معارض السيارات متهمه بالاحتكار وزيادة الاسعار

[naklan]

السلام عليكم ورحمة الله وبركاته

معارض السيارات عملت في السنوات الاخيرة
بعمل غير شرعي يجب ان تتصدى له الحكومة وخارج عمل المعارض
وهو تجارة السيارات المستعملة يشترون السيارات الجديدة المرغوبة شعبيا من
الوكيل حتى النفاذ وتباع مرة اخرى على المواطن بسعر أغلى 10 الاف او اكثر لذالك
اقترح على الحكومة التدخل الي يشتري سيارة يمنع عليه البيع
الا بعدها بسنة بهذا العمل اصبح الوكيل يرفع سعر السيارة
لعدم توفرها او بحجة عليها طلب
قوانين الدول هي لصالح المواطن لا لصالح
الشريطية والمحتكرين

ارائكم لمنع الاحتكار والاتجار الغير مشروع

[نفسي عزيزه]

بعض المعارض بالعكس تشتري منها بأرخص مثال على ذالك وليس دعايه وانا مالي بالبيع والشرى معرض الي صار حاليا شركة ديار العز والمشترك يبيعون ارخص من الوكيل وانا اشتري منهم وربعي

خصوصا ديار العز مرات يجيب لك وارد الكويت ارخص ب 60 الف من الوكيل بقطر للكزس وارخص ب 44 الف للفكسار والخ
وضمانهم يمشي عند عبدالغني والحمدلله

انا اقصد النيسان والكروزر والكزس الا اذا انت تقصد سيارات ثانيه الله اعلم

[نفسي عزيزه]

انا الشركه من الاخر بيعطوني الهولكس اخبر ب 105. شريته من المشترك ب 100 وهذا مثال من امثله كثيره

[Dana’1]

بعد سنه !!
والي يتسلف من بنك اسلامي ياخذون له سياره بالمبلغ المطلوب مع لفايده ثم يبيعها تكون غالبا تسجلت الملكيه بإسمه
طيب و إلي فعلا اشتراها واضطر لبسبب معين يبيعها ما يقدر عشان هالقانون!
أنا ضد تقييد الناس بحلالهم متى يبيعونه دامه صار لهم ،، ممكن تصير ببعض الأمور أسهم وغيره تمسك سنه عقب تحرر مثلا
لكن أملاك ثانيه كسياره وغيرها
الأفضل تفرض القوانيين على المعارض نفسها خل يقيدون فيها عدد معين من السيارات للمعارض كم سيارة ياخذون من الوكيل وتعطيهم التعليمات اللازمه و بحزم ما ترفع ريال واحد عن سعر الوكاله على عموم الناس
لأن كراعي معرض طبيعي ياخذها بسعرر أقل منهم
والمستعمل عاد على حسب بس طبيعي تكون أقل من الي يسمونها أصفاار

و الناس بعد لازم تشد حيلها يعني أنا أدري إنها بالوكاله 100الف مثلا ليش أخذها من المعرض بـ 120 الف!
وهي نفس اللون والمواصفات وغيرها خلها عنده لين يعرف يعيد تسعيرتها ،، يربح عليه بالعافيه بس لا يطمع بالكثييير

[شموخ دائم]

,

,


مرحبا


شكرا على الموضوع

ملاحظه طيبه

من المعروف للسيارات ان الوكيل يتعاقد مع ( موزعين )

ويعطيهم سعر اقل ب 10 الاف وهم يبيعون بسعر الوكاله
فما يكون هناك أي تكلفه على المستهلك

اما الي يحصل الان للأسف ( فوضى )

المعارض تحجز السيارات ( كلها ) الي عليها طلب
تاخذها المعارض وتعيد بيعها

وهي ما تملك حق ( الموزع )

تعيد بيعها اكثر من الوكاله وهذا مخالف للقانون ويشكل اكثر من قيمتها

المفروض ما تباع في المعارض الا ( المستعمل )
او الجديد ( وارد ) الكويت او دول أخرى ويكون سعرها منافس للوكاله اقل
حمايه المستهلك عليهم دور بهذا الموضوع

’

’

[naklan]

بعض المعارض بالعكس تشتري منها بأرخص مثال على ذالك وليس دعايه وانا مالي بالبيع والشرى معرض الي صار حاليا شركة ديار العز والمشترك يبيعون ارخص من الوكيل وانا اشتري منهم وربعي

خصوصا ديار العز مرات يجيب لك وارد الكويت ارخص ب 60 الف من الوكيل بقطر للكزس وارخص ب 44 الف للفكسار والخ
وضمانهم يمشي عند عبدالغني والحمدلله

انا اقصد النيسان والكروزر والكزس الا اذا انت تقصد سيارات ثانيه الله اعلم


هلا بك اخوي نفسي عزيزة
اخوي انا ما قصدت معرض بعينة والموضوع
موسمي يضهر ويختفي الحين التويوتا على وشك التبديل
ومتكدس في المعارض لأكن تعال اذا نزل الجديد وشوف
التلاعب والاستغلال والاحتكار والحجز الي يتم
بالشهور واذا تبي هات 10 الاف او اكثر
وخذ من المعارض

حصل التلاعب قبل كم سنة على الرنج وقبلها على
الكزس وعلى الجي اكس آر وغيرها وما زال في بعض
المعارض سيارات بأغلى من الوكالة باسم الحرية
وكيفه في حلالة الي يطول السيارات قد
ينتقل غدا لغيرها من السلع اذا لم
تفرض عليهم قوانين تمنع التلاعب والاحتكار
باسم التجارة

[khaldoon]

صراحة انا مندهش اشلون الناس تشتري من موزع أغلى من سعر الوكاله ؟؟؟!!!!

خلها تصدي ولا اشتريها .... انا اصلا لما اشوف الموزع يبيع بسعر اقل من سعر الوكاله اتوسوس و أتردد فما بالكم لو كان السعر اعلى

[naklan]

بعد سنه !!
والي يتسلف من بنك اسلامي ياخذون له سياره بالمبلغ المطلوب مع لفايده ثم يبيعها تكون غالبا تسجلت الملكيه بإسمه
طيب و إلي فعلا اشتراها واضطر لبسبب معين يبيعها ما يقدر عشان هالقانون!
أنا ضد تقييد الناس بحلالهم متى يبيعونه دامه صار لهم ،، ممكن تصير ببعض الأمور أسهم وغيره تمسك سنه عقب تحرر مثلا
لكن أملاك ثانيه كسياره وغيرها
الأفضل تفرض القوانيين على المعارض نفسها خل يقيدون فيها عدد معين من السيارات للمعارض كم سيارة ياخذون من الوكيل وتعطيهم التعليمات اللازمه و بحزم ما ترفع ريال واحد عن سعر الوكاله على عموم الناس
لأن كراعي معرض طبيعي ياخذها بسعرر أقل منهم
والمستعمل عاد على حسب بس طبيعي تكون أقل من الي يسمونها أصفاار

و الناس بعد لازم تشد حيلها يعني أنا أدري إنها بالوكاله 100الف مثلا ليش أخذها من المعرض بـ 120 الف!
وهي نفس اللون والمواصفات وغيرها خلها عنده لين يعرف يعيد تسعيرتها ،، يربح عليه بالعافيه بس لا يطمع بالكثييير


مرحبا اختي دانا 1
الي أقصدهم المعارض فقط وليس حلال الناس
هم الي يخلقون هذي المشكلة اذا حسو ان فيه ضغط بيع
على السيارة الفلانية المعرض ليش يشتري علشان يحط
فوقها ألاف ويبيع هذا استغلال واحتكار بشع الدولة
لازم توقف ضده وتوقفه عند حده

[naklan]

,

,


مرحبا


شكرا على الموضوع

ملاحظه طيبه

من المعروف للسيارات ان الوكيل يتعاقد مع ( موزعين )

ويعطيهم سعر اقل ب 10 الاف وهم يبيعون بسعر الوكاله
فما يكون هناك أي تكلفه على المستهلك

اما الي يحصل الان للأسف ( فوضى )

المعارض تحجز السيارات ( كلها ) الي عليها طلب
تاخذها المعارض وتعيد بيعها

وهي ما تملك حق ( الموزع )

تعيد بيعها اكثر من الوكاله وهذا مخالف للقانون ويشكل اكثر من قيمتها

المفروض ما تباع في المعارض الا ( المستعمل )
او الجديد ( وارد ) الكويت او دول أخرى ويكون سعرها منافس للوكاله اقل
حمايه المستهلك عليهم دور بهذا الموضوع

’

’


حيالله اخوي الحبيب شموخ دائم
رد في الصميم احنا ما نحسدهم من الربح
في المستعمل هذي أرزاق بس الدخول في تخريب
السوق واستغلال حاجة الناس مرفوض

تحياتي اخوي شموخ

[naklan]

صراحة انا مندهش اشلون الناس تشتري من موزع أغلى من سعر الوكاله ؟؟؟!!!!

خلها تصدي ولا اشتريها .... انا اصلا لما اشوف الموزع يبيع بسعر اقل من سعر الوكاله اتوسوس و أتردد فما بالكم لو كان السعر اعلى

حيالله المهندس خلدون
انت تقول خلها تصدي ولكن في ناس مضطرين
وما يلقى له مخرج الا عن طريق هالمعارض

[معماري قطري]

كثير سيارات يبعونها الفائزين في سباقات الخيل والهجن جديدة ويشترونها المعارض بسعر مناسب لهم ويتربحون منها بسعر مبالغ فيه أما بعضها لا

واحد من الربع الله يزيده غنى في بداية حياته العملية كان يشتري اسمنت برخيص أيام الصيف ويخزنه لين أيام الغلاء ويبيعه بربح كبير والتخزين في ارض مفتوحة عليه بس طربال كبير .. انا اعرف إن هالشغلة تعتبر احتكار لكن ممكن نشوفها استغلال فرص وتوفير مسبق للبضاعة حتى يتم بيعها بربح والله أعلم

الفرق بين المتاجرة والاحتكار فرق بسيط .. الاحتكار إنك تشتري سلعة معينة وتجمعها وتنزلها السوق بسعر مبالغ فيه بعد ما تمنع المنافسة .. اللي صاير من بعض الوكلاء ومعاهم المعارض إحتكار متفاهم عليه والكل يرفع .. شريت سيارة فيها شاشات وراء وصدقوني للحين ما شغلت الشاشات من 2012 ولا كنت بحاجتها بس مب موجودة بدون شاشات وبتكييف سيتات كل شيء يجي بكج ولو فيه منافسة في مواصفات السيارة وسعرها أكيد بتكون لمصلحة العميل

[معماري قطري]

لي صديق من ملاك المعارض عنده معرض 3 أبواب في مدينة المواتر ويوم دخلتها خالية وكأنها مدينة أشباح والمفروض يعطون المؤجر نص سنة مجاني .. قال لي الباب والقزاز هو مركبه والأرضيات وكل شيء كلفه وايد غير عن الأجار للباب 15 أو 20 ألف ما اذكر الرقم بالضبط .. هذا شلون يطلع تكاليفه لو يبيع بربح قليل؟

[ابو عبدالله.]

عمليه البيع بالجمله من الوكلاء للمعارض منظمه. و الوكلاء يصرفون كميات كبيره للمعارض منها يثبت سعر السيارات للزبائن و يعطي خصم بسيط للمعارض فيكون السعر بكل مكان متقارب

ومنها ضمن تصريف كل السيارات المستورده من المصنع

لاحظوا ان السيارات بسعر و قبل لا ينزل موديل اجدد تنخفض الاسعار بالمعارض عشر الاف تقريبا و الوكيل يقول ما عندي موديل السنه. احجز الموديل الجديد و انتظر شوي

قانونا مش احتكار الاحتكار هو انعدام توفر سلعه او منافسه و حصرها لدى تاجر واحد مع رفع سعرها

وجود السيارات بالمعارض ينفي الاحتكار و تقليل السعر بالمعارض ينفي انعدام المنافسه

هذا شي


الشي الثاني الي ذكرتوه عن حجز و شراء المعارض لموديل توه نازل و يبيعونه بسعر اعلى هذا قانوني لانه ما حصر او احتكر الموديل عنده. فقط اشترى اول دفعه او دفعتين و بالامكان اي زبون يحجز مثله تماما

صحيح احنا كمستهلكين نصاب بضرر اختفاء الموتر الجديد و توفره بسعر اعلى في المعارض لكن هالشي يسوونه الزبائن ايضا

تذكرون بعض المواتر الالمانيه اول ما يتغير شكلها تلقى اول دفعه محجوزه لزبائن و اول ما توصل. تنعرض بالجريده. بيع حجز موتر. و توصل البيعه ل 30 الف و فوق بعد

بيع حجز فقط يعني الموتر للحين بالجمارك هذولا زبائن. و شباب لقوا فرصه ان الي يبي موتر ب 300 الف بيدفع شوي زياده عشان كشخه موتر توه متغير موديله

مع اني ضد حجز دفعه لمعارض لكن ما الومهم. لقوا فرصه مثل ما الشباب كانوا يسوون ببيع حجز موتر

[naklan]

كثير سيارات يبعونها الفائزين في سباقات الخيل والهجن جديدة ويشترونها المعارض بسعر مناسب لهم ويتربحون منها بسعر مبالغ فيه أما بعضها لا

واحد من الربع الله يزيده غنى في بداية حياته العملية كان يشتري اسمنت برخيص أيام الصيف ويخزنه لين أيام الغلاء ويبيعه بربح كبير والتخزين في ارض مفتوحة عليه بس طربال كبير .. انا اعرف إن هالشغلة تعتبر احتكار لكن ممكن نشوفها استغلال فرص وتوفير مسبق للبضاعة حتى يتم بيعها بربح والله أعلم

الفرق بين المتاجرة والاحتكار فرق بسيط .. الاحتكار إنك تشتري سلعة معينة وتجمعها وتنزلها السوق بسعر مبالغ فيه بعد ما تمنع المنافسة .. اللي صاير من بعض الوكلاء ومعاهم المعارض إحتكار متفاهم عليه والكل يرفع .. شريت سيارة فيها شاشات وراء وصدقوني للحين ما شغلت الشاشات من 2012 ولا كنت بحاجتها بس مب موجودة بدون شاشات وبتكييف سيتات كل شيء يجي بكج ولو فيه منافسة في مواصفات السيارة وسعرها أكيد بتكون لمصلحة العميل

حيا الله بوعبدالله
استغلال الفرص حق مشروع ولكن
في ما ذكرت انا هم يصنعون هذه الازمة ويتربحون
منها يتبعهم تجار الفرص من الشريطية يتبعها
غلا في الوكالة ترفع السعر شوي شوي

[naklan]

عمليه البيع بالجمله من الوكلاء للمعارض منظمه. و الوكلاء يصرفون كميات كبيره للمعارض منها يثبت سعر السيارات للزبائن و يعطي خصم بسيط للمعارض فيكون السعر بكل مكان متقارب

ومنها ضمن تصريف كل السيارات المستورده من المصنع

لاحظوا ان السيارات بسعر و قبل لا ينزل موديل اجدد تنخفض الاسعار بالمعارض عشر الاف تقريبا و الوكيل يقول ما عندي موديل السنه. احجز الموديل الجديد و انتظر شوي

قانونا مش احتكار الاحتكار هو انعدام توفر سلعه او منافسه و حصرها لدى تاجر واحد مع رفع سعرها

وجود السيارات بالمعارض ينفي الاحتكار و تقليل السعر بالمعارض ينفي انعدام المنافسه

هذا شي


الشي الثاني الي ذكرتوه عن حجز و شراء المعارض لموديل توه نازل و يبيعونه بسعر اعلى هذا قانوني لانه ما حصر او احتكر الموديل عنده. فقط اشترى اول دفعه او دفعتين و بالامكان اي زبون يحجز مثله تماما

صحيح احنا كمستهلكين نصاب بضرر اختفاء الموتر الجديد و توفره بسعر اعلى في المعارض لكن هالشي يسوونه الزبائن ايضا

تذكرون بعض المواتر الالمانيه اول ما يتغير شكلها تلقى اول دفعه محجوزه لزبائن و اول ما توصل. تنعرض بالجريده. بيع حجز موتر. و توصل البيعه ل 30 الف و فوق بعد

بيع حجز فقط يعني الموتر للحين بالجمارك هذولا زبائن. و شباب لقوا فرصه ان الي يبي موتر ب 300 الف بيدفع شوي زياده عشان كشخه موتر توه متغير موديله

مع اني ضد حجز دفعه لمعارض لكن ما الومهم. لقوا فرصه مثل ما الشباب كانوا يسوون ببيع حجز موتر


مرحبا اخوي بوعبدالله
مشاركة قيمة اخوي العزيز شاهدت في احد القنوات
عن مقبرة السيارات الجديدة للصناع في اليابان سيارات بآلاف
تهجر في أراضي مفتوحة ويمنعون بيعها برخيص علشان
ما يتاثر سعر السيارة في الأسواق العالمية وعندنا
اغلب الوكالات عندهم موديلات اقدم بعضهم
عنده 2015 ما زال يعرضها للبيع بسعر
انقص بشي بسيط وعند جميع
الوكالات سيارات راح
موديلها

[naklan]

تكملة على ما ذكر اخوي بوعبدالله
عن بيع الحجز ب 30 الف وأكثر هذا الي يجب
ان تتدخل فيه الدولة اسطناع شح في عرض
سيارة معينة بالحجز العالي عليها ومن
ثم بيع حجز بتكسب غير مشروع

اذا الحكومة خلت القرعة ترعى بكرة بيطال هذا الجشع
كل شي بداعي التجارة الحرة التقنين في حالات معينة
وفي الصالح العام واجب على الحكومة

[ابو عبدالله.]

اتفق معاك. ان الافضل ان تدرس حمايه المستهلك هذه الافعال و تضع شروط او تنظيم معين يتفادى شح السلعه و المضاربه ع الحجوزات

اذكر وكاله ياباني حطت حجوزات بالاشهر قبل وصول السيارات و صار بيع ع حجوزاتها

اتصلت بجريده و قلت لهم كيف تاخذ وكاله. مقدم لسلعه لم تتوفر بالبلد اصلا و للحين ما تصنعت في اليابان لان الحجز قبل ست اشهر من وصولها لقطر. يعني ما تصنعت اصلا

ما نزلوا التعليق بالجريده لكن خلال كم يوم الغت الوكاله عمليه الزام الزبون بدفع مقدم لحجز سياره

عرفت ان الجريده اتصلوا اما بالوكاله او حمايه المستهلك و استفسروا عن امكانيه مخالفه قانون الاقتصاد و التجاره في طلب مقدم لبضاعه غير متوفره. او لم تصنع

الي ما عجبني. ان لازم حد يتصل و يشتكي. و حمايه المستهلك ايامها ما تحركت مع ان الكل يعرف ان هالوكيل يطلب مقدم للحجز

تخيل. الاف السيارات كلها بالحجز و مقدم لكل سياره

عيبنا اننا نجهل القوانين ولا من اول يوم حطوا مقدم الزامي. كان المفروض الف شخص يشتكي

[SouthK]

حيالله المهندس خلدون
انت تقول خلها تصدي ولكن في ناس مضطرين
وما يلقى له مخرج الا عن طريق هالمعارض

الغالي ما في شي يجبرك تاخذ شي تشوفه غالي .. المسألة ان الشخص ما يفكر تفكير صحيح!

[SouthK]

,

,


مرحبا


شكرا على الموضوع

ملاحظه طيبه

من المعروف للسيارات ان الوكيل يتعاقد مع ( موزعين )

ويعطيهم سعر اقل ب 10 الاف وهم يبيعون بسعر الوكاله
فما يكون هناك أي تكلفه على المستهلك

اما الي يحصل الان للأسف ( فوضى )

المعارض تحجز السيارات ( كلها ) الي عليها طلب
تاخذها المعارض وتعيد بيعها

وهي ما تملك حق ( الموزع )

تعيد بيعها اكثر من الوكاله وهذا مخالف للقانون ويشكل اكثر من قيمتها

المفروض ما تباع في المعارض الا ( المستعمل )
او الجديد ( وارد ) الكويت او دول أخرى ويكون سعرها منافس للوكاله اقل
حمايه المستهلك عليهم دور بهذا الموضوع

’

’

كلامك بيشجع الاحتكار اللي تحاربه الدولة بدون فايدة او نتائج ملحوظة .. طبعا قوانين وايد تشجع الاحتكار منها منع استيراد اي شيء له وكيل معتمد لكن اذا صج تبغي تغير امشي على مبدأ: خلوها تصدي!

[معماري قطري]

عني انا عمري ما استعجلت على سيارة والدفعة الأُولى هذي دوم ما افكر فيها خصوصاً شيء ما شفته وإن كنت أوثق فيه ما اضمن تجي بعيب تصنيعي معين يظهر مع الأيام الأُولى

[naklan]

اتفق معاك. ان الافضل ان تدرس حمايه المستهلك هذه الافعال و تضع شروط او تنظيم معين يتفادى شح السلعه و المضاربه ع الحجوزات

اذكر وكاله ياباني حطت حجوزات بالاشهر قبل وصول السيارات و صار بيع ع حجوزاتها

اتصلت بجريده و قلت لهم كيف تاخذ وكاله. مقدم لسلعه لم تتوفر بالبلد اصلا و للحين ما تصنعت في اليابان لان الحجز قبل ست اشهر من وصولها لقطر. يعني ما تصنعت اصلا

ما نزلوا التعليق بالجريده لكن خلال كم يوم الغت الوكاله عمليه الزام الزبون بدفع مقدم لحجز سياره

عرفت ان الجريده اتصلوا اما بالوكاله او حمايه المستهلك و استفسروا عن امكانيه مخالفه قانون الاقتصاد و التجاره في طلب مقدم لبضاعه غير متوفره. او لم تصنع

الي ما عجبني. ان لازم حد يتصل و يشتكي. و حمايه المستهلك ايامها ما تحركت مع ان الكل يعرف ان هالوكيل يطلب مقدم للحجز

تخيل. الاف السيارات كلها بالحجز و مقدم لكل سياره

عيبنا اننا نجهل القوانين ولا من اول يوم حطوا مقدم الزامي. كان المفروض الف شخص يشتكي


والله ياخوي بوعبدالله المسالة يبيلها تنظيم
لو كنت انا الوكيل مافيه حجز وعند وصول السيارات
تشوف السيارة وتشتري ولَك سيارة في السنة
وانتهى الأشكال

[naklan]

الغالي ما في شي يجبرك تاخذ شي تشوفه غالي .. المسألة ان الشخص ما يفكر تفكير صحيح!


اخوي فيه ناس مضطرين ومش في يدهم
واحد عمل حادث وتكنسلت سيارته ويبي سيارة يديده
وواحد يبي يشتري لعياله للمدرسة ووالا اخر ،،،،،،،،

[naklan]

عني انا عمري ما استعجلت على سيارة والدفعة الأُولى هذي دوم ما افكر فيها خصوصاً شيء ما شفته وإن كنت أوثق فيه ما اضمن تجي بعيب تصنيعي معين يظهر مع الأيام الأُولى


انت يالغالي راكد وفاهم ولكن
كم مطيور عندنا في الديرة لوكنت في حماية
المستهلك لأمرت فورا منع بيع اَي سيارة بأعلى من
سعر الوكيل وغرامة كبيرة لمن يبيع بأعلى من
التسعيرة سيارة ب 200 ما تقدر تبيعها
بد210 وكذا تقضي على طمع
المرتزقة وبلاك ووتر

[تاجر كشخة]

انا ضد شراء سيارة جديدة اصفار انا مع انك تشتري سيارة عمرها بالكثير 5 سنوات شد وكالة وبسعر ممتاز وتوفر على نفسك اقل شي 40 الف