يمكن فيها اشياء مسروقة، وما تدري عن النظافة، وكان في ممنوعات بعد. اذكر كنت اشتري درزن اشرطة على 10 ريالات، وفلم الفيديو بو شريط كبير على ريالين، وبو شريط صغير على ريال

[النهار]

كنت في السابق كاتب اقتراح عن عمل محلات للقطع اللي الناس تتبرع بها .. وهي كثيرة من كتب وثياب والكترونيات وغيرها .. ممكن تنظف وترتب وتباع بسعر رمزي للمحتاج .. وممكن للمحتاج 3 قطع مثلاً حتى ما ياخذون البعض كل القطع ويتاجرون بها .. القطع تسجل على رقمه الشخصي ويتم كشف إنه شرى من فترة بسيطة حتى يكون العمل خيري وموزع بين الناس

هذي المحلات ممكن تنوجد في المولات الكبيرة كتبرع من أصحابها وأي حد بيروح المول وعنده غرض مهما كان بسيط ما يحتاجه يوديه ويسلمه المسؤول هناك

بوعبدالله بالقرب من حديقة دحل الحمام تابع لاحد الجمعيات الخيريه عندهم قسم خاص لبيع الاجهزه المنزليه بسعر رمزي وهذه الاجهزه منها جديد ومستعمل وبحاله جيده يتبرع بها الناس لهذه الجهه وهم بدورهم يقومون ببيعها بسعر رمزي

[ابو عبدالله.]

السنة الاحظ البنات والحريم صار عندهم وعي بقيمة الاشياء وقيمة الفلوس نفسها. اشوفهم صاروا يعيدون استخدام المستخدم ويسوون له اعادة تدوير.

مرات نبي اشياء سكند هاند ومن مشاهداتي الفيس بوك فيه اشياء وايد حلوة وعروض ممتازة لكن تجي مع مجموعة اغراض. مايصير ناخذها بروحها.

سوق المستعمل تقدر قيمته بالملايين مثل مايدور في افريقيا..
يجمعون المستعمل من دول العالم عاد شوف الاشياء القيمة جداً اللي تجي ..
تحصل براندات بالتاغ مالها ما تم استخدامها. وهذا اللي يسوونه الجمعيات الخيرية .. يبيعون اغراضنا اللي نتبرع فيها في مثل هالاسواق وريعه يدخل في مشاريعهم الخيرية.


الزبدة... نبي سوق المستعمل .. وياليت ينفذونه ببساطه ويكون مقصد سياحي واقتصادي وترويحي.

صبحكم بالخير جميعا

كلام جميل

لفت انتباهي جمله سوق بالملايين

في ناس اغتنوا من ورى هالاسواق وناس فتح لهم باب رزق

واحنا بنلقى تنوع كبير للمنتجات

الله يعيننا على المتقاعدين كل يوم بتحصلونهم هناك ههههه

[معماري قطري]

حي الله شيبتنا الغايب

والله يا اخوي الكبير انا لي سنين ما التفت لذيك المنطقة يمكن آخر مرة مريت مسرع ابي مول الحزم وزين نشوف هالشيء تنفذ عندنا

انتشر فيديو حق العنزي اظن اسمه عبدالله .. والرجال ما قصر ودعا المحتاج لأغراض معينة صورها وأعلن عنها وقال اللي يبيها يكلم الفورمن المصري وحط رقمه .. تمت مهاجمته والتشكيك في نيته .. الإعلان الحديث سريع ويوصل للآلاف ولا بد فيه محتاج بيكلم الفورمن وبيجي ياخذ حاجته .. المحتاج مب شرط يكون قطري ولو كان قطري شفيها؟

الله ياجرك يالعنزي ويهدي المفاهيم المغلوطة

نشوف أوقات حسن الساعي وغيره من الشباب الفاهمين في الاعلان يعلنون عن تنزيلات أو تصفية بعد هذا شيء زين .. ثقافة الاعلان ونشر المعرفة ثقافة تكاتف للمجتمع وخير والله يجزاهم خير سواء ياخذون أجر أو بلا مقابل

[ابو عبدالله.]

كان في سوق يسمونه (شبربوش) بس احترق في نهاية الثمانينات اظن، لحقت عليه وانا صغير وما اذكر ايش كان يبيع.

سوق الحراج في (نجمة) كان الخميس والجمعة بسطات، كل شي تحصله، من افلام واشرطة اغاني وصابون وملابس مستعملة والكترونيات وكتب وغيرها

لكن المشكلة ان ما تدري مصدر هالاشياء، يمكن فيها اشياء مسروقة، وما تدري عن النظافة، وكان في ممنوعات بعد. اذكر كنت اشتري درزن اشرطة على 10 ريالات، وفلم الفيديو بو شريط كبير على ريالين، وبو شريط صغير على ريال

مرحبا بك

قبل في اسواق شعبيه

حتى السوق الايراني عند الميناء و استفادت منه فئات من المجتمع

و الخميس و الجمعه. و سوق الحراج

كلهم خدموا المجتمع و استفادوا منهم. لكن كانت اسواق بسيطه غير منظمه جيدا في فترات فيها عدد السكان بسيط

الان البلد تطورت و السكان زادوا و مطلوب سوق شعبي كبير و منظم جيدا

[معماري قطري]

صبحكم بالخير جميعا

كلام جميل

لفت انتباهي جمله سوق بالملايين

في ناس اغتنوا من ورى هالاسواق وناس فتح لهم باب رزق

واحنا بنلقى تنوع كبير للمنتجات

الله يعيننا على المتقاعدين كل يوم بتحصلونهم هناك ههههه

توني ثالث يوم فرش .. إصبر علي شوي بتحصلني حاط بسطة على الرصيف

قبل في الأُردن كنت في دورة وجاوا العائلة ووقتها بنتي الكبيرة كانت حول 4 سنين وألحين مهندسة الله يوفقها .. تشوف عيال الفقراء اللي يبيعون كلينكس ومواد رخيصة في الشارع اشتغلت في البيت تسوي مهفات ورقية ملونة ولا ندري شقصتها .. يوم وصلنا الاشارة قالت نزلوني بابيعهم هنيه .. بريئة يحليلها وكانت مصرة

[ابو عبدالله.]

بوعبدالله بالقرب من حديقة دحل الحمام تابع لاحد الجمعيات الخيريه عندهم قسم خاص لبيع الاجهزه المنزليه بسعر رمزي وهذه الاجهزه منها جديد ومستعمل وبحاله جيده يتبرع بها الناس لهذه الجهه وهم بدورهم يقومون ببيعها بسعر رمزي

يا هلا اخوي

مجهود يشكرون عليه و هذه مبادرات خيريه تباع الاجهزه للمحاجين لها بسعر رمزي و مدخولها يروح للاعمال الخيريه

اايد مثل هالمبادرات لكن يحكمها فتره العرض برخصه و موافقه حكوميه و مساحه عرض بسيطه و منتجات معينه فقط

الان انت اضفت شيء جيد جدا. ان ممكن يكون جزء من السوق الشعبي. مساحه للجمعيات الخيريه. مش بس الاسر المنتجه

النقاش معاكم مفيد جدا. الفكره تتمحور و تتطور

يا ليت حد من البلدي يشوف و يقرأ تعليقاتكم

[معماري قطري]

كان في سوق يسمونه (شبربوش) بس احترق في نهاية الثمانينات اظن، لحقت عليه وانا صغير وما اذكر ايش كان يبيع.

سوق الحراج في (نجمة) كان الخميس والجمعة بسطات، كل شي تحصله، من افلام واشرطة اغاني وصابون وملابس مستعملة والكترونيات وكتب وغيرها

لكن المشكلة ان ما تدري مصدر هالاشياء، يمكن فيها اشياء مسروقة، وما تدري عن النظافة، وكان في ممنوعات بعد. اذكر كنت اشتري درزن اشرطة على 10 ريالات، وفلم الفيديو بو شريط كبير على ريالين، وبو شريط صغير على ريال

كان حق أحد شيابنا الله يرحمه مشترك معاه واحد ثاني

يقال إن كانت فيه نية للبناء مكانه واللي منظمه حرقه بعد تأمينه حتى يستفيد

[ابو عبدالله.]

حي الله شيبتنا الغايب

والله يا اخوي الكبير انا لي سنين ما التفت لذيك المنطقة يمكن آخر مرة مريت مسرع ابي مول الحزم وزين نشوف هالشيء تنفذ عندنا

انتشر فيديو حق العنزي اظن اسمه عبدالله .. والرجال ما قصر ودعا المحتاج لأغراض معينة صورها وأعلن عنها وقال اللي يبيها يكلم الفورمن المصري وحط رقمه .. تمت مهاجمته والتشكيك في نيته .. الإعلان الحديث سريع ويوصل للآلاف ولا بد فيه محتاج بيكلم الفورمن وبيجي ياخذ حاجته .. المحتاج مب شرط يكون قطري ولو كان قطري شفيها؟

الله ياجرك يالعنزي ويهدي المفاهيم المغلوطة

نشوف أوقات حسن الساعي وغيره من الشباب الفاهمين في الاعلان يعلنون عن تنزيلات أو تصفية بعد هذا شيء زين .. ثقافة الاعلان ونشر المعرفة ثقافة تكاتف للمجتمع وخير والله يجزاهم خير سواء ياخذون أجر أو بلا مقابل

هلا بالي بيسكن السوق الشعبي بعد التقاعد

بصيدك وانت تتمشى فيه بعد التقاعد. ههههه

مبادرات طيبه من مشاهير السوشال. لكن البعض يتحسس منهم ببعض الامور و يبالغ فيها

شفت الفيديوهات حق العنزي و الساعي. اشوفهم اوكي ما فيها شي يعني

[ابو عبدالله.]

توني ثالث يوم فرش .. إصبر علي شوي بتحصلني حاط بسطة على الرصيف

قبل في الأُردن كنت في دورة وجاوا العائلة ووقتها بنتي الكبيرة كانت حول 4 سنين وألحين مهندسة الله يوفقها .. تشوف عيال الفقراء اللي يبيعون كلينكس ومواد رخيصة في الشارع اشتغلت في البيت تسوي مهفات ورقية ملونة ولا ندري شقصتها .. يوم وصلنا الاشارة قالت نزلوني بابيعهم هنيه .. بريئة يحليلها وكانت مصرة

بنت تجار تعرف حق البيزه ههههههههه

[النهار]

كان حق أحد شيابنا الله يرحمه مشترك معاه واحد ثاني

يقال إن كانت فيه نية للبناء مكانه واللي منظمه حرقه بعد تأمينه حتى يستفيد

هههههههههههه
اي تأمين الي يأمن على ارض كلها عشش ومكاين كهرباء دار مادارها شبك تقول حوطة غنم هههه الارض كانت على مأعتقد حق واحد من عيال الغانم واحد الشيوخ الارض كانت كبيره مره وحده شبت يوم العيد الساعه 3 الفجر تموا يطفون فيها لين الساعه 9 الصبح كلت الخضر واليابس ماتم شي اكثر المعروض كان زل وبلاستيك وحصر وملابس جاهزه وخام يباع بالمتر الي مايعرف الخام الخام طاقة ثياب ممرات السوق كانت ضيقه لها ثلاث مداخل وكل محل حاط له مكينة كهرباء صغيره اعتقد هوندا الي تعمل بالبترول هههههه جنب المكينه قلنات بترول من البلاستك والحديد شبربوش سوى ازمه لتجار سوق واقف والاسواق المجاوره لان الاجار كان بسيط واسعارهم اقل من النصف اشتكوا التجار في الاول قالوا المكان خطر لو صار حريق لاسمح الله مئات الناس تموت لا اله الا الله تقول موسم حج من كثر العالم الي كانت تجي للسوق حسب ماكنا نسمع انهم اطلبوا من اصحاب الارض طرد التجار ارفضوا ارض غير مستفاد منها تدخل لهم مبلغ محترم حالها نفس حال سوق العطيه الحين شبربوش كان اسو بعد الحريق تمت الارض حول 12 سنه او اكثر لين بنوا سوق ومكاتب
ادل محل شبربوش بوعبدالله مكانها كان مقابل سوق الذهب الحالي هههههههه بوعبدالله اسرح بفكرك وتخيل كيف كان وضع هاالشبك

[معماري قطري]

ما شاء الله عليك يالنهار رجعتنا بالتاريخ وراء

والزين عندك تفاصيل وتفاصيلك دقيقة .. صحيح ما قلت وكان مجرد شك وتخمين بأن الحريق مفتعل والشكوك وقتها طلعت كإشاعات في قطر ولسبب التأمين والله أعلم .. وكانوا ناس يقولون بسبب غيرة التجار حد مر وحرقه واعتقد فعل فاعل مرجح 75% بس ما قدروا يثبتون شيء ولو كانت جريمة بتكون جريمة مكتملة ولم يقبض على المجرم

انا من مواليد ذيك المنطقة بعد مستشفى حمدة تربيت هناك حول 3 شهور وانتقلت للغانم أوبالأحرى نقلوني للغانم الجديد

[يمامـة]

كان في سوق يسمونه (شبربوش) بس احترق في نهاية الثمانينات اظن، لحقت عليه وانا صغير وما اذكر ايش كان يبيع.

سوق الحراج في (نجمة) كان الخميس والجمعة بسطات، كل شي تحصله، من افلام واشرطة اغاني وصابون وملابس مستعملة والكترونيات وكتب وغيرها

لكن المشكلة ان ما تدري مصدر هالاشياء، يمكن فيها اشياء مسروقة، وما تدري عن النظافة، وكان في ممنوعات بعد. اذكر كنت اشتري درزن اشرطة على 10 ريالات، وفلم الفيديو بو شريط كبير على ريالين، وبو شريط صغير على ريال

على طاري اسم شبربوش..
من يوم و انا صغيرة حدي دواعيس فريجنا
اتسيح فيها و بحر المحرقة منتجعنا الشهري
نروح له مع اكياس الروبيان و عصير بونص
و كيك بو خمس و كيسين كيك بونص..
كنت اسمع من القادمون من خلف الشمس رادين
من لندن يابيين لنا صوغة لندن من " شبربوووش"
و اكثر شي كانوا يركزون عليه عطر تشارلي
كان قايم سوقه ايامها..
سنييين و سنييين نتغنى بشربوش
و ننطر هدايا منه..

و كانت صدمتي هالسنة لما عرفت اسمه الحقيقي
و اللي هو
Shepherd's Bush Market

قلت في نفسي خيبة حتى لما فتحنا شبيه له
"اعتقد كان صوب سوق الذهب في الدوحة
صوب مطعم طرزان" " تفكر في بطنها دايما"
فارجع و اقول
حتى لما فتحنا شبيه له.. الاسم نقلناه غلط
فهو مب مثل ما نلفظه .. و اخرتها احترق السوق
و اطلعت شائعات يومها اتهموا فيها التجار
انهم خلف هالحريق حاله حال حريق الفرضة
الايرانية..
عاد مدى صدق الناس من كذبهم ابري نفسي
من الصاق التهمة بالتجار .. و لكن الامانة تحتم
علي نقل كل ما كان يدور في الاوساط الشعبية
ايامها..
فخذوا الزين و المفيد من كلامي و اتركوا الشين عنكم.

[يمامـة]

صبحكم بالخير

ما شاء الله التعليقات وفت للاجابه عن سؤالك اختي


كل شي ينباع. و هالاسواق موجوده بكل بلد. و تعتبر مزارات سياحيه. فيها الانتيك وفيها المستعمل وفيها الطيور. الخ

ممكن اي شخص يروح و يبيع مش محلات فقط. يعني لا تثبيت لاسعار و لا احتكار

مثل الحمام بسوق واقف. السعر محدد مسبقا. لكن لو قطري او وافد. يربي و يعرض بهالسوق بيكون سعره افضل

في امور يمكن ما تحتاجينا لكن غيرك يحتاجها. حتى المستعمل

في شباب هوايتهم الصيد و يتمنون يلقون تيادر و شبوك و معدات جديده و مستعمله مجتمعه في مكان واحد

وايد امور ما تنحصر بتعليق هنا

اذكر في امريكا كان كثير من الناس تشتري الخضره من الفلي ماركت. لان الي يبيعون بالجمله و بيعهم كثير و منزلين السعر اكثر من الهايبر ماركت عندهم. كنج سوبر و غيره

برجع اتكلم بضمير في هالنقطة..

بس يصحى ضميري من نومه علشان
اوفي الموضوع حقه..
لي عودة ان شاء الله

[sara jsm]

على طاري اسم شبربوش..
من يوم و انا صغيرة حدي دواعيس فريجنا
اتسيح فيها و بحر المحرقة منتجعنا الشهري
.

ههههههههههههههه
باااااااااال يمكن من 25 سنه ماسمعت اسم هالبحر ههههههههه
مالج حل ام خوسيه :happy:

[saeed2005]

أبو عبدالله الفكرة جميلة لكنها ستصطدم بعائق الإيجار من قبل المؤجر والجشع من قبل التجار وسوف يفشل السوق بهذين السببين ولو وفرت الدولة الإيجارات بأسعار مناسبة فمن يقنع التجار بترك الجشع عندك سوق واقف الإيجارات رمزية والأسعار سياحية هذا فضلا عن التأجير من الباطن الذي ينتهجه البعض لأنه ببساطة الناس تكسب من الإيجارات أضعاف ما تكسبه من المحلات .

( ملحوظة )
سوق واقف الوكرة فاضي لو طبقوا الفكرة فيه فسوف يكون مناسبا .

[ابو عبدالله.]

يا هلا

فكره سوق السبت او الجمعه لا تطبق ايجارات للبسطات او الساحات

ساحات موزعه بطريقه منظمه و الكل يضع بضاعته اما المصنعه بالمنزل او مستعمل او الجمله

اما المحلات الرسميه مثل المطاعم و قطع غيار السيارات و اشباهها. فهي بأيجارات و عقود رسميه

هؤلاء يأتون مع اي تكدس للزبائن و تخصص لهم اماكن معينه

[ابو عبدالله.]

سوق واقف محدد المساحه و قد يتعارض مع مبدأ محلات تؤجر مع بسطات مجانيه و تنافس غير صحيح

لكن لو تخصص ساحه كبيره مثل ساحات البلديه بمساحه 20 الف متر مربع مقسمه بحسب البضائع المعروضه مع امكانيه توسعتها مستقبلا. و مساحه اضافيه للمطاعم و الوكالات و الجمله. سنخلق سوق شعبي بأمتياز

[معماري قطري]

حلاتها مبادرة يقوم بها أصحاب المزارع الكبيرة وتكون مرتبة ومظللة بالزراعة وفي موقع سهل الوصول له من الشارع الرئيسي

[ابو عبدالله.]

ممكن تنجح معماري. لكن هل بتتوفر مساحه كبيره بالمستوى المطلوب

السوق سيحتاج اسفلت و تنظيم ارضيات و خدمات مياه و كهرباء للمطاعم و المحلات الرسميه

[يمامـة]

صبحكم بالخير

ما شاء الله التعليقات وفت للاجابه عن سؤالك اختي


كل شي ينباع. و هالاسواق موجوده بكل بلد. و تعتبر مزارات سياحيه. فيها الانتيك وفيها المستعمل وفيها الطيور. الخ

ممكن اي شخص يروح و يبيع مش محلات فقط. يعني لا تثبيت لاسعار و لا احتكار

مثل الحمام بسوق واقف. السعر محدد مسبقا. لكن لو قطري او وافد. يربي و يعرض بهالسوق بيكون سعره افضل

في امور يمكن ما تحتاجينا لكن غيرك يحتاجها. حتى المستعمل

في شباب هوايتهم الصيد و يتمنون يلقون تيادر و شبوك و معدات جديده و مستعمله مجتمعه في مكان واحد

وايد امور ما تنحصر بتعليق هنا

اذكر في امريكا كان كثير من الناس تشتري الخضره من الفلي ماركت. لان الي يبيعون بالجمله و بيعهم كثير و منزلين السعر اكثر من الهايبر ماركت عندهم. كنج سوبر و غيره

شوف يا بو عبدالله

خلنا نكون صريحين لابعد الحدود

في قطر مثلا
الهوامير مسيطرين على كل شي حتى المعاصر و الدكانين مسيطرين عليها
فهل ممكن تتخيل وجود اسواق اسعارها تنافس محلاتهم او مجمعاتهم؟

و اغلب هالهوامير اصحاب قرارات او لهم سلطة بشكل او بأخر على القرارات؟

و ضف بعد
ان المشكلة الكبيرة عندنا في قطر ارتفاع قيمة الايجارات
المشكلة هذي تجبر التاجر السلعة ام 10 ريالات يحولها الى 100 ريال..

و النقطة الاخيرة
ان القطري هو المستهلك الكبير للسوق القطري
اما المقيميين قريب ال 90% مشترياتهم محدودة و صغيرة
و همهم يحولون الفلوس بلادهم.. و المقتدر منهم اذا سافر
يشتري من بلاده او يوصي حد يشتري له من بلاده.
خاصة الملابس..

فلما توفر سوق الجمعة او سوق الاحد او سوق الخميس
و مع ايجارات نار.. تتوقع منهو هالمينون اللي بيحط فلوسه في اشياء مستعملة
و اسعارها غالية؟

[ابو عبدالله.]

مرحبا

هذه نظرتك اختي وممكن تتحقق

لكن ليس نرى السلبيه و التجار ماكلين السوق و المعاصر و ننظر لسوق السبت ع انه مبهدل و مستعمل الخ

نعم اتخيل اسواق تنافس التجار. الدوله فتحت شوارع تجاريه وناس عاديه صارت عقاراتهم تجارهم و ملينوا
محلات الفرجان يا كثرها وناس عاديه فتحت محلات بأجار 6 الاف فقط

ساحات البلديه دخلت ع الخط و ناس استفادت

مناطق لوجستيه وزعوها بالقرعه مش احتكار للتجار. قرعه. مثل الفرجان و غيرها

وكالات السيارات الدوله انصفتنا معاهم و مع الصيانه و الضمان. و التأمين ايضا تعدلت بعض اوضاعها

يعني نشيل فكره التجار اكلوا السوق المجال مفتوح للجميع

ولا سلطه لهم في القرارات. و القياده الله يجزاها خير مع المجتمع و تساند الجميع

نعم الايجارات غاليه لكن الدوله تفتح خيارات. شوارع تجاريه و اسواق فرجان و ساحات بلديه و مناطق استثماريه و لوجستيه. قاعدين ع التنوع عشان التضخم يخف ترى في محلات ب 10 الاف بطريق سلوى مع شهور مجانيه. يعني مش الغلاء الي مثل قبل

بختلف معاك ان القطري هو المستهلك الفعلي و الوافدين ما يشترون

اغلب زبائن الهايبر ماركت و اللولو و السفير و جراند و مركز الاغذيه و غيرهم كثير من الوافدين حتى الميره فيها زبائن وافدين اكثر من القطريين وفروع متعدده بعد

غير هذا. ان في وافدين يصرفون اكثر مني و منك


اعزكم الله يشترون حتى الكلاب و اكلهم و بيطري و اشتراكات في نوادي و فنادق للحيوانات. و مشيين سوق هالبضائع و الاطباء

اعرف واحد يقول اوروبي و زوجته يمشون كلاب و يسبحونهم يدخلون 100 الف شهريا. لا محل و لا بطيخ

و زبون يدفع 6 الاف شهريا عشان يمشون و يسبحون كلبه في اللؤلؤه

منطق ان الوافدين ما يصرفون هذا غير صحيح في نظري ومحد تارس المجمعات السكنيه الا هم

سوق السبت يمكن تتخيلينه سوق للمستعمل و غالي او لا يليق لنا كزبائن

لكن هالسوق مجرب في دول كثيره و ناجح و بعضهم يوسعونه من زود الطلب و الزبائن

مستويات هالاسواق تحددها الدوله. ممكن جزء لوكالات طراريد و سيارات و غيارها. و جزء للاغذيه و المطاعم و الخضروات و جزء للمستعمل و جزء للاثاث الجديد و المستعمل
و جزء لتجاره الجمله

حتى مسرح اطفال و العاب يحطون فيه


التنوع كبير و التنظيم يرفع مستواه لكل انواع الزبائن

[ابو عبدالله.]

اختي يمكن تشوفين اننا محكورين بالتجاره لكن عن تجريه. ممكن اي شخص يتاجر اذا حدد المخاطر و اجتهد صح

كثير من الربع يتذمر من تجاره فتحها وما مشت معاه مثل ما توقع او مدخوله غير مجدي

لكن الي اعرفهم غير متفرغين للتجاره الي فتحوها

و يترك المحل للموظف وهو جالس بمجلس او يتمشى مع ربعه

يقولون نبي نرتاح بعد الدوام. تعبنا

طيب ليش تفتح محل و تشوف الموظف هو الي يغتني وانت تدفع المصاريف دام ما تقدر لا تفتح ولا تنتقد التجاره

صديق فتح ثلاث محلات و مدخوله فوق 100 الف شهريا. غير راتبه

طلع تقاعد مبكر و تفرغ للمحلات

قال ادري الموظفين يتربحون من وراي. اذا يتربحون وادخل فوق 100 الف. ليش ما اتفرغ و اضبط الوضع و اربح اكثر

قال لي حتى السوبر ماركت لو تتفرغ له بيدخل لك فوق 20 الف ربح صافي بس دقق ع العمال و راقب بكاميرات

يعني التجاره مب صعبه للي يبيها. بس يحط الوقت و الجهد

هذا واحنا بلا ضرائب و السوق مفتوح نقول محتكرين وما نقدر نتاجر. عيل لو حالنا مثل باقي الدول و ضرائب. ايش بنقول

[معماري قطري]

ذكرت كل اللي باقوله رد على الإخت يمامة

حكومتنا تبغي تفيد كل شرائح المجتمع وما تقصر وجهودها واضحة

[ابو عبدالله.]

صبحك بالخير

هههههه خربت عليك هههههه

والله هذا الي اشوفه. ان الوضع احسن من قبل بكثير

صارت التجاره بيد اي شخص بس يجتهد شوي و تتابع. يعني اعتني بتجارتك بتكبر

وحده قالت لي اذا تبي شركه حق تركيب الانتركم و الكاميرات لبيتك ترى عندي

قلت لها انا حصلت و بسعر زين لكن اوكي بفيدك

اتصل لي هندي و قال انا موصتني كفيلتي اضبطك

عطيته الكوتيشن من الشركه المنافسه و بالاسعار بعد عشان يعرف التفاصيل و المعدات كلها

شرايك شهرين و اتصل له مرتين. و يقول برسل لك كوتيشن. و الى يومك ما طرش

قلت لصاحبه الشركه هذا يلعب من وراك. لانه ما يبيني اعرف الموظفين و الفنيين و يمكن اعرف منهم تفاصيل عن الشركه و كيف يمشيها الهندي و تكشفين اسراره و يمكن تصيدينه كم مدخوله الحقيقي

قالت انت ثاني واحد يقول لي هالكلام لانه سواها مع غيرك بنفس الطريقه. يطنش عشان تروحون لشركه ثانيه وما يشتغل للي اعرفهم و اعرف منهم كيف يشتغل

[معماري قطري]

صباح النور إخوي بو عبدالله

خبيثين يا اخوي

لي زميل شغل قديم هندي بعد معماري فتح شركة مقاولات على كلامه وانا اتوقع كل شغله يسعر ويجيب شركة بالباطن بس عرضت عليه شغلة .. طلب 3.5 مليون وغيره درجة اولى ومقاول قوي ومتمكن عطاني 2.4 مليون .. الفرق كبير وواضح شلون ذيلا يطلعون فلوس

[يمامـة]

شوف يا اخوي ابوعبدالله ..

بخصوص كلامي عن سيطرة التجار الهوامير على كل شي كلامي ذيه ما كان يعني ان المواطن العادي ما يقدر يفتح محل تجاري او معصرة او محل او شركة.


كلامي كان يعني ان مثل المساحة المطلوبة لمكان ينباع فيه البضائع المستخدمة باسعار زهيدة .. امر يحتاج الى الى تدخل هامور او مساندة من الدولة..

و اذا رجعت لنقطة ان الهوامير مسيطرين على كل شي فمثل هالفكرة قد* اقول "قد " تجد معارضة منهم على وجود نفوذ لهم في كل مكان من باب مبدأ " شيلني و اشيلك"

اما بخصوص ان المقيمين يتبضعون من اللولو و كارفور.. كلامي ما كان محصور في المواد التموينية.. كلامي كان معني بالبضايع المستخدمة مثل الملابس او الاثاث او اي شي ثاني.

المقيمين الشريحة الاكبر منهم تبضعهم محدود جدا و قد سكون معدوم و تقدر تسأل اصحاب المحلات و تعرف في اي الشهور تنشط مشترياتهم ..و شنهي نوعية المشتريات اللي ياخذونها و شنهي اسعارها.


بالنسبة لي يا اخوي* تراني مب ضد تنفيذ الفكرة..و لكن لو الفكرة تنفذت شلي يضمن لك ان الاشياء المستعملة هذه ما تنباع باسعار عالية لان ايجارات المكان غالية بما ان المسيطر هامور او جهة حكومية امأجرتها على تاجر و هالتاجر يأجر المكان على اصحاب البسطات او الاكشاك ..

[ابو عبدالله.]

الي بط چبدي انها قالت. غيرك قال لي نفس الكلام

يعني تعرف انه مب هين

ع سالفتك و الهندي

ترى وايد يشتغلون في اماكن. و عرفوا سر المهنه و التصيد

تلقاه يطلع لك تصريح بناء و يجيب شركه و يخلص لك كل شي بالباطن وهو ياخذ فايدته وهو جالس ع كرسيه

انت لو تروح اي جهه و تقدم طلب. بتمشي بالاجراءات وبعضها ياخذ وقت

تعال للهندي وعطه شي. شوف كيف يخلصك

يعرف كل الموظفين و عارف من يمشي بأقل المتطلبات ومن يستثني ومن بيعصلقها

انت ما تدري وهو دال طريقه

هالشي في كل بلاد الي يطلع ع شي او*طريقه
ممكن يسوي بزنس من وراها

يعني انت ممكن تسوي شركه مقاولات. بخبرتك شرايك نفتح مقاولات
انت تبني وانا اسوق و ابيع:)

بعيد عن الغشمره. في فكره بعلمك عنها

التملك فيه فرصه كبيره. لكن بتحتاج رأس مال. وانا حاليا ما فيني ادخل فيها

خذ لك ارض و ابنيها و بيع الشقق تمليك و تاخذ رسوم صيانه و حراسه

اذا حطيت 6 مليون بتربح دبل

لا شريك ولا عوار راس
ارض بن محمود 400 متر و البناء خمس طوابق وكل طابق 4 شقق بغرفتين. وكل شقه بمليون و 200 الف

عندك الحسبه

بعد لا تقول دبل. قول تربل

[ابو عبدالله.]

شوف يا اخوي ابوعبدالله ..

بخصوص طلامي عن سيطرة التجار الهوامير على كل شي كلامي ذيه ما كان يعني ان المواطن العادي ما يقدر يفتح محل تجاري او معصرة او محل او شركة.


كلامي كان يعني ان مثل المساحة المطلوبة لمكان ينباع فيه البضائع المستخدمة باسعار زهيدة .. امر يحتاج الى الى تدخل هامور او مساندة من الدولة..

و اذا رجعت لنقطة ان الهوامير مسيطرين على كل شي فمثل هالفكرة قد* اقول "قد " تجد معارضة منهم على وجود نفوذ لهم في كل مكان من باب مبدأ " شيلني و اشيلك"

اما بخصوص ان المقيمين يتبضعون من اللولو و كارفور.. كلامي ما كان محصور في المواد التموينية.. كلامي كان معني بالبضايع المستخدمة مثل الملابس او الاثاث او اي شي ثاني.

المقيمين الشريحة الاكبر منهم تبضعهم محدود جدا و قد سكون معدوم و تقدر تسأل اصحاب المحلات و تعرف في اي الشهور تنشط مشترياتهم ..و شنهي نوعية المشتريات اللي ياخذونها و شنهي اسعارها.


بالنسبة لي يا اخوي* تراني مب ضد تنفيذ الفكرة..و لكن لو الفكرة تنفذت شلي يضمن لك ان الاشياء المستعملة هذه ما تنباع باسعار عالية لان ايجارات المكان غالية بما ان المسيطر هامور او جهة حكومية امأجرتها على تاجر و هالتاجر يأجر المكان على اصحاب البسطات او الاكشاك ..

فاهمك اختي

لكن احنا قلنا في الموضوع ان البسطات مجانيه او رسوم رمزيه

مثل ساحه المزروعه و الساحات الاخرى

الدوله تخصص ارض مش في وسط الدوحه. برع شوي. يعني التجار ما لهم دخل لا من قريب ولا بعيد فيها

عن المقيمين ايضا ما قصدت مواد التموين فقط. قصدت كل شيء. وحطيت لك امثله

الوافدين مب بس اسيويين من كل الدول

واذا انتي تقصدين الاسيويين. ترى بس العماله الي ما تشتري وايد. اما الموظفين يشترون

من يوصل راتبه عشره وفوق كلته زوجته. طلع برادو و طلع لي موتر صالون و تبي شقه بكذا غرفه

انا اشتغلت بكذا جهه مختلطه الجنسيات و اعرف اشلون عايشين

ترى حتى العامل بو راتب الف ريال يحول نص راتبه و يصرف النص بالدوحه. منها دقايق للجوال و اكله و حتى البيبسي الي يصور معاه و يطرش صورته لاهله

قبل سنين شفنا اسيويين قح. ما يطلع الريال

الحين عيالهم يفسفسون الفلوس و يروحون مطاعم زينه و يأجرون اسكوترات و يدرسون في جامعات المدينه التعليميه

ع حساب ابوهم مش جهه عمله

عندنا عربي بشغلنا. كل عياله خرجهم من الجامعات بقطر فونديشن

يعني كل واحد فوق نص مليون ع فترات طبعا

هذا عربي راتبه تحت الثلاثين

صحيح يوفرون لكن بعد يصرفون

رفيجي عنده ثلاث محلات واغلب زبائنه وافدين. الي يشتري اغراض الكريسمس و الي العاب و الي ملابس مهرجين و يحجزون لحفلات الاطفال و النطاطيات

الريال ملين من ورى الوافدين هنود و غيرهم

ما ابي اغير رايك لكن الي اقوله اني مطلع ع امور شفتها بعيني

انا بنفسي بعت مواتر باسعار اعلى بكثير من قيمتها. عند القطري. لان الوافد يبي موتر يشوفه القطري ما يسوى

و بالمثل شريت مواتر من وافدين بسعر اقل من سعرها عند القطري بكثير

هالوافد شراه جديد و باعه بفارق كبير يعني يصرف و بيشتري موتر جديد مره ثانيه

مواتر مثل الكروزر و النيسان و الجيب وغيرها. دفعوا فيها 200 الف و باعوها تحت 100

[يمامـة]

اخوي بو عبدالله..

ما قلت لك ان الوافد ما يصرف لكن الغالبية العظمى
صرفهم معدوم و هالشي ملاحظ و بكثرة.. و في اللي يصرفون.

لكن بشكل عام الوافد يفظ،ل يشتري من بلاده ..
او من اماكن اسعارها رخيصة طبعا لو ميزانيته
ما تسمح له..

اما بخصوص البسطات و بمساحات تحدد الدولة
سعرها و تكون رخيصة تسمح ببيع المستعمل
ممكن هالفكرة يوجد لها رواج.. لكن انها تكون خارج
العاصمة ما تشوف انها ما بتكون نفس الدول
الغربية اللي تلقى مثل هالاسواق في وسط العاصمة..
و لها مثيل في كل منطقة للجاليات.

لكن بسئلك سؤال و ابيك تكون صريح معاي

هل تعتقد المواطن القطري راح يستفيد من مثل هالفكرة
كمستهلك؟
و لا ممكن يستفيد كتاجر يدير هالبسطات؟

[يمامـة]

ههههههههههههههه
باااااااااال يمكن من 25 سنه ماسمعت اسم هالبحر ههههههههه
مالج حل ام خوسيه :happy:


عاد بما اني اكبر منج ب ٤٠ سنة..
لي اكثر من ٣٠ سنة محد يطري هالاسم..

و عساني ما حركت الغبار لما طريته.

الله يحفظه خوسيه و يرد بالسلامة.

[معماري قطري]

الي بط چبدي انها قالت. غيرك قال لي نفس الكلام

يعني تعرف انه مب هين

ع سالفتك و الهندي

ترى وايد يشتغلون في اماكن. و عرفوا سر المهنه و التصيد

تلقاه يطلع لك تصريح بناء و يجيب شركه و يخلص لك كل شي بالباطن وهو ياخذ فايدته وهو جالس ع كرسيه

انت لو تروح اي جهه و تقدم طلب. بتمشي بالاجراءات وبعضها ياخذ وقت

تعال للهندي وعطه شي. شوف كيف يخلصك

يعرف كل الموظفين و عارف من يمشي بأقل المتطلبات ومن يستثني ومن بيعصلقها

انت ما تدري وهو دال طريقه

هالشي في كل بلاد الي يطلع ع شي او*طريقه
ممكن يسوي بزنس من وراها

يعني انت ممكن تسوي شركه مقاولات. بخبرتك شرايك نفتح مقاولات
انت تبني وانا اسوق و ابيع:)

بعيد عن الغشمره. في فكره بعلمك عنها

التملك فيه فرصه كبيره. لكن بتحتاج رأس مال. وانا حاليا ما فيني ادخل فيها

خذ لك ارض و ابنيها و بيع الشقق تمليك و تاخذ رسوم صيانه و حراسه

اذا حطيت 6 مليون بتربح دبل

لا شريك ولا عوار راس
ارض بن محمود 400 متر و البناء خمس طوابق وكل طابق 4 شقق بغرفتين. وكل شقه بمليون و 200 الف

عندك الحسبه

بعد لا تقول دبل. قول تربل

والله هذي الفكرة حلوة .. عندنا أرض ورثة 2050 متر تصلح لمجمع صغير بعد المجمعات يصير فيها بيع .. بس بنيان عمارة وبيع الشقق خصوصاً لو على مستوى وكبيرة ومكتب خدمات وتأجير وبيع بتكون مشروع العمر

[معماري قطري]

شوف يا اخوي ابوعبدالله ..

بخصوص كلامي عن سيطرة التجار الهوامير على كل شي كلامي ذيه ما كان يعني ان المواطن العادي ما يقدر يفتح محل تجاري او معصرة او محل او شركة.


كلامي كان يعني ان مثل المساحة المطلوبة لمكان ينباع فيه البضائع المستخدمة باسعار زهيدة .. امر يحتاج الى الى تدخل هامور او مساندة من الدولة..

و اذا رجعت لنقطة ان الهوامير مسيطرين على كل شي فمثل هالفكرة قد* اقول "قد " تجد معارضة منهم على وجود نفوذ لهم في كل مكان من باب مبدأ " شيلني و اشيلك"

اما بخصوص ان المقيمين يتبضعون من اللولو و كارفور.. كلامي ما كان محصور في المواد التموينية.. كلامي كان معني بالبضايع المستخدمة مثل الملابس او الاثاث او اي شي ثاني.

المقيمين الشريحة الاكبر منهم تبضعهم محدود جدا و قد سكون معدوم و تقدر تسأل اصحاب المحلات و تعرف في اي الشهور تنشط مشترياتهم ..و شنهي نوعية المشتريات اللي ياخذونها و شنهي اسعارها.


بالنسبة لي يا اخوي* تراني مب ضد تنفيذ الفكرة..و لكن لو الفكرة تنفذت شلي يضمن لك ان الاشياء المستعملة هذه ما تنباع باسعار عالية لان ايجارات المكان غالية بما ان المسيطر هامور او جهة حكومية امأجرتها على تاجر و هالتاجر يأجر المكان على اصحاب البسطات او الاكشاك ..

بالنسبة للوافدين كثيرين يشترون من كارفور أثاث وملابس والكترونيات .. كارفور ما خلى شيء ما تاجر فيه

[يمامـة]

بالنسبة للوافدين كثيرين يشترون من كارفور أثاث وملابس والكترونيات .. كارفور ما خلى شيء ما تاجر فيه

ما في حد ما يشتري..
بس اشقد يشترون؟
كمية مشترياتهم اشقد؟

[ابو عبدالله.]

اخوي بو عبدالله..

ما قلت لك ان الوافد ما يصرف لكن الغالبية العظمى
صرفهم معدوم و هالشي ملاحظ و بكثرة.. و في اللي يصرفون.

لكن بشكل عام الوافد يفظ،ل يشتري من بلاده ..
او من اماكن اسعارها رخيصة طبعا لو ميزانيته
ما تسمح له..

اما بخصوص البسطات و بمساحات تحدد الدولة
سعرها و تكون رخيصة تسمح ببيع المستعمل
ممكن هالفكرة يوجد لها رواج.. لكن انها تكون خارج
العاصمة ما تشوف انها ما بتكون نفس الدول
الغربية اللي تلقى مثل هالاسواق في وسط العاصمة..
و لها مثيل في كل منطقة للجاليات.

لكن بسئلك سؤال و ابيك تكون صريح معاي

هل تعتقد المواطن القطري راح يستفيد من مثل هالفكرة
كمستهلك؟
و لا ممكن يستفيد كتاجر يدير هالبسطات؟

نتفق ان لك رأيك عن صرف الوافد ولي رأيي ايضا. كلن مقتنع برأيه

موقع السوق صعب يكون بالدوحه لانه يحتاج مساحه كبيره وعندنا ناجحه فكره خارج الدوحه للنه مجربه لساحات البلديه و الاسواق المركزيه بالمزروعه و الوكره. لان المسافه مش كبيره لزيارتهم

في اسواق الجمله و التاكس فري او الاوت لت بكذا دوله خارج المدينه بمسافه مش بسيطه و تضل ناجحه للزوار

منها لندن و منها في ولايات امريكيه. كلهم خارج المدينه. بعض الدول بوسط المدينه نعم لكن اسواق محدوده المساحه

سؤالك ايش الفايده للقطري سواء بائه او مشتري من هالسوق

الاثنين. ممكن يشتري مش ملابس مستعمله. لكن طراد او اسكوتر او دراجات ناريه او اثاث جديد

ابغي ارفع نظرتك للسوق

حطي في تصورك ان هالسوق منوع. فيه محلات رسميه مثل الاثاث و قطع غيار و معدات زراعيه و محلات المرين وغيرهم كثير

جزء رسمي و اسعار جمله لمنتجات كثيره حتى الميره ممكن تفتح فرع فيه مثل ما سوت في سيلين

الحجم الكبير للسوق يتطلب اماكن استراحه مطاعم و كوفيات و مكان العاب للاطفال

جزء من السوق سيوفر مزادات للسيارات و اكسسواراتها وحتى الكلاسيك و قطعها النادره

في سوق الفلي ماركت في ولايه امريكيه حاطين مكان كبير لالعاب السيارات الصغيره و طرق محوطه يسوقونها الاطفال وكذا لعبه و نطاطيات. وماخذ جزء من السوق وكل لعبه لها شخص يديرها كبزنس

جزء آخر للاشغال اليدويه. الي يعرض مشغولات حديديه و خشبيه و رسومات الخ

هذا كله وللحين ما تكلمنا عن المستعمل

تعرفين كم مطعم ممن يشتغل في هالسوق. تخيلي 30 مطعم و كوفي. غير الاكشاك السريعه ايس كريم و ذره وهالسوالف

كم ساعه ممكن الشخص او عائله تحتاج عشان تزور هالسوق

يمكن انا و انتي ما نفكر نشتري اثاث منه لكن في ناس و قطريين يشترون و يبون شي بمبلغ معقول حتى لو سرير و كبت لغرفه خادمه او سائق. مثلا

نتكلم عن مجتمع فيه مليونين و نص و اكثر حتى لو نصفهم عماله ما تشتري مثل ما تعتقدين بيضل مليون و ربع قوه شرائيه لسوق مفتوح به جمله و جديد و مستعمل و مطاعم و العاب و سيارات الخ

انا ممكن اتاجر فيه لو عطوني مكان لو افتح مطعم سريع او حتى مشغولات حديديه وعندي عماله مدربه لها

ممكن اشتري امور ما اعرف ادورها بالمحلات او اشتري اغراض الجمله ومن عادتي اشتري وايد امور بالجمله توفير للوقت و مشاوير الجمعيه

ممكن اطرش السواق يوقف موتر للبيع بدل ما اعلن و انتظر شراي او اوقفها بمعرض يدخلها مزاد و بنفس اليوم القى شراي اذا عجبني السعر

ما اعتقد انك مقتنعه جدا بالفكره ولا انتي ضدها. ادري لكن لو الدوله درستها و نظمتها بطريقه مجديه و معايير مقبوله و نجحت. اعتقد بتقبلينها

[ابو عبدالله.]

ما في حد ما يشتري..
بس اشقد يشترون؟
كمية مشترياتهم اشقد؟

كل شي يشترونه. مكيفات و افران و تلفزيونات و مولينكس و شوايه بالغاز او الفحم

مثلنا يعني. حتى في امور اكثر منا

الي عنده كم ياهل يشتري كمبيوتر و تابلت و سوني و العابها الغاليه وفي قطري ما عنده الا طفلين ما يشتري سوني ولا كمبيوتر. ايباد و ايبود للصغير و خلاص

خلي في بالك ان 90% من القطريين في القطاع العام. وهذا بحسب الجريده انا شايفه

القطاع الخاص. البترول بشركاته كلها
و البنوك و الشركات المساهمه و الشركات الخاصه و الاطباء و الممرضين بالمستشفيات

فيها وافدين اكثر. و رواتبهم من 5 الاف و 10 و 20 و 30 الى 100 الف و اكثر كلهم يشترون

ويدخلون عيالهم مدارس خاصه وويدفعون من جيبهم فوق الي تدفعه جهه العمل و بعضهم تابلت من المدرسه ب 4700 ريال. لكل طفل من جيبه و الملابس ايضا و الكتب . لان جهه عمله ما تدفع للتابلت و الملابس و الكتب فقط رسوم الدراسه

ترى في دنيا ثانيه غير الي تعتقدينها اختي احنا شغالين معاهم و نشوف و نعرف

تقريبا كل وافد بجهه عملي عنده سيارتين له و زوجته و المواتر من البورش لين النيسان باترول. و القله بمواتر عاديه. القله فقط

واحد كل كم شهر يبيع موتره الكشخه و ياخذ غيره. اخر مره باع الاودي البورت شاريها ب 295 الف و باعها اقل من 200 الف بأقل من سنه

ترى فيهم عقده الرفاهيه و الكشخه و ادمنوها من القطريين :)

روحي اي بنك فيه عربي يشتغل. شوفي راتبه كم الف و مطلع موتر ب 160 الف. يا جراند شيروكي او رانجلر او نيسان باترول

ما يخلي شي من راتبه. تعود مع الشباب و الربع ع المواتر العدله

والله اذكر واحد من سنين راتبه 4 الاف و مطلع نيسان ب 120 الف موظف ببنك

قبل غير و الحين غير. مش كله توفير و صاكين ع روحهم

[ابو عبدالله.]

والله هذي الفكرة حلوة .. عندنا أرض ورثة 2050 متر تصلح لمجمع صغير بعد المجمعات يصير فيها بيع .. بس بنيان عمارة وبيع الشقق خصوصاً لو على مستوى وكبيرة ومكتب خدمات وتأجير وبيع بتكون مشروع العمر

قلت لك فكره حلوه. بس ادرسها صح

اذا الارض تصلح عماير و بالمناطق المسموحه لتملك الوافدين بتضبط صح معاك

واذا مجمع بعد زين لان الفلل يسمحون لها 250 متر مربع. شوف كم فيلا بتحط بالارض

عاد الفلل سعرها اعلى من الشقق اذا ما ضبطت معاك العماره

8 فلل الوحده ب مليونين ونص و عندك عقود الصيانه السنويه كل فيلا 12 الف
و تاخذ موافقه سوبر ماركت بالمجمع. اووووه. اجاره بروحه 25 الف شهري

تبي ازودها شوي

افتح مطعم باچه بالمجمع هههههههههه. هذه شلون تنكتب. باكه ولا باچه :)

المجمع رسوم سنويه فوق 100 الف و الصيانه ما تكلف نص هالمبلغ و تحط باب فيتر و كهربائي. يعني دهنا في مكبتنا. رابح الرسوم و رابح قيمه التصليحات. و عيش ياخوي :)

[يمامـة]

مساء الخير يا بو عبدالله

قبل ما اشرع في الرد عليك احب اوضح لك اني مب ضد الفكرة اللي طرحتها
ولكني ابي اتناقش في اهمية وجودها و اهمية استفادة المواطن و المقيم من مثل هالفكرة..
ومن ثم اقول لك

انت توسعت في الفكرة بشكل كبير بحيث انك تبي تشمل السيارات و الطراريد و السفن
و اخاف مع كم مشاركة بتطالب بسوق الاحد للطيارات:p

مثل هالاسواق في الدول الغربية تكون مجزئة و اغلبها للملابس و الاكسسوارات و الفواكه
و الخضروات.. و اذا وجدت اسواق للاشياء المستعملة
فعندنا الله يسلمك معرض بدل من وعينا و احنا ندري ان السيارات المستعملة يشقلها
راعيها و يوديها معرض بدل .. حتى اخبر اهل غرب سلوى كانوا مخيمين في هالمعرض قبل.

واذا على الاثاث و الادوات الكهربية و الالكترونية عندك سوق الحراج مب مقصر وموفي بالغرض.

اما سوق للملابس المستخدمة .. تعتقد القطري بيبيع ملابسه المستخدمة؟
او ممكن يشتري ملابس مستخدمة؟
و المقيم شلي يحده يدفع على ملابس مستخدمة و عنده محلات تبيع الجديد
و اسعارها نازلة مثل سفاري و سوق الخميس و الجمعة
و المحلات اللي تسوي عروضات و تخفيضات بالجملة؟


ومن ثم محد قال ان الاجنبي ما يشتري.. لكن مب ذاك الشراء اللي يرفع اقتصاد بلادك
تحويلاتهم اكبر من مشترياتهم.. تبرعاتهم لبناء سور او تشجير شجرة في بلادهم اكبر
من مشترياتهم في داخل بلادنا..

فبما ان هناك ساحات للاشياء المستخدمة موجود في البلاد.
ليش نروح نفتح زيادة عليها؟

[معماري قطري]

قلت لك فكره حلوه. بس ادرسها صح

اذا الارض تصلح عماير و بالمناطق المسموحه لتملك الوافدين بتضبط صح معاك

واذا مجمع بعد زين لان الفلل يسمحون لها 250 متر مربع. شوف كم فيلا بتحط بالارض

عاد الفلل سعرها اعلى من الشقق اذا ما ضبطت معاك العماره

8 فلل الوحده ب مليونين ونص و عندك عقود الصيانه السنويه كل فيلا 12 الف
و تاخذ موافقه سوبر ماركت بالمجمع. اووووه. اجاره بروحه 25 الف شهري

تبي ازودها شوي

افتح مطعم باچه بالمجمع هههههههههه. هذه شلون تنكتب. باكه ولا باچه :)

المجمع رسوم سنويه فوق 100 الف و الصيانه ما تكلف نص هالمبلغ و تحط باب فيتر و كهربائي. يعني دهنا في مكبتنا. رابح الرسوم و رابح قيمه التصليحات. و عيش ياخوي :)

عرضت الفكرة على بعض الإخوان ما حصلت تجاوب

أعضاء المجلس البلدي لمنطقتنا كلهم منا بس شغلهم حق العزيزية وفريجنا للبتان

[ابو عبدالله.]

مساء الخير يا بو عبدالله

قبل ما اشرع في الرد عليك احب اوضح لك اني مب ضد الفكرة اللي طرحتها
ولكني ابي اتناقش في اهمية وجودها و اهمية استفادة المواطن و المقيم من مثل هالفكرة..
ومن ثم اقول لك

انت توسعت في الفكرة بشكل كبير بحيث انك تبي تشمل السيارات و الطراريد و السفن
و اخاف مع كم مشاركة بتطالب بسوق الاحد للطيارات:p

مثل هالاسواق في الدول الغربية تكون مجزئة و اغلبها للملابس و الاكسسوارات و الفواكه
و الخضروات.. و اذا وجدت اسواق للاشياء المستعملة
فعندنا الله يسلمك معرض بدل من وعينا و احنا ندري ان السيارات المستعملة يشقلها
راعيها و يوديها معرض بدل .. حتى اخبر اهل غرب سلوى كانوا مخيمين في هالمعرض قبل.

واذا على الاثاث و الادوات الكهربية و الالكترونية عندك سوق الحراج مب مقصر وموفي بالغرض.

اما سوق للملابس المستخدمة .. تعتقد القطري بيبيع ملابسه المستخدمة؟
او ممكن يشتري ملابس مستخدمة؟
و المقيم شلي يحده يدفع على ملابس مستخدمة و عنده محلات تبيع الجديد
و اسعارها نازلة مثل سفاري و سوق الخميس و الجمعة
و المحلات اللي تسوي عروضات و تخفيضات بالجملة؟


ومن ثم محد قال ان الاجنبي ما يشتري.. لكن مب ذاك الشراء اللي يرفع اقتصاد بلادك
تحويلاتهم اكبر من مشترياتهم.. تبرعاتهم لبناء سور او تشجير شجرة في بلادهم اكبر
من مشترياتهم في داخل بلادنا..

فبما ان هناك ساحات للاشياء المستخدمة موجود في البلاد.
ليش نروح نفتح زيادة عليها؟

صبحكم بالخير

ما ذكرتي هالتعليق عن وجود بدائل لهالسوق. مع انك ذكرتي كذا تعليق عن امور اخرى

اختي تضلين تحصرين السوق في ملابس رثه لا يشتريها احد

لا مب قايل نبيع طيارات لا تحاتين (:

كل الاسواق الي ذكرتيها تعتبر محلات رسميه و شريطيه و سجلات تجاريه

الحراج محلات و بدل معارض و عمولات.

اختي دخلتي مواقع للوافدين من قبل ؟

ادخلي موقع قطر ليفينج وشوفي المستعمل او الجديد بكرتونه من مستهلكين وافدين و قطريين

فسالفه المستعمل لا ننكر وجودها ومش كل شخص عنده بورش و مرتاح ماديا

سؤال

الحراج و بدل تقدرين تدخلينهم ع حالتهم الان

بتلقين مساحات كبيره و اماكن عائلات و العاب اطفال و مطاعم تقدرين تاكلين فيها

سؤال ثاني

لما ذكرتي سيارات و طراريد تقدرين تطلعين في قطر كلها. مكان يلتقي فيه اصحاب الطراريد و الادوات البحريه يبيعونها و يشترونها

المتوفر محلات معدوده و حصر لهذه المعدات و كله جديد و اسعار انا اشوفها مش بسيطه

طيب الاعمال اليدويه وين القاها بقطر

السيارات الكلاسيك وين بلقى تجمع لها و لقطعها النادره

اذا البدائل الي ذكرتيها تفي بالغرض

نسكر ساحات البلديه للمنتج المحلي و نقول عندنا اسواق مركزيه ومحلات خضار فليش سوينا ساحات بلديه مشابهه

يمكن نسيتي ان السوق الي نطلبه. ساحاته مجانيه مثل ساحه البلديه. او رسوم رمزيه لضمان جديه العارضين


و منظم بمطاعم و العاب و مناسب للعائلات بخلاف ما ذكرتي من بدائل

لاحظت ان النقاش يروح و يرجع و انا اكرر نفس النقاط و انتي متمسكه بنظره سوق للملابس الرثه وليس سوق منظم من الدوله كحال ساحات البلديه

[ابو عبدالله.]

عرضت الفكرة على بعض الإخوان ما حصلت تجاوب

أعضاء المجلس البلدي لمنطقتنا كلهم منا بس شغلهم حق العزيزية وفريجنا للبتان

حظك ما عجبتهم الفكره :)

[يمامـة]

صبحكم بالخير

ما ذكرتي هالتعليق عن وجود بدائل لهالسوق. مع انك ذكرتي كذا تعليق عن امور اخرى

اختي تضلين تحصرين السوق في ملابس رثه لا يشتريها احد

لا مب قايل نبيع طيارات لا تحاتين (:

كل الاسواق الي ذكرتيها تعتبر محلات رسميه و شريطيه و سجلات تجاريه

الحراج محلات و بدل معارض و عمولات.

اختي دخلتي مواقع للوافدين من قبل ؟

ادخلي موقع قطر ليفينج وشوفي المستعمل او الجديد بكرتونه من مستهلكين وافدين و قطريين

فسالفه المستعمل لا ننكر وجودها ومش كل شخص عنده بورش و مرتاح ماديا

سؤال

الحراج و بدل تقدرين تدخلينهم ع حالتهم الان

بتلقين مساحات كبيره و اماكن عائلات و العاب اطفال و مطاعم تقدرين تاكلين فيها

سؤال ثاني

لما ذكرتي سيارات و طراريد تقدرين تطلعين في قطر كلها. مكان يلتقي فيه اصحاب الطراريد و الادوات البحريه يبيعونها و يشترونها

المتوفر محلات معدوده و حصر لهذه المعدات و كله جديد و اسعار انا اشوفها مش بسيطه

طيب الاعمال اليدويه وين القاها بقطر

السيارات الكلاسيك وين بلقى تجمع لها و لقطعها النادره

اذا البدائل الي ذكرتيها تفي بالغرض

نسكر ساحات البلديه للمنتج المحلي و نقول عندنا اسواق مركزيه ومحلات خضار فليش سوينا ساحات بلديه مشابهه

يمكن نسيتي ان السوق الي نطلبه. ساحاته مجانيه مثل ساحه البلديه. او رسوم رمزيه لضمان جديه العارضين


و منظم بمطاعم و العاب و مناسب للعائلات بخلاف ما ذكرتي من بدائل

لاحظت ان النقاش يروح و يرجع و انا اكرر نفس النقاط و انتي متمسكه بنظره سوق للملابس الرثه وليس سوق منظم من الدوله كحال ساحات البلديه

Pardon
اذا حسستك اني متمسكة بالملابس الرثة او الجديدة..

مجرد تقول لي سوق منظم على طول يدخل في بالي التكاليف المترتبة على المحافظة على هذا
السوق ليوم واحد من كل أسبوع!!

فأنت يا أبو عبدالله تطالب بمنطقة حرة مجهزة لعرض كل المنتجات المستعملة في يوم واحد
و السوق يكون مفتوح للجميع و تناسيت ان مثل هالامر مكلف و لا ذكرت من بيتحمل تكاليفه؟

في الدول الغربية و خلنا نقول لندن مثلا
كل يوم أحد تلقى تجمعات ما بين البنايات في يوم الاحد
او في الساحات المفتوحة يحرجون على الخضار و الفواكه و الملابس و الاكسسوارات.
و ينتهي يوم الاحد مع الساعة 6 كل شال قشه و رايح و تعال شوف كمية الوصاخة و القذارة
اللي يخلفونها و راهم..
هناك المقيم او المواطن عينه قوية بيقول لك انا ادفع ضريبة علشان الدولة تنظف من وراي
و خاصة انهم ما يدفعون فلس حمر على عرض منتجاتهم او اغراضهم و يستغلون المساحات ما بين البنيات
او المحلات..
اهنيه اللي بفضل من الله و نعمته كل شي متوفر ببلاش تتوقع لو انفتح سوق الاحد من بيكون مسؤول عن
نظافته؟
وعلى أي أساس الدولة تخصص مساحة و ترتبها و تنسقها حق يوم تجاري واحد فقط في الاسبوع؟

لذلك فكرة وجود أسواق للسلع المستخدمة فكرة مب خاطئة..
لكن حسب نظرتي ما يصير نحشر كل هالسلع المستخدمة في مساحة وحدة وفي يوم واحد في الأسبوع..
الموضوع يحتاج الى ترتيب
بحيث الطراريد وعدد البحر ينباعون في مكان ثابت طوال الأسبوع مب يوم واحد
و ممكن في يوم من أيام الأسبوع يعرضون الأغراض هذه بأسعار اقل في وسط السوق..

الاعمال اليدوية ينباعون في مكان ثابت مثلا أقول مثلا سوق واقف
و يخصص يوم في الأسبوع لتجمهر أصحاب الاعمال اليدوية.

و بالطريقة هذه انت رتبت الموضوع بحيث ان الخيار لك
تروح الاحد سوق الاعمال اليدوية
و تروح الجمعة معرض بدل
تروح السبت سوق الخضرة
و الاحد سوق السمك
فتلقى في كل مكان يوم مخصص لبيع الأشياء المستخدمة..

اشرايك الحين؟
اذا اعجبتك الفكرة سجلها باسمي عند البلدية.

[ابو عبدالله.]

مرحبا اختي

ما قلت يوم واحد بالاسبوع. طول الاسبوع و يشتد العمل به في الويك اند

لا تنسين مطاعم و استراحه و العاب. لكن يسعرف بأنه سوق كل شيء

سوق واقف له اداره خاصه به وعمليه بيع اعمال يدويه هم يحددون معارض لها وليس مكان مقتوح لاي شخص يعرض

مسأله النظافه ما اعرف ليش ركزتي عليها. لكن بقول لك

لما العارض يسجل و يحط بضاعته يكون ملزم بأخلاء الموقع و تركه كما كان نظيفا

وهذا امر سيكون جزء من التنظيم الذي ستحدده البلديه وليس قضيه نتناقش عليها في فكره السوق

ذكرتي ان فكره و تجهيز السوق مكلفه. ليش مكلفه

ساحات البلديه ايضا كلفت لكن مش ملايين و سووها. و الفكره وضع بديل للمواطنين بدل تأجير محلات و الاكتفاء الذاتي. الخ

التكلفه لسوقنا هي الشوارع و الساحات اما المحلات ستكون للايجار بسعر رسمي. كالمطاعم و محلات الجمله و قطع الغيار للوكالات و المرين

ما فهمت ايش قصدتي ان اهني ولله الحمد كل شي ببلاش ؟؟


في البدايه عطيت مثال عن سوق في ولايه امريكيه فلي ماركت. كل شيء فيه طول الاسبوع و بالاجازات يولع من الزحمه

فما كان بالبال ان سوقنا يكون يوم واحد فقط

[يمامـة]

مساء الخير يا ابو عبدالله..

اعذرني لو ما فهمت عليك من البداية.
انت تبي سوق شغال طول الاسبوع بمسمى
" سوق الاحد" على غرار مسمى سوق الخميس و الجمعة
لكن سوق الاحد تبيه للاشياء المستخدمة.
النقطة هذه اللي توني استوعبتها
اي شي بناقشك فيه بينته في مشاركاتي السابقة
علشان ما اتعب وقتك و تقرا من اول وجديد.
في الاخير لا انت و لا انا بنبت في الموضوع
كل منا يحط رايه و تصوره و وجهة نظره..

اما بخصوص شلي قصدته بمصطلح ببلاش

اللي قصدته ان الخدمات المقدمة في النظافة
في البلاد كلها مجانية لا ندفع عليها رسوم
و لا ضرايب .. فكلمة ببلاش كانت مرتبطة في هالشي.ض

[ابو عبدالله.]

تسلمين على التوضيح

كنت من قبل اشوف ان وجهه نظرنا فيها اختلاف بسيط حول الفكره